၂ ရာ​ချုပ် 28:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ အဆီးရီးယား​ဘုရင် တိဂလတ်ပိလေသာ​မင်းကြီး​သည်​လည်း သူ့​ထံ​ချီလာ​ပြီး အကူအညီ​ပေး​မည့်​အစား ဒုက္ခရောက်​အောင် ပြု​၏​။

Common Language Bible

²⁰ သို့​ဖြစ်​၍​အာ​ရှု​ရိ​ဧ​က​ရဇ်​မင်း​တိ​ဂ​လတ် ပိ​လေ​သာ​သည် အာ​ခတ်​အား​အ​ကူ​အ​ညီ ပေး​မည့်​အ​စား​ဆန့်​ကျင်​ဘက်​ပြု​၍​ဒုက္ခ ရောက်​စေ​၏။-

Garrad Bible

^20-21 အာ ရှု ရိ ဘု ရင် တိ ဂ လတ် ပိ လေ သာ မင်း ချီ လာ ရာ၊ အာ ခတ် မင်း သည် ဗိ မာန် တော်၊ နန်း တော် နှင့် မှူး တော် မတ် တော် တို့ အိမ် ရှိ ဘ ဏ္ဍာ များ ကို ယူ ငင် ပေး ဆက် သော် လည်း၊ အား ပေး ခြင်း၊ ကူ ညီ ခြင်း မ ရ။ ကျဉ်း မြောင်း ခြင်း သာ ဖြစ် ရ ချေ ၏။

Judson Bible

²⁰ အာ​ရှု​ရိ​ရှင်​ဘု​ရင် တိ​ဂ​လတ်​ပိ​လေ​သာ လာ​သော်​လည်း၊ အား​ကို​မ​ပေး၊ သာ၍​ဆင်း​ရဲ​စေ၏။

၂ ရာ​ချုပ် 28:20 Referencias Cruzadas

၄ ရာ 15:29

အစ္စရေး​ဘုရင်​ပေကာ​မင်းကြီး​လက်ထက်​တွင် အဆီးရီးယား​ဘုရင်​တိဂလတ်ပိလေသာ​မင်းကြီး​သည် စစ်ချီလာ​၍ ဣယုန်​မြို့​၊ အာဗေလဗက်မာခါ​မြို့​၊ ယာနော​မြို့​၊ ကေဒေရှ​မြို့​၊ ဟာဇော်​မြို့​၊ ဂိလဒ်​ပြည်​၊ ဂါလိလဲ​ပြည်​နှင့် နဿလိ​ပြည်​တစ်ပြည်လုံး​ကို သိမ်းယူ​ပြီး ပြည်သူပြည်သား​တို့​ကို အဆီးရီးယား​ပြည်​သို့ ဖမ်းခေါ်​သွား​၏​။

၄ ရာ 17:5

ထို့နောက် အဆီးရီးယား​ဘုရင်​သည် အစ္စရေး​ပြည်​တစ်ပြည်လုံး​သို့ ဝင်ရောက်​ကျူးကျော်​ပြီး ရှမာရိ​မြို့​သို့ ချီတက်​သွား​၍ မြို့​ကို​သုံး​နှစ်​မျှ​ဝိုင်းရံ​ထား​၏​။

၁ ရာ​ချုပ် 5:26

ထို့ကြောင့် အစ္စရေး​လူမျိုး​၏​ဘုရားသခင်​သည် အဆီးရီးယား​ဘုရင်​ပုလ​မင်းကြီး​တည်းဟူသော အဆီးရီးယား​ဘုရင်​တိဂလတ်ပိလေသာ​မင်းကြီး​၏​စိတ်​ကို နှိုးဆော်​၍ သူ​သည် ရုဗင်​အမျိုး​၊ ဂဒ်​အမျိုး​၊ မနာရှေ​၏​အမျိုး​တစ်ဝက်​တို့​ကို ဖမ်းဆီးခေါ်ဆောင်​သွား​၏​။ သူ​တို့​သည် ဟာလာ​အရပ်​၊ ဟာဗော်​အရပ်​၊ ဟာရ​အရပ်​၊ ဂေါဇန်​အရပ်​ရှိ​မြစ်​နား​တစ်လျှောက်​တို့​တွင် ယနေ့​တိုင်အောင် နေထိုင်​ကြ​၏​။

၁ ရာ​ချုပ် 5:6

ဗာလ​၏​သား​မှာ ဗေရာ ဖြစ်​၏​။ ဗေရာ​သည် ရုဗင်​အမျိုး​၏​ခေါင်းဆောင်​ဖြစ်​ပြီး အဆီးရီးယား​ဘုရင် တိဂလတ်ပိလေသာ​မင်းကြီး​၏​ဖမ်းခေါ်​သွား​ခြင်း​ကို​ခံရ​သူ ဖြစ်​၏​။

၂ ရာ​ချုပ် 30:6

ဆက်သား​တို့​သည် ရှင်ဘုရင်​နှင့်​မှူးမတ်​တို့​ထံမှ စာ​ကို​ယူ​၍ အစ္စရေး​ပြည်​နှင့်​ယုဒ​ပြည်​တစ်လျှောက်လုံး​သို့​သွား​၏​။ ရှင်ဘုရင်​၏​အမိန့်​တော်​စာ​တွင် “​အို အစ္စရေး​အမျိုးသား​တို့​၊ အာဗြဟံ​၊ ဣဇက်​နှင့် အစ္စရေး​လူမျိုး​တို့​၏​ဘုရားသခင်​ထာဝရဘုရား​ထံ ပြန်လာ​ကြ​လော့​။ သို့မှ အဆီးရီးယား​ဘုရင်​တို့​လက်​မှ​လွတ်မြောက်​၍ ကြွင်းကျန်​သော​သင်​တို့​ထံသို့ ကိုယ်တော်​ပြန်လာ​တော်မူ​မည်​။

ဟေ​ရှာ​ယ 30:16

သင်​တို့​က “​ငါ​တို့​သည် ထိုသို့​မ​နေ​၊ မြင်း​စီး​၍​ထွက်ပြေး​မည်​”​ဟု ဆို​သောကြောင့် သင်​တို့​ထွက်ပြေး​ရ​လိမ့်မည်​။ “​ငါ​တို့​သည် အပြေးမြန်​သော​မြင်း​ကို​စီးသွား​မည်​”​ဟု ဆို​သောကြောင့် သင်​တို့​ကို​လိုက်​သော​သူ​တို့​သည် အလျင်အမြန်​လိုက်​လိမ့်မည်​။

ဟေ​ရှာ​ယ 30:3

သို့သော် ဖာရော​မင်းကြီး​၏​အကာအကွယ်​သည် သင်​တို့​အတွက် အရှက်ကွဲစရာ​ဖြစ်ပြီး အီဂျစ်​ပြည်​၏​အရိပ်​ကို​ခိုလှုံ​ခြင်း​သည် သင်​တို့​အတွက် အသရေပျက်စရာ​ဖြစ်​လိမ့်မည်​။

ဟေ​ရှာ​ယ 7:17

ထာဝရဘုရား​သည် အဆီးရီးယား​ဘုရင်​ကို သင့်​ထံသို့​လည်းကောင်း​၊ သင့်​လူမျိုး​ထံသို့​လည်းကောင်း​၊ သင့်​ဖခင်​၏​အမျိုးအနွယ်​ထံသို့​လည်းကောင်း ခေါ်ဆောင်​လာ​တော်မူ​မည်​ဖြစ်၍ ယုဒ​အမျိုး​ထံမှ ဧဖရိမ်​အမျိုး​ထွက်သွား​သော​နေ့​မှစ၍ မ​ကြုံ​ဖူး​သော​နေ့ရက်​များ​ကို သင်​တို့​ကြုံ​ရ​လိမ့်မည်​။

ဟေ​ရှာ​ယ 7:20

ထို​နေ့ရက်​၌ ဘုရားရှင်​သည် ယူဖရေးတီး​မြစ်​တစ်ဖက်​မှ အဆီးရီးယား​ဘုရင်​တည်းဟူသော သင်တုန်းဓား​ကို​ငှား​၍ ခေါင်း​နှင့်​ခြေ​မွေး​ကို ရိတ်​တော်မူ​လိမ့်မည်​။ မုတ်ဆိတ်​ကို​လည်း သုတ်သင်​တော်မူ​လိမ့်မည်​။

ယေ​ရ​မိ 2:36

သင်​သည် အဘယ်ကြောင့် ဤမျှလောက်​လှည့်လည်​သွားလာ​၍ သင်​၏​အပြုအမူ​ကို ပြောင်းလဲ​ရ​သနည်း​။ အဆီးရီးယား​ပြည်​အားဖြင့် အရှက်ကွဲ​ရ​သကဲ့သို့ အီဂျစ်​ပြည်​အားဖြင့် အရှက်ကွဲ​ရ​လိမ့်မည်​။

ယေ​ရ​မိ 2:37

သင်​သည် မိမိ​ခေါင်း​ပေါ်၌ လက်​ကို​တင်​လျက် ထို​ပြည်​မှ​ထွက်သွား​ရ​လိမ့်မည်​။ ထာဝရဘုရား​သည် သင်​ကိုးစားသောသူ​တို့​ကို ပယ်​တော်မူ​ပြီ​ဖြစ်၍ သင်​သည် သူ​တို့​အားဖြင့် ကောင်းစား​လိမ့်မည်​မ​ဟုတ်​။

ယေ​ဇ​ကျေ​လ 16:28

သင်​သည် မ​ရောင့်ရဲ​နိုင်​ဘဲ အဆီးရီးယား​ပြည်သား​တို့​နှင့်​လည်း ဖောက်ပြန်မှားယွင်း​သေး​၏​။ ထိုသို့ သူ​တို့​နှင့်​ဖောက်ပြန်မှားယွင်း​သည့်​တိုင် သင်​သည် အားရကျေနပ်​ခြင်း​မ​ရှိ​။

ဟော​ရှေ 5:13

ဧဖရိမ်​သည် မိမိ​ရောဂါ​ကို မြင်​၍ ယုဒ​သည်​လည်း မိမိ​ဒဏ်ရာ​ကို မြင်​သောအခါ ဧဖရိမ်​သည် အဆီးရီးယား​သို့ သွား​၏​။ ယာရက်​မင်းကြီး​ထံသို့ လူ​လွှတ်​၏​။ သို့သော် ထို​ဘုရင်​သည် သင်​တို့​ကို မ​ကျန်းမာ​စေ​နိုင်​၊ မ​ကုသ​ပေး​နိုင်​။