၃ ရာ 16:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ သူ​သည် ထီးနန်း​ရ​၍ ရာဇပလ္လင်​ပေါ်​စံမြန်း​သည်​နှင့် ဗာရှာ​မင်းကြီး​၏​မင်းမျိုးမင်းနွယ်​အားလုံး​နှင့်တကွ သူ​၏​ဆွေမျိုး​များ​၊ မိတ်ဆွေ​များ​ထဲမှ ယောက်ျား​တစ်ယောက်​ကို​မျှ မ​ချန်ထား​ဘဲ သုတ်သင်​ပစ်​၏​။

Common Language Bible

¹¹ ဇိ​မ​ရိ​သည်​ဘု​ရင်​ဖြစ်​လျှင်​ဖြစ်​ချင်း ဗာ​ရှာ ၏​အိမ်​ထောင်​စု​သား​အ​ပေါင်း​ကို​သတ်​ပြီး နောက် ဗာ​ရှာ​၏​ဆွေ​မျိုး​မိတ်​သင်္ဂ​ဟ​များ အ​နက်​ယောကျာ်း​မှန်​သ​မျှ​ကို​လည်း​သတ် လေ​သည်။-

Garrad Bible

¹¹ ရာ ဇ ပ လ္လင် တက် ၍ နန်း စံ လျှင် စံ ချင်း ဗာ ရှာ မင်း ၏ ဆွေ တော် မျိုး တော်၊ အ စွယ် အ ပွား ယောက်ျား တစ် ဦး တစ် ယောက် မ ကျန်၊ မင်း မျိုး ဟူ သ မျှ ကို ကွပ် မျက် လေ ၏။

Judson Bible

¹¹ နန်း​ထိုင်​စ​က၊ ဗာ​ရှာ​အ​မျိုး​သား​အ​ပေါင်း​တို့​ကို သတ်၏။ ဗာ​ရှာ​နှင့် ပေါက်​ဖော်​တော်​သော​ယောက်ျား၊ အ​ဆွေ​ဖွဲ့​သော ယောက်ျား​တစ်​ယောက်​ကို​မျှ မ​ချန်​မ​ထား။

၃ ရာ 16:11 Referencias Cruzadas

၃ ရာ 14:10

ထို့ကြောင့် ယခု ငါ​သည် ယေရောဗောင်​မင်းမျိုးမင်းနွယ်​တို့​အပေါ် ဘေးဆိုး​ကျရောက်​စေ​မည်​။ အစ္စရေး​ပြည်​ရှိ ကျွန်ပြု​ခံရ​သူ​နှင့် ကျွန်ပြုမခံရ​သူ​ပါ​မကျန် ယေရောဗောင်​မင်းမျိုးမင်းနွယ်​ထဲမှ ယောက်ျား​တို့​ကို ငါ​ပယ်ရှင်း​မည်​။ အမှိုက်ပုံ​ကို မီးရှို့​ရှင်းလင်း​ပစ်​သကဲ့သို့ ယေရောဗောင်​မင်းမျိုးမင်းနွယ်​တို့​ကို သုတ်သင်ပယ်ရှင်း​ပစ်​မည်​။

၃ ရာ 15:29

ဗာရှာ​နန်းတက်​သောအခါ ယေရောဗောင်​မင်းမျိုးမင်းနွယ်​ကို သတ်ပစ်​လေ​၏​။ ထာဝရဘုရား​၏​အစေအပါး ရှိလော​မြို့သား​အဟိယ​အားဖြင့် မိန့်မှာ​တော်မူ​ခဲ့​သည့်​စကား​အတိုင်း ယေရောဗောင်​မင်းမျိုးမင်းနွယ်​ကို တစ်ယောက်​မျှ​အရှင်​မ​ထား​ဘဲ သုတ်သင်​ပစ်​၏​။

၃ ရာ 16:10

ဇိမရိ​ဝင်လာ​၍ ဧလာ​မင်းကြီး​ကို တိုက်ခိုက်​သတ်ဖြတ်​လိုက်​၏​။ ထို့ကြောင့် ယုဒ​ဘုရင်​အာသ​မင်းကြီး နန်းစံ​နှစ်ဆယ့်​ခုနစ်​နှစ်​တွင် ဇိမရိ​သည် ဧလာ​မင်းကြီး​၏​အရိုက်အရာ​ကို ဆက်ခံ​လေ​၏​။

၃ ရာ 16:3

ကြည့်ရှု​လော့​။ ငါ​သည် ဗာရှာ​နှင့်​သူ့​အမျိုးအနွယ်​ကို သုတ်သင်ပယ်ရှင်း​ပစ်​မည်​။ သူ့​အမျိုးအနွယ်​ကို နေဗတ်​၏​သား​ယေရောဗောင်​၏​အမျိုးအနွယ်​ကဲ့သို့ ဖြစ်​စေ​မည်​။

၃ ရာ 21:22

သင်​သည် ငါ့​ကို အမျက်ထွက်​စေ​သည်​သာမက အစ္စရေး​လူမျိုး​တို့​ကို​ပါ အပြစ်ပြု​စေ​သောကြောင့် သင့်​အမျိုးအနွယ်​ကို နေဗတ်​၏​သား​ယေရောဗောင်​၏​အမျိုးအနွယ်​နှင့် အဟိယ​၏​သား​ဗာရှာ​၏​အမျိုးအနွယ်​ကဲ့သို့ ဖြစ်စေ​မည်’​ဟု မိန့်​တော်မူ​ပြီ​။

၄ ရာ 9:9

အာဟပ်​မင်းမျိုးမင်းနွယ်​ကို နေဗတ်​၏​သား​ယေရောဗောင်​မင်းမျိုးမင်းနွယ်​ကဲ့သို့​လည်းကောင်း​၊ အဟိယ​၏​သား​ဗာရှာ​မင်းမျိုးမင်းနွယ်​ကဲ့သို့​လည်းကောင်း ငါ​ဖြစ်​စေ​မည်​။

ဆာ​လံ 109:13

သူ​၏​နောင်လာနောက်သား​သည် မျိုးပြတ်​သွား​ပါစေ​။ ထို​နောင်လာနောက်သား​တို့​၏​နာမည်​သည် နောက်​မျိုးဆက်​၌​ပင်လျှင် ပယ်ဖျက်​ခြင်း​ခံ​ကြ​ရ​ပါစေ​။

သူ​ကြီး 1:7

ထိုအခါ အဒေါနိဗေဇက်​မင်းကြီး​က “​ငါ​သည် ဘုရင်​အပါး​ခုနစ်ဆယ်​တို့​၏​ခြေမ​၊ လက်မ​ကို​ဖြတ်​၍ ငါ့​စားပွဲ​အောက်​၌​စားနုပ်စားပေါက်​တို့​ကို​ကောက်စား​စေ​ခဲ့​၏​။ ဘုရားသခင်​သည် ငါ​ပြု​ခဲ့​သည့်​အတိုင်း ငါ့​အား​ပြန်ပြု​တော်မူ​ပြီ​”​ဟု ဆို​လေ​၏​။ သူ​တို့​သည် အဒေါနိဗေဇက်​မင်းကြီး​ကို ဂျေရုဆလင်​မြို့​သို့​ခေါ်ဆောင်​သွား​ပြီး ထို​မြို့​၌ပင် သူ​သေ​လေ​၏​။

၁ ရာ 25:22

ထို့ကြောင့် နံနက်​မိုးသောက်ချိန်​တွင် ငါ​သည် သူ့​လူ​ယောက်ျား​တစ်စုံတစ်ယောက်​ကို အသက်ရှင်​ကျန်​နေ​စေ​ခဲ့​လျှင် ဘုရားသခင်​သည် ငါ​ဒါဝိဒ်​၏​ရန်သူ​တို့​ကို ထိုထက်မက စီရင်​တော်မူ​ပါစေ​”​ဟု ဆို​ထား​နှင့်​၏​။

၁ ရာ 25:34

အကယ်စင်စစ် သင့်​ကို​ရန်ပြု​မည့်​ဘေး​မှ ငါ့​ကို ဆီးတား​တော်မူ​သော အစ္စရေး​လူမျိုး​၏​ဘုရားသခင်​ထာဝရဘုရား အသက်ရှင်​သည်​နှင့်အညီ သင်​သည် ငါ့​ကို အလျင်အမြန်​လာ​မ​တွေ့​လျှင် နံနက်​မိုးလင်း​သောအခါ နာဗလ​အပါအဝင် ယောက်ျား​တစ်ယောက်​မျှ ကျန်​တော့​မည်​မ​ဟုတ်​”​ဟု ဆို​၏​။