၄ ရာ 10:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ နံနက်​ရောက်​သော် ယေဟု​သည် ထွက်လာ​ပြီး မြို့တံခါးဝ​၌​ရပ်​လျက် လူ​အပေါင်း​တို့​အား “​သင်​တို့ ဖြောင့်မတ်​ကြ​ပါ​ပေ​၏​။ ငါ​မူကား ငါ့​သခင်​ကို လုပ်ကြံ​သတ်ဖြတ်​ခဲ့​၏​။ ဤ​သူ​အားလုံး​ကို​ကား မည်သူ​သတ်​သနည်း​။

Common Language Bible

⁹ နံ​နက်​ရောက်​သော​အ​ခါ​ယေ​ဟု​သည် မြို့ တံ​ခါး​သို့​သွား​၍​ရောက်​ရှိ​နေ​သည့်​လူ​တို့ အား``ယော​ရံ​မင်း​ကို​လုပ်​ကြံ​ခဲ့​သူ​မှာ​ငါ ပင်​ဖြစ်​၏။ ထို​အ​မှု​အ​တွက်​သင်​တို့​တွင် တာ​ဝန်​မ​ရှိ​ပါ။ သို့​ရာ​တွင်​ဤ​သူ​တို့​ကို သတ်​သော​သူ​ကား​အ​ဘယ်​သူ​ဖြစ်​ပါ သ​နည်း။-

Garrad Bible

⁹ မိုး သောက် သော်၊ ယေ ဟု ထွက် ရပ် လျက် အို ဖြော့င် မတ် သူ တို့၊ ငါ သည် ငါ့ သ ခင့် တစ် ဘက်၌ အ တွင်း မီး ထ၍ ကွပ် မျက် လေ ပြီ။ ဤ မင်း သား တို့ ကို ကား မည် သူ လုပ် ကြံသ နည်း။

Judson Bible

⁹ နံ​နက်​ရောက်​မှ ယေ​ဟု​သည် ထွက်၍​ရပ်​လျက် လူ​များ​တို့​အား၊ အို​ဖြောင့်​မတ်​သော​လူ​တို့၊ ငါ​သည် ငါ့​သ​ခင်​တစ်​ဖက်၌ သင်း​ဖွဲ့၍ သတ်​လေ​ပြီ။ ဤ​သူ​အ​ပေါင်း​တို့​ကို​ကား အ​ဘယ်​သူ​သတ်​သ​နည်း။

၄ ရာ 10:9 Referencias Cruzadas

၄ ရာ 10:6

ယေဟု​က​လည်း သူ​တို့​ထံ ဒုတိယအကြိမ်​စာ​ရေး​လိုက်​ပြန်​၏​။ စာ​ထဲ၌ “​သင်​တို့​သည် ငါ့​စကား​ကို​နားထောင်​ပြီး ငါ့​ဘက်​၌​နေ​မည်​ဆို​လျှင် သင်​တို့​သခင်​၏​သား​များ​၏​ခေါင်း​ကို​ဖြတ်​ပြီး မနက်ဖြန်​ဤသို့​သော​အချိန်​၌ ငါ​ရှိ​ရာ​ယေဇရေလ​မြို့​သို့ ယူဆောင်​လာ​ကြ​လော့​”​ဟု ရေးထား​၏​။ ဘုရင့်​သား​တော်​အပါး​ခုနစ်ဆယ်​တို့​သည် အထိန်းတော်​များ​ဖြစ်​သော​မြို့မိမြို့ဖ​များ​နှင့်အတူ ရှိ​နေ​၏​။

၄ ရာ 10:8

တမန်​သည် ရောက်လာ​၍ ယေဟု​အား “​ဘုရင့်​သား​တော်​တို့​၏​ဦးခေါင်း​များ​ကို ယူဆောင်​လာ​ကြ​ပါ​ပြီ​”​ဟု ဆို​လျှင် ယေဟု​က “​နှစ်​ပုံ​ခွဲ​ပြီး နံနက်​တိုင်အောင် မြို့​တံခါးဝ​တွင် ပုံ​ထား​ပါ​”​ဟု အမိန့်ပေး​လိုက်​၏​။

၄ ရာ 12:21

သူ​၏​အမှုထမ်း​များ​ဖြစ်​သော ရှိမတ်​၏​သား​ယောဇကာ​နှင့် ရှောမာ​၏​သား​ယဟောဇဗဒ်​တို့​က​ပင် သူ့​ကို​လုပ်ကြံ​လိုက်​ခြင်း​ဖြစ်​၏​။ သူ​သည် အနိစ္စရောက်​၍ ဘိုးဘေး​တို့​နှင့်အတူ ဒါဝိဒ်​မြို့​တွင် သူ့​ကို သင်္ဂြိုဟ်​ကြ​၏​။ သူ​၏​သား​တော်​အာမဇိ​သည် သူ့​အရိုက်အရာ​ကို ဆက်ခံ​၏​။

ဟေ​ရှာ​ယ 5:3

ယခုမှာ အို ယုဒ​ပြည်သူ​ဂျေရုဆလင်​မြို့သား​တို့​၊ ငါ​နှင့်​ငါ့​စပျစ်ခြံ​အမှု​ကို တရားစီရင်​ပေး​ကြ​လော့​။

ဟော​ရှေ 1:4

ထာဝရဘုရား​က ဟောရှေ​အား “​ဤ​သား​အမည်​ကို ယေဇရေလ​ဟု မှည့်ခေါ်​လော့​။ အကြောင်းမှာ ယေဟု​အမျိုးအနွယ်​သည် ယေဇရေလ​အရပ်​တွင် လူသတ်​ခဲ့​သောကြောင့် သူ့​ကို​ငါ​ဆုံးမ​မည်​။ အစ္စရေး​အမျိုးအနွယ်​၏​မင်းဆက်​ကို အဆုံးသတ်​စေ​မည်​။

၁ ရာ 12:3

ယခု သင်​တို့​ရှေ့​မှာ ငါ​ရှိ​၏​။ မည်သူ့​နွား​ကို ငါ​ယူ​ဖူး​သနည်း​၊ မည်သူ့​မြည်း​ကို ငါ​ယူ​ဖူး​သနည်း​။ မည်သူ့​ကို ငါ​လှည့်စား​ဖူး​သနည်း​။ မည်သူ့​ကို ငါ​ညှဉ်းဆဲ​ဖူး​သနည်း​။ မသိကျိုးကျွန်​ပြု​ရန်​အတွက် မည်သူ့​ထံမှ ငါ​လာဘ်​ယူ​ဖူး​သနည်း​။ ထာဝရဘုရား​ရှေ့​၊ ဘိသိက်ခံ​ဘုရင်​၏​ရှေ့​တွင် သင်​တို့​သက်သေ​ပြ​လော့​။ ရှိ​ခဲ့​လျှင် ငါ​ပြန်​ပေးဆပ်​မည်​”​ဟု ဆို​၏​။