၂ ရာ​ချုပ် 24:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ သူ​သည် အစ္စရေး​နိုင်ငံ​တွင် ဘုရားသခင်​နှင့်​အိမ်​တော်​အတွက်​ကောင်းသောအမှု​များ​ကို ပြု​သောကြောင့် သူ့​ကို ဒါဝိဒ်​မြို့​တွင် ဘုရင်​များ​နှင့်အတူ သင်္ဂြိုဟ်​ကြ​၏​။

Common Language Bible

¹⁶ ဣသ​ရေ​လ​ပြည်​သူ​တို့​အ​တွက်၊ ဘု​ရား​သ​ခင် အ​တွက်​နှင့် ဗိ​မာန်​တော်​အ​တွက်​ဆောင်​ရွက်​ခဲ့ သည်​ကို​အ​သိ​အ​မှတ်​ပြု​သည့်​အ​နေ​ဖြင့် ပြည်​သူ​တို့​သည်​သူ​၏​အ​လောင်း​ကို ဒါ​ဝိဒ် မြို့​ဘု​ရင်​တို့​၏​သင်္ချိုင်း​တော်​တွင်​သင်္ဂြိုဟ်​ကြ​၏။

Garrad Bible

¹⁶ ဘု ရား သ ခင်၏ အ မှု တော် နှင့် ဗိ မာန် တော် အ မှု၊ ဣ သ ရေ လ ပြည် ကျိုး များ ကို သယ် ပိုး ရွက် ဆောင် သူ ဖြစ် သော ကြောင့်၊ ဒါ ဝိဒ် မြို့ တော် ရှိ သင်္ချိုင်း တော် တွင် စျာ ပ န ပြု ကြ ကုန် ၏။

Judson Bible

¹⁶ ဒါ​ဝိဒ်​မြို့​မှာ ရှင်​ဘု​ရင်​တို့​တွင် သင်္ဂြိုဟ်​ခြင်း​ကို ခံ​လေ၏။ အ​ကြောင်း​မူ​ကား၊ ဣ​သ​ရေ​လ​အ​မျိုး​တွင် ဘု​ရား​သ​ခင်၌​လည်း​ကောင်း၊ အိမ်​တော်၌​လည်း​ကောင်း ကျေး​ဇူး​ပြု​သော​သူ​ဖြစ်​သ​တည်း။

၂ ရာ​ချုပ် 24:16 Referencias Cruzadas

၃ ရာ 2:10

ထို့နောက်တွင် ဒါဝိဒ်​မင်းကြီး​သည် ဘိုးဘေး​တို့​နှင့်အတူ​အိပ်ပျော်​၍ သူ့​ကို ဒါဝိဒ်​မြို့​တွင် သင်္ဂြိုဟ်​ကြ​၏​။

၄ ရာ 12:7

ထို့ကြောင့် ယဟောရှ​မင်းကြီး​သည် ယဇ်ပုရောဟိတ်​ယောယဒ​နှင့် အခြား​ယဇ်ပုရောဟိတ်​တို့​ကို ဆင့်ခေါ်​၍ “​အိမ်​တော်​အပျက်အစီး​များ​ကို အဘယ်ကြောင့် မ​ပြုပြင်​ကြ​သနည်း​။ ယခု ကိုယ်​နှင့်​ရင်းနှီးသူ​တို့​ထံမှ ငွေ​ကို​မ​ယူ​ဘဲ အိမ်​တော်​အပျက်အစီး​ကို​ပြုပြင်​ရန်​အတွက် ကိုယ့်​ငွေ​ကို ပေးအပ်​ကြ​လော့​”​ဟု မိန့်ဆို​၏​။

၂ ရာ​ချုပ် 21:2

ယောရှဖတ်​မင်းကြီး​၏​သား​တော်​ယဟောရံ​တွင် အာဇရိ​၊ ယေဟေလ​၊ ဇာခရိ​၊ အာဇရိ​၊ မိက္ခေလ​၊ ရှေဖတိ စသော​ညီအစ်ကို​များ ရှိ​၏​။ ဤ​သူ​အားလုံး​သည် အစ္စရေး​ဘုရင်​ယောရှဖတ်​မင်းကြီး​၏​သား​တော်​များ ဖြစ်​၏​။

၂ ရာ​ချုပ် 21:20

သူ​သည် သက်တော်​သုံးဆယ့်​နှစ်​နှစ်​တွင် နန်းတက်​၍ ဂျေရုဆလင်​မြို့​၌ ရှစ်​နှစ်​စိုးစံ​၏​။ သူ​အနိစ္စရောက်​သောအခါ မည်သူ​မျှ​ဝမ်း​မ​နည်း​။ သူ့​ကို ဒါဝိဒ်​မြို့​တွင် သင်္ဂြိုဟ်​သော်လည်း ရှင်ဘုရင်​တို့​သင်္ချိုင်း​တွင် မ​သင်္ဂြိုဟ်​ကြ​ပေ​။

၂ ရာ​ချုပ် 24:15

ယောယဒ​သည် အသက်ကြီး​၍​သက်တမ်းစေ့​သောအခါ ကွယ်လွန်​သွား​၏​။ ကွယ်လွန်​ချိန်​တွင် အသက်​တစ်ရာ့​သုံးဆယ် ရှိ​၏​။

၂ ရာ​ချုပ် 24:17

ယောယဒ​ကွယ်လွန်​သွား​ပြီး​နောက်တွင် ယုဒ​အကြီးအကဲ​တို့​သည် ရှင်ဘုရင်​ထံ​လာ​၍ ပျပ်ဝပ်ဦးညွှတ်​ကြ​၏​။ ရှင်ဘုရင်​သည်​လည်း သူ​တို့​စကား​ကို နားထောင်​၏​။

၂ ရာ​ချုပ် 31:20

ဟေဇကိ​မင်းကြီး​သည် ယုဒ​ပြည်​တစ်လျှောက်လုံး​တွင် ထိုသို့​ပြု​ပေး​၏​။ ဘုရားသခင်​ထာဝရဘုရား​ရှေ့​တော်​တွင် ကောင်းမြတ်​၍ ဖြောင့်မတ်​မှန်ကန်​သော​အမှု​ကို ပြု​၏​။

နေ​ဟ​မိ 13:14

အို အကျွန်ုပ်​၏​ဘုရားသခင်​၊ အကျွန်ုပ်​ပြု​ခဲ့​သော​အမှု​အတွက် အကျွန်ုပ်​ကို​အောက်မေ့​တော်မူ​ပါ​။ ဘုရားသခင်​၏​အိမ်​တော်​နှင့်​အမှု​တော်​အတွက် အကျွန်ုပ်​ကောင်း​စွာ​လုပ်ဆောင်​ခဲ့​သည်​ကို လျစ်လျူရှု​တော်​မ​မူ​ပါ​နှင့်​။

ရှင်မာကု 6:29

ယောဟန်​၏​တပည့်​တို့​သည် ထို​သတင်း​ကို​ကြားသိ​ကြ​သောအခါ လာ​၍ သူ​၏​အလောင်း​ကို​ယူဆောင်​သွား​ပြီးလျှင် ဂူသွင်း​သင်္ဂြိုဟ်​ကြ​၏။

တမန်တော်ဝတ္ထု 2:29

ညီအစ်ကို​တို့၊ မျိုးနွယ်စု​ဖခင်​ဖြစ်​သော​ဒါဝိဒ်​နှင့်​ပတ်သက်၍ သင်​တို့​အား ငါ​အတိအလင်း​ပြောဆို​နိုင်​သည်​မှာ သူ​သည်​သေလွန်​၍ သင်္ဂြိုဟ်​ခြင်း​ကို​ခံရ​ပြီး သူ​၏​သင်္ချိုင်း​ဂူ​သည် ယနေ့​တိုင်အောင် ငါ​တို့​အရပ်​၌​ရှိ​၏။

ဟေ​ဗြဲ 6:10

အကြောင်းမူကား ဘုရားသခင်​သည် သင်​တို့​၏​လုပ်ဆောင်​မှု​ကို​လည်းကောင်း၊ သန့်ရှင်း​သူ​တို့​ကို ယခင်​က သင်​တို့​လုပ်ကျွေး​ပြုစု​သကဲ့သို့ ယခု​လည်း လုပ်ကျွေး​ပြုစု​လျက် ကိုယ်တော်​၏​နာမ​တော်​ကို​ထောက်၍ သင်​တို့​ပြ​သော​ချစ်​ခြင်း​မေတ္တာ​တို့​ကို​လည်းကောင်း မေ့လျော့​သည့်​တိုင်အောင် တရားမျှတ​မှု​ကင်းမဲ့​တော်မူ​သည်​မ​ဟုတ်။

၁ ရာ 2:30

ထို့ကြောင့် အစ္စရေး​လူမျိုး​၏​ဘုရားသခင်​ထာဝရဘုရား​က ‘သင့်​အမျိုးအနွယ်​နှင့်​သင့်​ဘိုးဘေး​၏​အမျိုးအနွယ်​သည် ငါ့​ရှေ့​၌ အစဉ်​ဝင်ထွက်​သွားလာ​ရ​မည်’​ဟူ၍ ငါ​အမှန်ဆို​ခဲ့​၏​။ ယခုမှာ ထာဝရဘုရား​က ‘ထို​မိန့်ဆိုချက်​သည် ငါ​နှင့်​ဝေး​ပါစေ​။ ငါ့​ကို​ဂုဏ်ပြုချီးမြှောက်​သော​သူ​ကို ငါ​ဂုဏ်ပြုချီးမြှောက်​မည်​။ ငါ့​ကို​မထီမဲ့မြင်ပြု​သော​သူ​တို့​သည် မထီမဲ့မြင်ပြု​ခြင်း​ခံရ​မည်​။