၂ ရာ 7:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ကိုယ်တော်​၏​လူမျိုး​တော်​အစ္စရေး​ကို ကိုယ်တော့်​အဖို့ ထာဝရ​ပိုင်ဆိုင်​ရာ​လူမျိုး​တော်​အဖြစ် တည်​စေ​တော်မူ​ပါ​ပြီ​။ အို ထာဝရဘုရား​၊ ကိုယ်တော်​သည် သူ​တို့​၏​ဘုရားသခင် ဖြစ်​တော်မူ​ပါ​ပြီ​။

Common Language Bible

²⁴ ကိုယ်​တော်​ရှင်​သည်​ဣသ​ရေ​လ​လူ​မျိုး​အား မိမိ​ထာ​ဝ​စဉ်​ပိုင်​ရာ​လူ​မျိုး​တော်​ဖြစ်​စေ တော်​မူ​ပြီ။ အို ထာ​ဝ​ရ​ဘု​ရား၊ ကိုယ်​တော် ရှင်​သည်​လည်း​သူ​တို့​၏​ဘု​ရား​ဖြစ်​တော် မူ​ပြီ။''

Garrad Bible

²⁴ ကိုယ် တော် သည် ပိုင် ရာ တော် အ ဖြစ် ဣ သ ရေ လ လူ မျိုး တော် ကို အ စဉ် တည် မြဲ စေ တော် မူ သည် နှင့် အ ညီ ထို လူ မျိုး ၏ ဘု ရား ဖြစ် တော် မူ ပါ ပြီ။

Judson Bible

²⁴ အ​ကြောင်း​မူ​ကား၊ ကိုယ်​တော်၏​လူ ဣ​သ​ရေ​လ​အ​မျိုး​ကို အ​စဉ်​အ​မြဲ ကိုယ်​တော်၏​လူ​ဖြစ်​စေ​ခြင်း​ငှာ၊ သူ​တို့​ကို ကိုယ်​တော်​အ​ဖို့ ခိုင်​ခံ့​မြဲ​မြံ​စေ၍၊ ကိုယ်​တော် ထာ​ဝ​ရ​ဘု​ရား​သည် သူ​တို့၏​ဘု​ရား​သ​ခင်​ဖြစ်​တော်​မူ၏။

၂ ရာ 7:24 Referencias Cruzadas

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 17:8

သင်​တည်းခိုနေထိုင်​သော​ပြည်​ဖြစ်​သည့် ခါနာန်​ပြည်​တစ်ပြည်လုံး​ကို သင်​နှင့်​နောင်လာမည့် သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​။ ငါ​သည် သူ​တို့​၏​ဘုရား​ဖြစ်​မည်​”​ဟု မိန့်​တော်မူ​၏​။

၂ ရာ 7:23

မြေကြီး​ပေါ်တွင် ဘုရားသခင်​၏​လူမျိုး​တော်​အစ္စရေး​နှင့်​တူ​သော​လူမျိုး တစ်​မျိုးမျိုး​ရှိ​ပါ​သလော​။ ဘုရားသခင်​သည် မိမိ​လူမျိုး​တော်​အဖြစ် သူ​တို့​ကို ရွေးနုတ်​တော်မူ​ခဲ့​ပါ​ပြီ​။ အီဂျစ်​ပြည်​၊ လူမျိုးခြား​တို့​နှင့် သူ​တို့​၏​ဘုရား​များ​ထံမှ ရွေးနုတ်​တော်မူ​ခဲ့​သော​လူမျိုး​တော်​၏​ရှေ့မှောက်​မှာ​ပင် ပြည်​တော်​အဖို့ ကြီးမြတ်​၍​အံ့ဖွယ်​သော​အမှု​များ​ပြု​ခြင်း​ဖြင့် နာမ​တော်​ကို ထင်ရှား​စေ​ခဲ့​ပါ​ပြီ​။

၂ ရာ 7:25

အို ဘုရားသခင်​ထာဝရဘုရား​၊ ယခုမှာ ကိုယ်တော့်​အစေအပါး​အတွက်​၊ ကိုယ်တော့်​အစေအပါး​၏​အမျိုးအနွယ်​အတွက် ကိုယ်တော်​ထား​တော်မူ​သော​ကတိ​တော်​ကို အစဉ်​တည်​စေ​တော်မူ​ပါ​။ ကတိ​တော်​အတိုင်း​လည်း ပြု​ပေး​တော်မူ​ပါ​။

၁ ရာ​ချုပ် 17:22

ကိုယ်တော်​၏​လူမျိုး​တော်​အစ္စရေး​ကို ကိုယ်တော့်​အဖို့ ထာဝရ​ပိုင်ဆိုင်​ရာ​လူမျိုး​တော်​အဖြစ် တည်​စေ​တော်မူ​ပါ​ပြီ​။ အို ထာဝရဘုရား​၊ ကိုယ်တော်​သည် သူ​တို့​၏​ဘုရားသခင် ဖြစ်​တော်မူ​ပါ​ပြီ​။

ဆာ​လံ 48:14

အကြောင်းမူကား ဤ​ဘုရားသခင်​သည် ကာလ​အစဉ်အဆက် ငါ​တို့​၏​ဘုရားသခင်​ဖြစ်​တော်မူ​၏​။ ကိုယ်တော်​သည် ငါ​တို့​သေဆုံး​သည့်​တိုင်အောင် ငါ​တို့​ကို ပို့ဆောင်​တော်မူ​လိမ့်မည်​။

ထွက်​မြောက် 15:2

ထာဝရဘုရား​သည် ငါ​၏​အစွမ်းသတ္တိ​၊ ငါ​ကျူးဧရာ​တေးသီချင်း​၊ ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​၏​ဘုရား​ဖြစ်​တော်မူ​သော ကိုယ်တော်​အား ငါ​ချီးမွမ်း​မည်​။ ငါ့​အဖ​၏​ဘုရား​ဖြစ်​တော်မူ​သော​ကိုယ်တော်​အား ငါ​ချီးမြှောက်​မည်​။

ထွက်​မြောက် 6:7

ငါ​သည် သင်​တို့​ကို ငါ​၏​လူမျိုး​တော်​အဖြစ်​သိမ်းယူ​မည်​။ ငါ​သည် သင်​တို့​၏​ဘုရား​ဖြစ်​မည်​။ ငါ​သည် အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို​ဆွဲထုတ်​တော်မူ​သော သင်​တို့​၏​ဘုရားသခင်​ထာဝရဘုရား​ဖြစ်ကြောင်း သင်​တို့​သိမြင်​ကြ​လိမ့်မည်​။

ဟေ​ရှာ​ယ 12:2

ကြည့်ရှု​လော့​။ ဘုရားသခင်​သည် ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​သည် ကြောက်ရွံ့​ခြင်း​မ​ရှိ​ဘဲ ယုံကြည်ကိုးစား​မည်​။ အကြောင်းမူကား ထာဝရဘုရား​သည် ငါ​၏​ခွန်အား​၊ ငါ​၏​တေးသီချင်း​၊ ငါ့​ကို ကယ်တင်​သော​အရှင်​ဖြစ်​တော်မူ​၏​”​ဟု ဆို​လိမ့်မည်​။

ယေ​ရ​မိ 31:1

ထာဝရဘုရား​က “​ထို​ကာလ​၌ ငါ​သည် အစ္စရေး​မျိုးနွယ်စု​အပေါင်း​တို့​၏​ဘုရား​ဖြစ်​မည်​။ သူ​တို့​သည် ငါ​၏​လူမျိုး​တော်​ဖြစ်​မည်​”​ဟု မိန့်​တော်မူ​၏​။

ယေ​ရ​မိ 31:33

ထာဝရဘုရား​က “​ထို​ကာလ​ပြီးနောက် အစ္စရေး​လူမျိုး​တို့​နှင့် ငါ​ဖွဲ့​မည့်​ပဋိညာဉ်​သစ်​ကား ဤသို့​ဖြစ်​၏​။ သူ​တို့​၏​စိတ်နှလုံး​ထဲသို့ ငါ​၏​ပညတ်တရား​ကို သွင်းပေး​မည်​။ သူ​တို့​၏​နှလုံးသား​ပေါ်တွင် ရေး​ထား​မည်​။ ငါ​သည် သူ​တို့​၏​ဘုရား​ဖြစ်​မည်​။ သူ​တို့​သည်​လည်း ငါ​၏​လူမျိုး​တော်​ဖြစ်​မည်​”​ဟု မိန့်​တော်မူ​၏​။

ယေ​ရ​မိ 32:38

သူ​တို့​သည် ငါ​၏​လူမျိုး​တော်​ဖြစ်​မည်​။ ငါ​သည်​လည်း သူ​တို့​၏​ဘုရား​ဖြစ်​မည်​။

ဟော​ရှေ 1:10

သို့သော် အစ္စရေး​အမျိုးသား​တို့​သည် မ​ခြင်တွယ်​နိုင်​၊ မ​ရေတွက်​နိုင်​လောက်အောင် ပင်လယ်​သဲပွင့်​ကဲ့သို့ များပြား​လိမ့်မည်​။ “သင်​တို့​သည် ငါ​၏​လူမျိုး​တော်​မ​ဟုတ်”​ဟု သူ​တို့​အား ပြော​ရာ​အရပ်​၌​ပင် “သူ​တို့​သည် အသက်ရှင်​သော​ဘုရားသခင်​၏​သား​များ”​ဟု ခေါ်ဝေါ်​ခြင်း​ခံရ​လိမ့်မည်​။

ဇာ​ခ​ရိ 13:9

ငါ​သည် ထို​သုံးပုံတစ်ပုံ​ကို မီး​ထဲသို့​ထည့်​၍ ငွေ​ကို​သန့်စင်​သကဲ့သို့ သန့်စင်​မည်​။ ရွှေ​ကို​စစ်​သကဲ့သို့ စစ်​မည်​။ သူ​တို့​သည် ငါ့​နာမ​ကို​ခေါ်​သောအခါ ငါ​ထူး​မည်​။ ‘သူ​တို့​သည် ငါ့​လူမျိုး​တော်​ဖြစ်​ကြ​၏’​ဟု ငါ​ဆို​မည်​။ သူ​တို့​က​လည်း ‘ထာဝရဘုရား​သည် အကျွန်ုပ်​တို့​၏​ဘုရားသခင်​ဖြစ်​တော်မူ​၏’​ဟူ၍ လျှောက်ဆို​ကြ​လိမ့်မည်”​ဟု မိန့်​တော်မူ​၏​။

ရှင်ယောဟန် 1:12

သို့ရာတွင် ကိုယ်တော်​ကို​လက်ခံ​သမျှ​သော​သူ​တည်းဟူသော ကိုယ်တော်​၏​နာမ​တော်​ကို​ယုံကြည်​သော​သူ​တို့​အား ဘုရားသခင်​၏​သားသမီး​များ​ဖြစ်​ရ​သော​အခွင့်​ကို ပေး​တော်မူ​၏။

တ​ရား​ဟော 26:18

ထာဝရဘုရား​သည်​လည်း သင့်​အား​ကတိထား​တော်မူ​ခဲ့​သည့်​အတိုင်း သင်​သည် ပညတ်တော်​ရှိသမျှ​ကို​စောင့်ထိန်း​သည့် မိမိ​မြတ်နိုးတန်ဖိုးထား​သော​လူမျိုး​ဖြစ်​ရ​မည်​ဟု ယနေ့ ဝန်ခံ​တော်မူ​ပြီ​။

တ​ရား​ဟော 27:9

တစ်ဖန် မောရှေ​နှင့် လေဝိ​အမျိုး​ယဇ်ပုရောဟိတ်​တို့​က အစ္စရေး​လူမျိုး​အပေါင်း​တို့​အား “​အို အစ္စရေး​လူမျိုး​တို့​၊ တိတ်ဆိတ်​စွာ​နေ​၍​နားထောင်​ကြ​လော့​။ ယနေ့ သင်​တို့​သည် သင်​တို့​၏​ဘုရားသခင်​ထာဝရဘုရား​၏​လူမျိုး​တော်​ဖြစ်လာ​ကြ​ပြီ​။

တ​ရား​ဟော 32:6

အို မိုက်မဲ​သော​လူမျိုး​၊ ပညာမဲ့​သော​လူမျိုး​၊ ဤနည်းဖြင့် ထာဝရဘုရား​ကို ကျေးဇူးဆပ်​ရ​သလော​။ ကိုယ်တော်​သည် သင်​၏​ဖခင်​၊ သင့်​ကို​ဖန်ဆင်း​သော​အရှင် ဖြစ်​တော်မူ​သည်​မ​ဟုတ်​လော​။ ကိုယ်တော်​သည် သင့်​ကို​ဖန်ဆင်း​၍ ပုံဖော်​ဖြစ်တည်​စေ​တော်မူ​သည်​မ​ဟုတ်​လော​။

၁ ပေ 2:10

သင်​တို့​သည် ယခင်​က လူမျိုး​တော်​မ​ဟုတ်​ခဲ့​သော်လည်း ယခု​အခါ ဘုရားသခင်​၏​လူမျိုး​တော်​ဖြစ်​ကြ​ပြီ။ ယခင်​က ကရုဏာ​တော်​ကို​မ​ခံစား​ခဲ့​ရ​သော်လည်း ယခု​အခါ ကရုဏာ​တော်​ကို​ခံစား​ရ​ကြ​ပြီ။