၃ ရာ 12:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထာဝရဘုရား​က ‘​သင်​တို့​၏​ညီအစ်ကို အစ္စရေး​အမျိုးသား​တို့​အား သွား​၍​မ​တိုက်ခိုက်​ရ​။ ကိုယ့်​အိမ်​သို့ အသီးသီး​ပြန်သွား​ကြ​လော့​။ ဤ​အမှု​သည် ငါ​ပြု​သော​အမှု​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။ လူ​တို့​သည် ထာဝရဘုရား​မိန့်​တော်မူ​သည်​ကို နာခံ​၍ ထာဝရဘုရား​၏​အမိန့်​တော်​အတိုင်း အသီးသီး ပြန်သွား​ကြ​လေ​၏​။

Common Language Bible

²⁴ ``သင်​တို့​သည်​သင်​တို့​၏​ညီ​အစ်​ကို​များ​ဖြစ် ကြ​သော​ဣ​သ​ရေ​လ​ပြည်​သူ​တို့​ကို​မ​တိုက် မ​ခိုက်​ကြ​နှင့်။ ယ​ခု​ဖြစ်​ပျက်​ခဲ့​သော​အ​မှု သည်​ငါ​၏​အ​လို​တော်​အ​တိုင်း​ဖြစ်​သ​ဖြင့် သင်​တို့​အား​လုံး​မိ​မိ​တို့​နေ​ရပ်​သို့​ပြန်​ကြ လော့'' ဟု​ထာ​ဝ​ရ​ဘု​ရား​မိန့်​တော်​မူ​ကြောင်း ဆင့်​ဆို​စေ​တော်​မူ​၏။ သူ​တို့​အား​လုံး​သည် လည်း​ထာ​ဝ​ရ​ဘု​ရား​၏​အ​မိန့်​တော်​ကို နာ​ခံ​လျက်​မိ​မိ​တို့​နေ​ရပ်​သို့​ပြန်​သွား ကြ​၏။

Judson Bible

²⁴ သင်​တို့​ညီ​အစ်​ကို​ဖြစ်​သော ဣ​သ​ရေ​လ​အ​မျိုး​သား​တို့​ကို စစ်​တိုက်​ခြင်း​ငှာ ချီ၍​မ​သွား​ကြ​နှင့်။ လူ​အ​ပေါင်း​တို့၊ ကိုယ်​နေ​ရာ​သို့ ပြန်​သွား​ကြ​လော့။ ဤ​အ​မှု​သည် ငါ​အ​ခွင့်​ပေး​သော​ကြောင့်​ဖြစ်၏​ဟု မိန့်​တော်​မူ​သော ထာ​ဝ​ရ​ဘု​ရား၏​စ​ကား​တော်​ကို​နား​ထောင်၍ စ​ကား​တော်​အ​တိုင်း ပြန်​သွား​ကြ၏။

၃ ရာ 12:24 Referencias Cruzadas

ကမ္ဘာ​ဦး 24:50

လာဗန်​နှင့်​ဗေသွေလ​တို့​က​လည်း “​ဤ​အမှု​သည် ထာဝရဘုရား​ထံ​တော်​မှ​လာ​၏​။ အကျွန်ုပ်​တို့​သည် ကောင်း​သည်​၊ မကောင်း​သည် ဟူ၍ သင့်​ကို​မ​ပြော​နိုင်​ပါ​။

၃ ရာ 12:15

ဤသို့ဖြင့် ရှင်ဘုရင်​သည် လူ​တို့​၏​စကား​ကို နား​မ​ထောင်​ဘဲ​နေ​၏​။ အကြောင်းမှာ ရှိလော​မြို့သား​အဟိယ​မှတစ်ဆင့် နေဗတ်​၏​သား​ယေရောဗောင်​အား ထာဝရဘုရား​မိန့်မှာ​ထား​သော​စကား​များ အမှန်​ဖြစ်လာ​ရန် ထာဝရဘုရား ဤသို့​ဖြစ်ပျက်​စေ​ခြင်း​ဖြစ်​၏​။

၃ ရာ 12:25

ထို့နောက်တွင် ယေရောဗောင်​မင်းကြီး​သည် ဧဖရိမ်​တောင်​ပေါ်တွင် ရှေခင်​မြို့​ကို​တည်​၍ နေထိုင်​၏​။ ထို့နောက် ရှေခင်​မြို့​မှ​ထွက်ခွာ​ပြီး ပေနွေလ​မြို့​ကို တည်​ပြန်​၏​။

၃ ရာ 14:30

ရောဗောင်​မင်းကြီး​နှင့် ယေရောဗောင်​မင်းကြီး​တို့​သည် အသက်ရှင်​သမျှ​ကာလ​ပတ်လုံး အချင်းချင်း​စစ်တိုက်​ခဲ့​ကြ​၏​။

၂ ရာ​ချုပ် 11:4

ထာဝရဘုရား​က ‘​သင်​တို့​၏​ညီအစ်ကို​တို့​အား သွား​၍​မ​တိုက်ခိုက်​ရ​။ ကိုယ့်​အိမ်​သို့ အသီးသီး​ပြန်သွား​ကြ​လော့​။ ဤ​အမှု​သည် ငါ​ပြု​သော​အမှု​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။ လူ​တို့​သည် ထာဝရဘုရား​မိန့်​တော်မူ​သည်​ကို နာခံ​၍ ယေရောဗောင်​မင်းကြီး​ထံ စစ်ချီ​ရာ​မှ လှည့်ပြန်​သွား​ကြ​လေ​၏​။

၂ ရာ​ချုပ် 22:7

ယောရံ​မင်းကြီး​ထံ အာခဇိ​မင်းကြီး သွားရောက်​ကြည့်ရှု​ခြင်း​သည် အာခဇိ​မင်းကြီး​ပျက်စီး​မည့်​အကြောင်း ဘုရားသခင် စီရင်​ထား​ခြင်း​ဖြစ်​၏​။ သူ​ရောက်သွား​သောအခါ သူ​သည် ယဟောရံ​မင်းကြီး​နှင့်အတူ စစ်ချီသွား​၍ အာဟပ်​မင်းမျိုးမင်းနွယ်​ကို သုတ်သင်ပယ်ရှင်း​ရန် ထာဝရဘုရား ဘိသိက်ပေး​ထား​သူ နိမ်ရှိ​၏​မြေး​ယေဟု​ကို တိုက်ခိုက်​၏​။

၂ ရာ​ချုပ် 25:10

ထို့ကြောင့် အာမဇိ​မင်းကြီး​သည် သူ့​ထံသို့​ရောက်လာ​သော ဧဖရိမ်​ပြည်​မှ​စစ်သူရဲ​များ​ကို သူ​တို့​အိမ်​သို့​ပြန်သွား​ရန် လွှတ်​လိုက်​၏​။ သူ​တို့​သည် ယုဒ​လူမျိုး​တို့​ကို အမျက်ထွက်​၍ ဒေါသတကြီး​နှင့် မိမိ​တို့​အိမ်​သို့​ပြန်သွား​ကြ​၏​။

ဟော​ရှေ 8:4

သူ​တို့​သည် ငါ​ခွင့်​မ​ပြု​ဘဲ ဘုရင်​ကို တင်မြှောက်​ကြ​၏​။ ငါ​မ​သိ​ဘဲ အုပ်ချုပ်သူ​ကို ခန့်ထား​ကြ​၏​။ ရွှေ​ငွေ​တို့​ဖြင့် ရုပ်တု​များ​ကို​ပြုလုပ်​ကြ​သည်​ဖြစ်၍ ဖျက်ဆီး​ခံရ​ကြ​လိမ့်မည်​။

တော​လည် 14:42

သင်​တို့ တက်​မ​သွား​ကြ​နှင့်​။ အကြောင်းမူကား ထာဝရဘုရား​သည် သင်​တို့​နှင့်အတူ​ရှိ​တော်​မ​မူ​။ သင်​တို့​သည် ရန်သူ​တို့​ရှေ့​၌ ရှုံးနိမ့်​ကြ​ရ​လိမ့်မည်​။

သူ​ကြီး 14:4

ဖိလိတ္တိ​လူမျိုး​တို့​ကို ရန်ရှာ​တိုက်ခိုက်ခွင့်​ရ​အောင် ထာဝရဘုရား​ပြု​တော်မူ​သည်​ကို သူ့​မိဘ​မ​သိ​။ ထိုစဉ်က ဖိလိတ္တိ​လူမျိုး​တို့​သည် အစ္စရေး​လူမျိုး​တို့​ကို အုပ်စိုး​နေ​ချိန်​ဖြစ်​၏​။