၃ ရာ 17:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ဧလိယ​၏​တောင်းလျှောက်သံ​အား ထာဝရဘုရား​နားညောင်း​တော်မူ​ပြီး သူငယ်​ကို အသက်​ပြန်သွင်း​ပေး​၍ သူငယ် အသက်​ပြန်ရှင်​လာ​လေ​၏​။

Common Language Bible

²² ထာ​ဝ​ရ​ဘု​ရား​သည်​ဧ​လိ​ယ​၏​ပန်​ကြား ချက်​ကို​နား​ညောင်း​တော်​မူ​သ​ဖြင့် က​လေး သည်​ထွက်​သက်​ဝင်​သက်​ကို​ပြန်​လည်​ရ​ရှိ ကာ​အ​သက်​ပြန်​၍​ရှင်​လာ​လေ​သည်။

Garrad Bible

²² ထပ် မံ ပြု သော ပ ဌ နာ ကို ထာ ဝ ရ ဘု ရား နား ညောင်း တော် မူ သ ဖြင့် သူ ငယ် သည် သ ဇီ ဝ သ ဘော သို့ ပြန် ရောက် လေ ၏။

Judson Bible

²² ဧ​လိ​ယ​စ​ကား​ကို ထာ​ဝ​ရ​ဘု​ရား​ကြား​တော်​မူ၍၊ သူ​ငယ်၏​ဝိ​ညာဉ်​သည်​ဝင်​သ​ဖြင့်၊ သူ​သည် အ​သက်​ရှင်​ပြန်၏။

၃ ရာ 17:22 Referencias Cruzadas

၃ ရာ 17:23

ဧလိယ​သည် သူငယ်​ကို​ပွေ့​ပြီး မိမိ​နေရာ​အထက်ခန်း​မှ အောက်​သို့​ချီလာ​၍ သူငယ်​ကို မိခင်​လက်​သို့​အပ်လိုက်​ပြီး ဧလိယ​က “ကြည့်​ပါ​။ သင့်​သား အသက်​ပြန်ရှင်​ပြီ”​ဟု ဆို​၏​။

၄ ရာ 13:21

အစ္စရေး​လူမျိုး​တို့​သည် လူ​တစ်ယောက်​ကို သင်္ဂြိုဟ်​နေစဉ် ထို​ဓားပြ​အဖွဲ့​လာ​နေ​သည်​ကို တွေ့​သဖြင့် အလောင်း​ကို ဧလိရှဲ​၏​သင်္ချိုင်းတွင်း​ထဲသို့ ပစ်ချ​ကြ​လေ​၏​။ ထို​အလောင်း​မှာ ဧလိရှဲ​၏​အရိုး​များ​နှင့် သွား​ထိ​သောအခါ အသက်ပြန်ဝင်​လာ​၍ မတ်တတ်ရပ်​လေ​၏​။

လုကာ 7:14

ထို့နောက် ချဉ်းကပ်​လျက် အလောင်းစင်​ကို တို့ထိ​တော်မူ​ရာ အလောင်းစင်​ထမ်း​သော​သူ​တို့​သည် ရပ်တန့်​ကြ​၏။ ထိုအခါ ကိုယ်တော်​က“အချင်း​လူငယ်၊ သင့်​အား ငါ​ဆို​မည်။ ထ​လော့”​ဟု မိန့်​တော်မူ​ရာ

လုကာ 8:54

သို့သော် ကိုယ်တော်​သည် သူငယ်မ​၏​လက်​ကို​ကိုင်​လျက်“သူငယ်မ၊ ထ​လော့”​ဟု ခေါ်​တော်မူ​လျှင်

ရှင်ယောဟန် 11:43

ထိုသို့​မြွက်ဆို​တော်မူ​ပြီးနောက် ကျယ်လောင်​သော​အသံ​ဖြင့်“လာဇရု၊ ထွက်လာ​လော့”​ဟု ဟစ်ခေါ်​တော်မူ​၏။

တမန်တော်ဝတ္ထု 20:12

သူ​တို့​သည် အသက်ရှင်​လျက်​ရှိ​သော​လူငယ်​ကို ခေါ်ဆောင်​သွား​ကာ အလွန်​စိတ်​သက်သာ​ရာ​ရ​ကြ​၏။

ရော​မ 14:9

အဘယ်ကြောင့်​ဆိုသော် ခရစ်တော်​သည် သေလွန်​သော​သူ​တို့​နှင့်​အသက်ရှင်​သော​သူ​တို့​၏​အရှင်​သခင်​ဖြစ်​ရန်​အတွက် အသေခံ​တော်မူ​ပြီးနောက် အသက်​ပြန်​ရှင်​တော်မူ​၏။

တ​ရား​ဟော 32:39

ငါ​သာလျှင် ဘုရား​ဖြစ်​၏​။ ငါ​မှတစ်ပါး အခြား​ဘုရား​မ​ရှိ​။ ငါ​သည် အသက်​ကို​သေ​စေ​နိုင်​၏​၊ ရှင်​စေ​နိုင်​၏​။ ငါ​သည် ဒဏ်ရာရ​စေ​နိုင်​၏​၊ ပျောက်ကင်း​စေ​နိုင်​၏​။ မည်သူ​မျှ ငါ့​လက်​မှ မ​လွတ်မြောက်​နိုင်​။

ဟေ​ဗြဲ 11:35

မိန်းမ​တို့​သည်​လည်း သေ​သော​သူ​တို့​ထဲမှ​ရှင်ပြန်​ထမြောက်​စေ​ခြင်း​ခံရ​သည့် မိမိ​တို့​နှင့်ဆိုင်သော​သူ​တို့​ကို ပြန်လည်​ရရှိ​ကြ​၏။ လူ​အချို့​တို့​သည်​လည်း သာ၍​မြတ်​သော​ရှင်ပြန်​ထမြောက်​ခြင်း​ကို​ရရှိ​ရန် လွတ်မြောက်​ခြင်း​ကို​မ​ခံယူ​ဘဲ ပြင်းထန်​သော​နှိပ်စက်​ခြင်း​ကို​ခံယူ​ကြ​၏။

ဗျာ​ဒိတ် 11:11

သို့သော် သုံး​ရက်​ခွဲ​လွန်​ပြီး​သောအခါ ဘုရားသခင်​ထံ​တော်​မှ​ဇီဝ​အသက်​သည် ထို​သူ​တို့​အထဲသို့​ဝင်​၍ သူ​တို့​သည် မိမိ​တို့​ခြေ​ဖြင့်​မတ်တပ်ရပ်​ကြ​၏။ ထို​သူ​တို့​ကို​မြင်​သော​သူ​တို့​သည် အလွန်​ကြောက်ရွံ့​ကြ​၏။

၁ ရာ 2:6

ထာဝရဘုရား​သည် အသက်​ကို​သေ​စေ​နိုင်​၏​။ အသက်​ကို ရှင်​စေ​နိုင်​၏​။ မရဏာနိုင်ငံ​သို့ ကျ​စေ​နိုင်​၏​။ မရဏာနိုင်ငံ​မှ​လည်း ထုတ်ဆောင်​ပေး​နိုင်​၏​။