၂ ရာ​ချုပ် 21:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ အီသီယိုးပီးယား​ပြည်​နား​ရှိ အာရပ်​လူမျိုး​၊ ဖိလိတ္တိ​လူမျိုး​တို့​သည် ယဟောရံ​မင်းကြီး​အား တိုက်ခိုက်​လာ​အောင် သူ​တို့​စိတ်​ကို ထာဝရဘုရား​နှိုးဆော်​တော်မူ​၏​။

Common Language Bible

¹⁶ ပင်​လယ်​ကမ်း​ခြေ​တွင်​အ​ခြေ​စိုက်​နေ​ထိုင် ကြ​သော​ဆူ​ဒန်​အ​မျိုး​သား​တို့​အ​နီး​တွင် ဖိ​လိတ္တိ​အ​မျိုး​သား​နှင့်​အာ​ရပ်​အ​မျိုး​သား အ​ချို့​တို့​သည်​နေ​ထိုင်​ကြ​၏။ ထာ​ဝရ​ဘု​ရား သည်​ဤ​သူ​တို့​ကို​ယ​ဟော​ရံ​အား​တိုက် ခိုက်​စေ​တော်​မူ​၏။-

Garrad Bible

¹⁶ ထာ ဝ ရ ဘု ရား လည်း၊ ဖိ လိ တ္တိ လူ မျိုး နှင့် ကု ရှ ပြည် အ နီး နေ သော အာ ရပ် လူ မျိုး တို့ စိတ် ကို၊ ယ ဟော ရံ မင်း တစ် ဘက် ထ ကြွ စေ တော် မူ သည့် အ တိုင်း၊

Judson Bible

¹⁶ ထို​နောက်​မှ၊ ထာ​ဝ​ရ​ဘု​ရား​သည် ဖိ​လိ​တ္တိ​လူ၊ ကု​ရှ​ပြည်​နှင့်​နီး​သော အာ​ရပ်​လူ​တို့​ကို၊ ယ​ဟော​ရံ​မင်း​တစ်​ဖက် နှိုး​ဆော်​တော်​မူ​သ​ဖြင့်၊

၂ ရာ​ချုပ် 21:16 Referencias Cruzadas

၂ ရာ 24:1

တစ်ဖန် ထာဝရဘုရား​သည် အစ္စရေး​လူမျိုး​တို့​ကို အမျက်ထွက်​တော်မူ​၍ ဒါဝိဒ်​မင်းကြီး​၏​စိတ်​ကို​နှိုးဆော်​သဖြင့် ဒါဝိဒ်​မင်းကြီး​က လူ​တို့​အား “​အစ္စရေး​အမျိုးသား​နှင့် ယုဒ​အမျိုးသား​တို့​ကို သွား​၍​စာရင်းယူ​လော့​”​ဟု ဆို​၏​။

၃ ရာ 11:11

ထို့ကြောင့် ထာဝရဘုရား​က ရှောလမုန်​မင်းကြီး​အား “​သင်​သည် ဤသို့​ပြု​၍ ငါ​နှင့်​ဖွဲ့​သော​ပဋိညာဉ်​၊ ငါ​မိန့်မှာ​ထား​သော​စီရင်ထုံးဖွဲ့ချက်​တို့​ကို မ​စောင့်ထိန်း​သောကြောင့် စင်စစ် နိုင်ငံ​တော်​ကို သင့်​လက်​မှ​ရုပ်သိမ်း​ပြီး သင့်​အစေအပါး​လက်​သို့ ငါ​အပ်​မည်​။

၃ ရာ 11:14

ထို့နောက် ထာဝရဘုရား​သည် ဧဒုံ​မင်းမျိုးမင်းနွယ်​တစ်​ဦး​ဖြစ်​သော ဧဒုံ​အမျိုးသား​ဟာဒဒ်​ကို နှိုးဆော်​၍ ရှောလမုန်​မင်းကြီး​အား ရန်မူ​စေ​၏​။

၃ ရာ 11:23

ထို့ပြင် ဘုရားသခင်​သည် ဧလျာဒ​၏​သား​ရေဇုန်​ကို​လည်း နှိုးဆော်​၍ ရှောလမုန်​မင်းကြီး​အား ရန်မူ​စေ​၏​။ သူ​သည် မိမိ​သခင် ဇောဘ​ဘုရင်​ဟာဒဒေဇာ​မင်းကြီး​ထံမှ ထွက်ပြေး​ခဲ့​သူ​ဖြစ်​၏​။

၂ ရာ​ချုပ် 17:11

ဖိလိတ္တိ​လူမျိုး​တို့​သည် ယောရှဖတ်​မင်းကြီး​အား ဆက်ကြေး​အဖြစ် လက်ဆောင်ပဏ္ဏာ​များ​၊ ငွေ​များ​ကို ဆက်သ​ကြ​၏​။ အာရပ်​လူမျိုး​တို့​သည်​လည်း သိုးထီး​ခုနစ်​ထောင့်​ခုနစ်​ရာ​၊ ဆိတ်ထီး​ခုနစ်​ထောင့်​ခုနစ်​ရာ​တို့​ကို ဆက်သ​ကြ​၏​။

၂ ရာ​ချုပ် 22:1

အာရပ်​လူ​တို့​နှင့်အတူ တပ်စခန်း​သို့​လိုက်လာ​သော ဓားပြ​အဖွဲ့​သည် ယဟောရံ​မင်းကြီး​၏​သား​တော်​အကြီး​အားလုံး​ကို သတ်ပစ်​သောကြောင့် ဂျေရုဆလင်​မြို့သား​တို့​သည် အငယ်ဆုံး​သား​တော်​အာခဇိ​အား ခမည်းတော်​၏​အရိုက်အရာ​ကို​ဆက်ခံ​စေ​၏​။ ထို့ကြောင့် ယုဒ​ဘုရင်​ယဟောရံ​မင်းကြီး​၏​သား​တော် အာခဇိ နန်းတက်​လေ​၏​။

၂ ရာ​ချုပ် 26:7

သူ​သည် ဖိလိတ္တိ​လူမျိုး​၊ ဂုရဗာလ​အရပ်​တွင်​နေထိုင်​သော​အာရပ်​လူမျိုး​များ​နှင့် မဟုနိမ်​လူမျိုး​တို့​ကို တိုက်ခိုက်​သောအခါ ဘုရားသခင်​သည် သူ့​ကို ကူညီမစ​တော်မူ​၏​။

၂ ရာ​ချုပ် 33:11

ထို့ကြောင့် ထာဝရဘုရား​သည် အဆီးရီးယား​ဘုရင်​၏​စစ်သူကြီး​တို့​ကို ချီလာ​စေ​၍ သူ​တို့​ကို​တိုက်ခိုက်​စေ​၏​။ သူ​တို့​သည် မနာရှေ​မင်းကြီး​ကို သံချိတ်​များ​ဖြင့်​ဖမ်းဆီး​၍ ကြေးနီ​ကြိုး​များ​ဖြင့် ချည်နှောင်​ကာ ဘေဘီလုံ​မြို့​သို့ ခေါ်ဆောင်​သွား​ကြ​၏​။

ဧ​ဇ​ရ 1:1

ယေရမိ​၏​နှုတ်​အားဖြင့် ထာဝရဘုရား​မိန့်​တော်မူ​သော​စကား ပြည့်စုံ​စေရန် ပါးရှား​ဘုရင် ကုရု​မင်းကြီး နန်းစံ​သော​ပထမ​နှစ်​တွင် ထာဝရဘုရား​သည် ပါးရှား​ဘုရင်​ကုရု​မင်းကြီး​၏​စိတ်​ကို နှိုးဆော်​တော်မူ​သဖြင့် သူ​သည် မိမိ​နိုင်ငံ​တစ်ဝန်းလုံး​သို့ လိုက်လံကြေညာ​စေ​၍ စာ​ဖြင့်​လည်း မှတ်တမ်းတင်​ထား​သော​စကား​ကား ဤသို့​ဖြစ်​၏​။

ဧ​ဇ​ရ 1:5

ထိုအခါ ယုဒ​အမျိုး​နှင့် ဗင်္ယာမိန်​အမျိုး​တို့​၏​ဘိုးဘေး​အကြီးအမှူး​များ​၊ ယဇ်ပုရောဟိတ်​များ​၊ လေဝိ​အမျိုး​များ​နှင့်တကွ မိမိ​တို့​၏​စိတ်​ကို ဘုရားသခင်​နှိုးဆော်​သော​သူ​အပေါင်း​တို့​သည် ဂျေရုဆလင်​မြို့​ရှိ​ထာဝရဘုရား​၏​အိမ်​တော်​ကို ပြန်လည်​တည်ဆောက်​ရန် ထ​၍​သွား​ကြ​လေ​၏​။

ယော​လ 3:5

သင်​တို့​သည် ငါ့​ရွှေ​ငွေ​တို့​ကို သိမ်းယူ​ပြီး အဖိုးတန်​ရတနာ​တို့​ကို​လည်း သင်​တို့​၏​ဗိမာန်​များ​ထဲသို့ သွင်း​ကြ​ပြီ​။

အာ​မုတ် 1:6

တစ်ဖန် ထာဝရဘုရား​ဤသို့​မိန့်​တော်မူ​ပြီ​။ “​ဂါဇ​မြို့​သည် အပြစ်​သုံး​လေး​မျိုး​မက ကျူးလွန်​သောကြောင့် ငါ​အပြစ်​မ​ပေး​ဘဲ​မ​နေ​။ အကြောင်းမူကား သူ​တို့​သည် ပြည်သူ​တစ်ရပ်လုံး​ကို​ဖမ်းခေါ်​သွား​ပြီး ဧဒုံ​ပြည်​သို့ အပ်​လိုက်​လေ​ပြီ​။

အာ​မုတ် 3:6

မြို့​ထဲတွင် တံပိုးမှုတ်သံ​ကြား​သောအခါ လူ​တို့ မ​ထိတ်လန့်​ဘဲ နေ​မည်လော​။ ထာဝရဘုရား​ပြု​တော်​မ​မူ​ဘဲ မြို့​ထဲတွင် ဘေးအန္တရာယ်​ကျရောက်​နိုင်​မည်လော​။

၁ ရာ 26:19

အကျွန်ုပ်​၏​သခင် အရှင်မင်းကြီး​၊ သခင့်​အစေအပါး​၏​စကား​ကို ယခု နားထောင်​ပါ​လော့​။ အကယ်၍ အကျွန်ုပ်​ကို တိုက်ခိုက်​ရန် အရှင်မင်းကြီး​ကို ထာဝရဘုရား နှိုးဆော်​သည်​မှန်​လျှင် ဘောဇဉ်ပူဇော်သက္ကာ​ကို လက်ခံ​တော်မူ​ပါစေသော​။ ထိုသို့​မ​ဟုတ်​ဘဲ လူ​တို့​၏​နှိုးဆော်​ခြင်း​ဖြစ်လျှင် သူ​တို့​သည် ထာဝရဘုရား​ထံမှ ကျိန်​ခြင်း​ကို ခံရ​ပါစေသော​။ အကြောင်းမူကား သူ​တို့​က ‘အခြား​ဘုရား​အများ​ကို သွား​ဝတ်ပြု​ပါ’​ဟု ဆို​ပြီး အကျွန်ုပ်​ကို ထာဝရဘုရား​၏​အမွေစား​အမွေခံ​အဖြစ်​မှ နှင်ထုတ်​ကြ​ပါ​ပြီ​။