၃ ရာ 14:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ အစ္စရေး​လူမျိုး​သည် အာရှရ​နတ်ဘုရားမ​တံခွန်တိုင်​များ​ကို ပြုလုပ်​ပြီး ထာဝရဘုရား​ကို​အမျက်ထွက်​စေ​သောကြောင့် ထာဝရဘုရား​သည် သူ​တို့​ကို ရေ​ထဲ၌​လှုပ်ခါယမ်း​သော​ကျူပင်​ကဲ့သို့ လှုပ်ခါယမ်း​စေ​မည်​။ ဘိုးဘေး​တို့​အား​ပေး​တော်မူ​သည့် ဤ​သာယာဝပြော​သော​ပြည်​ထဲမှ အစ္စရေး​လူမျိုး​တို့​ကို ထုတ်ပစ်​၍ ယူဖရေးတီး​မြစ်​တစ်ဖက်ကမ်း​သို့ ကွဲလွင့်​သွား​စေ​မည်​။

Common Language Bible

¹⁵ ထာ​ဝ​ရ​ဘု​ရား​ဒဏ်​ခတ်​တော်​မူ​သ​ဖြင့် ဣသ​ရေ​လ ပြည်​သည်​ချောင်း​ငယ်​တွင်​တုန်​လှုပ်​လျက်​နေ​သော ကူ​ပင်​သ​ဖွယ်​တုန်​လှုပ်​သွား​လိမ့်​မည်။ ဣ​သ​ရေ​လ အ​မျိုး​သား​တို့​သည်​ဘိုး​ဘေး​များ​အား​ကိုယ်​တော် ပေး​အပ်​တော်​မူ​ခဲ့​သည့် ဤ​သာ​ယာ​သော​ပြည်​တော် မှ​နုတ်​ပယ်​ခြင်း​ကို​ခံ​ရ​ကာ​ဥ​ဖ​ရတ်​မြစ်​တစ် ဖက်​ကမ်း​သို့​ကွဲ​လွင့်​သွား​ကြ​လိမ့်​မည်။ အ​ဘယ် ကြောင့်​ဆို​သော်​သူ​တို့​သည်​အာ​ရှ​ရ​ဘု​ရား​မ ရုပ်​များ​ကို​ပြု​လုပ်​လျက်​ကိုယ်​တော်​၏​အ​မျက် တော်​ကို​လှုံ့​ဆော်​ကြ​သော​ကြောင့်​ဖြစ်​၏။-

Garrad Bible

¹⁵ ယ ခု ပင် တည်း။ ထာ ဝ ရ ဘု ရား အ မျက် တော် တိုက် တံ ခွန် တိုင် များ ကို စိုက် ထူ သော ဣ သ ရေ လ လူ မျိုး အား ရေ ၌ ကျူ ပင် လှုပ် ရှား သ ကဲ့ သို့ ဒဏ် ခတ် တော် မူ၍ ဘိုး ဘေး တို့ အား ပေး တော် မူ ခဲ့ သော ပြည် ကောင်း မှ မြစ် ကြီး တစ် ဘက် သို့ ကွဲ လွင့်​ စေ တော် မူ မည်။

Judson Bible

¹⁵ အာ​ရှ​ရ​ပင်​တို့​ကို ပြု​စု၍ ထာ​ဝ​ရ​ဘု​ရား၏​အ​မျက်​တော်​ကို နှိုး​ဆော်​ကြ​သော​ကြောင့်၊ ကျူ​ပင်​ကို ရေ၌​လှုပ်​ရှား​သ​ကဲ့​သို့ ထာ​ဝ​ရ​ဘု​ရား​သည် ဣ​သ​ရေ​လ​အ​မျိုး​ကို ဒဏ်​ခတ်၍၊ ဘိုး​ဘေး​တို့​အား​ပေး​တော်​မူ​သော ဤ​ပြည်​ကောင်း​မှ နုတ်​ပယ်​ပြီး​လျှင်၊ မြစ်​ကြီး​တစ်​ဖက်၌ အ​ရပ်​ရပ်​သို့ ကွဲ​ပြား​စေ​တော်​မူ​မည်။

၃ ရာ 14:15 Referencias Cruzadas

၃ ရာ 14:9

သင်​မူကား သင့်​ရှေ့​က​လူ​အပေါင်း​တို့​ထက် ဆိုးညစ်မှု​များ​ကို ပြု​လေ​ပြီ​။ သင်​သည် ငါ့​ကို​ကျောခိုင်း​ပြီး အခြား​ဘုရား​များ​၊ ရုပ်တု​များ​ကို ပြုလုပ်​ကာ ငါ့​ကို​အမျက်ထွက်​စေ​ပြီ​။

၄ ရာ 15:29

အစ္စရေး​ဘုရင်​ပေကာ​မင်းကြီး​လက်ထက်​တွင် အဆီးရီးယား​ဘုရင်​တိဂလတ်ပိလေသာ​မင်းကြီး​သည် စစ်ချီလာ​၍ ဣယုန်​မြို့​၊ အာဗေလဗက်မာခါ​မြို့​၊ ယာနော​မြို့​၊ ကေဒေရှ​မြို့​၊ ဟာဇော်​မြို့​၊ ဂိလဒ်​ပြည်​၊ ဂါလိလဲ​ပြည်​နှင့် နဿလိ​ပြည်​တစ်ပြည်လုံး​ကို သိမ်းယူ​ပြီး ပြည်သူပြည်သား​တို့​ကို အဆီးရီးယား​ပြည်​သို့ ဖမ်းခေါ်​သွား​၏​။

၄ ရာ 17:11

သူ​တို့​ရှေ့​မှ​ထာဝရဘုရား​နှင်ထုတ်​တော်မူ​ခဲ့​သော​လူမျိုးခြား​များ​ကဲ့သို့ အထွတ်အမြတ်​ထား​ရာ​ကုန်းမြင့်​ရှိသမျှ​တို့​၌ နံ့သာပေါင်း​ကို မီးရှို့ပူဇော်​ကြ​၏​။ မကောင်း​သော​အမှု​များ​ကို​ပြု​လျက် ထာဝရဘုရား​ကို အမျက်ထွက်​စေ​ကြ​၏​။

၄ ရာ 17:16

သူ​တို့​သည် သူ​တို့​၏​ဘုရားသခင်​ထာဝရဘုရား မိန့်မှာ​တော်မူ​သမျှ​သော​ပညတ်ချက်​တို့​ကို စွန့်ပစ်​ပြီး နွားသငယ်​ရုပ်တု​နှစ်​ရုပ်​ကို သွန်းလုပ်​ကြ​၏​။ အာရှရ​နတ်ဘုရားမ​တံခွန်တိုင်​ကို စိုက်ထူ​ကြ​၏​။ ကောင်းကင်​တန်ဆာ​ရှိသမျှ​ကို ကိုးကွယ်​ကြ​၏​။ ဗာလ​ဘုရား​ကို ဝတ်ပြု​ကြ​၏​။

၄ ရာ 17:17

သူ​တို့​၏​သား​သမီး​တို့​ကို မီးရှို့​ပူဇော်​ကြ​၏​။ ဂမ္ဘီရအတတ်​၊ ဟူးရားအတတ်​တို့​ကို ဆည်းပူး​ကြ​၏​။ မကောင်းမှု​ပြု​ရန် ကိုယ့်ကိုယ်ကိုယ်​ရောင်းစား​ခြင်း​ဖြင့် ထာဝရဘုရား​ကို အမျက်ထွက်​စေ​ကြ​၏​။

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

၂ ရာ​ချုပ် 7:20

သူ​တို့​ကို ငါ​ပေး​ထား​သော​ပြည်​မှ ဖယ်ထုတ်​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​ဤ​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပြီး လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​စေ​မည်​။

ဆာ​လံ 52:5

အကယ်စင်စစ် ဘုရားသခင်​သည် သင့်​ကို​ထာဝရ​ဖြိုဖျက်​တော်မူ​လိမ့်မည်​။ ကိုယ်တော်​သည် သင့်​ကို​ဖမ်းဆုပ်​၍ တဲ​ထဲမှ​ဆွဲထုတ်​တော်မူ​လိမ့်မည်​။ အသက်ရှင်​သော​သူ​တို့​နေထိုင်​ရာ​မြေ​ပေါ်မှ​လည်း သင့်​ကို​နုတ်ပယ်​တော်မူ​လိမ့်မည်​။(​စေလာ)

သုတ္တံကျမ်း။ 2:22

ဆိုးယုတ်​သော​သူ​တို့​မူကား ပြည်​တော်​မှ ဖယ်ရှား​ခြင်း​ခံရ​၍ သစ္စာမဲ့​သော​သူ​တို့​သည် ထို​ပြည်​မှ​နုတ်ပယ်​ခြင်း​ခံရ​လိမ့်မည်​။

ယေ​ရ​မိ 24:10

သူ​တို့​နှင့် သူ​တို့​၏​ဘိုးဘေး​တို့​အား ငါ​ပေး​သော​ပြည်​တွင် သူ​တို့​တစ်ယောက်​မျှ​မ​ကြွင်းကျန်​တော့​သည့်​တိုင်အောင် ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ကို သူ​တို့​ထံ စေလွှတ်​မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

ယေ​ရ​မိ 28:8

သင်​နှင့်​ကျွန်ုပ်​မ​ရှိ​မီ ယခင်​က​ရှိ​နှင့်​သော ပရောဖက်​တို့​သည် တိုင်းနိုင်ငံ​ကြီး​များ​နှင့်တကွ အပြည်ပြည်​တို့​တွင် စစ်ဘေး​၊ ဆင်းရဲဒုက္ခဘေး​နှင့် ကပ်ရောဂါ​ဘေး​တို့​ဖြစ်​မည့်​အကြောင်း ပရောဖက်ပြု​ဟောပြော​ခဲ့​ကြ​၏​။

ဝတ်​ပြု 26:43

သို့သော် သူ​တို့​သည် ငါ​၏​စီရင်ထုံးဖွဲ့ချက်​များ​ကို စွန့်ပယ်​၍ ငါ​၏​ပြဋ္ဌာန်းချက်​များ​ကို ရွံရှာ​ခဲ့​သောကြောင့် သူ​တို့​ကြောင့် စွန့်ပစ်​ထား​ခြင်း​ခံရ​၍ လူသူကင်းမဲ့​သူ​တို့​၏​ပြည်​သည် ဥပုသ်နေ့​၌ မွေ့လျော်​လိမ့်မည်​။ သူ​တို့​မူကား ကိုယ့်​အပြစ်​အတွက် ပြန်ပေးဆပ်​ရ​လိမ့်မည်​။

အာ​မုတ် 2:9

သို့သော် သစ်ကတိုးပင်​မြင့်​သကဲ့သို့​မြင့်​၍ ဝက်သစ်ချပင်​ကဲ့သို့​သန်မာ​သော အာမောရိ​လူမျိုး​တို့​ကို အပင်​ပေါ်​ရှိ​အသီး​များ​သာမက မြေ​အောက်​ရှိ​အမြစ်​များ​ပါ​မကျန် ဖျက်ဆီး​သကဲ့သို့ သူ​တို့​ရှေ့​တွင်​ပင် ငါ​ကိုယ်တော်တိုင် သုတ်သင်ပယ်ရှင်း​ပစ်​ခဲ့​၏​။

အာ​မုတ် 5:27

ထို့ကြောင့် ငါ​သည် သင်​တို့​ကို ဒမတ်စကပ်​မြို့​နှင့်​ဝေး​ရာ​သို့ သုံ့ပန်း​အဖြစ်​ပါသွား​စေ​မည်”​ဟု ကောင်းကင်​ဗိုလ်ခြေ​အရှင်​ဘုရားသခင်​ဟူ၍ နာမ​တော်​ရှိ​တော်မူ​သော​ထာဝရဘုရား မိန့်​တော်မူ​၏​။

ဇေဖနိ 2:4

စင်စစ် ဂါဇ​မြို့​သည် စွန့်ပစ်​ခံရ​လိမ့်မည်​။ အာရှကေလုန်​မြို့​လည်း လူသူကင်းမဲ့​လိမ့်မည်​။ မွန်းတည့်ချိန်​တွင် အာဇုတ်​မြို့သား​တို့ နှင်ထုတ်​ခံရ​လိမ့်မည်​။ ဧကြုန်​မြို့​လည်း မြေလှန်​ဖျက်ဆီး ခံရ​လိမ့်မည်​။

မဿဲ 11:7

ထို​သူ​တို့​ပြန်သွား​ကြ​သောအခါ ယေရှု​သည် လူထု​ပရိသတ်​တို့​အား ယောဟန်​နှင့်​ပတ်သက်၍ မြွက်ဆို​တော်မူ​သည်​မှာ“သင်​တို့​သည် မည်သည့်​အရာ​ကို​ကြည့်ရှု​ရန် တော​ကန္တာရ​သို့ ထွက်သွား​ကြ​သနည်း။ လေ​တိုက်​၍​လှုပ်​နေ​သော​ကျူပင်​ကို​လော။

မဿဲ 15:13

ကိုယ်တော်​က​လည်း“ကောင်းကင်ဘုံ​ရှင် ငါ့​ခမည်းတော်​မ​စိုက်​သော​အပင်​ရှိသမျှ​သည် အမြစ်​ပါ​မကျန် ဆွဲနုတ်​ခြင်း​ခံရ​လိမ့်မည်။

လုကာ 7:24

ယောဟန်​၏​စေတမန်​များ​ပြန်သွား​ကြ​သောအခါ ကိုယ်တော်​သည် လူထု​ပရိသတ်​တို့​အား ယောဟန်​နှင့်​ပတ်သက်၍ မြွက်ဆို​တော်မူ​သည်​မှာ“သင်​တို့​သည် မည်သည့်​အရာ​ကို​ကြည့်ရှု​ရန် တော​ကန္တာရ​သို့ ထွက်သွား​ကြ​သနည်း။ လေ​တိုက်​၍​လှုပ်​နေ​သော ကျူပင်​ကို​လော။

တမန်တော်ဝတ္ထု 7:43

သင်​တို့​သည် မောလုတ်​၏​တဲ​နှင့် သင်​တို့​ဘုရား​ရင်ဖန်​၏​ကြယ်​တို့​ကို သယ်ဆောင်​ခဲ့​ကြ​၏။ ၎င်း​တို့​သည် သင်​တို့​ကိုးကွယ်​ရန်​ပြုလုပ်​ထား​သော ရုပ်တု​များ​ဖြစ်​ကြ​၏။ ထို့ကြောင့် ငါ​သည် သင်​တို့​ကို ဘေဘီလုံ​မြို့​တစ်ဖက်လွန်​အောင် ပြောင်းရွှေ့​စေ​မည်’​ဟု ရေး​ထား​သည့်​အတိုင်း​ဖြစ်​၏။

တ​ရား​ဟော 28:36

ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

၁ ရာ 12:25

သင်​တို့​သည် ဆိုးညစ်​သော​အမှု​ကို​ပြုမြဲပြု​နေ​မည်​ဆို​လျှင် သင်​တို့​သာမက သင်​တို့​၏​ရှင်ဘုရင်​လည်း ဖျက်ဆီးသုတ်သင်​ခြင်း​ခံရ​မည်​”​ဟု သူ​တို့​အား ဆို​၏​။