၂ ရာ​ချုပ် 17:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ သူ​တို့​သည် ထာဝရဘုရား​၏​ပညတ်တရား​ကျမ်း​ကို ယူဆောင်​သွား​ပြီး ယုဒ​ပြည်​တစ်လျှောက် သွန်သင်​ပေး​၏​။ ယုဒ​မြို့ရွာ​အားလုံး​သို့ လှည့်လည်​ပြီး လူ​တို့​အား သွန်သင်​ပေး​၏​။

Common Language Bible

⁹ သူ​တို့​သည်​မိ​မိ​တို့​နှင့်​အ​တူ​ယူ​ဆောင် သွား​သော​ထာ​ဝ​ရ​ဘု​ရား​၏​ပ​ညတ်​တ​ရား ကျမ်း​အ​ရ ယု​ဒ​မြို့​အ​သီး​သီး​သို့​လှည့် လည်​ကာ​ပြည်​သူ​တို့​အား​သွန်​သင်​ကြ​၏။

Garrad Bible

⁹ ယု ဒ ပြည် လုံး နှံ့ ဒေ သ စာ ရီ လှည့် လည် လျက်၊ ပါ ရှိ သော ထာ ဝ ရ ဘု ရား၏ ပ ည တ္တိ ကျမ်း အ ရ၊ မြို့ သူ မြို့ သား တို့ ကို ဩ ဝါ ဒ ပေး ကြ လေ၏။

Judson Bible

⁹ ထို​သူ​တို့​သည် ယု​ဒ​ပြည်၌​ဩ​ဝါ​ဒ​ပေး၍၊ ထာ​ဝ​ရ​ဘု​ရား၏​ပ​ည​တ္တိ​ကျမ်း​ပါ​လျက်၊ ယု​ဒ​မြို့​အ​ရပ်​ရပ်​တို့​တွင်၊ လှည့်​လည်​သ​ဖြင့်၊ ပြည်​သား​တို့​ကို သွန်​သင်​ကြ၏။

၂ ရာ​ချုပ် 17:9 Referencias Cruzadas

၂ ရာ​ချုပ် 15:3

အစ္စရေး​လူမျိုး​တို့​တွင် ကာလ​ကြာမြင့်​စွာ​စစ်မှန်​သော​ဘုရား​မ​ရှိ​၊ သွန်သင်​ပေး​မည့်​ယဇ်ပုရောဟိတ်​မ​ရှိ​၊ ပညတ်တရား​လည်း​မ​ရှိ​။

၂ ရာ​ချုပ် 19:8

ဂျေရုဆလင်​မြို့​တွင်​လည်း ထာဝရဘုရား​၏​စီရင်ထုံးဖွဲ့ချက်​နှင့်​ဆိုင်​သော​အမှု​၊ အငြင်းပွားမှု​တို့​ကို စီရင်​ရန် ယောရှဖတ်​မင်းကြီး​သည် လေဝိ​အမျိုး​၊ ယဇ်ပုရောဟိတ်​တို့​နှင့် အစ္စရေး​ဘိုးဘေး​အိမ်ထောင်စု​အကြီးအမှူး​တို့​ထဲမှ​အချို့​ကို ဂျေရုဆလင်​မြို့​တွင် ခန့်ထား​၏​။

၂ ရာ​ချုပ် 35:3

အစ္စရေး​တစ်မျိုးနွယ်လုံး​ကို သွန်သင်​သော​သူ​များ​ဖြစ်​၍ ထာဝရဘုရား​အဖို့ သန့်ရှင်း​သူ​များ​ဖြစ်​သော​လေဝိ​အမျိုးသား​တို့​ကို​လည်း “​သန့်ရှင်း​သော​သေတ္တာ​တော်​ကို ဒါဝိဒ်​မင်းကြီး​၏​သား​တော် အစ္စရေး​ဘုရင်​ရှောလမုန်​မင်းကြီး​တည်ဆောက်​ခဲ့​သော အိမ်​တော်​တွင် ထား​ကြ​လော့​။ သင်​တို့​ပခုံး​ဖြင့် ထမ်းသွားစရာ​မ​လို​တော့​ပေ​။ ယခုမှာ သင်​တို့​၏​ဘုရားသခင်​ထာဝရဘုရား​နှင့် သူ​၏​လူမျိုး​တော်​အစ္စရေး​တို့​အဖို့ အမှု​တော်​ကို​ထမ်း​ကြ​ပါ​လော့​။

နေ​ဟ​မိ 8:7

လူ​အပေါင်း​တို့ ရပ်​နေ​ကြ​စဉ် ယေရွှာ​၊ ဗာနိ​၊ ရှေရဘိ​၊ ယာမိန်​၊ အက္ကုပ်​၊ ရှဗ္ဗေသဲ​၊ ဟောဒိယ​၊ မာသေယ​၊ ကေလိတ​၊ အာဇရိ​၊ ယောဇဗဒ်​၊ ဟာနန်​၊ ပေလာယ​နှင့်​လေဝိ​သား​တို့​သည် လူ​တို့​အား ပညတ်တရား​ကို​နားလည်​အောင်​ရှင်းပြ​ကြ​၏​။

ဟေ​ရှာ​ယ 8:20

ပညတ်တရား​၊ သက်သေခံ​တော်မူ​ချက်​တို့​ကို​သာ မေးမြန်း​သင့်​သည်​မ​ဟုတ်​လော​။ ဤ​စကား​နှင့်အညီ မ​ပြောဆို​ကြ​လျှင် သူ​တို့​ထဲ၌ အရုဏ်အလင်း​မ​ရောက်​သေး​။

မာ​လ​ခိ 2:7

အကယ်စင်စစ် ယဇ်ပုရောဟိတ်​၏​နှုတ်ခမ်း​သည် အသိပညာ​ကို ထိန်းသိမ်း​ထား​ရ​မည်​။ သူ​သည် ကောင်းကင်​ဗိုလ်ခြေ​အရှင်​ထာဝရဘုရား​၏​စေတမန်​ဖြစ်​သောကြောင့် သူ​၏​နှုတ်​မှ သွန်သင်ချက်​ကို လူ​တို့ ရှာဖွေ​ဆည်းပူး​ရ​မည်​။

မဿဲ 10:23

မြို့​တစ်​မြို့​တွင် သင်​တို့​ကို​ညှဉ်းဆဲ​ကြ​သောအခါ အခြား​တစ်​မြို့​သို့ ထွက်ပြေး​ကြ​လော့။ သင်​တို့​အား ငါ​အမှန်​ဆို​သည်​ကား အစ္စရေး​မြို့​များ​ကို သင်​တို့​အနှံ့​မ​ရောက်​မီ လူ့သား​သည်​ကြွလာ​လိမ့်မည်။

မဿဲ 11:1

ယေရှု​သည် တစ်ဆယ့်နှစ်​ပါး​သော​တပည့်​တော်​တို့​ကို မိန့်မှာ​တော်မူ​ပြီး​သောအခါ သူ​တို့​၏​မြို့​များ​တွင် သွန်သင်​ရန်​နှင့်​ဟောပြော​ရန် ထို​အရပ်​မှ ထွက်ခွာ​တော်မူ​၏။

ရှင်ယောဟန် 5:39

သင်​တို့​သည် ကျမ်းစာ​အားဖြင့် ထာဝရ​အသက်​ကို​ရရှိ​မည်​ဟု​ထင်မှတ်​၍ ကျမ်းစာ​ကို​စူးစမ်း​လေ့လာ​နေ​ကြ​၏။ ထို​ကျမ်းစာ​က​ပင် ငါ့​အကြောင်း​ကို သက်သေခံ​လျက်​ရှိ​၏။

ရှင်ယောဟန် 5:46

မောရှေ​သည် ငါ့​အကြောင်း​ကို​ရေး​ထား​သည်​ဖြစ်၍ သင်​တို့​သည် မောရှေ​ကို​ယုံကြည်​ခဲ့​လျှင် ငါ့​ကို​လည်း ယုံကြည်​ခဲ့​ကြ​ပေ​လိမ့်မည်။

တမန်တော်ဝတ္ထု 13:15

ပညတ်​တရား​ကျမ်း​နှင့် ပရောဖက်​ကျမ်း​များ​ကို ဖတ်ကြား​ပြီး​သောအခါ ဝတ်ပြု​စည်းဝေး​ကျောင်း​တာဝန်ခံ​များ​သည် သူ​တို့​ထံ လူ​လွှတ်​၍ “ညီအစ်ကို​တို့၊ သင်​တို့​တွင် လူ​တို့​အား တိုက်တွန်း​အားပေး​စကား​တစ်စုံတစ်ခု​ရှိ​လျှင် ပြော​ကြ​ပါ”​ဟု ဆို​ကြ​၏။

တမန်တော်ဝတ္ထု 15:21

အကြောင်းမူကား ရှေး​အခါ​က​ပင် မြို့​တိုင်း​၌ မောရှေ​၏​ပညတ်​တရား​ကို ဟောပြော​သော​သူ​ရှိ​၍ ထို​ကျမ်း​ကို ဥပုသ်နေ့​တိုင်း ဝတ်ပြု​စည်းဝေး​ကျောင်း​များ​တွင် ဖတ်​လေ့​ရှိ​ကြ​၏”​ဟု ဆို​လေ​၏။

တမန်တော်ဝတ္ထု 28:23

ထို့နောက် သူ​တို့​သည် ပေါလု​နှင့် ရက်​ကို​ချိန်းချက်​ပြီးမှ ပို၍​များစွာ​သော​သူ​တို့​နှင့်တကွ သူ​တည်းခို​ရာ​အရပ်​သို့ ရောက်လာ​ကြ​၏။ ပေါလု​သည် နံနက်​စောစော​အချိန်​မှစ၍ ညနေ​အချိန်​တိုင်အောင် ထို​သူ​တို့​အား ဘုရားသခင်​၏​နိုင်ငံ​တော်​အကြောင်း​ကို​ရှင်းပြ​လျက် သက်သေခံ​ကာ မောရှေ​၏​ပညတ်​တရား​ကျမ်း​နှင့် ပရောဖက်​ကျမ်း​များ​ကို​ကိုးကား​၍ ယေရှု​အကြောင်း​ကို သူ​တို့​အား​ပြောပြ​စည်းရုံး​လေ​၏။

တမန်တော်ဝတ္ထု 8:40

ဖိလိပ္ပု​မူကား အာဇုတ်​မြို့​၌​ပေါ်လာ​၍ ဆီဇာရီးယား​မြို့​သို့​ရောက်​သည့်​တိုင်အောင် မြို့​ရွာ​အားလုံး​တို့​ကို​လှည့်လည်​၍ ကောင်းမြတ်​သော​သတင်း​ကို​ဟောပြော​လေ​၏။

ရော​မ 3:2

အဘက်ဘက်​၌ အကျိုး​များစွာ​ရှိ​၏။ ပထမ​ဦးစွာ သူ​တို့​၌ ဘုရားသခင်​၏​နှုတ်ကပတ်​တရား​တော်​များ​ကို ယုံကြည်​အပ်နှံ​ထား​တော်မူ​၏။

၁ ပေ 4:11

ဟောပြော​သော​သူ​သည် ဘုရားသခင်​၏​နှုတ်ကပတ်​တရား​တော်​အတိုင်း​ဟောပြော​စေ။ အမှု​တော်​ဆောင်ရွက်​သော​သူ​သည် ဘုရားသခင်​ပြင်ဆင်​ပေး​တော်မူ​သော​အစွမ်းသတ္တိ​အတိုင်း​ဆောင်ရွက်​စေ။ ဤသည်ကား ဘုရားသခင်​သည် ခပ်သိမ်း​သော​အရာ​တို့​၌ ယေရှု​ခရစ်တော်​အားဖြင့် ဘုန်း​တော်​ထင်ရှား​မည့်​အကြောင်း​တည်း။ ထို​သခင်​၌ ကမ္ဘာ​အဆက်ဆက် ဘုန်း​အသရေ​နှင့်​တန်ခိုး​အရှိန်အဝါ​ရှိ​ပါစေသော။ အာမင်။