၂ ရာ​ချုပ် 30:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ဘိုးဘေး​တို့​၏​ဘုရားသခင်​ထာဝရဘုရား​အပေါ် သစ္စာမဲ့​သော သင်​တို့​၏​ဘိုးဘေး​၊ သင်​တို့​၏​ညီအစ်ကို​များ​ကဲ့သို့ သင်​တို့​မ​ဖြစ်​ကြ​နှင့်​။ သင်​တို့​မြင်​သည့်​အတိုင်း ကိုယ်တော်​သည် သူ​တို့​ကို ထိတ်လန့်စရာ ဖြစ်​စေ​ခဲ့​၏​။

Common Language Bible

⁷ သင်​တို့​သည်​ဘု​ရား​သ​ခင်​ထာ​ဝ​ရ​ဘု​ရား ကို သစ္စာ​ဖောက်​သူ​ဘိုး​ဘေး​များ​နှင့်​အ​ခြား ဣ​သ​ရေ​လ​အ​မျိုး​သား​တို့​ကဲ့​သို့​မ​ပြု ကြ​နှင့်။ သင်​တို့​သိ​ရှိ​ကြ​သည့်​အ​တိုင်း ကိုယ် တော်​သည် ထို​သူ​တို့​အား​အ​ပြစ်​ဒဏ်​ခတ် တော်​မူ​ခဲ့​၏။-

Garrad Bible

⁷ ဘိုး ဘေး တို့ ၏ ဘု ရား သ ခင် ထာ ဝ ရ ဘု ရား သ စ္စာ တော် ကို ဖောက် ကျော် သည့် အ တွက်၊ သင် တို့ သိ ကြ သည့် အ တိုင်း၊ အံ့ ဖွယ် သ ရဲ ဖြစ် သော ဘိုး ဘေး တို့ နှင့် ဆွေ မျိုး သား ချင်း နည်း တူ၊

Judson Bible

⁷ ဘိုး​ဘေး​တို့၏ ဘု​ရား​သ​ခင် ထာ​ဝ​ရ​ဘု​ရား​ကို ပြစ်​မှား​သော သင်​တို့၏​အ​ဘ​များ၊ ညီ​အစ်​ကို​များ​ကဲ့​သို့ မ​ပြု​ကြ​နှင့်။ ပြစ်​မှား​သော ထို​သူ​တို့​ကို သင်​တို့​မြင်​သည်​အ​တိုင်း၊ သုတ်​သင်​ပယ်​ရှင်း​ခြင်း​သို့ အပ်​တော်​မူ​ပြီ။

၂ ရာ​ချုပ် 30:7 Referencias Cruzadas

၂ ရာ​ချုပ် 26:18

ဩဇိ​မင်းကြီး​နှင့်​မျက်နှာချင်းဆိုင်​လျက် “​အရှင်​ဩဇိ​မင်းကြီး​၊ ထာဝရဘုရား​ထံ နံ့သာပေါင်း​မီးရှို့ပူဇော်​ခြင်း​အမှု​သည် အရှင်မင်းကြီး​နှင့်​မ​ဆိုင်​ပါ​။ နံ့သာပေါင်း​မီးရှို့ပူဇော်​ရန် ခန့်အပ်​ခြင်း​ခံရ​သော​အာရုန်​နှင့်​သူ​၏​သားစဉ်မြေးဆက်​တို့​နှင့်​သာ​ဆိုင်​ပါ​၏​။ သန့်ရှင်းရာဌာန​ထဲမှ​ထွက်သွား​ပါ​။ မင်းကြီး​သည် သစ္စာမဲ့​စွာ​ပြု​မိ​ပြီ​ဖြစ်​၍ မင်းကြီး​၌ ဘုရားသခင်​ထာဝရဘုရား​ထံမှ ဘုန်းအသရေ​မ​ရှိ​တော့​ပေ​”​ဟု ဆို​လျှင်

၂ ရာ​ချုပ် 29:8

ထို့ကြောင့် ထာဝရဘုရား​သည် ယုဒ​ပြည်သူ​ဂျေရုဆလင်​မြို့သား​တို့​ကို အမျက်​ထွက်​ပြီး သင်​တို့​မြင်​သည့်​အတိုင်း သူ​တို့​ကို ရွံရှာစရာ​၊ ထိတ်လန့်စရာ​၊ ကဲ့ရဲ့လှောင်ပြောင်စရာ ဖြစ်စေ​ပြီ​။

ဆာ​လံ 106:6

အကျွန်ုပ်​တို့​သည် အကျွန်ုပ်​တို့​၏​ဘိုးဘေး​များ​နှင့်အတူ အပြစ်ပြု​ကြ​ပါ​ပြီ​။ ဒုစရိုက်​ကို​ပြု​ကြ​ပါ​ပြီ​။ ဆိုးယုတ်​သော​အမှု​ကို​ပြု​ကြ​ပါ​ပြီ​။

ဆာ​လံ 78:8

ထိုသို့​အားဖြင့် သူ​တို့​သည် သူ​တို့​၏​ဘိုးဘေး​များ​ကဲ့သို့ ဖြစ်​ကြ​တော့​မည်​မ​ဟုတ်​။ ထို​ဘိုးဘေး​တို့​သည် ခေါင်းမာ​၍ ပုန်ကန်​တတ်​သည့်​မျိုးဆက်​၊ သူ​တို့​၏​စိတ်နှလုံး​တည်ကြည်​ခြင်း​မ​ရှိ​သကဲ့သို့ သူ​တို့​၏​ဝိညာဉ်​သည်​လည်း ဘုရားသခင်​အပေါ် သစ္စာ​မ​ရှိ​သော​မျိုးဆက်​ဖြစ်​ကြ​၏​။

ယေ​ဇ​ကျေ​လ 20:30

ထို့ကြောင့် အစ္စရေး​အမျိုးအနွယ်​အား ဘုရားရှင်​ထာဝရဘုရား​က ‘သင်​တို့​သည် ဘိုးဘေး​တို့​၏​အပြုအမူ​အကျင့်အကြံ​အတိုင်း ကိုယ့်ကိုယ်ကိုယ် ညစ်ညူး​စေ​ကြ​သလော​။ သူ​တို့​ပြု​သော ရွံရှာဖွယ်​ရာ​နောက်သို့​လိုက်​၍ ဖောက်ပြန်မှားယွင်း​ကြ​သလော’​ဟု မိန့်​တော်မူ​၏​။