၂ ရာ​ချုပ် 35:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ယောရှိ​မင်းကြီး​သည် ထို​နေရာ​တွင်​ရှိ​နေ​သော ပြည်သူပြည်သား​တို့​အဖို့ ပသခါယဇ်​အဖြစ် သိုးသငယ်​၊ ဆိတ်သငယ်​စုစုပေါင်း​အကောင်ရေ​သုံးသောင်း​၊ နွား​အကောင်ရေ​သုံးထောင်​တို့​ကို ရှင်ဘုရင်​ပိုင်ဆိုင်​ရာ​ထဲမှ လှူဒါန်း​ပေး​လေ​၏​။

Common Language Bible

⁷ ယော​ရှိ​မင်း​သည်​ပ​သ​ခါ​ပွဲ​တော်​တွင်​ပြည် သူ​တို့​အ​သုံး​ပြု​ရန်​အ​တွက် မိ​မိ​ပိုင်​သိုး ကြီး​သိုး​ငယ်​နှင့် ဆိတ်​ငယ်​ကောင်​ရေ​သုံး သောင်း၊ နွား​ကောင်​ရေ​သုံး​ထောင်​ပေး​လှူ တော်​မူ​၏။-

Garrad Bible

⁷ ယော ရှိ မင်း သည်၊ ပိုင် တော် မူ ရာ အ နက်၊ ပ သ ခါ ပူ ဇော် သ က္ကာ အ ဖြစ်၊ သိုး ဆိတ် သုံး သောင်း၊ နွား သုံး ထောင် များ ကို လူ ပ ရိ သတ် အား ပေး ရာ၊

Judson Bible

⁷ စည်း​ဝေး​သော​သူ​အ​ပေါင်း​တို့​သည် ပ​သ​ခါ​ပွဲ​ခံ​စ​ရာ​ဖို့၊ ယော​ရှိ​မင်း​သည် မိ​မိ​ဥ​စ္စာ၊ သိုး​သ​ငယ်၊ ဆိတ်​သ​ငယ်​သုံး​သောင်း​နှင့် နွား​သုံး​ထောင်​ကို ပေး​တော်​မူ၏။

၂ ရာ​ချုပ် 35:7 Referencias Cruzadas

၃ ရာ 8:63

ရှောလမုန်​မင်းကြီး​သည် နွား​ကောင်ရေ​နှစ်သောင်းနှစ်ထောင်​၊ သိုးကောင်ရေ​တစ်သိန်းနှစ်သောင်း​တို့​ကို ထာဝရဘုရား​ထံ မိတ်သဟာယယဇ်​အဖြစ် ပူဇော်​၏​။ ဤသို့ဖြင့် ရှင်ဘုရင်​နှင့် အစ္စရေး​အမျိုးသား​အပေါင်း​တို့​သည် ထာဝရဘုရား​၏​အိမ်​တော်​ကို ဆက်ကပ်​ကြ​လေ​၏​။

၁ ရာ​ချုပ် 29:3

ထို့ပြင် ငါ​၏​ဘုရားသခင့်​အိမ်​တော်​ကို မြတ်နိုး​လှ​သဖြင့် အထက်​က သန့်ရှင်း​သော​အိမ်​တော်​အဖို့ ငါ​ပြင်ဆင်​ပေး​ထား​သည့်​အရာ​အားလုံး​သာမက ငါ​ပိုင်ဆိုင်​သော​ရတနာ​ရွှေ​ငွေ​တို့​ကို​လည်း ငါ​၏​ဘုရားသခင့်​အိမ်​တော်​အဖို့ ပေးလှူ​ခဲ့​ပြီ​။

၂ ရာ​ချုပ် 30:24

အကြောင်းမူကား ယုဒ​ဘုရင်​ဟေဇကိ​မင်းကြီး​သည် လူထု​တစ်ရပ်လုံး​အတွက် နွား​အကောင်ရေ​တစ်ထောင်​၊ သိုး​အကောင်ရေ​ခုနစ်​ထောင်​ကို ပေးလှူပူဇော်​၏​။ မှူးမတ်​တို့​သည်​လည်း လူထု​အတွက် နွား​အကောင်ရေ​တစ်ထောင်​၊ သိုး​အကောင်ရေ​တစ်သောင်း​ကို ပေးလှူ​ပူဇော်​ကြ​၏​။ များစွာ​သော​ယဇ်ပုရောဟိတ်​တို့​သည်​လည်း မိမိကိုယ်ကို​သန့်ရှင်း​ခြင်း​ဝတ်​ပြု​ကြ​၏​။

၂ ရာ​ချုပ် 31:3

ထာဝရဘုရား​၏​ပညတ်တရားကျမ်း​တွင် ရေးသား​ထား​သည့်​အတိုင်း နံနက်​နှင့်​ညနေ​တို့​တွင် ပူဇော်​ရ​မည့်​မီးရှို့ရာယဇ်​နှင့် ဥပုသ်နေ့​၊ လဆန်းနေ့​၊ သတ်မှတ်​ထား​သော​ပွဲတော်​တို့​တွင် ပူဇော်​ရ​မည့်​မီးရှို့ရာယဇ်​များ​ကို ရှင်ဘုရင်​သည် မိမိ​ဥစ္စာပစ္စည်း​များ​ထဲမှ ခွဲဝေ​ပေး​၏​။

၂ ရာ​ချုပ် 35:6

ပသခါသိုးသငယ်​ကို​သတ်​၍ မိမိတို့ကိုယ်ကို​သန့်ရှင်း​ခြင်း​ဝတ်​ပြု​ကြ​လော့​။ မောရှေ​မှတစ်ဆင့်​ထာဝရဘုရား​မိန့်မှာ​ခဲ့​သည့်​အတိုင်း ကိုယ့်​ညီအစ်ကိုချင်း​တို့​လိုက်နာ​ဆောင်ရွက်​နိုင်​ရန် သူ​တို့​အဖို့ ပြင်ဆင်​ပေး​ကြ​လော့​”​ဟု မှာကြား​၏​။

၂ ရာ​ချုပ် 35:8

ဘုရင့်​မှူးမတ်​တို့​လည်း ပြည်သူပြည်သား​များ​၊ ယဇ်ပုရောဟိတ်​များ​နှင့် လေဝိ​အမျိုး​တို့​အား စေတနာ​အလျောက်​ပေးလှူ​ကြ​၏​။ ဘုရားသခင်​၏​အိမ်တော်အုပ်​များ​ဖြစ်​ကြ​သော ဟိလခိ​၊ ဇာခရိ​နှင့် ယေဟေလ​တို့​လည်း ယဇ်ပုရောဟိတ်​တို့​အဖို့ ပသခါယဇ်​အဖြစ် သိုးသငယ်​၊ ဆိတ်သငယ်​အကောင်ရေ​နှစ်ထောင့်​ခြောက်​ရာ​နှင့် နွား​အကောင်ရေ​သုံး​ရာ​တို့​ကို ပေးလှူ​ကြ​၏​။

ဟေ​ရှာ​ယ 32:8

မြင့်မြတ်​သော​သူ​ကား မြင့်မြတ်​သော​အကြံ​ကို ကြံစည်​တတ်​၏​။ မြင့်မြတ်​သော​အမှု​၌ တည်​၏​။

ယေ​ဇ​ကျေ​လ 36:38

ဆိတ်ညံ​ခဲ့​သော​မြို့​တို့​သည် သတ်မှတ်​ထား​သော​ပွဲတော်​ကာလ​တွင် ဂျေရုဆလင်​မြို့​၌ ယဇ်ပူဇော်​ရန်​သိုး​များ​နှင့် ပြည့်နှက်​နေ​သကဲ့သို့ လူအုပ်​များ​နှင့် ပြည့်​နေ​လိမ့်မည်​။ သို့မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟူ၍ မိန့်​တော်မူ​ကြောင်း ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 45:17

မင်းသား​သည် ပွဲတော်​နေ့​၊ လဆန်းနေ့​၊ ဥပုသ်နေ့​မှစ၍ အစ္စရေး​အမျိုးသား​တို့ တွေ့ဆုံစည်းဝေးရာ​အချိန်​တို့​တွင် မီးရှို့ရာယဇ်​၊ ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ စသည်​တို့​ကို ဆက်သ​ရန်​တာဝန်​ရှိ​သည်​။ အစ္စရေး​အမျိုးသား​တို့ အပြစ်ဖြေလွှတ်​ခြင်း​အတွက် အပြစ်ဖြေရာယဇ်​၊ ဘောဇဉ်ပူဇော်သက္ကာ​၊ မီးရှို့ရာယဇ်​၊ မိတ်သဟာယယဇ်​တို့​ကို ဆက်သ​ရ​မည်​။