၃ ရာ 16:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထို့နောက် သူ​သည် ရှမေရ​ထံ​မှ ရှမာရိ​တောင်​ကို ငွေ​နှစ်​တာလန်​နှင့်​ဝယ်ယူ​ပြီး ထို​တောင်​ပေါ်၌ မြို့​တည်​၏​။ တောင်​ပိုင်ရှင်​အမည်​ရှမေရ​ကို အစွဲပြု​၍ ထို​မြို့​၏​အမည်​ကို ရှမာရိ​မြို့​ဟု ခေါ်ဝေါ်​၏​။

Common Language Bible

²⁴ ရှ​မာ​ရိ​တောင်​ကို​ရှ​မေ​ရ​ဆို​သူ​ထံ​မှ​ငွေ သား​ခြောက်​ထောင်​နှင့်​ဝယ်​ယူ​တော်​မူ​၏။ သြ​မ​ရိ သည်​ထို​တောင်​ကို​တံ​တိုင်း​ကာ​ရံ​ကာ​မြို့​တည် ပြီး​မှ တောင်​ပိုင်​ရှင်​ဟောင်း​ရှ​မေ​ရ​၏​နာ​မည် ကို​အ​စွဲ​ပြု​၍​ရှ​မာ​ရိ​မြို့​ဟု​သ​မုတ်​တော် မူ​၏။

Garrad Bible

²⁴ ရှ မာ ရိ တောင် တော် ကို တောင့် ရှင် ရှ မာ ရ ထံ ငွေ ချိန် ခွက် ခြောက် ဆယ် နှင့် ဝယ် ၍ တောင် ပေါ် တွင် မြို့ တည် ရာ တောင့် ရှင် ရှ မာ ရ အ မည် ကို အ စွဲ ပြု လျက် ရှ မာ ရိ ဟု တွင် သ တည်း။

Judson Bible

²⁴ ရှ​မာ​ရိ​တောင်​ကို တောင်​ရှင်​ရှ​မေ​ရ၌ ငွေ​အ​ခွက်​နှစ်​ဆယ်​နှင့်​ဝယ်၍ တောင်​ပေါ်​မှာ မြို့​ကို​တည်၏။ ထို​မြို့​ကို တောင်​ရှင်​ရှ​မေ​ရ​အ​မည်​ကို အ​စွဲ​ပြု​သ​ဖြင့်၊ ရှ​မာ​ရိ​မြို့​ဟူ၍​သ​မုတ်​လေ၏။

၃ ရာ 16:24 Referencias Cruzadas

၃ ရာ 13:32

ဗေသလ​မြို့​ရှိ​ယဇ်ပလ္လင်​၊ ရှမာရိ​မြို့ရွာ​ရှိ​အထွတ်အမြတ်​ထား​ရာ​ကုန်းမြင့်​မှ​ဝတ်ကျောင်း​များ​နှင့်​ပတ်သက်၍ ထာဝရဘုရား​၏​စကား​တော်​အတိုင်း ထို​သူ​ကြွေးကြော်​ခဲ့​သော​အရာ​သည် အမှန်​ဖြစ်လာ​လိမ့်မည်​”​ဟု မှာကြား​လေ​၏​။

၃ ရာ 16:32

ရှမာရိ​မြို့​၌​တည်​ထား​သော​ဗာလ​ဘုရား​ဝတ်ကျောင်း​တွင် ဗာလ​ဘုရား​အဖို့ ယဇ်ပလ္လင်​ကို​လည်း တည်​၏​။

၃ ရာ 18:2

ထို့ကြောင့် ဧလိယ​သည် အာဟပ်​မင်းကြီး​ထံ ကိုယ်တိုင်​သွား​လေ​၏​။ ထိုစဉ်က ရှမာရိ​ပြည်​၌ ငတ်မွတ်ခေါင်းပါး​ခြင်း​ဘေး​ကြီး ဆိုက်ရောက်​နေ​၏​။

၃ ရာ 20:1

ဆီးရီးယား​ဘုရင်​ဗင်္ဟာဒဒ်​မင်းကြီး​သည် မိမိ​စစ်သည်​အပေါင်း​တို့​ကို စုရုံး​၍ ရှင်ဘုရင်​သုံးဆယ့်​နှစ်​ပါး​အပါအဝင် မြင်းတပ်​၊ ရထားတပ်​တို့​ဖြင့် ချီတက်​လာ​ပြီး ရှမာရိ​မြို့​ကို ဝိုင်းရံ​တိုက်ခိုက်​လေ​၏​။

၃ ရာ 22:37

ရှင်ဘုရင်​အနိစ္စရောက်​သွား​သဖြင့် ရှမာရိ​မြို့​သို့​သယ်လာ​ပြီး ရှင်ဘုရင်​ကို ရှမာရိ​မြို့​တွင် သင်္ဂြိုဟ်​ကြ​၏​။

၄ ရာ 10:1

ရှမာရိ​မြို့​တွင် အာဟပ်​မင်းကြီး​၏​သား​တော်​အပါး​ခုနစ်ဆယ် ရှိ​၏​။ ယေဟု​သည် ရှမာရိ​မြို့​ရှိ ယေဇရေလ​မြို့​အကြီးအကဲ​များ​၊ သက်ကြီးဝါကြီး​များ​နှင့် အာဟပ်​မင်းကြီး​၏​သား​တော်​တို့​ကို​အုပ်ထိန်း​သော​သူ​များ​ထံသို့ စာ​ရေးသား​ပေးပို့​လိုက်​၏​။

၄ ရာ 15:13

ယုဒ​ဘုရင်​ဩဇိ​မင်းကြီး နန်းစံ​သုံးဆယ့်​ကိုး​နှစ်​တွင် ယာဗက်​၏​သား​ရှလ္လုံ နန်းတက်​ပြီး ရှမာရိ​မြို့​တွင် တစ်​လ​စိုးစံ​၏​။

၄ ရာ 17:1

ယုဒ​ဘုရင်​အာခတ်​မင်းကြီး နန်းစံ​တစ်ဆယ့်​နှစ်​နှစ်​တွင် ဧလာ​မင်းကြီး​၏​သား​တော်​ဟောရှေ​သည် ရှမာရိ​မြို့​တွင် အစ္စရေး​လူမျိုး​ကို ကိုး​နှစ်​အုပ်စိုး​၏​။

၄ ရာ 17:24

အဆီးရီးယား​ဘုရင်​သည် ဘေဘီလုံ​မြို့​၊ ကုသ​မြို့​၊ အာဝ​မြို့​၊ ဟာမတ်​မြို့​၊ သေဖရဝိမ်​မြို့​တို့​မှ လူ​တို့​ကို ခေါ်လာ​ပြီး အစ္စရေး​အမျိုးသား​တို့​နေရာ ရှမာရိ​မြို့ရွာ​များ​တွင် နေထိုင်​စေ​၏​။ ဤသို့ဖြင့် ထို​သူ​တို့​သည် ရှမာရိ​မြို့​ကို အပိုင်စီး​ထား​ပြီး ရှမာရိ​မြို့ရွာ​တို့​တွင် နေထိုင်​ကြ​လေ​၏​။

၄ ရာ 17:6

ဟောရှေ​မင်းကြီး​နန်းစံ​ကိုး​နှစ်​အကြာ​တွင် အဆီးရီးယား​ဘုရင်​သည် ရှမာရိ​မြို့​ကို​သိမ်းပိုက်​ပြီး အစ္စရေး​လူမျိုး​တို့​ကို အဆီးရီးယား​ပြည်​သို့​ဖမ်းခေါ်​သွား​ကာ ဟာလာ​အရပ်​၊ ဂေါဇန်​နယ်​ရှိ​ဟာဗော်​မြစ်​နား​နှင့်​မေဒိ​မြို့ တို့​၌​နေထိုင်​စေ​၏​။

ယေ​ရ​မိ 41:5

ရှေခင်​မြို့​၊ ရှိလော​မြို့​၊ ရှမာရိ​မြို့​တို့​မှ လူ​အယောက်​ရှစ်ဆယ်​တို့ ရောက်လာ​ကြ​၏​။ သူ​တို့​သည် မုတ်ဆိတ်​ရိတ်​ထား​ကြ​၏​။ သူ​တို့​၏​အဝတ်​လည်း စုတ်ပြဲ​နေ​၏​။ ကိုယ်​ကို​လည်း မွှမ်း​ထား​ကြ​၏​။ လက်​ထဲတွင်​လည်း ထာဝရဘုရား​၏​အိမ်​တော်​အဖို့ ဘောဇဉ်ပူဇော်သက္ကာ​နှင့် လော်ဗန်​တို့​ကို ယူဆောင်​လာ​ကြ​၏​။

အာ​မုတ် 6:1

အစ္စရေး​အမျိုးအနွယ်​တို့ လာရောက်​ခစား​ရ​သူ​၊ လူမျိုးတကာ​တို့​တွင် ထင်ပေါ်ကျော်ကြား​သော​သူ​များ​ဖြစ်​သော ဇိအုန်​မြို့​တွင် ဇိမ်ခံ​နေ​သူ​၊ ရှမာရိ​တောင်​ပေါ်တွင် စိတ်အေးလက်အေး​နေထိုင်​သူ​တို့​၊ သင်​တို့​သည် အမင်္ဂလာ​ရှိ​ကြ​၏​။

မိက္ခာ 1:5

ဤ​အရာ​အလုံးစုံ​တို့​သည် ယာကုပ်​အမျိုးအနွယ်​၏​ပုန်ကန်မှု​၊ အစ္စရေး​အမျိုးအနွယ်​၏​အပြစ်ကျူးလွန်မှု​ကြောင့် ဖြစ်​၏​။ ယာကုပ်​၏​ပုန်ကန်မှု​ကား အဘယ်​အရာ​နည်း​။ ရှမာရိ​မြို့​မ​ဟုတ်​လော​။ ယုဒ​၏​အထွတ်အမြတ်​ထား​ရာ​ကား အဘယ်​အရာ​နည်း​။ ဂျေရုဆလင်​မြို့​မ​ဟုတ်​လော​။