၃ ရာ 11:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ထို့ပြင် ဘုရင့်​အမှုထမ်း​ဖြစ်​သူ ဧဖရိမ်​အမျိုး​၊ ဇေရဒ​မြို့သား​၊ နေဗတ်​၏​သား ယေရောဗောင်​သည်​လည်း ရှောလမုန်​မင်းကြီး​ကို ပုန်ကန်​လေ​၏​။ သူ​၏​မိခင်​မှာ ဇေရွာ အမည်​ရှိ​သော​မုဆိုးမ​ဖြစ်​၏​။

Common Language Bible

²⁶ ရှော​လ​မုန်​အား​ပုန်​ကန်​သူ​အ​ခြား​လူ​တစ်​ယောက် မှာ ဧ​ဖ​ရိမ်​ပြည်၊ ဇေ​ရ​ဒ​ရွာ​သား၊ နေ​ဗတ်​၏​သား ယေ​ရော​ဗောင်​ဖြစ်​သည်။ သူ​သည်​ရှော​လ​မုန်​၏ နန်း​တွင်း​အ​ရာ​ရှိ​တစ်​ဦး​ဖြစ်​၍ သူ​၏​မိ​ခင်​မှာ ဇေရွာ​နာ​မည်​ရှိ​သော​မု​ဆိုး​မ​ဖြစ်​၏။-

Garrad Bible

²⁶ ထို ပြင် ရှော လ မုန် မင်း ၏ ကျေး ကျွန် ဖြစ် သော ဧ ဖ ရိမ့် အ နွယ်၊ ဇေ ရ ဒ ရွာ နေ၊ နေ ဗတ် သား ယေ ရော ဗောင် သည် ဘု ရင် မင်း တစ် ဘက် လက် ရုံး ထောင် သူ ဖြစ် ၏။ အ မိ ကား ဇေ ရွာ အ မည် ရှိ သော မု ဆိုး မ တည်း။

Judson Bible

²⁶ ထို​မှ​တစ်​ပါး ရှော​လ​မုန်၏ ကျွန်​တစ်​ယောက်၊ ဧ​ဖ​ရိမ်​အ​မျိုး၊ ဇေ​ရ​ဒ​ရွာ​သား၊ နေ​ဗတ်၏​သား ယေ​ရော​ဗောင်​သည်​လည်း ရှင်​ဘု​ရင်​ကို​ပုန်​ကန်၏။ သူ၏​အ​မိ​ကား၊ ဇေ​ရွာ​အ​မည်​ရှိ​သော မု​ဆိုး​မ​တည်း။

၃ ရာ 11:26 Referencias Cruzadas

ကမ္ဘာ​ဦး 35:16

ထို့နောက် သူ​တို့​သည် ဗေသလ​အရပ်​မှ​ခရီးပြု​၏​။ ဧဖရတ်​မြို့​သို့​ရောက်​ရန် အတန်ငယ်​ဝေး​သေး​သော​နေရာ​တွင် ရာခေလ​သည် သားဖွား​မည့်​အချိန်​ရောက်​၍ သားဖွားရ​ခက်​နေ​၏​။

၂ ရာ 20:21

အမှု​ကား ထိုသို့​မ​ဟုတ်​ပါ​။ ဧဖရိမ်​တောင်ပေါ်ဒေသ​မှ ဗိခရိ​၏​သား ရှေဘ​အမည်​ရှိ​သူ​သည် ဒါဝိဒ်​မင်းကြီး​ကို ဆန့်ကျင်​ပုန်ကန်​ပြီ​။ သူ့​ကို​သာ အပ်​ပါ​။ ထိုသို့ပြုလျှင် ဤ​မြို့​မှ ငါ​ထွက်ခွာ​မည်​”​ဟု ပြန်ပြော​သောအခါ ထို​အမျိုးသမီး​က ယွာဘ​အား “​စောင့်ကြည့်​ပါ​။ သူ​၏​ဦးခေါင်း​ကို မြို့ရိုး​မှတစ်ဆင့် သင့်​ထံ ပစ်ချ​ပေး​မည်​”​ဟု ဆို​၏​။

၃ ရာ 11:11

ထို့ကြောင့် ထာဝရဘုရား​က ရှောလမုန်​မင်းကြီး​အား “​သင်​သည် ဤသို့​ပြု​၍ ငါ​နှင့်​ဖွဲ့​သော​ပဋိညာဉ်​၊ ငါ​မိန့်မှာ​ထား​သော​စီရင်ထုံးဖွဲ့ချက်​တို့​ကို မ​စောင့်ထိန်း​သောကြောင့် စင်စစ် နိုင်ငံ​တော်​ကို သင့်​လက်​မှ​ရုပ်သိမ်း​ပြီး သင့်​အစေအပါး​လက်​သို့ ငါ​အပ်​မည်​။

၃ ရာ 11:25

ရေဇုန်​သည် ဆီးရီးယား​ပြည်​တွင် ကြီးစိုး​၏​။ အစ္စရေး​လူမျိုး​တို့​ကို ရွံမုန်း​သဖြင့် ဟာဒဒ်​ကဲ့သို့ အစ္စရေး​လူမျိုး​တို့​ကို ဒုက္ခပေး​၍ ရှောလမုန်​မင်းကြီး​လက်ထက်​တစ်လျှောက်လုံး အစ္စရေး​လူမျိုး​တို့​ကို ရန်မူ​လေ​၏​။

၃ ရာ 11:28

ယေရောဗောင်​သည် လုပ်ရည်ကိုင်ရည်​ရှိ​သူ​ဖြစ်​၏​။ ရှောလမုန်​မင်းကြီး​သည် ဤသို့ အလုပ်ကြိုးစား​သော​ထို​လူငယ်​ကို​မြင်​လျှင် ယောသပ်​အမျိုးအနွယ်​တို့​တာဝန်ယူ​ရ​သော​အလုပ်​ဟူသမျှ​ကို ကြီးကြပ်သူ​အဖြစ်​ခွဲခန့်​ထား​၏​။

၃ ရာ 12:2

ရှောလမုန်​မင်းကြီး​ထံမှ​ထွက်ပြေး​သွား​ခဲ့​သော နေဗတ်​၏​သား​ယေရောဗောင်​သည် အီဂျစ်​ပြည်​၌​ခိုလှုံ​နေ​၏​။ ထို​သတင်း​ကို ကြား​ရ​လျှင် ယေရောဗောင်​သည် အီဂျစ်​ပြည်​မှ ပြန်လာ​၏​။

၃ ရာ 14:16

ယေရောဗောင်​မင်းကြီး​သည် ကိုယ်တိုင်​အပြစ်ပြု​သည်​သာမက အစ္စရေး​လူမျိုး​တို့​ကို​ပါ အပြစ်ပြု​စေ​သော​အပြစ်​များ​ကြောင့် ကိုယ်တော်​သည် အစ္စရေး​လူမျိုး​ကို စွန့်ပစ်​တော်မူ​မည်​”​ဟု သူ့​အား ဆို​လေ​၏​။

၃ ရာ 15:30

အကြောင်းမူကား ယေရောဗောင်​မင်းကြီး​သည် ကိုယ်တိုင်​အပြစ်ပြု​သည်​သာမက အစ္စရေး​လူမျိုး​ကို​ပါ လမ်းမှား​စေ​၍ အစ္စရေး​လူမျိုး​၏​ဘုရားသခင်​ထာဝရဘုရား​၏​အမျက်​တော်​ကို နှိုးဆော်​ခဲ့​သောကြောင့်​ဖြစ်​၏​။

၃ ရာ 16:3

ကြည့်ရှု​လော့​။ ငါ​သည် ဗာရှာ​နှင့်​သူ့​အမျိုးအနွယ်​ကို သုတ်သင်ပယ်ရှင်း​ပစ်​မည်​။ သူ့​အမျိုးအနွယ်​ကို နေဗတ်​၏​သား​ယေရောဗောင်​၏​အမျိုးအနွယ်​ကဲ့သို့ ဖြစ်​စေ​မည်​။

၃ ရာ 21:22

သင်​သည် ငါ့​ကို အမျက်ထွက်​စေ​သည်​သာမက အစ္စရေး​လူမျိုး​တို့​ကို​ပါ အပြစ်ပြု​စေ​သောကြောင့် သင့်​အမျိုးအနွယ်​ကို နေဗတ်​၏​သား​ယေရောဗောင်​၏​အမျိုးအနွယ်​နှင့် အဟိယ​၏​သား​ဗာရှာ​၏​အမျိုးအနွယ်​ကဲ့သို့ ဖြစ်စေ​မည်’​ဟု မိန့်​တော်မူ​ပြီ​။

၃ ရာ 9:22

ရှောလမုန်​မင်းကြီး​သည် အစ္စရေး​လူမျိုး​တို့​ကို ကျွန်​အဖြစ်​မ​ထားရှိ​ဘဲ စစ်သူရဲ​များ​၊ မင်းမှုထမ်း​များ​၊ အကြီးအကဲ​များ​၊ တပ်မှူး​များ​၊ ရထားမှူး​များ​၊ မြင်းစီးသူရဲ​များ​အဖြစ် ထားရှိ​၏​။

၁ ရာ​ချုပ် 2:19

အဇုဘ ကွယ်လွန်​သွား​လျှင် ကာလက်​သည် ဧဖရတ်​နှင့်​စုံဖက်​၍ သား​ဟုရ​ကို​ရ​၏​။

၂ ရာ​ချုပ် 13:6

သို့သော် ဒါဝိဒ်​မင်းကြီး​၏​သား​တော် ရှောလမုန်​မင်းကြီး​၏​အမှုထမ်း​ဖြစ်​သူ နေဗတ်​၏​သား​ယေရောဗောင်​သည် မိမိ​သခင်​ကို ဆန့်ကျင်​ပုန်ကန်​လေ​ပြီ​။

၂ ရာ​ချုပ် 9:29

ကျန်ရှိ​နေ​သော ရှောလမုန်​မင်းကြီး​လက်ထက် အဖြစ်အပျက်​အစ​မှ​အဆုံး​ကို ပရောဖက်​နာသန်​၏​မှတ်တမ်း​တွင်​လည်းကောင်း​၊ ရှိလော​မြို့သား အဟိယ​၏​အနာဂတ္တိကျမ်း​တွင်​လည်းကောင်း​၊ နေဗတ်​၏​သား​ယေရောဗောင်​မင်းကြီး​၏​ဗျာဒိတ်ဆရာ​ဣဒေါ​၏​ဗျာဒိတ်ကျမ်း​တွင်​လည်းကောင်း ရေးမှတ်​ထား​၏​။

သူ​ကြီး 12:5

ဂိလဒ်​ပြည်သား​တို့​သည် ဧဖရိမ်​တို့​ပိုင်​သော​ဂျော်ဒန်​မြစ်ရေတိမ်ပိုင်း​တို့​ကို သိမ်းပိုက်​ပြီး​ဖြစ်၍ ထို​နေရာ​သို့ ဧဖရိမ်​အမျိုးသား​တစ်ယောက်ယောက်​က ထွက်ပြေး​လာ​ပြီး “​အကျွန်ုပ် ဖြတ်ကူး​ပါရစေ​”​ဟု ဆို​လျှင် ဂိလဒ်​ပြည်သား​တို့​က “​သင်​သည် ဧဖရိမ်​အမျိုးသား​လော​”​ဟု မေး​၍ သူ​က “​မ​ဟုတ်​ပါ​”​ဟု ဖြေ​လျှင်

ရု​သ 1:2

ထို​သူ​၏​အမည်​မှာ ဧလိမလက်​၊ မယား​၏​အမည်​မှာ နောမိ​၊ သား​နှစ်​ယောက်​၏​အမည်​မှာ မဟာလုန်​၊ ခိလျုန်​တို့​ဖြစ်၍ ယုဒ​ပြည်​၊ ဗက်လင်​မြို့သား ဧဖရတ်​အနွယ်ဝင်​ဖြစ်​၏​။ သူ​တို့​သည် မောဘ​ပြည်​သို့ သွားရောက်​နေထိုင်​ကြ​၏​။

၁ ရာ 1:1

ဧဖရိမ်​တောင်ပေါ်ဒေသ​၊ ရာမသိမ်​ဇုဖိမ်​မြို့​တွင် ဧလကာန​အမည်​ရှိ​သော လူ​တစ်​ယောက်​ရှိ​၏​။ သူ​သည် ဧဖရိမ်​အမျိုး ဇုဖ​၏​တီ​၊ တောဟူ​၏​မြစ်​၊ ဧလိဟု​၏​မြေး​၊ ယေရောဟံ​၏​သား​ဖြစ်​၏​။

၁ ရာ 17:12

ဒါဝိဒ်​သည် ယုဒ​ပြည်​၊ ဗက်လင်​မြို့​မှ ယေရှဲ​အမည်​ရှိ ဧဖရတ်​အမျိုးသား​တစ်​ဦး​၏​သား ဖြစ်​၏​။ ယေရှဲ​၌ သား​ရှစ်​ယောက်​ရှိ​၏​။ သူ​သည် ရှောလု​မင်းကြီး​လက်ထက်​တွင် အသက်ကြီး​၍​အိုမင်း​လေ​ပြီ​။