၂ ရာ​ချုပ် 33:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ဗင်ဟိန္နုံ​ချိုင့်ဝှမ်း​တွင် မိမိ​သား​တို့​ကို​လည်း မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​၊ မှော်အတတ်​တို့​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို​ပြု​လျက် ထာဝရဘုရား​ကို အမျက်ထွက်​စေ​၏​။

Common Language Bible

⁶ မိ​မိ​၏​သား​တော်​များ​ကို​ဟိန္နုံ​ချိုင့်​တွင်​မီး​ဖြင့် ပူ​ဇော်​၏။ မင်း​ကြီး​သည်​နတ်​ဝိဇ္ဇာ​အ​တတ်​နှင့်​မှော် အ​တတ်​များ​ကို​ကျင့်​သုံး​၍​ဗေ​ဒင်​ဆရာ​နှင့်​နတ် ဝင်​သည့်​သူ​တို့​ထံ​မှ​အ​ကြံ​ဉာဏ်​များ​ကို​တောင်း ယူ​တတ်​လေ​သည်။ သူ​သည်​ထာ​ဝရ​ဘုရား​အား လွန်​စွာ​ပြစ်​မှား​၍​အ​မျက်​တော်​ကို​လှုံ့​ဆော် ပေး​၏။-

Garrad Bible

⁶ သား တော် သ မီး တော် တို့ ကို ဟိ န္နုံ ချိုင့် တွင် မီး ဖြင့် ဆက် ကပ်၍၊ ဗေ ဒင်၊ ဇော် ဂ နီ နှင့် ပ ရော ဂ အ တတ် ကို လေ့ လာ လျက်၊ က ဝေ နှင့် မှော် ဝင် တို့ ကို ချီး မြှင့် လျက်၊ ထာ ဝ ရ ဘု ရား မျက် မှောက် တော် တွင်၊ အ မျက် တော် တိုက် ဆိုး သွမ်း မှု ကို များ စွာ ပြု လေ ၏။

Judson Bible

⁶ မိ​မိ​သား​တို့​ကို ဟိ​န္နုံ​သား​ချိုင့်၌ မီး​ဖြင့်​ပူ​ဇော်၏။ ကာ​လ​ဗေ​ဒင်​ကို​ကြည့်​တတ်၏။ ပြု​စား​သော​အ​တတ်၊ နတ်​ဝိ​ဇ္ဇာ​အ​တတ်​ကို သုံး​ဆောင်၍၊ စုန်း​နှင့် နတ်​ဝင်​တို့​ကို​လည်း အ​ခွင့်​ပေး၏။ ထာ​ဝ​ရ​ဘု​ရား၏​အ​မျက်​တော်​ကို နှိုး​ဆော်​ခြင်း​ငှာ ရှေ့​တော်၌​များ​စွာ​သော ဒု​စ​ရိုက်​ကို​ပြု၏။

၂ ရာ​ချုပ် 33:6 Referencias Cruzadas

၃ ရာ 16:33

အာဟပ်​မင်းကြီး​သည် အာရှရ​နတ်ဘုရားမ​တံခွန်တိုင်​ကို​လည်း စိုက်ထူ​၏​။ ထိုထက်မက သူ့​အလျင်​ရှိ​ခဲ့​သော​အစ္စရေး​ဘုရင်​အပေါင်း​တို့​ထက် အစ္စရေး​လူမျိုး​၏​ဘုရားသခင်​ထာဝရဘုရား​ကို သာ၍​အမျက်ထွက်​စေ​၏​။

၄ ရာ 17:17

သူ​တို့​၏​သား​သမီး​တို့​ကို မီးရှို့​ပူဇော်​ကြ​၏​။ ဂမ္ဘီရအတတ်​၊ ဟူးရားအတတ်​တို့​ကို ဆည်းပူး​ကြ​၏​။ မကောင်းမှု​ပြု​ရန် ကိုယ့်ကိုယ်ကိုယ်​ရောင်းစား​ခြင်း​ဖြင့် ထာဝရဘုရား​ကို အမျက်ထွက်​စေ​ကြ​၏​။

၄ ရာ 21:6

မိမိ​သား​ကို မီးရှို့ပူဇော်​၏​။ ဗေဒင်အတတ်​၊ ဟူးရားအတတ်​ကို လိုက်စား​သည်​သာမက နတ်ဝင်သည်​၊ နတ်ထိန်းသည်​တို့​အား မေးမြန်း​သော​အလေ့အထ​ကို​လည်း ကျင့်သုံး​၏​။ ဤသို့​မကောင်းမှု​များ​ကို အဆမတန်​ပြု​လျက် ထာဝရဘုရား​ကို အမျက်ထွက်​စေ​၏​။

၄ ရာ 23:10

ရှင်ဘုရင်​သည် ဗင်ဟိန္နုံ​ချိုင့်ဝှမ်း​ရှိ​တောဖက်​အရပ်​ကို​လည်း မစင်ကြယ်​အောင် လုပ်လိုက်​သဖြင့် ထို​နေရာ​တွင် မည်သူ​မျှ မိမိ​သား​သမီး​ကို မောလုတ်​ဘုရား​ထံ မီးရှို့ပူဇော်​၍​မ​ရ​တော့​ချေ​။

၄ ရာ 23:24

ယောရှိ​မင်းကြီး​သည် ထာဝရဘုရား​၏​အိမ်​တော်​၌ ယဇ်ပုရောဟိတ်​ဟိလခိ​တွေ့ရှိ​ခဲ့​သော​ကျမ်း​တွင်​ရေးသား​ထား​သည့် ပညတ်တရား​စကား​တော်​တို့​ကို စောင့်ထိန်း​ရန် ဂျေရုဆလင်​မြို့​အပါအဝင် ယုဒ​ပြည်​တွင်​တွေ့ရှိ​သော နတ်ဝင်သည်​များ​၊ နတ်ထိန်း​များ​၊ တေရပ်ရုပ်တု​အပါအဝင်​ရုပ်တုဆင်းတု​များ​နှင့် စက်ဆုပ်ရွံရှာဖွယ်​အရာ​အားလုံး​တို့​ကို​လည်း ဖယ်ရှား​ပစ်​၏​။

၁ ရာ​ချုပ် 10:13

ရှောလု​မင်းကြီး​သည် ထာဝရဘုရား​အပေါ် သစ္စာမစောင့်​၊ ထာဝရဘုရား​၏​စကား​တော်​ကို မ​နာခံ​၊ နတ်ဝင်သည်​ထံ မေးမြန်း​တိုင်ပင်​၍

၂ ရာ​ချုပ် 28:3

သူ​သည် ဗင်ဟိန္နုံ​ချိုင့်ဝှမ်း​တွင် နံ့သာပေါင်း​ကို​မီးရှို့ပူဇော်​၏​။ အစ္စရေး​အမျိုးသား​တို့​ရှေ့​မှ ထာဝရဘုရား​နှင်ထုတ်​တော်မူ​သော​လူမျိုးခြား​တို့​၏​စက်ဆုပ်ရွံရှာဖွယ်​ဓလေ့​များ​အတိုင်း ကိုယ့်​သား​များ​ကို​ပင် မီးရှို့​ပူဇော်​ခဲ့​၏​။

ဟေ​ရှာ​ယ 19:3

အီဂျစ်​ပြည်သား​တို့​သည် စိတ်ပျက်​ကြ​လိမ့်မည်​။ သူ​တို့​၏​အကြံအစည်​ကို​လည်း ငါ​ဖျက်ဆီး​မည်​။ ထိုအခါ သူ​တို့​သည် ရုပ်တု​၊ နတ်​၊ နတ်ဝင်သည်​၊ နတ်ထိန်း​တို့​ထံ မေးမြန်း​ကြ​လိမ့်မည်​။

ဟေ​ရှာ​ယ 8:19

“​တီးတိုး​ရွတ်ဆို​တတ်​သော နတ်ဝင်သည်​၊ နတ်ထိန်းသည်​တို့​ထံ မေးမြန်း​ကြ​လော့​”​ဟု လူ​တို့​က သင်​တို့​အား​ပြောလာ​လျှင် လူ​သည် မိမိ​ဘုရားသခင်​ကို​သာ မေးမြန်း​သင့်​သည်​မ​ဟုတ်​လော​။ အသက်ရှင်​သော​သူ​အတွက် သေ​သော​သူ​ကို မေးမြန်း​သင့်​သလော​။

ယေ​ရ​မိ 32:35

ငါ​မ​မိန့်မှာ​ခဲ့​၊ စိတ်​ပင်​မ​ကူး​ခဲ့​ဘဲ​လျက် ရွံရှာဖွယ်​အမှု​ဖြစ်​သည့် ဗင်ဟိန္နုံ​ချိုင့်ဝှမ်း​၌ ဗာလ​ကုန်းမြင့်​ကို​တည်​ခြင်း​၊ သူ​တို့​၏​သား​သမီး​များ​ကို မောလုတ်​ဘုရား​အား​ပူဇော်​ခြင်း​ကို ပြု​ကြ​၏​။ ဤသို့ဖြင့် ယုဒ​အမျိုး​တို့​ကို အပြစ်​ဖြစ်​စေ​ကြ​ပြီ’​ဟု မိန့်​တော်မူ​၏​။

ယေ​ဇ​ကျေ​လ 23:37

သူ​တို့​သည် အိမ်ထောင်ရေးဖောက်ပြန်​၏​။ လူ​အသက်သတ်​၏​။ ရုပ်တု​များ​နှင့် ဖောက်ပြန်​၏​။ ငါ့​အဖို့ ဖွားမြင်​သော​သားသမီး​များ​ကို​ပင် ထို​ရုပ်တု​တို့​၏​အစာ​အဖြစ် ပူဇော်​ကြ​၏​။

ယေ​ဇ​ကျေ​လ 23:39

သူ​တို့​သည် သားသမီး​များ​ကို​သတ်​ပြီး ရုပ်တု​များ​အား​ပူဇော်​သည့်​နေ့​တွင်ပင် သန့်ရှင်းရာဌာန​ထဲသို့​ဝင်​၍ ညစ်ညူး​စေ​ကြ​၏​။ ငါ့​အိမ်​တော်​တွင်း​၌ ဤသို့​ပြု​ကြ​ပါ​သည်​တကား​။

ဝတ်​ပြု 18:21

သင်​၏​သားမြေး​တို့​ကို မောလုတ်​ဘုရား​အား​ပူဇော်​ရန် မ​ပေး​ရ​။ သင့်​ဘုရားသခင်​၏​နာမ​တော်​ကို မ​ရှုတ်ချ​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 19:26

သွေး​ပါ​သော​အသား​ကို မ​စား​ရ​။ ဟူးရားအတတ်​၊ ဗေဒင်အတတ်​ကို မ​ကျင့်သုံး​ရ​။

ဝတ်​ပြု 19:31

သင်​တို့​သည်​နတ်ဝင်သည်​များ​နှင့် နတ်ထိန်း​များ​အားဖြင့် ညစ်ညူး​ခြင်း​သို့​မ​ရောက်​အောင် သူ​တို့​ထံသို့ မ​သွား​နှင့်​။ သူ​တို့​ကို မ​မေးမြန်း​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 20:2

“​သင်​သည် အစ္စရေး​အမျိုးသား​တို့​အား ‘​အစ္စရေး​အမျိုးသား​ထဲမှ​ဖြစ်စေ​၊ အစ္စရေး​လူမျိုး​ထံ၌​တည်းခိုနေထိုင်​သော​တိုင်းတစ်ပါးသား​ထဲမှ​ဖြစ်စေ တစ်စုံတစ်ယောက်​သည် မိမိ​သားမြေး​ကို မောလုတ်​ဘုရား​အား​ပေးလှူ​လျှင် သူ​သည် မုချ​အသတ်​ခံရ​မည်​။ ပြည်သူပြည်သား​တို့​သည် သူ့​ကို ခဲ​နှင့်​ပေါက်သတ်​ရ​မည်​။

ဝတ်​ပြု 20:27

ယောက်ျား​ထဲတွင်​ဖြစ်စေ​၊ မိန်းမ​ထဲတွင်​ဖြစ်စေ နတ်ဝင်သည်​၊ သို့မဟုတ် နတ်ထိန်း​ရှိ​လျှင် မုချ​အသတ်​ခံရ​မည်​။ ထိုသို့သော​သူ​တို့​ကို ခဲ​နှင့်​ပေါက်သတ်​ရ​မည်​။ သူ​တို့​၏​သွေး​သည် သူ​တို့​အပေါ်​၌ ကျရောက်​မည်’​ဟူ၍ ဆင့်ဆို​လော့​”​ဟု မိန့်​တော်မူ​၏​။

ဝတ်​ပြု 20:6

တစ်စုံတစ်ယောက်​သည် နတ်ဝင်သည်​များ​နှင့်​နတ်ထိန်း​များ​ထံသို့​လှည့်​၍ သူ​တို့​နောက်သို့​လိုက်​ပြီး ဖောက်ပြန်မှားယွင်း​လျှင် ငါ​သည် သူ့​ကို မျက်နှာ​လွှဲ​၍ သူ​၏​လူမျိုး​မှ ငါ​ပယ်ဖျက်​မည်​။

ဂ​လာ​တိ 5:20

ရုပ်တု​ကိုးကွယ်​ခြင်း၊ ပြုစား​ခြင်း၊ ရန်ငြိုး​ဖွဲ့​ခြင်း၊ ပဋိပက္ခ​ဖြစ်​ခြင်း၊ မနာလို​ခြင်း၊ ဒေါသ​ကြီး​ခြင်း၊ တစ်ကိုယ်ကောင်းဆန်​ခြင်း၊ စိတ်ဝမ်းကွဲ​ခြင်း၊ ဂိုဏ်းကွဲ​ခြင်း၊

တ​ရား​ဟော 12:31

ထို​လူမျိုး​သည် ထာဝရဘုရား​မုန်း​တော်မူ​သည့် စက်ဆုပ်ရွံရှာဖွယ်​ရှိသမျှ​တို့​ကို မိမိ​တို့​ဘုရား​များ​အတွက် ပြု​ကြ​၏​။ စင်စစ် သူ​တို့​သည် မိမိ​တို့​၏​သား​သမီး​များ​ကို​ပင် သူ​တို့​၏​ဘုရား​များ​အတွက် မီး​ရှို့​ကြ​၏​။ သူ​တို့​ပြု​သကဲ့သို့ သင်​၏​ဘုရားသခင်​ထာဝရဘုရား​အတွက် မ​ပြု​ရ​။

၁ ရာ 15:23

ပုန်ကန်​ခြင်း​အပြစ်​သည် ဂမ္ဘီရပညာ​သုံး​ခြင်း​အပြစ်​နှင့် အတူတူပင်​ဖြစ်​၏​။ ခေါင်းမာ​ခြင်း​သည် မကောင်းမှု​ပြု​ခြင်း​၊ ရုပ်တုကိုးကွယ်​ခြင်း​ပင်​ဖြစ်​၏​။ သင်​သည် ထာဝရဘုရား​၏​စကား​ကို​ပယ်​သောကြောင့် ထာဝရဘုရား​သည်​လည်း သင့်​ကို ဘုရင်​အဖြစ်​မှ​ပယ်​တော်မူ​ပြီ​”​ဟု သူ့​အား ဆို​၏​။