၃ ရာ 3:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁸ အစ္စရေး​လူမျိုး​အပေါင်း​တို့​သည် ထိုသို့​ရှင်ဘုရင်​စီရင်​လိုက်​သော​အမှု​ကို ကြားသိ​ရ​သောအခါ ရှင်ဘုရင်​၏​နှလုံးသား​ထဲတွင် ဘုရားသခင်​၏​ဉာဏ်ပညာ​တည်နေ​သောကြောင့်​သာ ဤသို့​စီရင်​နိုင်​ကြောင်း​ကို သိ​ကြ​သောကြောင့် ရှင်ဘုရင်​ကို ကြောက်ရွံ့ရိုသေ​ကြ​လေ​၏​။

Common Language Bible

²⁸ ရှော​လ​မုန်​၏​စီ​ရင်​ဆုံး​ဖြတ်​ချက်​ကို ဣသ​ရေ​လ ပြည်​သူ​ပြည်​သား​တို့​ကြား​ကြ​သော​အ​ခါ ဘု​ရား သခင်​သည်​မင်း​ကြီး​အား​တ​ရား​မျှ​တ​စွာ​စီ​ရင် ဆုံး​ဖြတ်​နိုင်​သော​ဉာဏ်​ပ​ညာ​ကို​ပေး​တော်​မူ ကြောင်း​သိ​ရှိ​လျက် မင်း​ကြီး​အား​လွန်​စွာ​ရို​သေ ကြ​၏။

Garrad Bible

²⁸ ထို သို့ ဘု ရင် မင်း စီ ရင် ဆုံး ဖြတ် ချက် ကို ဣ သ ရေ လ တစ် မျိုး လုံး ကြား သိ သော အ ခါ တ ရား စီ ရင် ရန် ဘုရား သ ခင့် ထံ မှ ပညာ တော် ရ ရှိ ကြောင်း မှတ် ကျုံး လျက် ဘု ရင် မင်း ကို ခန့် ညား ကြ ကုန် ၏။

Judson Bible

²⁸ ထို​သို့ ရှင်​ဘု​ရင်​စီ​ရင်​တော်​မူ​သည်​အ​ရာ​ကို ဣ​သ​ရေ​လ​အ​မျိုး​သား​အ​ပေါင်း​တို့​သည် ကြား​သိ​ကြ​သော​အ​ခါ၊ တ​ရား​စီ​ရင်​စေ​ခြင်း​ငှာ ဘု​ရား​သ​ခင်​ပေး​တော်​မူ​သော​ဉာဏ်​နှင့် ရှင်​ဘု​ရင်​ပြည့်​စုံ​ကြောင်း​ကို သိ​မြင်၍၊ ကိုယ်​တော်​ကို ကြောက်​ရွံ့​ရို​သေ​ကြ၏။

၃ ရာ 3:28 Referencias Cruzadas

၃ ရာ 10:9

မင်းကြီး​ကို​နှစ်သက်မြတ်နိုး​၍ အစ္စရေး​ရာဇပလ္လင်​တွင် စံမြန်း​စေ​တော်မူ​သော မင်းကြီး​၏​ဘုရားသခင်​ထာဝရဘုရား​သည် မင်္ဂလာ​ရှိ​စေ​သတည်း​။ ထာဝရဘုရား​သည် အစ္စရေး​လူမျိုး​ကို ထာဝရ​ချစ်​တော်မူ​သည်​ဖြစ်၍ သူ​တို့​ကို တရားမျှတ​စွာ​၊ ဖြောင့်မတ်​စွာ​စီရင်အုပ်ချုပ်​ရန် မင်းကြီး​ကို ရှင်ဘုရင်​အဖြစ် ခန့်ထား​တော်မူ​ပြီ​”​ဟု ဆို​လေ​၏​။

၃ ရာ 3:27

ထိုအခါ ရှင်ဘုရင်​က “​အသက်ရှင်​နေ​သော​ကလေး​ကို ပထမ​မိန်းမ​အား ပေးလိုက်​ပါ​။ အလျှင်း​မ​သတ်​ပါ​နှင့်​။ သူ​သည် ကလေး​၏​မိခင်​မှန်​၏​”​ဟု စီရင်​ပေး​လေ​၏​။

၃ ရာ 4:1

ရှောလမုန်​မင်းကြီး​သည် အစ္စရေး​လူမျိုး​တစ်မျိုးနွယ်လုံး​ကို အုပ်ချုပ်​ရ​၏​။

၁ ရာ​ချုပ် 29:24

မှူးမတ်​များ​၊ စစ်သူရဲ​များ​နှင့် ဒါဝိဒ်​မင်းကြီး​၏​သား​တော်​အပေါင်း​တို့​သည် ရှောလမုန်​မင်းကြီး​ထံ၌ သစ္စာခံ​ကြ​၏​။

ဧ​ဇ​ရ 7:25

သင်​ဧဇရ​သည်​လည်း သင်​ခံယူ​ရရှိ​သော​ဘုရားသခင်​၏​ဉာဏ်ပညာ​တော်​နှင့်အညီ ယူဖရေးတီး​မြစ်​အနောက်ဘက်ကမ်း​ရှိ ဘုရားသခင်​၏​ပညတ်တရား​ကို သိနားလည်​သူ​အပေါင်း​တို့​အား စီရင်အုပ်ချုပ်​ရန် အုပ်ချုပ်​သူ​များ​နှင့် တရားသူကြီး​များ​ကို​ခန့်အပ်​ရ​မည်​။ ပညတ်တရား​မ​သိ​သော​သူ​တို့​ကို​လည်း သွန်သင်​ပေး​ရ​မည်​။

ဆာ​လံ 72:2

ထို​မင်း​သည် ကိုယ်တော်​၏​လူမျိုး​တော်​ကို ဖြောင့်မတ်​ခြင်း​ဖြင့်​လည်းကောင်း​၊ အဖိနှိပ်​ခံရ​သော ကိုယ်တော်​၏​လူ​တို့​ကို တရားမျှတ​ခြင်း​ဖြင့်​လည်းကောင်း စစ်ကြောစီရင်​ပါစေသော​။

ဆာ​လံ 72:4

သူ​သည် လူမျိုး​တော်​ထဲမှ အဖိနှိပ်​ခံရ​သော​သူ​တို့​အတွက် တရားစီရင်​ပေး​၍ နွမ်းပါး​သော​သူ​၏​သားသမီး​များ​ကို ကယ်တင်​လျက် နှိပ်စက်​သော​သူ​တို့​ကို နှိမ်နင်း​ပါစေသော​။

ထွက်​မြောက် 14:31

ထာဝရဘုရား​သည် အီဂျစ်​လူမျိုး​တို့​ကို ကြီးမား​သော​တန်ခိုး​တော်​ဖြင့် စီရင်​တော်မူ​သည်​ကို အစ္စရေး​လူမျိုး​တို့ တွေ့မြင်​ကြ​သဖြင့် သူ​တို့​သည် ထာဝရဘုရား​ကို ကြောက်ရွံ့​ကြ​၏​။ ထာဝရဘုရား​ကို​လည်းကောင်း​၊ ကိုယ်တော်​၏​အစေအပါး​မောရှေ​ကို​လည်းကောင်း ယုံကြည်​ကြ​၏​။

သုတ္တံကျမ်း။ 16:10

ရှင်ဘုရင်​၏​နှုတ်ခမ်း​တွင် နိမိတ်စကား​ရှိ​၏​။ တရားစီရင်​ရာ​၌ သူ​၏​နှုတ်​သည် မှားယွင်း​မည်​မ​ဟုတ်​။

သုတ္တံကျမ်း။ 24:21

ငါ့​သား​၊ ထာဝရဘုရား​နှင့်​ရှင်ဘုရင်​ကို ကြောက်ရွံ့​လော့​။ ဖောက်ပြန်​ပြောင်းလဲ​သော​သူ​တို့​နှင့် ရောနှော​ဆက်ဆံ​ခြင်း​မ​ပြု​နှင့်​။

သုတ္တံကျမ်း။ 25:2

ဘုရားသခင်​၏​ဘုန်းအသရေ​ကား အမှုကိစ္စ​ကို​ဝှက်ထား​ခြင်း​ဖြစ်​၏​။ ရှင်ဘုရင်​တို့​၏​ဘုန်းအသရေ​ကား အမှုကိစ္စ​ကို​စူးစမ်း​ခြင်း​ဖြစ်​၏​။

သုတ္တံကျမ်း။ 8:15

ငါ့​အားဖြင့် ရှင်ဘုရင်​တို့​သည် စိုးစံ​ရ​၍ အုပ်ချုပ်​သူ​တို့​သည် ဖြောင့်မတ်​သော​လမ်းစဉ်​ကို ပြဋ္ဌာန်း​နိုင်​ကြ​၏​။

ဒေသနာကျမ်း။ 7:19

ဉာဏ်ပညာ​သည် ပညာရှိ​သော​သူ​ကို မြို့​ထဲ၌​ရှိ​သော​အုပ်ချုပ်​သူ​ဆယ်​ဦး​ထက် ပို၍​အားကြီး​စေ​တတ်​၏​။

ဟေ​ရှာ​ယ 28:6

တရားပလ္လင်​ပေါ်​ထိုင်​သော​သူ​အတွက် တရားမျှတ​ခြင်း​ဝိညာဉ်​၊ မြို့​တံခါး​၌ ရန်သူ​ကို​တွန်းလှန်​သော​သူ​တို့​အတွက် ရဲစွမ်းသတ္တိ ဖြစ်​တော်မူ​မည်​။

ဒံ​ယေ​လ 1:17

ဘုရားသခင်​သည် ထို​လူငယ်​လေး​ဦး​အား ထိုးထွင်းဉာဏ်​၊ စာပေကျမ်းဂန်​အလုံးစုံ​ကို နားလည်​နိုင်​သော​ဉာဏ်ပညာ​ကို ပေး​တော်မူ​၏​။ ထို့ပြင် ဒံယေလ​ကို ဗျာဒိတ်နိမိတ်​နှင့် အိပ်မက်​အနက်​ကို နားလည်​နိုင်​သော​ဉာဏ်​ကို​လည်း ပေး​သေး​၏​။

ဒံ​ယေ​လ 2:21

ကိုယ်တော်​သည် အချိန်​နှင့် ရာသီဥတု​ကို ပြောင်းလဲ​စေ​နိုင်​၏​။ ရှင်ဘုရင်​တို့​ကို​လည်း နန်းတင်​နန်းချ ပြု​နိုင်​၏​။ ပညာရှိ​ကို ဉာဏ်ပညာ​ပေး​တော်မူ​၏​။ ဉာဏ်ရှိသူ​ကို​လည်း အသိပညာ​ပေး​တော်မူ​၏​။

ဒံ​ယေ​လ 2:47

ထို့ပြင် ရှင်ဘုရင်​က ဒံယေလ​အား “​စင်စစ် သင်​၏​ဘုရားသခင်​သည် ဘုရား​တကာ​တို့​၏​ဘုရား​၊ ဘုရင်​တကာ​တို့​၏​အရှင်သခင်​၊ နက်နဲသောအရာ​ကို ဖွင့်ပြ​နိုင်​သော​အရှင် ဖြစ်​တော်မူ​၏​။ ထို့ကြောင့် သင်​သည်​လည်း ဤ​နက်နဲသောအရာ​ကို ဖွင့်ပြ​နိုင်​ခြင်း ဖြစ်​၏​”​ဟု မိန့်ဆို​၏​။

ဒံ​ယေ​လ 5:11

အရှင်မင်းကြီး​၏​နိုင်ငံ​တော်​တွင် သန့်ရှင်း​သော​ဘုရား​များ​၏​ဝိညာဉ်​နှင့်​ပြည့်​သော​သူ​တစ်ဦး ရှိ​ပါ​၏​။ ထို​သူ​သည် အရှင်မင်းကြီး​၏​ခမည်းတော်​လက်ထက်​ကပင် ဉာဏ်​အလင်း​၊ ပိုင်းခြား​သိ​နိုင်​သော​ဉာဏ်​၊ ဘုရား​ဉာဏ်​နှင့်​တူ​သော​ဉာဏ် ရှိ​သော​သူ​အဖြစ် ကျော်ကြား​ခဲ့​၏​။ အရှင်မင်းကြီး​၏​ခမည်းတော်​နေဗုခဒ်နေဇာ​မင်းကြီး​သည် သူ့​အား မှော်ဆရာ​များ​၊ ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ဆရာ​များ​၏​အကြီးအမှူး​အဖြစ် ခန့်အပ်​ခဲ့​၏​။

၁ ကော 1:24

သို့သော် ဂျူး​လူမျိုး​ဖြစ်စေ၊ ဂရိ​လူမျိုး​ဖြစ်စေ ခေါ်ယူ​တော်မူ​ခြင်း​ခံရ​သော​သူ​တို့​အတွက် ခရစ်တော်​သည် ဘုရားသခင်​၏​တန်ခိုး​တော်​နှင့် ဘုရားသခင်​၏​ဉာဏ်ပညာ​တော်​ဖြစ်​၏။

၁ ကော 1:30

သင်​တို့​သည် ဘုရားသခင်​အားဖြင့် ခရစ်တော်​ယေရှု​၌​တည်​နေ​ကြ​၏။ ခရစ်တော်​သည် ငါ​တို့​အတွက် ဘုရားသခင်​ထံမှ​လာ​သော ဉာဏ်ပညာ​ဖြစ်​တော်မူ​ပြီး ဖြောင့်မတ်​ခြင်း၊ သန့်ရှင်း​ခြင်း​နှင့် ရွေးနုတ်​ခြင်း​ဖြစ်​တော်မူ​၏။

ကော​လော​သဲ 2:2

ဤသည်ကား သူ​တို့​သည် စိတ်နှလုံး​နှစ်သိမ့်​မှု​ကို​ခံစား​ရ​၍ ချစ်​ခြင်း​မေတ္တာ​၌ ပေါင်းစည်း​ခြင်း​ခံရ​ကာ ဉာဏ်စွမ်း​နှင့်ဆိုင်သော​စိတ်ချမှု​နှင့်​ကြွယ်ဝ​ပြည့်စုံ​သဖြင့် ဘုရားသခင်​၏​လျှို့ဝှက်​နက်နဲ​သော​အရာ​တည်းဟူသော ခရစ်တော်​ကို​သိ​ကြ​မည့်​အကြောင်း​တည်း။

ကော​လော​သဲ 2:3

ထို​ခရစ်တော်​ထဲ၌ ဉာဏ်ပညာ​နှင့်​အသိပညာ​တို့​၏​ရတနာ​ရှိသမျှ​တို့​သည် ဖုံးကွယ်​လျက်​ရှိ​ကြ​၏။

ယော​ရှု 4:14

ထို​နေ့​တွင် ထာဝရဘုရား​သည် ယောရှု​ကို အစ္စရေး​အပေါင်း​တို့​၏​ရှေ့​၌ ချီးမြှောက်​တော်မူ​၏​။ သူ​တို့​သည် မောရှေ​ကို​ကြောက်ရွံ့ရိုသေ​သကဲ့သို့ ယောရှု​အသက်ရှင်​သမျှ​ကာလ​ပတ်လုံး သူ့​ကို​ကြောက်ရွံ့ရိုသေ​ကြ​၏​။

၁ ရာ 12:18

ရှမွေလ​သည် ထာဝရဘုရား​ထံ ဆုတောင်း​သောအခါ ထို​နေ့​တွင် ထာဝရဘုရား​သည် မိုးချုန်းသံ​နှင့်တကွ မိုး​ကို ရွာသွန်း​စေ​တော်မူ​သဖြင့် လူ​အပေါင်း​တို့​သည် ထာဝရဘုရား​နှင့်​ရှမွေလ​ကို အလွန်​ကြောက်ရွံ့​ကြ​လေ​၏​။