၂ ရာ​ချုပ် 7:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သူ​တို့​ကို ငါ​ပေး​ထား​သော​ပြည်​မှ ဖယ်ထုတ်​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​ဤ​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပြီး လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​စေ​မည်​။

Common Language Bible

²⁰ ငါ​ပေး​သ​နား​သည့်​ပြည်​မှ​သင်​တို့​ကို​ဖယ်​ရှား မည်။ ငါ့​အား​ဝတ်​ပြု​ကိုး​ကွယ်​ရာ​ဌာ​န​အ​ဖြစ် ဖြင့် ငါ​သီး​သန့်​ထား​သည့်​ဤ​ဗိ​မာန်​တော်​ကို လည်း​စွန့်​ခွာ​မည်​ဖြစ်​၍ အ​ရပ်​တ​ကာ​ရှိ​လူ တို့​တွင်​အ​ထင်​အ​မြင်​သေး​ခြင်း​နှင့်​ပြောင် လှောင်​ခြင်း​ဖြစ်​စေ​မည်။

Garrad Bible

²⁰ ပေး ထား သော ပြည် တော် မှ ဆွဲ နုတ် လျက်၊ ငါ့ နာ မ အ ဖို့ သီး သန့် ထား ခဲ့ သော ဤ ဗိ မာန် ကို လည်း မျက် မှောက် မှ စွန့် ပယ်၍ လူ အ မျိုး မျိုး တို့ တွင် ပုံ ခိုင်း ရာ၊ ပြောင် လှောင် ရာ ဖြစ် စေ မည်။

Judson Bible

²⁰ ငါ​ပေး​သော​ပြည်​မှ သူ​တို့​ကို အ​မြစ်​နှင့်​တ​ကွ ငါ​နုတ်​ပစ်​မည်။ ငါ့​နာ​မ​အ​ဖို့ ငါ​သန့်​ရှင်း​စေ​သော ဤ​အိမ်​တော်​ကို ငါ့​မျက်​မှောက်​မှ ပယ်​ရှား​မည်။ တစ်​ပါး​အ​မျိုး​သား​တို့​တွင် ပုံ​ခိုင်း​ရာ​ကဲ့​ရဲ့​ရာ ဖြစ်​စေ​မည်။

၂ ရာ​ချုပ် 7:20 Referencias Cruzadas

၃ ရာ 14:15

အစ္စရေး​လူမျိုး​သည် အာရှရ​နတ်ဘုရားမ​တံခွန်တိုင်​များ​ကို ပြုလုပ်​ပြီး ထာဝရဘုရား​ကို​အမျက်ထွက်​စေ​သောကြောင့် ထာဝရဘုရား​သည် သူ​တို့​ကို ရေ​ထဲ၌​လှုပ်ခါယမ်း​သော​ကျူပင်​ကဲ့သို့ လှုပ်ခါယမ်း​စေ​မည်​။ ဘိုးဘေး​တို့​အား​ပေး​တော်မူ​သည့် ဤ​သာယာဝပြော​သော​ပြည်​ထဲမှ အစ္စရေး​လူမျိုး​တို့​ကို ထုတ်ပစ်​၍ ယူဖရေးတီး​မြစ်​တစ်ဖက်ကမ်း​သို့ ကွဲလွင့်​သွား​စေ​မည်​။

၃ ရာ 9:7

အစ္စရေး​လူမျိုး​တို့​ကို ငါ​ပေး​ထား​သော​ပြည်​ပေါ်​မှ ငါ​ဖယ်ရှား​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပစ်​မည်​။ အစ္စရေး​လူမျိုး​တို့​သည် လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​ရ​လိမ့်မည်​။

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၂ ရာ​ချုပ် 36:19

သူ​တို့​သည် ဘုရားသခင်​၏​အိမ်​တော်​ကို မီးရှို့​ပြီး ဂျေရုဆလင်​မြို့ရိုး​ကို ဖြိုချ​ပစ်​၏​။ နန်းတော်​တစ်ခုလုံး​ကို​လည်း မီး​ရှို့​ပြီး အဖိုးတန်​အသုံးအဆောင်​အားလုံး​ကို​လည်း ဖျက်ဆီး​ပစ်​ကြ​၏​။

ဆာ​လံ 44:14

ကိုယ်တော်​သည် အကျွန်ုပ်​တို့​ကို တိုင်းနိုင်ငံ​တို့​အလယ်​တွင် လူ​အများ​ပြောစရာ​ဖြစ်စေ​ပြီး လူ​တို့​အလယ်​တွင် ဟားစရာ​ဖြစ်စေ​တော်မူ​၏​။

ဆာ​လံ 52:5

အကယ်စင်စစ် ဘုရားသခင်​သည် သင့်​ကို​ထာဝရ​ဖြိုဖျက်​တော်မူ​လိမ့်မည်​။ ကိုယ်တော်​သည် သင့်​ကို​ဖမ်းဆုပ်​၍ တဲ​ထဲမှ​ဆွဲထုတ်​တော်မူ​လိမ့်မည်​။ အသက်ရှင်​သော​သူ​တို့​နေထိုင်​ရာ​မြေ​ပေါ်မှ​လည်း သင့်​ကို​နုတ်ပယ်​တော်မူ​လိမ့်မည်​။(​စေလာ)

ယေ​ရ​မိ 12:17

သူ​တို့​နား​မ​ထောင်​လျှင် ထို​လူမျိုး​ကို ငါ​ရှင်းရှင်း​ထုတ်ပစ်​ဖျက်ဆီး​လိုက်​မည်​”​ဟု မိန့်​တော်မူ​၏​။

ယေ​ရ​မိ 16:13

ထို့ကြောင့် ဤ​ပြည်​မှ သင်​တို့​နှင့်​သင်​တို့​ဘိုးဘေး​တို့​မ​သိ​သော​ပြည်​သို့ သင်​တို့​ကို ငါ​နှင်ထုတ်​မည်​။ ထို​ပြည်​၌ အခြား​ဘုရား​များ​ကို နေ့နေ့ညည​အစေခံ​ရ​မည်​။ ငါ​သည် သင်​တို့​ကို မျက်နှာသာပေး​မည်​မ​ဟုတ်ဟူ၍ မိန့်​တော်မူ​သည်’​ဟု ဆင့်ဆို​ရ​မည်​။

ယေ​ရ​မိ 18:7

ငါ​သည် လူမျိုး​တစ်​မျိုး​၊ တိုင်းနိုင်ငံ​တစ်နိုင်ငံ​ကို တစ်ခဏအတွင်း နုတ်ပယ်​ဖြိုချ​မည်​၊ ဖျက်ဆီး​မည်​ဟု ငါ​သတိပေး​ခဲ့​ပြီ​။

ယေ​ရ​မိ 22:8

ဤ​မြို့​နား​ဖြတ်သွား​သော​လူ​အများ​တို့​က ‘​ထာဝရဘုရား​သည် ဤ​မြို့​ကြီး​ကို အဘယ်ကြောင့် ဤသို့​ပြု​တော်မူ​သနည်း​’​ဟု တစ်ယောက်​ကို​တစ်ယောက် မေးမြန်း​ကြ​လိမ့်မည်​။

ယေ​ရ​မိ 24:9

မြေကြီး​ပေါ်ရှိ​တိုင်းနိုင်ငံ​အားလုံး​အတွက် ရွံရှာစရာ​၊ ထိတ်လန့်စရာ​ဖြစ်​စေ​မည်​။ ငါ​နှင်ထုတ်​၍ သူ​တို့​ရောက်လေရာ​အရပ်ရပ်​တို့​၌ ကဲ့ရဲ့စရာ​၊ ပုံခိုင်းစရာ​၊ ပြောင်လှောင်စရာ​၊ ကျိန်ဆဲစရာ ဖြစ်​စေ​မည်​။

ယေ​ရ​မိ 31:28

ထာဝရဘုရား​က “​ငါ​သည် သူ​တို့​ကို နုတ်ပယ်​ဖြိုချ​မှောက်လှန်​ဖျက်ဆီး​ပြီး ဒုက္ခရောက်​စေဖို့ စောင့်ကြည့်​သကဲ့သို့ တည်ထောင်​ပြုစု​ဖို့ စောင့်ကြည့်​မည်​”​ဟု မိန့်​တော်မူ​၏​။

ယေ​ရ​မိ 44:8

သင်​တို့​သွားရောက်​နေထိုင်​ရာ​အီဂျစ်​ပြည်​၌ သင်​တို့​လက်​နှင့်​လုပ်​သော​အရာ​များ​ဖြစ်​သည့် အခြား​ဘုရား​များ​အား နံ့သာပေါင်း​မီးရှို့ပူဇော်​ခြင်း​ဖြင့် အဘယ်ကြောင့် ငါ့​အမျက်​ကို နှိုးဆော်​ကြ​သနည်း​။ ယခုမှာမူ သင်​တို့​သည် ပျက်စီး​၍ မြေကြီး​ပေါ်ရှိ​လူမျိုး​တကာ​တို့​တွင် ကဲ့ရဲ့ပြစ်တင်စရာ​၊ ကျိန်ဆဲစရာ ဖြစ်​ရ​လေ​ပြီ​။

ယေ​ရ​မိ 45:4

ထို့ကြောင့် ဗာရုတ်​အား ထာဝရဘုရား​က ‘ကြည့်ရှု​လော့​။ ငါ​တည်ထောင်​ခဲ့​သော​၊ ငါ​စိုက်ပျိုး​ခဲ့​သော ဤ​ပြည်​တစ်ပြည်လုံး​ကို ငါ​ဖြိုဖျက်​မည်​၊ နုတ်ပစ်​မည်’​ဟု မိန့်​တော်မူ​၏​။

ယေ​ဇ​ကျေ​လ 7:24

ငါ​သည် ဆိုးညစ်​သော​လူမျိုး​တို့​ကို ခေါ်​ခဲ့​၍ သူ​တို့​နေထိုင်​ရာ​အိမ်​များ​ကို သိမ်းပိုက်​စေ​မည်​။ ခွန်အားကြီး​သော​သူ​တို့​၏​မာန​ကို ချိုး​ပစ်​မည်​။ သူ​တို့​၏​သန့်ရှင်းရာဌာန​ကို ညစ်ညူး​စေ​မည်​။

တော​လည် 32:15

သင်​တို့​သည် နောက်​တော်​သို့ မလိုက်​ကြ​လျှင် ဤ​လူမျိုး​ကို တောကန္တာရ​ထဲ၌ နောက်တစ်ဖန်​ထပ်၍​စွန့်ပစ်​တော်မူ​လိမ့်မည်​။ သို့ဖြစ်လျှင် သင်​တို့​သည် ဤ​လူ​အပေါင်း​တို့​ကို ဖျက်ဆီး​ရာ​ရောက်​မည်​”​ဟု ဆို​လေ​၏​။

တ​ရား​ဟော 28:37

သင့်​အား​ထာဝရဘုရား​နှင်ထုတ်​တော်မူ​သော​အရပ်​ရှိ လူမျိုး​အပေါင်း​တို့​တွင် သင်​သည် ထိတ်လန့်စရာ​၊ ပုံခိုင်းစရာ​၊ ပြောင်လှောင်စရာ ဖြစ်​လိမ့်မည်​။

တ​ရား​ဟော 29:28

ထာဝရဘုရား​သည် သူ​တို့​ကို အမျက်​ဒေါသ​ပြင်းထန်​စွာ​ဖြင့် သူ​တို့​၏​ပြည်​ထဲ​မှ နုတ်​၍ ယနေ့​မြင်​ရ​သည့်​အတိုင်း သူ​တို့​ကို အခြား​သော​ပြည်​သို့ လွှင့်ပစ်​လိုက်​၏​’​ဟု ဆို​ကြ​လိမ့်မည်​။

ယု​ဒ 1:12

သူ​တို့​သည် သင်​တို့​နှင့်အတူ​စား​သောက်​သောအခါ ရှက်ကြောက်​ခြင်း​မ​ရှိ​ဘဲ မိမိ​တို့​အတွက်​သာ ဂရုစိုက်​လျက် သင်​တို့​၏​မေတ္တာ​ပွဲ​၌ အစွန်းအထင်း​များ​ဖြစ်​ကြ​၏။ သူ​တို့​သည် လေ​၌​လွင့်ပါ​သွား​သော မိုးရေ​မ​ပါ​သည့်​မိုးတိမ်​များ၊ အမြစ်​ပါ​မကျန်​ဆွဲနုတ်​ခံရ​၍ နှစ်​ကြိမ်​သေ​သည့် အသီး​မ​သီး​သော ဆောင်းဦး​ကာလ​သစ်ပင်​များ၊