၂ ရာ​ချုပ် 19:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ သို့သော် မင်းကြီး​၌ ကောင်း​သော​အရာ ရှိ​၏​။ မင်းကြီး​သည် တိုင်းပြည်​တွင်​ရှိ​သော အာရှရ​နတ်ဘုရားမ​တံခွန်တိုင်​တို့​ကို ဖယ်ရှား​ပြီး ဘုရားသခင်​ကို​ရှာ​လို​သော​စိတ်​ရှိ​လေ​ပြီ​”​ဟု သူ့​အား ဆို​၏​။

Common Language Bible

³ သို့​ရာ​တွင်​ဘု​ရင်​မင်း​သည်​လူ​တို့​ကိုး​ကွယ်​သော အာ​ရှ​ရ​ဘု​ရား​မ​၏​တံ​ခွန်​တိုင်​ရှိ​သ​မျှ​ကို ဖယ်​ရှား​ပြီး​လျှင် ထာ​ဝရ​ဘု​ရား​၏​အ​လို​တော် ကို​လိုက်​လျှောက်​ရန်​ကြိုး​စား​သ​ဖြင့် ဘု​ရင်​မင်း မှာ​အ​ကျင့်​ကောင်း​အ​နည်း​ငယ်​ရှိ​သေး​၏'' ဟု ဆို​လေ​သည်။

Garrad Bible

³ သို့ ရာ တွင်၊ တစ် ပြည် လုံး၌ တံ ခွန် တိုင် များ ကို ပယ် ရှား ၍၊ ဘု ရား သ ခင် ကို ရှာ ဖွေ ရန် စိတ် စွဲ လမ်း သည် မှာ၊ ဘုရင် မင်း ၌ ကောင်း သော အ ကျင့် ရှိ သေး သည် ဟု လျှောက် ဆို ၏။

Judson Bible

³ သို့​သော်​လည်း၊ မင်း​ကြီး​သည် တစ်​ပြည်​လုံး​တွင်၊ အာ​ရှ​ရ​ပင်​တို့​ကို ပယ်​ရှား၍၊ ဘု​ရား​သ​ခင်​ကို​ရှာ​ခြင်း​ငှာ သ​ဘော​ချ​သော​ကြောင့်၊ ကျင့်​သော အ​ကျင့်​ကောင်း​ပါ​ပြီ​ဟု ဆို၏။

၂ ရာ​ချုပ် 19:3 Referencias Cruzadas

၃ ရာ 14:13

အစ္စရေး​လူမျိုး​တစ်မျိုးလုံး သူ့​အတွက် ငိုကြွေးမြည်တမ်း​လျက် သူ့​ကို သင်္ဂြိုဟ်​ကြ​လိမ့်မည်​။ ယေရောဗောင်​မင်းမျိုးမင်းနွယ်​တွင် သူ​သည် အစ္စရေး​လူမျိုး​၏​ဘုရားသခင် ထာဝရဘုရား​၏​စိတ်​တော်​နှင့်​တွေ့​သူ​ဖြစ်​၏​။ ထို့ကြောင့် ယေရောဗောင်​မင်းမျိုးမင်းနွယ်​ထဲတွင် သူ​တစ်ဦးတည်း​သာ သင်္ချိုင်း​၌ သင်္ဂြိုဟ်​ခြင်း​ခံရ​လိမ့်မည်​။

၂ ရာ​ချုပ် 11:16

ထို့နောက်တွင် အစ္စရေး​အမျိုးအနွယ်​အားလုံး​ထဲမှ အစ္စရေး​လူမျိုး​၏​ဘုရားသခင်​ထာဝရဘုရား​ကို​ရှာ​ရန် စိတ်ပိုင်းဖြတ်​ထား​သော​သူ​တို့​သည် ဘိုးဘေး​တို့​၏​ဘုရားသခင်​ထာဝရဘုရား​ကို ယဇ်ပူဇော်​ရန် လေဝိ​အမျိုး​တို့​နှင့်အတူ ဂျေရုဆလင်​မြို့​သို့ လိုက်လာ​ကြ​၏​။

၂ ရာ​ချုပ် 12:12

ရောဗောင်​မင်းကြီး​သည် မိမိကိုယ်ကို​နှိမ့်ချ​သောကြောင့် ထာဝရဘုရား​၏​အမျက်​တော်​သည် သူ့​ထံမှ​လွှဲသွား​လေ​၏​။ အကုန်အစင်​ဖျက်ဆီး​ခြင်း​ကို မ​ခံရ​။ ထို့ကြောင့် ယုဒ​ပြည်​အေးချမ်းသာယာ​သွား​လေ​၏​။

၂ ရာ​ချုပ် 12:14

ရောဗောင်​မင်းကြီး​သည် ထာဝရဘုရား​ကို ရှာ​လို​သော​စိတ်​မ​ရှိ​ဘဲ မကောင်းမှု​များ​ကို​သာ ပြု​ခဲ့​၏​။

၂ ရာ​ချုပ် 15:12

ထို့နောက် ဘိုးဘေး​တို့​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ရှာ​မည်​ဟု ကတိသစ္စာ​ပြု​ကြ​၏​။

၂ ရာ​ချုပ် 15:15

ထိုသို့ ကျိန်ဆို​ရ​ခြင်း​အတွက် ယုဒ​လူမျိုး​အပေါင်း​တို့​သည် ဝမ်းမြောက်ဝမ်းသာ​ဖြစ်​ကြ​၏​။ အကြောင်းမူကား သူ​တို့​သည် စိတ်နှလုံး​အကြွင်းမဲ့​ကျိန်ဆို​ပြီး ထာဝရဘုရား​ကို စိတ်လိုလက်ရ​ရှာ​သောကြောင့် သူ​တို့​ကို အတွေ့ခံ​တော်မူ​၏​။ ထာဝရဘုရား​သည်​လည်း အရပ်ရပ်​၌ ငြိမ်းချမ်း​ခြင်း ရှိ​စေ​တော်မူ​၏​။

၂ ရာ​ချုပ် 20:3

ယောရှဖတ်​မင်းကြီး​သည်​ကြောက်ရွံ့​၍ ထာဝရဘုရား​ကို​ရှာ​ရန် စိတ်ဆုံးဖြတ်​ပြီး ယုဒ​ပြည်​တစ်ပြည်လုံး​သို့ အစာရှောင်​ရန် ကြေညာ​၏​။

၂ ရာ​ချုပ် 20:33

သို့သော် အထွတ်အမြတ်​ထား​ရာ​နေရာ​များ​ကို မ​ဖယ်ရှား​ခဲ့​။ လူ​တို့​သည်​လည်း မိမိ​တို့​ဘိုးဘေး​တို့​၏​ဘုရားသခင်​ထံ စိတ်နှလုံး​ကို မ​အပ်နှံ​ဘဲ​နေ​ကြ​သေး​၏​။

၂ ရာ​ချုပ် 22:9

ထို့နောက် အာခဇိ​မင်းကြီး​ကို လိုက်ရှာ​ရာ ရှမာရိ​မြို့​၌​ပုန်း​နေစဉ် သူ့​ကို​ဖမ်းမိ​၍ ယေဟု​ထံ ခေါ်ဆောင်​လာ​ရာ ယေဟု​သည် သူ့​ကို​ကွပ်မျက်​ပြီးလျှင် “သူ​သည် ထာဝရဘုရား​ကို စိတ်နှလုံး​အကြွင်းမဲ့​ရှာ​သော ယောရှဖတ်​မင်းကြီး​၏​မြေး​တော်​ဖြစ်​သည်”​ဟု ဆို​၍ သူ့​ကို​သင်္ဂြိုဟ်​ပေး​ကြ​၏​။ အာခဇိ​မင်းကြီး​၏​အမျိုးအနွယ်​တို့​တွင် တိုင်းပြည်​အုပ်ချုပ်​နိုင်စွမ်း​ရှိ​သူ တစ်ယောက်​မျှ​မ​ရှိ​။

၂ ရာ​ချုပ် 27:6

ယောသံ​မင်းကြီး​သည် မိမိ​၏​ဘုရားသခင်​ထာဝရဘုရား​၏​ရှေ့​တော်​၌ တည်ကြည်​စွာ​အသက်ရှင်​လျှောက်လှမ်း​သောကြောင့် အင်အား​ကြီးမား​လာ​၏​။

၂ ရာ​ချုပ် 30:19

ဤ​လူ​အပေါင်း​တို့​သည် သန့်ရှင်းရာဌာန​၏​သန့်ရှင်း​ခြင်း​နည်း​အတိုင်း​မ​ဟုတ်​သော်လည်း သူ​တို့​၏​ဘိုးဘေး​တို့​ဘုရားသခင်​ထာဝရဘုရား​ဖြစ်​တော်မူ​သော​ဘုရားသခင်​ကို​ရှာ​ရန် စိတ်ပိုင်းဖြတ်​ထား​သည်​ဖြစ်​၍ သူ​တို့​၏​အပြစ်​ကို ဖြေလွှတ်​တော်မူ​ပါ​”​ဟု သူ​တို့​အတွက် ဆုတောင်း​ပေး​သောကြောင့်​ဖြစ်​၏​။

ဧ​ဇ​ရ 7:10

ဧဇရ​သည် ထာဝရဘုရား​၏​ပညတ်တရားတော်​များ​ကို လေ့လာဆည်းပူး​ရန်​၊ လိုက်နာကျင့်သုံး​ရန်​နှင့် အစ္စရေး​လူမျိုး​တို့​အား​ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို သင်ကြား​ပြသ​ပေး​ရန် ဆုံးဖြတ်ချက်ချ​ထား​သော​သူ​ဖြစ်​၏​။

ဆာ​လံ 57:7

အို ဘုရားသခင်​၊ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​သည် သီချင်းဆို​၍ သီဆိုချီးမွမ်း​ပါ​မည်​။

ရော​မ 7:18

ငါ့​အထဲ၌ တစ်နည်းအားဖြင့် ငါ​၏​သွေးသား​ဇာတိ​ထဲ၌ ကောင်း​သော​အရာ​တစ်စုံတစ်ခု​မျှ ကိန်းအောင်း​နေ​ခြင်း​မ​ရှိ​ကြောင်း ငါ​သိ​၏။ အဘယ်ကြောင့်​ဆိုသော် ကောင်း​သော​အမှု​ကို​ပြု​လို​သော​ဆန္ဒ​သည် ငါ​၌​ရှိ​သော်လည်း ၎င်း​ကို ပြု​နိုင်စွမ်း​မ​ရှိ။

၁ ရာ 7:3

ထိုအခါ ရှမွေလ​က အစ္စရေး​အမျိုးသား​အပေါင်း​တို့​အား “​သင်​တို့​သည် စိတ်နှလုံး​အကြွင်းမဲ့ ထာဝရဘုရား​ထံ​တော်​သို့​ပြန်လာ​လို​လျှင် သင်​တို့​တွင်​ရှိ​သော​တိုင်းတစ်ပါးသား​တို့​၏​ဘုရား​များ​၊ အာရှတရက်​ဘုရား​များ​ကို ဖယ်ရှား​ရ​မည်​။ ထာဝရဘုရား​ထံ၌​သာ စိတ်အာရုံပြု​၍ ကိုယ်တော်​တစ်ပါးတည်း​ကို​သာ ဝတ်ပြု​ရ​မည်​။ သို့ပြုလျှင် သင်​တို့​ကို ဖိလိတ္တိ​လူမျိုး​တို့​လက်​မှ ကယ်နုတ်​တော်မူ​လိမ့်မည်​”​ဟု ဆို​၏​။