၃ ရာ 17:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ကျီးအ​တို့​သည် သူ့​အတွက် အသား​နှင့်​မုန့်​တို့​ကို နံနက်​တစ်​ကြိမ်​၊ ညနေ​တစ်​ကြိမ် ယူဆောင်​လာ​ပေး​၏​။ ထို​ချောင်း​မှ​ရေ​ကို သူ​သောက်​၏​။

Common Language Bible

⁶ သူ​သည်​ချောင်း​ရေ​ကို​သောက်​၏။ ကျီး​အ​တို့ သည်​သူ​စား​ရန်​မုန့်​နှင့်​အ​မဲ​သား​ကို နေ့​စဉ် နေ့​တိုင်း​နံ​နက်​၌​တစ်​ကြိမ်​ည​နေ​၌​တစ်​ကြိမ် ယူ​ဆောင်​လာ​၏။-

Garrad Bible

⁶ နံ နက် တစ် ကြိမ်၊ ညဉ့် တစ် ကြိမ်၊ ကျီး အ တို့ ပေး လာ သော မုန့် နှင့် ဟင်း လျာ ကို စား ၍ ချောင်း ရေ ကို သောက် ရ လေ ၏။

Judson Bible

⁶ ကျီး​အ​တို့​သည် နေ့​တိုင်း နံ​နက်​တစ်​ခါ၊ ညဉ့်​ဦး​တစ်​ခါ မုန့်​နှင့် အ​မဲ​သား​ကို ဆောင်​ခဲ့​ကြ၏။ ချောင်း​ရေ​ကို​လည်း​သောက်​ရ၏။

၃ ရာ 17:6 Referencias Cruzadas

၃ ရာ 13:28

သူ​သည်​လည်း ထွက်သွား​၍ လမ်း​ပေါ်တွင် လဲကျ​နေ​သော​အလောင်း​နှင့် အလောင်း​ဘေး​တွင်​ရပ်​နေ​သော မြည်း​နှင့်​ခြင်္သေ့​ကို​တွေ့​၏​။ ခြင်္သေ့​သည် အသေကောင်​ကို​မ​စား​၊ မြည်း​ကို​လည်း မ​ကိုက်​ပေ​။

၃ ရာ 17:5

ဧလိယ​လည်း ထွက်သွား​၍ ထာဝရဘုရား​မိန့်​တော်မူ​သည့်​အတိုင်း ဂျော်ဒန်​မြစ်​အရှေ့ဘက်​ရှိ ခေရိတ်​ချောင်း​နား​တွင် သွားရောက်​နေထိုင်​လေ​၏​။

၃ ရာ 17:7

သို့သော် မြေ​ပေါ်တွင် မိုး​မ​ရွာ​သဖြင့် ကာလ​အတန်ကြာ​သောအခါ ချောင်းရေ​ခန်းခြောက်​သွား​လေ​၏​။

၃ ရာ 19:6

သူ​ကြည့်လိုက်​သောအခါ ခေါင်းရင်း​နား​တွင် ကင်​ထား​သော​မုန့်​တစ်​ချပ်​နှင့် ရေဘူး​တစ်​ဘူး​ကို တွေ့​၏​။ သူ​သည် စား​သောက်​ပြီး ပြန်၍​အိပ်ပျော်​သွား​လေ​၏​။

၃ ရာ 19:8

ထို့ကြောင့် သူ​သည် ထ​၍​စား​သောက်​၏​။ ထို​အစားအစာ​ကြောင့် အားပြည့်​လာ​ပြီး ဟောရပ်​ဟူသော​ဘုရားသခင်​၏​တောင်​သို့ ရက်​လေးဆယ်​ပတ်လုံး​ခရီးဆက်​၍

ဆာ​လံ 33:18

ကြည့်ရှု​လော့​။ ထာဝရဘုရား​သည် မိမိ​ကို​ကြောက်ရွံ့​သော​သူ​တို့​နှင့် မိမိ​မေတ္တာကရုဏာ​တော်​ကို မျှော်လင့်ကိုးစား​သော​သူ​တို့​၏​စိတ်ဝိညာဉ်​ကို ကြည့်ရှု​တော်မူ​၏​။

ဆာ​လံ 37:19

သူ​တို့​သည် ဆိုးရွား​သော​ကာလ​၌ အရှက်ကွဲ​ကြ​ရ​လိမ့်မည်​မ​ဟုတ်​။ အစာခေါင်းပါး​သော​နေ့​၌​လည်း ဝလင်​ရ​ကြ​လိမ့်မည်​။

ဆာ​လံ 37:3

ထာဝရဘုရား​ကို​ယုံကြည်ကိုးစား​လျက် ကောင်း​သော​အမှု​ကို​ပြု​လော့​။ ပြည်​တော်​၌​နေထိုင်​၍ သစ္စာတရား​၌​ကျက်စား​လော့​။

ထွက်​မြောက် 16:35

အစ္စရေး​အမျိုးသား​တို့​သည် သူ​တို့​အခြေချ​နေထိုင်​မည့်​ပြည်​သို့​မ​ရောက်​မ​ချင်း အနှစ်​လေးဆယ်​ပတ်လုံး မန္နမုန့်​ကို​စား​ကြ​၏​။ သူ​တို့​သည် ခါနာန်​ပြည်​နယ်နိမိတ်​သို့​မ​ရောက်​မ​ချင်း မန္နမုန့်​ကို​စား​ကြ​၏​။

ဟေ​ရှာ​ယ 33:16

ထို​သူ​သည် မြင့်ရာအရပ်​၌ နေ​ရ​လိမ့်မည်​။ ခိုင်ခံ့​သော​ကျောက်တောင်​၌ ခိုလှုံ​ရ​၍ သူ့​အား အစားအစာ​ပေး​ကြ​၏​။ သူ​၌ သောက်ရေ​မပြတ်​။

ယေ​ရ​မိ 37:21

ထို့နောက် ဇေဒကိ​မင်းကြီး​၏​အမိန့်​တော်​ဖြင့် ယေရမိ​ကို ထောင်ဝင်း​ထဲ၌ ထား​ကြ​၏​။ မြို့​ထဲရှိ မုန့်​များ​မ​ရှိ​တော့​သည်​အထိ သူ့​အား မုန့်ဖုတ်တန်း​မှ မုန့်​တစ်​လုံး​ကို နေ့စဉ်​ပေး​ရ​၏​။ ဤသို့ ယေရမိ​သည် ထောင်ဝင်း​ထဲ၌ နေ​ရ​လေ​၏​။

ယေ​ရ​မိ 40:4

ကြည့်ရှု​လော့​။ ယခုတွင် သင့်​လက်​၌​ချည်နှောင်​ထား​သော​ကြိုး​ကို ဖြေပေး​မည်​။ ငါ​နှင့်အတူ ဘေဘီလုံ​မြို့​သို့​လိုက်​လို​လျှင်​လိုက်​ပါ​။ သင့်​ကို ကောင်းစွာ​ကြည့်ရှု​ပါ​မည်​။ ဘေဘီလုံ​မြို့​သို့ ငါ​နှင့်​သင်​မ​လိုက်​လို​လျှင်​လည်း မလိုက်​ပါ​နှင့်​။ တိုင်းပြည်​တစ်ပြည်လုံး သင့်​ရှေ့မှောက်​တွင်​ရှိ​၏​။ ကောင်း​မည်​၊ အဆင်ပြေ​မည်​ဟု သင်​ထင်​သည့်​နေရာ​များ​သို့ သင်​သွား​နိုင်​၏​”​ဟု ဆို​လေ​၏​။

တော​လည် 11:23

ထိုအခါ ထာဝရဘုရား​က မောရှေ​အား “​ငါ​ထာဝရဘုရား​၏​လက်​သည် တို​သလော​။ ငါ​၏​စကား​တည်​သည်​၊ မတည်​သည်​ကို ယခု သင်​သိမြင်​ရ​လိမ့်မည်​”​ဟု မိန့်​တော်မူ​၏​။

မဿဲ 19:26

သို့သော် ယေရှု​သည် သူ​တို့​ကို​စူးစိုက်​ကြည့်​လျက်“ဤ​အရာ​သည် လူ​တို့​အတွက် မ​ဖြစ်နိုင်​သော်လည်း ဘုရားသခင်​အတွက် အရာ​ခပ်သိမ်း​သည် ဖြစ်နိုင်​၏”​ဟု မိန့်​တော်မူ​၏။

လုကာ 22:35

ထို့နောက် ကိုယ်တော်​က“ငါ​သည် သင်​တို့​ကို ငွေ​အိတ်၊ လွယ်အိတ်​နှင့် ဖိနပ်​မ​ပါ​ဘဲ စေလွှတ်​သောအခါ သင်​တို့​တွင် လိုအပ်​မှု​တစ်စုံတစ်ရာ​ရှိ​ခဲ့​သလော”​ဟု တပည့်​တော်​တို့​အား​မေး​တော်မူ​လျှင် သူ​တို့​က “မ​ရှိ​ခဲ့​ပါ”​ဟု လျှောက်​ကြ​၏။

ဟေ​ဗြဲ 6:18

ဤသည်ကား ရှေ့၌​ပြင်ဆင်​ထား​သော​မျှော်လင့်​ခြင်း​ကို ဆွတ်ခူး​နိုင်​ရန်​အတွက် ထွက်ပြေး​လာ​သော​ငါ​တို့​သည် ဘုရားသခင်​မုသား​မ​သုံး​နိုင်​သော​အရာ​တည်းဟူသော မ​ပြောင်းလဲ​နိုင်​သည့်​အရာ​နှစ်​ပါး​အားဖြင့် ကြီးမား​သော​နှစ်သိမ့်​မှု​ကို​ခံစား​ရ​ကြ​မည့်​အကြောင်း​တည်း။

သူ​ကြီး 14:14

ထိုအခါ ရှံဆုန်​က “​စား​တတ်​သူ​ထဲက စားစရာ​၊ အားကြီး​သူ​ထဲက ချိုမြိန်​ခြင်း ထွက်​၏​”​ဟု စကားထာဝှက်​လေ​၏​။ သူ​တို့​သည် သုံး​ရက်​ကြာ​သည်​အထိ စကားထာ​၏​အဖြေ​ကို မ​ပြောပြ​နိုင်​ကြ​။