၂ ရာ​ချုပ် 33:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ထိုသို့ ဒုက္ခရောက်​သောအခါ မနာရှေ​မင်းကြီး​သည် သူ​၏​ဘုရားသခင်​ထာဝရဘုရား​၏​မျက်နှာ​တော်​ကို ရှာ​လျက် ဘိုးဘေး​တို့​၏​ဘုရားသခင်​ရှေ့​တော်​တွင် မိမိကိုယ်ကို​အလွန်​နှိမ့်ချ​လေ​၏​။

Common Language Bible

¹² မင်း​ကြီး​သည်​ဆင်း​ရဲ​ဒုက္ခ​ရောက်​သော​အ​ခါ မာန်​မာ​န​ကျိုး​၍ မိ​မိ​၏​ဘု​ရား​သ​ခင်​ထာ​ဝရ ဘု​ရား​ထံ​တော်​သို့​ပြန်​လာ​ပြီး​လျှင်​ကူ​မ တော်​မူ​ရန်​အ​သ​နား​ခံ​တော်​မူ​၏။-

Garrad Bible

¹² မ နာ ရှေ မင်း သည် ကျဉ်း မြောင်း သော အ ခါ၊ ဘိုး ဘေး တို့ ဘု ရား သ ခင် ရှေ့၊ အ ထူး နှိမ့် ချ လျက်၊ ကိုယ့် ဘု ရား သခင် ထာ ဝ ရ ဘု ရား ထံ၊ ခ ညောင်း တောင်း လျှောက် လျှင်၊

Judson Bible

¹² ထို​သို့​မ​နာ​ရှေ​သည် ဆင်း​ရဲ​ဒု​က္ခ​ကို ခံ​ရ​သော​အ​ခါ၊ မိ​မိ​ဘု​ရား​သ​ခင် ထာ​ဝ​ရ​ဘု​ရား​ကို​တောင်း​ပန်၍၊ ဘိုး​ဘေး​တို့၏ ဘု​ရား​သ​ခင့်​ရှေ့​မှာ ကိုယ်​ကို အ​လွန်​နှိမ့်​ချ​လျက်၊

၂ ရာ​ချုပ် 33:12 Referencias Cruzadas

၂ ရာ​ချုပ် 12:7

ဤသို့ မိမိကိုယ်ကို​နှိမ့်ချ​ကြ​သည်​ကို ထာဝရဘုရား​မြင်​တော်မူ​လျှင် ထာဝရဘုရား​၏​နှုတ်ကပတ်တော်​သည် ရှေမာယ​ထံ​ရောက်လာ​ပြန်​၍ “​သူ​တို့​သည် မိမိကိုယ်ကို​နှိမ့်ချ​ကြ​သောကြောင့် သူ​တို့​ကို ငါ​မ​ဖျက်ဆီး​။ အသက်ချမ်းသာ​ခွင့်​ကို​ကား ငါ​ပေး​မည်​။ ရှိရှက်​မင်းကြီး​အားဖြင့် ငါ့​အမျက်​တော်​ကို ဂျေရုဆလင်​မြို့​ပေါ်သို့ ငါ​သွန်ချ​မည်​မ​ဟုတ်​။

၂ ရာ​ချုပ် 15:2

သူ​သည် အာသ​မင်းကြီး​ထံ​သွား​ကာ “​အို အာသ​မင်းကြီး​နှင့် ယုဒ​အမျိုး​၊ ဗင်္ယာမိန်​အမျိုး​အပေါင်း​တို့​၊ ငါ့​စကား​ကို နားထောင်​ကြ​ပါ​လော့​။ သင်​တို့​သည် ထာဝရဘုရား​နှင့်အတူ​ရှိ​လျှင် ထာဝရဘုရား​သည်​လည်း သင်​တို့​နှင့်အတူ ရှိ​လိမ့်မည်​။ ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပစ်​လျှင် ကိုယ်တော်​သည်​လည်း သင်​တို့​ကို စွန့်ပစ်​တော်မူ​မည်​။

၂ ရာ​ချုပ် 15:4

သို့သော် သူ​တို့​သည် ဆင်းရဲဒုက္ခ​ရောက်​၍ အစ္စရေး​လူမျိုး​၏​ဘုရားသခင်​ထာဝရဘုရား​ထံ​ပြန်လာ​ပြီး ကိုယ်တော်​ကို ရှာ​ကြ​သောအခါ သူ​တို့​ကို အတွေ့ခံ​တော်မူ​၏​။

၂ ရာ​ချုပ် 28:22

အာခတ်​မင်းကြီး​သည် ဒုက္ခရောက်​နေ​ချိန်​တွင်​ပင် ထာဝရဘုရား​အပေါ် သစ္စာမဲ့​သော​လုပ်ရပ်​များ​ကို ဆက်​၍​သာ​လုပ်ဆောင်​လေ​၏​။

၂ ရာ​ချုပ် 28:5

ထို့ကြောင့် သူ​၏​ဘုရားသခင်​ထာဝရဘုရား​သည် သူ့​ကို ဆီးရီးယား​ဘုရင်​လက်​သို့ အပ်လိုက်​တော်မူ​၏​။ ဆီးရီးယား​လူမျိုး​တို့​သည် သူ့​ကို​အောင်​နိုင်​ပြီး သုံ့ပန်း​အမြောက်အမြား​ကို ဒမတ်စကပ်​မြို့​သို့ ဖမ်းဆီး​ခေါ်ဆောင်​သွား​၏​။ သူ​သည် အစ္စရေး​ဘုရင်​လက်​သို့​လည်း အပ်လိုက်​ခြင်း​ခံရ​သဖြင့် ထို​ဘုရင်​သည် သူ့​ကို အပြင်းအထန်​တိုက်ခိုက်​ချေမှုန်း​လေ​၏​။

၂ ရာ​ချုပ် 32:26

သို့သော် ဟေဇကိ​မင်းကြီး​နှင့် ဂျေရုဆလင်​မြို့သား​တို့​သည် ဘဝင်မြင့်​ရာ​မှ မိမိကိုယ်ကို​နှိမ့်ချ​ကြ​သဖြင့် ဟေဇကိ​မင်းကြီး​လက်ထက်​တွင် သူ​တို့​အပေါ် ထာဝရဘုရား​၏​အမျက်​တော် မ​ကျရောက်​ခဲ့​ပေ​။

၂ ရာ​ချုပ် 33:23

ခမည်းတော်​မနာရှေ​မင်းကြီး​သည် မိမိကိုယ်ကို​နှိမ့်ချ​ခဲ့​သော်လည်း အာမုန်​မင်းကြီး​မူကား ထာဝရဘုရား​ရှေ့​တော်​တွင် မိမိကိုယ်ကို​မ​နှိမ့်ချ​ခဲ့​သည်​သာမက ပို၍ပင်​အပြစ်ပြု​သေး​၏​။

၂ ရာ​ချုပ် 34:27

ဤ​မြို့​နှင့်​မြို့သား​တို့​အား ဆန့်ကျင်​သော​နှုတ်ကပတ်တော်​ကို သင်​ကြား​ရ​သောအခါ သင်​သည် နှလုံးကြေကွဲ​လျက် ဘုရားသခင်​ရှေ့​တော်​တွင် မိမိကိုယ်ကို​နှိမ့်ချ​လေ​ပြီ​။ သင်​သည် ငါ့​ရှေ့မှောက်​တွင် မိမိကိုယ်ကို​နှိမ့်ချ​လျက်​၊ ကိုယ့်​အဝတ်​ကို​ဆုတ်​လျက် ငါ့​ရှေ့မှောက်​၌​ငိုကြွေး​သည်​ကို ငါ​ကြား​ပြီ​။

ဆာ​လံ 118:5

ငါ​သည် ပြင်းပြ​သော​ဝေဒနာ​ထဲမှ ထာဝရဘုရား​ကို​ခေါ်​၏​။ ထာဝရဘုရား​သည် ငါ့​ကို​ထူး​တော်မူ​ပြီး ကျယ်ဝန်း​သော​အရပ်​၌ ထား​တော်မူ​၏​။

ဆာ​လံ 120:1

ငါ​သည် ဆင်းရဲဒုက္ခ​ရောက်​သောအခါ ထာဝရဘုရား​ကို​ခေါ်​၍ ကိုယ်တော်​သည် ငါ့​ကို​ထူး​တော်မူ​၏​။

ဆာ​လံ 130:1

အို ထာဝရဘုရား​၊ အကျွန်ုပ်​သည် နက်ရှိုင်း​ရာ​နေရာ​မှ ကိုယ်တော်​ကို​ခေါ်​ပါ​၏​။

ဆာ​လံ 130:2

အို ဘုရားရှင်​၊ အကျွန်ုပ်​၏​အသံ​ကို နားထောင်​တော်မူ​ပါ​။ အကျွန်ုပ်​အသနားခံ​သော​အသံ​ကို နားစွင့်​တော်မူ​ပါ​။

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ထွက်​မြောက် 10:3

မောရှေ​နှင့်​အာရုန်​တို့​သည်​လည်း ဖာရော​မင်းကြီး​ထံသို့​ဝင်​၍ “​ဟေဗြဲ​လူမျိုး​တို့​၏​ဘုရားသခင်​ထာဝရဘုရား​က ‘​သင်​သည် ငါ့​ရှေ့​၌ ကိုယ့်ကိုယ်ကိုယ် မ​နှိမ့်ချ​ဘဲ မည်မျှ​ကြာ​အောင်​တင်းခံ​နေ​မည်နည်း​။ ငါ​၏​လူမျိုး​တော်​သည် ငါ့​ကို​ဝတ်ပြု​ရန် သူ​တို့​ကို​လွှတ်​လော့​။

ယေ​ရ​မိ 13:18

ရှင်ဘုရင်​နှင့်​မယ်တော်​အား “​သင်​တို့​၏​ဘုန်း​သရဖူ​သည် သင်​တို့​၏​ခေါင်း​မှ ပြုတ်ကျ​ပြီ​ဖြစ်၍ နိမ့်ကျ​သော​နေရာ​၌ ထိုင်​လော့​”​ဟု ပြော​လော့​။

ယေ​ရ​မိ 36:7

သူ​တို့​အသီးသီး ဆိုးညစ်​သော​လမ်း​မှ​ပြန်လှည့်​လာ​၍ ထာဝရဘုရား​ရှေ့​တော်​၌ ပျပ်ဝပ်​လျက် အသနားခံ​ကောင်း​ခံ​ကြ​လိမ့်မည်​။ အကြောင်းမူကား ဤ​လူမျိုး​တို့​ကို ထာဝရဘုရား ပြင်းစွာ​အမျက်​ဒေါသ​ထွက်​တော်မူ​လေ​ပြီ​”​ဟု ဆို​၏​။

ဒံ​ယေ​လ 4:36

ငါ လူစိတ်​ပြန်ဝင်​သော​အချိန်​တွင် ငါ့​နိုင်ငံ​တော်​ကြီး ကျက်သရေ​ရှိ​စေရန် ခန့်ညားထည်ဝါ​သော​ငါ့​အရိုက်အရာ​ကို​လည်း ငါ​ပြန်လည်​ရရှိ​၏​။ မင်း​အတိုင်ပင်ခံ​များ​၊ မှူးမတ်​များ​လည်း ငါ့​အား​ရှာဖွေ​၍ ထီးနန်း​ကို​ပြန်လည်​အပ်နှင်း​ပေး​ကြ​၏​။ ငါ့​ဘုန်းတန်ခိုး​သည်​လည်း တိုးသည်ထက်တိုး​လေ​၏​။

ဟော​ရှေ 5:15

သူ​တို့​သည် ကိုယ့်​အပြစ်​ကို​မ​ဝန်ခံ​မ​ချင်း​၊ ငါ့​မျက်နှာ​ကို​မ​ရှာ​မ​ချင်း စံမြန်း​ရာ​သို့ ငါ​ပြန်သွား​နေ​မည်​။ သူ​တို့​သည် ဆင်းရဲဒုက္ခ​ရောက်​သောအခါ ငါ့​ကို ကြိုးစားရှာ​ကြ​လိမ့်မည်​။”

ယော​န 2:2

“​အကျွန်ုပ်​သည် ဆင်းရဲဒုက္ခ​ထဲတွင် ထာဝရဘုရား​ထံ အော်ဟစ်​ဆုတောင်း​သောအခါ ကိုယ်တော်​နားညောင်း​တော်မူ​၏​။ မရဏာနိုင်ငံ​တွင်းနက်​ထဲမှ အကျွန်ုပ်​အကူအညီ​အော်ဟစ်​တောင်းခံ​သောအခါ အကျွန်ုပ်​အသံ​ကို ကိုယ်တော်​ကြား​တော်မူ​ပါ​၏​။

မိက္ခာ 6:9

ထာဝရဘုရား​သည် မြို့​ကို အော်ဟစ်​မိန့်မြွက်​တော်မူ​၏​။ ဉာဏ်ပညာ​ရှိ​သော​သူ​သည် နာမ​တော်​ကို သိမြင်​လေ​ပြီ​။ တောင်ဝှေး​ကို​လည်းကောင်း​၊ တောင်ဝှေး​အား ခန့်အပ်​ထား​သော​အရှင်​ကို​လည်းကောင်း နာခံ​လော့​။

တမန်တော်ဝတ္ထု 9:11

သခင်​ဘုရား​က​လည်း“သင်​သည်​ထ​၍ လမ်းဖြောင့်​ဟု​ခေါ်​သော လမ်းကြား​တစ်​ခု​သို့​သွား​ပြီးလျှင် ရှောလု​အမည်​ရှိ​သော တာရှု​မြို့သား​ကို ယုဒ​၏​အိမ်​၌ မေးမြန်း​ရှာဖွေ​လော့။ အကြောင်းမူကား သူ​သည် ဆုတောင်း​လျက်​နေ​၍

ယာ​ကုပ် 4:10

ထာဝရ​ဘုရား​ရှေ့​တော်​၌ မိမိ​ကိုယ်​ကို​နှိမ့်ချ​ကြ​လော့။ သို့ပြုလျှင် ကိုယ်တော်​သည် သင်​တို့​ကို​ချီးမြှောက်​တော်မူ​လိမ့်မည်။