၃ ရာ 2:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ အကျွန်ုပ်​ကို ခိုင်ခံ့​စေ​၍ ခမည်းတော်​ဒါဝိဒ်​မင်းကြီး​၏​ရာဇပလ္လင်​တွင် စံမြန်း​စေ​တော်မူ​ပြီး ကတိထား​တော်မူ​ခဲ့​သည့်​အတိုင်း အကျွန်ုပ်​အား နန်းမွေ​ဆက်ခံ​စေ​တော်မူ​သော​ထာဝရဘုရား အသက်ရှင်​တော်မူ​သည်​နှင့်အညီ ယနေ့​တွင် အဒေါနိယ​သေ​ရ​မည်​”​ဟု ကျိန်ဆို​လေ​၏​။

Common Language Bible

²⁴ ထာ​ဝ​ရ​ဘု​ရား​သည်​ငါ့​အား​ခ​မည်း​တော် ဒါ​ဝိဒ်​၏​ရာ​ဇ​ပလ္လင်​ပေါ်​တွင် တည်​မြဲ​စွာ​တည် ၍​ထား​တော်​မူ​လေ​ပြီ။ ကိုယ်​တော်​သည်​မိ​မိ ၏​က​တိ​တော်​ရှိ​သည့်​အ​တိုင်း ငါ​နှင့်​ငါ​၏ သား​မြေး​တို့​အား​နိုင်​ငံ​တော်​ကို​ပေး​တော် မူ​လေ​ပြီ။ အ​ဒေါ​နိ​ယ​သည်​ယ​နေ့​ပင်​လျှင် သေ​ရ​မည်​ဖြစ်​ကြောင်း အ​သက်​ရှင်​တော်​မူ သော​ထာ​ဝ​ရ​ဘု​ရား​ကို​တိုင်​တည်​၍​ငါ ကျိန်​ဆို​ပါ​၏'' ဟု​အ​လေး​အ​နက်​အ​ဋ္ဌိ ဋ္ဌာန်​ပြု​တော်​မူ​၏။

Garrad Bible

²⁴ က တိ တော် နှင့် အ ညီ ခ မည်း တော် ဒါ ဝိဒ် မင်း၏ ရာ ဇ ပ လ္လင် ပေါ် တွင် ငါ့ ကို ခိုင် ခံ့ စွာ တင်၍ နန်း ညွန့် နန်း နွယ် ကို ပေး သ နား တော် မူ သော ထာ ဝ ရ ဘု ရား အ သက် ရှင် တော် မူ သည့် အ တိုင်း အ ဒေါ နိ ယ သည် ယ နေ့ သေ ဒဏ် ခံ ရ မည် ဟု ထာ ဝ ရ ဘု ရား ကို တိုင် တည် လျက် သ စ္စာ ဆို ပြီး နောက်

Judson Bible

²⁴ ငါ့​ကို​မြဲ​မြံ​စေ​သ​ဖြင့်၊ ငါ့​ခ​မည်း​တော်​ဒါ​ဝိဒ်၏​ရာ​ဇ​ပ​လ္လင်​တော်​ပေါ်​မှာ တင်၍ က​တိ​တော်​နှင့်​အ​ညီ ငါ့​နေ​ရာ​နန်း​တော်​ကို ပေး​တော်​မူ​သော ထာ​ဝ​ရ​ဘု​ရား အ​သက်​ရှင်​တော်​မူ​သည်​အ​တိုင်း၊ အ​ဒေါ​နိ​ယ​သည် ယ​နေ့​အ​သေ​ခံ​ရ​မည်​ဟု ထာ​ဝ​ရ​ဘု​ရား​ကို​တိုင်​တည်၍ ကျိန်​ဆို​ပြီး​မှ၊

၃ ရာ 2:24 Referencias Cruzadas

၂ ရာ 12:10

သင်​သည် ငါ့​ကို မထီမဲ့မြင်ပြု​ပြီး ဟိတ္တိ​လူမျိုး ဥရိယ​၏​မယား​ကို သင့်​မိဖုရား​အဖြစ် သိမ်းယူ​သောကြောင့် သင့်​အမျိုးအနွယ်​သည် ဓားဘေး​နှင့် အမြဲတစေ​ကြုံ​ရ​လိမ့်မည်​’​ဟု မိန့်​တော်မူ​၏​။

၂ ရာ 7:27

သို့ဖြစ်၍ အို အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​၊ ကိုယ်တော့်​အစေအပါး​အား ‘​သင့်​အမျိုးအနွယ်​ကို ငါ​တည်​စေ​မည်​’​ဟု ကြားသိ​စေ​ပါ​ပြီ​။ ထို့ကြောင့် ကိုယ်တော့်​အစေအပါး​သည် ဤသို့​ဆုတောင်း​ဝံ့​ခြင်း​ဖြစ်​ပါ​၏​။

၃ ရာ 1:29

ရှင်ဘုရင်​က “​ငါ့​အသက်​ကို ဘေးအန္တရာယ်​အပေါင်း​မှ ကယ်တင်​တော်မူ​သော ထာဝရဘုရား အသက်ရှင်​တော်မူ​သည်​နှင့်အညီ

၃ ရာ 1:46

ရှောလမုန်​သည်​လည်း ဘုရင့်​ရာဇပလ္လင်​ပေါ်တွင် စံမြန်း​နေ​ပါ​ပြီ​။

၃ ရာ 1:52

ထိုအခါ ရှောလမုန်​မင်းကြီး​က “​သူ​သည် ဖြောင့်မှန်​သော​သူ​ဖြစ်​လျှင် သူ့​ဆံချည်​တစ်​မျှင်​မျှ မြေ​ပေါ်​မ​ကျ​စေ​ရ​။ သို့သော် မကောင်းမှု​ပြု​သော​သူ​ဖြစ်​လျှင် အမှန်​သေ​ရ​မည်​”​ဟု မိန့်ဆို​၏​။

၃ ရာ 10:9

မင်းကြီး​ကို​နှစ်သက်မြတ်နိုး​၍ အစ္စရေး​ရာဇပလ္လင်​တွင် စံမြန်း​စေ​တော်မူ​သော မင်းကြီး​၏​ဘုရားသခင်​ထာဝရဘုရား​သည် မင်္ဂလာ​ရှိ​စေ​သတည်း​။ ထာဝရဘုရား​သည် အစ္စရေး​လူမျိုး​ကို ထာဝရ​ချစ်​တော်မူ​သည်​ဖြစ်၍ သူ​တို့​ကို တရားမျှတ​စွာ​၊ ဖြောင့်မတ်​စွာ​စီရင်အုပ်ချုပ်​ရန် မင်းကြီး​ကို ရှင်ဘုရင်​အဖြစ် ခန့်ထား​တော်မူ​ပြီ​”​ဟု ဆို​လေ​၏​။

၁ ရာ​ချုပ် 17:10

စီရင်အုပ်ချုပ်​သူ​တို့​ကို ခန့်ထား​ပြီး ငါ့​လူမျိုး​တော်​အစ္စရေး​တို့​ကို အုပ်ချုပ်​စေ​သော​အချိန်​က​ကဲ့သို့​လည်း ခံရ​တော့​မည်​မ​ဟုတ်​။ ရန်​အပေါင်း​ကို ကင်းငြိမ်း​စေ​မည်​။ သင့်​အမျိုးအနွယ်​ကို​လည်း တည်​စေ​မည်​။

၁ ရာ​ချုပ် 17:17

အို ဘုရားသခင်​၊ ဤ​အရာ​သည် ကိုယ်တော့်​အဖို့ အသေးအဖွဲ​သာ​ဖြစ်​ပါ​၏​။ ကိုယ်တော့်​အစေအပါး​၏​အနာဂတ်​မျိုးဆက်​နှင့်​ပတ်သက်၍​လည်း ကိုယ်တော်​မိန့်​တော်မူ​လေ​ပြီ​။ အို ဘုရားသခင်​ထာဝရဘုရား​၊ ကိုယ်တော်​သည် အကျွန်ုပ်​အား ချီးမြှောက်​ခြင်း​ကို ခံထိုက်သူ​အဖြစ် မြင်​တော်မူ​ပါ​သည်​တကား​။

၁ ရာ​ချုပ် 17:23

အို ထာဝရဘုရား​၊ ယခုမှာ ကိုယ်တော့်​အစေအပါး​အတွက်​၊ ကိုယ်တော့်​အစေအပါး​၏​အမျိုးအနွယ်​အတွက် ကိုယ်တော်​ထား​တော်မူ​သော​ကတိ​တော်​ကို အစဉ်​တည်​စေ​တော်မူ​ပါ​။ ကတိ​တော်​အတိုင်း​လည်း ပြု​ပေး​တော်မူ​ပါ​။

၁ ရာ​ချုပ် 22:10

သူ​သည် ငါ့​နာမ​တည်​ရာ​အိမ်​တော်​ကို တည်ဆောက်​လိမ့်မည်​။ သူ​သည် ငါ့​သား​ဖြစ်​မည်​။ ငါ​သည်​လည်း သူ့​အဖ​ဖြစ်​မည်​။ သူ​သည် အစ္စရေး​လူမျိုး​တို့​ကို အုပ်ချုပ်​၍ သူ့​နိုင်ငံ​၏​ရာဇပလ္လင်​ကို​လည်း ငါ​တည်မြဲ​စေ​မည်’​ဟု မိန့်ဆို​ပြီ​။

၁ ရာ​ချုပ် 29:23

ရှောလမုန်​သည် ခမည်းတော်​ဒါဝိဒ်​မင်းကြီး​၏​အရိုက်အရာ​ကို​ဆက်ခံ​၍ ထာဝရဘုရား​၏​ရာဇပလ္လင်​တော်​ပေါ်တွင် စံနေ​သောအခါ သူ​သည် ထွန်းပေါက်​အောင်မြင်​ပြီး အစ္စရေး​လူမျိုး​တစ်မျိုးနွယ်လုံး​က သူ့​ကို နာခံ​လေ​၏​။

ဆာ​လံ 127:1

ထာဝရဘုရား​သည် အိမ်​ကို ဆောက်​တော်​မ​မူ​လျှင် အိမ်ဆောက်​သော​သူ​တို့​သည် အချည်းနှီး​ကြိုးပမ်းအားထုတ်​ကြ​၏​။ ထာဝရဘုရား​သည် မြို့​ကို​စောင့်​တော်​မ​မူ​လျှင် စောင့်​သော​သူ​သည် အချည်းနှီး​စောင့်ကြပ်​၏​။

ထွက်​မြောက် 1:21

ထို​ဝမ်းဆွဲ​တို့​သည် ဘုရားသခင်​ကို ကြောက်ရွံ့​သောကြောင့် သူ​တို့​အား မိသားစု​ဘဝ​ကို​ပေးသနား​တော်မူ​၏​။

သုတ္တံကျမ်း။ 20:2

ရှင်ဘုရင်​နှင့်ဆိုင်သော ကြောက်ရွံ့ထိတ်လန့်ဖွယ်​သော​အရာ​သည် ခြင်္သေ့ပျို​ဟောက်​သကဲ့သို့​ဖြစ်​၏​။ သူ့​ကို​အမျက်ထွက်​စေ​သော​သူ​သည် မိမိ​အသက်​ကို​ဆုံးရှုံး​ရ​တတ်​၏​။

၁ ရာ 25:28

သခင့်​ကျွန်မ​၏​အပြစ်​ကို ခွင့်လွှတ်​တော်မူ​ပါ​။ သခင်​သည် ထာဝရဘုရား​အဖို့ စစ်တိုက်​သော​သူ​ဖြစ်​ပါ​၏​။ သခင်​အသက်ရှင်​သမျှ​ကာလ​ပတ်လုံး သခင်​၌ မည်သည့်​မကောင်းမှု​ကို​မျှ မ​တွေ့​ရ​ပါ​။ သို့ဖြစ်၍​ထာဝရဘုရား​သည် အကျွန်ုပ်​သခင်​၏​အမျိုးအနွယ်​ကို တည်မြဲ​စေ​တော်မူ​ပါစေသော​။