၂ ရာ​ချုပ် 29:35 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁵ ဤတွင် များစွာ​သော​မီးရှို့ရာယဇ်​အပြင် အဆီ​ဖြင့်​ပူဇော်​သော​မိတ်သဟာယယဇ်​များ​၊ သွန်းလောင်းရာပူဇော်သက္ကာ​နှင့်​ပူဇော်​သော မီးရှို့ရာယဇ်​များ​လည်း ပါရှိ​၏​။ ဤသို့ဖြင့် ထာဝရဘုရား​၏​အိမ်​တော်​အမှု​ကို ပြန်လည်​အသက်ဝင်​စေ​ခဲ့​၏​။

Common Language Bible

³⁵ တစ်​ကောင်​လုံး​မီး​ရှို့​ပူ​ဇော်​ရ​သည့်​ယဇ် များ​အ​ပြင် လူ​တို့​စား​သုံး​သည့်​ယဇ်​များ မှ​ဆီ​ဥ​ကို​မီး​ရှို့​ပူ​ဇော်​မှု၊ မီး​ရှို့​ရာ​ပူ​ဇော် သ​ကာ​များ​နှင့်​အ​တူ​ဆက်​ကပ်​ရ​သည့် စ​ပျစ်​ရည်​ကို သွန်း​လောင်း​ပူ​ဇော်​မှု​တို့​ကို လည်း​ယဇ်​ပု​ရော​ဟိတ်​များ​က​တာ​ဝန် ယူ​ရ​ကြ​လေ​သည်။ သို့​ဖြစ်​၍​ဗိ​မာန်​တော်​၌​ဝတ်​ပြု​ကိုး​ကွယ် မှု​သည်​ပြန်​လည်​တည်​မြဲ​လေ​၏။-

Garrad Bible

³⁵ မီး ရှို့ ရာ သ က္ကာ၊ ဆိုင် သော သွန်း လောင်း ရာ သ က္ကာ၊ မိ သ ဟာ ယ သ က္ကာ ဆီ ဥ လည်း များ ပြား လှ ၏။ ထို သို့ ဗိ မာန် တော် သည် တည် မြဲ ပြည့် စုံ လေ ၏။

Judson Bible

³⁵ မီး​ရှို့​ရာ​ယဇ်​များ​တို့​နှင့်၊ မီး​ရှို့​ရာ​ယဇ် အ​သီး​အ​သီး​ဆိုင်​သော မိတ်​သ​ဟာ​ယ ယဇ်​ဆီ​ဥ၊ သွန်​လောင်း​ရာ ပူ​ဇော်​သ​ကာ​အ​များ​ရှိ​ကြ၏။ ထို​သို့ ဗိ​မာန်​တော်​ဝတ်​ပြု​ခြင်း​ကို စီ​ရင်​သ​တည်း။

၂ ရာ​ချုပ် 29:35 Referencias Cruzadas

ကမ္ဘာ​ဦး 35:14

ယာကုပ်​သည် မိမိ​အား​ဘုရားသခင်​မိန့်မြွက်​တော်မူ​သော​အရပ်​၌ ကျောက်တိုင်​တစ်​တိုင်​ကို စိုက်ထူ​လေ​၏​။ သူ​သည် ၎င်း​အပေါ်​၌ သွန်းလောင်းရာပူဇော်သက္ကာ​ကို​သွန်းလောင်း​၍ ဆီ​ကို​လည်း​လောင်း​၏​။

၂ ရာ​ချုပ် 29:32

လူအစုအဝေး​တို့ ယူဆောင်​လာ​သော မီးရှို့ရာယဇ်​အရေအတွက်​မှာ နွား​အကောင်​ခုနစ်ဆယ်​၊ သိုးထီး​အကောင်​တစ်ရာ​၊ သိုးသငယ်​အကောင်​နှစ်ရာ ဖြစ်​၏​။ ဤ​အရာ​အားလုံး​သည် ထာဝရဘုရား​ထံ​ပူဇော်​သော မီးရှို့ရာယဇ်​ဖြစ်​၏​။

၂ ရာ​ချုပ် 29:36

ဘုရားသခင်​သည် လူ​တို့​အဖို့ ပြု​ပေး​တော်မူ​သဖြင့် အချိန်​အနည်းငယ်​အတွင်း ထို​အမှု​များ​ဖြစ်မြောက်​လာ​သောကြောင့် ဟေဇကိ​မင်းကြီး​နှင့် ပြည်သူပြည်သား​တို့ အလွန်​ပျော်ရွှင်ဝမ်းမြောက်​ကြ​၏​။

ဧ​ဇ​ရ 6:18

ထို့နောက် မောရှေ​၏​ပညတ်တရား​ကျမ်း​၌​ရေးထား​သည့်​အတိုင်း ဂျေရုဆလင်​မြို့​တွင် ဘုရားသခင်​၏​အမှု​တော်​ကို​ထမ်းဆောင်​ရန် ယဇ်ပုရောဟိတ်​အုပ်စု​၊ လေဝိ​အုပ်စု​တို့​ကို ခန့်ထား​လေ​၏​။

ထွက်​မြောက် 29:13

အူ​ကို​ဖုံး​နေ​သည့်​အဆီ​ရှိသမျှ​ကို​လည်းကောင်း​၊ အသည်း​ပေါ်မှ​အဆီပျဉ်​ကို​လည်းကောင်း​၊ ကျောက်ကပ်​နှစ်​ခု​နှင့်​ထို​ကျောက်ကပ်​နှစ်​ခု​အပေါ်​ရှိ​အဆီ​ကို​လည်းကောင်း ယူ​၍ ယဇ်ပလ္လင်​ပေါ်၌​ရှို့​ရ​မည်​။

ဝတ်​ပြု 23:13

ထို​ယဇ်​နှင့်အတူ ပူဇော်​သော​ဘောဇဉ်ပူဇော်သက္ကာ​သည် ဆီ​နှင့်​ရော​သော​အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံနှစ်ပုံ​ဖြစ်​ရ​မည်​။ ထာဝရဘုရား​အဖို့ မွှေးကြိုင်​သော​ရနံ့​ဖြစ်​သည့် မီး​ဖြင့်​ပူဇော်​သော​ယဇ်​ဖြစ်​၏​။ ထို​ယဇ်​နှင့်အတူ ပူဇော်​သော​သွန်းလောင်းရာပူဇော်သက္ကာ​သည်​လည်း စပျစ်ဝိုင်​တစ်​ဟိန်​၏​လေးပုံတစ်ပုံ​ဖြစ်​ရ​မည်​။

ဝတ်​ပြု 3:17

သင်​တို့​သည် မည်သည့်​အဆီ​၊ မည်သည့်​သွေး​ကို​မျှ မ​စား​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

၁ ကော 14:40

သို့သော် အရာ​အားလုံး​ကို တင့်တယ်​လျောက်ပတ်​စွာ အစီအစဉ်​တကျ​ပြု​ကြ​လော့။