၃ ရာ 8:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ အစ္စရေး​လူမျိုး​၏​ဘုရားသခင်​ထာဝရဘုရား​၊ ကိုယ်တော်​၏​အစေအပါး အကျွန်ုပ်​၏​ခမည်းတော်​ဒါဝိဒ်​မင်းကြီး​အား ‘​ငါ့​ရှေ့မှောက်​၌ သင်​အသက်ရှင်​လျှောက်လှမ်း​ခဲ့​သည့်​နည်းတူ သင့်​သားမြေး​တို့​သည်​လည်း ငါ့​ရှေ့မှောက်​၌ တည်ကြည်​စွာ​အသက်ရှင်​လျှောက်လှမ်း​လျှင် သင့်​မျိုးရိုး​သည် ငါ့​ရှေ့မှောက် အစ္စရေး​ရာဇပလ္လင်​တွင် မပြတ်​စံမြန်း​ရ​လိမ့်မည်​’​ဟု မိန့်ဆို​ခဲ့​သည့်​စကား​ကို တည်​စေ​တော်မူ​ပါ​။

Common Language Bible

²⁵ `အို ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင် ထာ​ဝရ​ဘု​ရား၊ ကိုယ်​တော်​သည်​အ​ကျွန်ုပ်​၏​ခ​မည်း တော်​ဒါ​ဝိဒ်​အား​သင်​၏​သား​မြေး​တို့​သည် သင့် ကဲ့​သို့​ငါ့​စ​ကား​ကို​ဂ​ရု​ပြု​၍​နား​ထောင်​ကြ လျှင် ဣ​သ​ရေ​လ​ပြည်​တွင်​အ​ဘယ်​အ​ခါ​မျှ သင်​၏​အ​မျိုး​မင်း​ရိုး​ပြတ်​ရ​လိမ့်​မည်​မ​ဟုတ်' ဟု​မိန့်​တော်​မူ​ခဲ့​သည့်​က​တိ​တော်​အ​တိုင်း ယ​ခု​ပြု​တော်​မူ​ပါ။-

Garrad Bible

²⁵ သို့ ဖြစ် ၍ အို ဣ သ ရေ လ လူ မျိုး ၏ ဘု ရား သ ခင် ထာ ဝ ရ ဘု ရား၊ သင် လိုက် လျှောက် သည့် အ တိုင်း သား မြေး တို့ လည်း ငါ့ မျက် မှောက် တွင် လိုက် လျှောက် ရာ လမ်း ကို သ တိ ပြု ကြ လျှင် ငါ့ ရှေ့ ဣ သ ရေ လ ရာ ဇ ပ လ္လင် ထက် စံ ရ သော သင့် အ မျိုး မင်း ရိုး မ ပြတ် ရ ဟု ကျွန် တော် ရင်း ခ မည်း တော် ဒါ ဝိဒ် မင်း အား ထား ခဲ့ သော သ စ္စာ တော် ကို စောင့် တော် မူ ပါ။

Judson Bible

²⁵ အို ဣ​သ​ရေ​လ​အ​မျိုး၏ ဘု​ရား​သ​ခင်​ထာ​ဝ​ရ​ဘု​ရား၊ ကိုယ်​တော်​က၊ သင်​သည် ငါ့​ရှေ့​မှာ​ကျင့်​သ​ကဲ့​သို့ သင်၏​သား​မြေး​တို့​သည် ငါ့​ရှေ့​မှာ ကျင့်​လို​သော​ငှာ၊ မိ​မိ​တို့​သွား​ရာ​လမ်း​ကို​သ​တိ​ပြု​လျှင်၊ ငါ့​မျက်​မှောက်၌ ဣ​သ​ရေ​လ​နိုင်​ငံ၏ ရာ​ဇ​ပ​လ္လင်​ပေါ်​မှာ​ထိုင်​ရ​သော သင်၏​အ​မျိုး​မင်း​ရိုး​မ​ပြတ်​ရ​ဟု ကိုယ်​တော်​ကျွန် အ​ကျွန်ုပ်​အ​ဘ​ဒါ​ဝိဒ်၌ ထား​တော်​မူ​သော က​တိ​တော်​ကို ယ​ခု​စောင့်​တော်​မူ​ပါ။

၃ ရာ 8:25 Referencias Cruzadas

၃ ရာ 2:4

ထို့ပြင် ‘​သင်​၏​သားမြေး​တို့​သည် သူ​တို့​သွား​ရာ​လမ်း​တွင် စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ သစ္စာရှိ​လျက် ငါ့​မျက်မှောက်​၌​အသက်ရှင်​လျှောက်လှမ်း​ရန် စောင့်ထိန်း​ကြ​မည်​ဆို​လျှင် အစ္စရေး​လူမျိုး​၏​ရာဇပလ္လင်​ပေါ်တွင် သင်​၏​မျိုးဆက်​မ​ပြတ်​ရ​’​ဟု ငါ့​အား ကတိထား​ခဲ့​သည့်​စကား​တော်​အတိုင်း ထာဝရဘုရား​ပြု​တော်မူ​မည်​။

၃ ရာ 3:3

ရှောလမုန်​မင်းကြီး​သည် ထာဝရဘုရား​ကို​ချစ်​၍ ခမည်းတော်​ဒါဝိဒ်​မင်းကြီး​၏​သွန်သင်ချက်​အတိုင်း လိုက်လျှောက်​သော်လည်း အထွတ်အမြတ်​ထား​ရာ​ကုန်းမြင့်​များ​တွင် ယဇ်ပူဇော်​၍ နံ့သာပေါင်း​ကို မီးရှို့ပူဇော်​လေ့​ရှိ​သေး​၏​။

၃ ရာ 8:24

ကိုယ်တော်​၏​အစေအပါး အကျွန်ုပ်​၏​ခမည်းတော်​ဒါဝိဒ်​မင်းကြီး​၌ ထား​ခဲ့​သော​ကတိ​တော်​များ​ကို တည်​စေ​တော်မူ​ပြီ​။ နှုတ်​တော်​ဖြင့် ကတိထား​တော်မူ​ခဲ့​သည်​ကို ယနေ့​တွင် လက်တွေ့ ပြည့်စုံ​စေ​ပါ​ပြီ​။

၁ ရာ​ချုပ် 28:9

ငါ့​သား​ရှောလမုန်​၊ သင့်​ခမည်းတော်​ကိုးကွယ်​သော​ဘုရားသခင်​နှင့် သိကျွမ်း​အောင်​ပြု​လော့​။ စိတ်နှလုံး​အကြွင်းမဲ့​၊ စိတ်ဆန္ဒ​ရှိသမျှ​နှင့် အစေခံ​လော့​။ ထာဝရဘုရား​သည် စိတ်နှလုံး​ရှိသမျှ​ကို စစ်ဆေး​၍ တွေးတော​ကြံစည်​သမျှ​တို့​ကို သိနားလည်​တော်မူ​၏​။ သင်​သည် ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပယ်​လျှင်​မူကား သင်​လည်း ထာဝစဉ်​အစွန့်ပယ်​ခံရ​မည်​။

ဆာ​လံ 119:9

လူငယ်​သည် မိမိ​၏​ဘဝလမ်း​ကို မည်ကဲ့သို့ သန့်ရှင်းစင်ကြယ်​စေ​နိုင်​ပါ​မည်နည်း​ဟူမူကား ကိုယ်တော်​၏​နှုတ်ကပတ်တော်​အတိုင်း စောင့်ထိန်း​ရ​မည်​ဖြစ်​၏​။

ဆာ​လံ 132:12

သင်​၏​သား​တို့​သည် ငါ​၏​ပဋိညာဉ်​နှင့် သူ​တို့​အား ငါ​သင်ကြား​ပေး​သော ငါ​၏​သက်သေခံချက်​တို့​ကို စောင့်ထိန်း​ကြ​လျှင် သူ​တို့​၏​သား​များ​သည်​လည်း သင်​၏​ရာဇပလ္လင်​ပေါ် အစဉ်အမြဲ​ထိုင်​ရ​ကြ​လိမ့်မည်​”​ဟူ၍​ဖြစ်​၏​။