၂ ရာ​ချုပ် 21:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သို့သော် ထာဝရဘုရား​သည် ဒါဝိဒ်​မင်းကြီး​နှင့်​ပြု​ထား​သော​ပဋိညာဉ်​ကို​ထောက်​၍ သူ​နှင့်​သူ့​သားမြေး​တို့​၏​မီးခွက်​ကို အစဉ်​ထွန်းလင်း​စေ​မည်​ဟု ကတိထား​သည်​နှင့်အညီ ဒါဝိဒ်​မင်းမျိုးမင်းနွယ်​ကို​ဖျက်ဆီး​ရန် အလို​တော်​မ​ရှိ​ပေ​။

Common Language Bible

⁷ သို့​ရာ​တွင်​ထာ​ဝ​ရ​ဘု​ရား​သည်​ဒါ​ဝိဒ်​နှင့် ပ​ဋိ​ညာဉ်​ပြု​တော်​မူ​၍ သူ​၏​အ​မျိုး​မင်း​ရိုး မ​ပြတ်​စေ​ရန်​က​တိ​ထား​တော်​မူ​ခဲ့​သ​ဖြင့် ဒါ​ဝိဒ်​မင်း​ဆက်​ပျက်​သုဉ်း​သွား​စေ​ရန် အ​လို​တော်​မ​ရှိ​ချေ။

Garrad Bible

⁷ သို့ ရာ တွင်၊ ထာ ဝ ရ ဘု ရား သည်၊ ဒါ ဝိဒ် နှင့် သား စဉ် မြေး ဆက် တို့ အ လင်း မ ကွယ် စေ ရ ဟု က တိ ထား လျက် ဖွဲ့ တော် မူ ခဲ့ သော ပ ဋိ ညာဉ် ကို ထောက် ထား ၍၊ ထို မင်း မျိုး ကို ဖျက် ပယ် ရန် အ လို တော် မ ရှိ ချေ။

Judson Bible

⁷ သို့​ရာ​တွင် ထာ​ဝ​ရ​ဘု​ရား​သည် ဒါ​ဝိဒ်​အ​စ​ရှိ​သော သား​မြေး​တို့၏​မီး​ခွက်​ကို အ​စဉ်​ထွန်း​လင်း​စေ​မည်​ဟု က​တိ​တော်​ရှိ၍၊ ဒါ​ဝိဒ်​နှင့် ပ​ဋိ​ညာဉ်​ဖွဲ့​တော်​မူ​သော​ကြောင့်၊ သူ၏​အ​မျိုး​ကို မ​ဖျက်​ဆီး​ဘဲ ထား​တော်​မူ၏။

၂ ရာ​ချုပ် 21:7 Referencias Cruzadas

၂ ရာ 21:17

ထိုအခါ ဇေရုယာ​၏​သား အဘိရှဲ​သည် ဒါဝိဒ်​မင်းကြီး​ကို​လာကူ​ပြီး ထို​ဖိလိတ္တိ​သူရဲ​ကို တိုက်ခိုက်​သတ်ဖြတ်​လိုက်​လေ​၏​။ ထို့နောက် ဒါဝိဒ်​မင်းကြီး​၏​စစ်သည်​တို့​က သူ့​အား “​အစ္စရေး​လူမျိုး​၏​ဆီမီး ငြိမ်း​မ​သွား​စေရန် နောက်နောင် အကျွန်ုပ်​တို့​နှင့်အတူ စစ်ပွဲ​ရှိ​ရာ​သို့ မ​လိုက်​ပါ​နှင့်​တော့​”​ဟု ဆို​လျက် ဒါဝိဒ်​မင်းကြီး​အား ကျိန်ဆို​စေ​၏​။

၂ ရာ 23:5

အကယ်စင်စစ် ငါ​၏​အမျိုးအနွယ်​သည် ဘုရားသခင်​ရှေ့​တော်​၌ ထိုသို့​ဖြစ်​သည်​မ​ဟုတ်​လော​။ ကိုယ်တော်​သည် ထာဝရ​ပဋိညာဉ်​ကို ငါ​နှင့် ဖွဲ့​တော်မူ​သည်​မ​ဟုတ်​လော​။ အလုံးစုံ​ကို စီရင်​တော်မူ​ပြီ​ဖြစ်၍ စိတ်ချလုံခြုံ​ရ​ပါ​၏​။ ငါ့​ကို အကြွင်းမဲ့​ကယ်တင်​တော်မူ​ပြီ​။ အလုံးစုံ​သော​ဆန္ဒ​တို့​ကို ဖြည့်ဆည်း​ပေး​တော်မူ​ပြီ​။

၃ ရာ 11:13

သို့သော် ငါ့​အစေအပါး​ဒါဝိဒ်​မင်းကြီး​နှင့် ငါ​ရွေးချယ်​သော​ဂျေရုဆလင်​မြို့​ကို​ထောက်​ထား​၍ နိုင်ငံ​တစ်ခုလုံး​ကို​မ​ရုပ်သိမ်း​ဘဲ မျိုးနွယ်​တစ်​နွယ်​ကို သင့်​သား​အား ငါ​ပေး​ထား​မည်”​ဟု မိန့်​တော်မူ​၏​။

၃ ရာ 11:36

ငါ့​နာမ​တည်​ရန် ငါ့​အဖို့ ငါ​ရွေးချယ်​ရာ​နေရာ ဂျေရုဆလင်​မြို့​တွင် ငါ့​အစေအပါး ဒါဝိဒ်​မင်းကြီး​၏​မီးခွက်​သည် ငါ့​ရှေ့မှောက်​တွင် အစဉ်အမြဲ​လင်း​နေ​စေရန် ရှောလမုန်​မင်းကြီး​၏​သား​တော်​ကို မျိုးနွယ်​တစ်​နွယ် ငါ​ပေး​မည်​။

၃ ရာ 15:4

သို့သော် သူ​၏​ဘုရားသခင်​ထာဝရဘုရား​သည် ဒါဝိဒ်​မင်းကြီး​ကို​ထောက်​ထား​၍ ဂျေရုဆလင်​မြို့​တွင် ဒါဝိဒ်​မင်းကြီး​၏​မီးခွက်​ဆက်လက်​လင်း​နေ​စေရန် သူ​၏​သား​တော်​အား သူ​၏​အရိုက်အရာ​ကို​ဆက်ခံ​စေ​သည့်​အပြင် ဂျေရုဆလင်​မြို့​ကို​လည်း တည်မြဲ​စေ​ခဲ့​၏​။

၄ ရာ 8:19

သို့သော် ထာဝရဘုရား​သည် မိမိ​၏​အစေအပါး​ဒါဝိဒ်​မင်းကြီး​ကို​ထောက်၍ သူ​နှင့် သူ့​သားမြေး​တို့​၏​မီးခွက်​ကို အစဉ်​ထွန်းလင်း​စေ​မည်​ဟု ကတိထား​သည်​နှင့်အညီ ယုဒ​ပြည်​ကို ဖျက်ဆီး​ရန် အလို​တော်​မ​ရှိ​ပေ​။

၄ ရာ 8:24

ယောရံ​မင်းကြီး​သည် ဘိုးဘေး​တို့​နှင့်အတူ အိပ်ပျော်​လေ​၏​။ သူ့​ကို ဘိုးဘေး​တို့​နှင့်အတူ ဒါဝိဒ်​မြို့​တွင် သင်္ဂြိုဟ်​ကြ​၏​။ သူ​၏​သား​တော်​အာခဇိ​သည် သူ့​အရိုက်အရာ​ကို ဆက်ခံ​၏​။

၂ ရာ​ချုပ် 22:11

သို့သော် ယဟောရံ​မင်းကြီး​၏​သမီး​တော်​ယောရှေဘ​သည် အာခဇိ​မင်းကြီး​၏​သား​တော်​ယောရှ​ကို အသတ်​ခံရ​မည့်​ဘုရင့်​သား​တော်​များ​ထဲ​မှ ခိုး​ယူ​၍ အထိန်းတော်​နှင့်အတူ အတွင်းခန်း​ထဲတွင်​ထည့်​ထား​၏​။ ဤသို့ ယဟောရံ​မင်းကြီး​၏​သမီး​တော် ယဇ်ပုရောဟိတ်​ယောယဒ​၏​မယား အာခဇိ​မင်းကြီး​၏​နှမ​တော်​ဖြစ်​သော​ယောရှေဘ​သည် ယောရှ​ကို​ဝှက်ထား​သဖြင့် အာသလိ​ရန်​မှ ကင်း​၍ အသတ်​မ​ခံရ​တော့​ပေ​။

၂ ရာ​ချုပ် 23:3

ထို့နောက် ဘုရားသခင်​၏​အိမ်​တော်​တွင် လူထု​တစ်ရပ်လုံး​သည် ရှင်ဘုရင်​နှင့် ကတိသစ္စာ​ပြု​ကြ​ပြီး ယောယဒ​က “​ဒါဝိဒ်​မင်းကြီး​၏​သားမြေး​တို့​နှင့်​ပတ်သက်၍ ထာဝရဘုရား ကတိထား​ခဲ့​သည့်​အတိုင်း ရှင်ဘုရင်​၏​သား​တော်​သည် အုပ်စိုး​ရ​လိမ့်မည်​။

၂ ရာ​ချုပ် 6:16

အစ္စရေး​လူမျိုး​၏​ဘုရားသခင်​ထာဝရဘုရား​၊ ကိုယ်တော်​၏​အစေအပါး အကျွန်ုပ်​၏​ခမည်းတော်​ဒါဝိဒ်​မင်းကြီး​အား ‘​ငါ့​ရှေ့မှောက်​၌ သင်​အသက်ရှင်​လျှောက်လှမ်း​ခဲ့​သည့်​နည်းတူ သင့်​သားမြေး​တို့​သည်​လည်း ငါ့​ပညတ်တရား​အတိုင်း တည်ကြည်​စွာ​အသက်ရှင်​လျှောက်လှမ်း​လျှင် သင့်​မျိုးရိုး​သည် ငါ့​ရှေ့မှောက် အစ္စရေး​ရာဇပလ္လင်​တွင် မ​ပြတ်​စံမြန်း​ရ​လိမ့်မည်​’​ဟု မိန့်ဆို​ခဲ့​သည့်​စကား​ကို တည်​စေ​တော်မူ​ပါ​။

ဆာ​လံ 132:11

ထာဝရဘုရား​သည် ဒါဝိဒ်​အား သစ္စာ​နှင့်​ကျိန်ဆို​ပြီး ပြန်လည်​ရုပ်သိမ်း​တော်မူ​မည်​မ​ဟုတ်​သော​စကား​မှာ “​ငါ​သည် သင်​မှ​ပေါက်ဖွား​သော​ရင်သွေး​တစ်ဦး​ကို သင်​၏​ရာဇပလ္လင်​ပေါ်​ထိုင်​စေ​မည်​။

ဆာ​လံ 89:39

ကိုယ်တော်​၏​အစေအပါး​နှင့်​ဖွဲ့​တော်မူ​သော ပဋိညာဉ်​ကို​ပယ်ဖျက်​၍ သူ​၏​ဘုန်းသရဖူ​ကို မြေ​တိုင်အောင်​ရှုတ်ချ​တော်မူ​ပြီ​။

လုကာ 1:69

မိမိ​၏​ရှေး​သန့်ရှင်း​သော​ပရောဖက်​များ​၏​နှုတ်​အားဖြင့် မိန့်​တော်မူ​ခဲ့​သည့်​အတိုင်း ငါ​တို့​အတွက် ကယ်တင်​ခြင်း​ဦးချို​ကို ကိုယ်တော်​၏​အစေခံ​ဒါဝိဒ်​အမျိုးအနွယ်​တွင် ပေါ်ထွန်း​စေ​တော်မူ​ပြီ။

လုကာ 1:79

မှောင်မိုက်​နှင့် သေ​ခြင်း​၏​အရိပ်​ထဲတွင်​နေထိုင်​သော​သူ​တို့​အပေါ် ထွန်းလင်း​ကာ ငါ​တို့​၏​ခြေ​ကို ငြိမ်သက်​ခြင်း​လမ်း​ထဲသို့​ပို့ဆောင်​တော်မူ​၏”​ဟု ဆို​လေ​၏။