၂ ရာ 24:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ထို့နောက် ဒါဝိဒ်​မင်းကြီး​သည် ထို​နေရာ​တွင် ထာဝရဘုရား​အဖို့ ယဇ်ပလ္လင်​ကို​တည်​၍ မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​လေ​၏​။ ထာဝရဘုရား​သည်​လည်း တိုင်းပြည်​အတွက် အသနားခံ​သည်​ကို နားညောင်း​တော်မူ​ပြီး အစ္စရေး​လူမျိုး​တို့ ခံရ​သော​ဘေးဒဏ်​ကို ငြိမ်း​စေ​လေ​၏​။

Common Language Bible

²⁵ သူ​သည်​ထို​အ​ရပ်​တွင်​ထာ​ဝ​ရ​ဘုရား​၏ အ​တွက် ယဇ်​ပလ္လင်​ကို​တည်​ဆောက်​တော်​မူ​ပြီး လျှင် မီး​ရှို့​ရာ​ယဇ်​နှင့်​မိတ်​သ​ဟာ​ယ​ယဇ်​တို့ ကို​ပူ​ဇော်​တော်​မူ​၏။ ထာ​ဝ​ရ​ဘု​ရား​သည် လည်း​မင်း​ကြီး​၏​ဆု​တောင်း​ပတ္ထနာ​ကို​နား ညောင်း​တော်​မူ​၍ ဣ​သ​ရေ​လ​နိုင်​ငံ​တွင် ကပ်​ရော​ဂါ​ဘေး​ကို​ငြိမ်း​အေး​စေ​တော် မူ​၏။ ဋ္ဌမ္မ​ရာ​ဇ​ဝင်​ဒု​တိ​ယ​စောင်​ပြီး​၏။

Garrad Bible

²⁵ ထို အ ရပ်၌ ပင် ထာ ဝ ရ ဘု ရား အား ပူ ဇော် ရာ ပ လ္လင် တော် ကို တည် လျက် မီး ရှို့ ရာ သ က္ကာ မိတ် သ ဟာ ယ သ က္ကာ များ ကို ဆက် ကပ် လျှင် ပြည် တော် အ ဖို့ ထာ ဝ ရ ဘု ရား နား ညောင်း တော် မူ သ ဖြင့် ဣ သ ရေ လ လူ မျိုး ၌ ကပ် ရော ဂါ ဘေး ရပ် စဲ သ တည်း။

Judson Bible

²⁵ ထို​အ​ရပ်၌ ထာ​ဝ​ရ​ဘု​ရား​အ​ဖို့ ယဇ်​ပ​လ္လင်​ကို​တည်၍ မီး​ရှို့​ရာ​ယဇ်၊ မိတ်​သ​ဟာ​ယ​ယဇ်​တို့​ကို ပူ​ဇော်​လေ၏။ ထာ​ဝ​ရ​ဘု​ရား​သည်​လည်း၊ ဣ​သ​ရေ​လ​ပြည်​အ​ဖို့ ဆု​တောင်း​သော​စ​ကား​ကို နား​ထောင်၍ ကာ​လ​နာ​ဘေး​ကို ငြိမ်း​စေ​တော်​မူ၏။ ဓ​မ္မ​ရာ​ဇ​ဝင်​ဒု​တိ​ယ​စောင်​ပြီး၏။

၂ ရာ 24:25 Referencias Cruzadas

ကမ္ဘာ​ဦး 12:7

ထာဝရဘုရား​သည် အာဗြံ​အား ကိုယ်ထင်ရှားပြ​၍ “​ဤ​ပြည်​ကို သင်​၏​အမျိုးအနွယ်​အား ငါ​ပေး​မည်​”​ဟု မိန့်​တော်မူ​၏​။ အာဗြံ​သည်​လည်း မိမိ​အား ကိုယ်ထင်ရှားပြ​တော်မူ​သော​ထာဝရဘုရား​အဖို့ ထို​အရပ်​၌ ယဇ်ပလ္လင်​ကို တည်​လေ​၏​။

ကမ္ဘာ​ဦး 22:9

ဘုရားသခင်​မိန့်​တော်မူ​သော​အရပ်​သို့​ရောက်​သောအခါ အာဗြဟံ​သည် ထို​အရပ်​တွင် ယဇ်ပလ္လင်​ကို​တည်​၍ ထင်း​များ​ကို​စီ​ပြီးလျှင် မိမိ​သား​ဣဇက်​ကို​ချည်နှောင်​လျက် ယဇ်ပလ္လင်​အပေါ်​ရှိ ထင်း​များ​ပေါ်တွင် သူ့​ကို​တင်​လေ​၏​။

ကမ္ဘာ​ဦး 8:20

နောဧ​သည် ထာဝရဘုရား​အဖို့ ယဇ်ပလ္လင်​ကို​တည်​ပြီးလျှင် စင်ကြယ်​သော​တိရစ္ဆာန်​အပေါင်း​တို့​နှင့် စင်ကြယ်​သော​ငှက်​အပေါင်း​တို့​ထဲက​ယူ​၍ ထို​ယဇ်ပလ္လင်​ပေါ်တွင် မီးရှို့ရာယဇ်​ကို​ပူဇော်​ရာ

၂ ရာ 21:14

ရှောလု​မင်းကြီး​နှင့် သား​တော်​ယောနသန်​တို့​၏​အရိုး​ကို ဗင်္ယာမိန်​ပြည်​၊ ဇေလ​မြို့​ရှိ ရှောလု​မင်းကြီး​၏​ဖခင် ကိရှ​၏​သင်္ချိုင်း​တွင် သင်္ဂြိုဟ်​လိုက်​ကြ​၏​။ ရှင်ဘုရင်​၏​အမိန့်​တော်​အတိုင်း အလုံးစုံ​ပြု​ပြီး​သောအခါ​မှ ဘုရားသခင်​သည် ပြည်​တော်​အတွက် ဆုတောင်းသံ​ကို နားညောင်း​တော်မူ​လေ​၏​။

၂ ရာ 24:14

ထိုအခါ ဒါဝိဒ်​မင်းကြီး​က ဂဒ်​အား “​ငါ​သည် အကျဉ်းအကျပ်​ထဲသို့ ရောက်​ပါ​ပြီ​တကား​။ ထာဝရဘုရား​သည် သနား​ခြင်း​ကရုဏာ​ကြီးမား​သည်​ဖြစ်၍ ထာဝရဘုရား​လက်​တော်​ထဲသို့​သာ ငါ​တို့​ကျရောက်​ပါစေ​၊ လူ့​လက်​ထဲသို့ မ​ကျရောက်​ပါစေ​နှင့်​”​ဟု မိန့်ဆို​၏​။

၃ ရာ 1:1

ဒါဝိဒ်​မင်းကြီး​သည် အသက်ကြီး​၍​အိုမင်း​လာ​သောအခါ အနွေးထည်​များ ဝတ်ပေး​သော်လည်း မ​နွေး​နိုင်​တော့​ပေ​။

ယေ​ဇ​ကျေ​လ 16:42

သို့မှ ငါ​အမျက်ပြေ​မည်​။ သံသယစိတ်​ကင်း​မည်​။ အမျက်​မ​ထွက်​တော့​သဖြင့် ငြိမ်းချမ်း​လိမ့်မည်’​ဟု မိန့်​တော်မူ​၏​။

တော​လည် 17:13

ထာဝရဘုရား​၏​ကိန်းဝပ်​တော်မူ​ရာ​တဲ​တော်​နားသို့​လာ​သော​သူ​တိုင်း သေ​ရ​မည်​ဖြစ်၍ အကျွန်ုပ်​တို့​အားလုံး​သေ​ကြ​ရ​တော့​မည်​လော​”​ဟု ဆို​ကြ​၏​။

သူ​ကြီး 21:4

နောက်တစ်နေ့​တွင် လူ​တို့​သည် စောစောထ​၍ ထို​နေရာ​တွင် ယဇ်ပလ္လင်​ကို​တည်​ကာ မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​ကြ​၏​။

သူ​ကြီး 6:24

ဂိဒေါင်​သည် ထို​အရပ်​၌ ထာဝရဘုရား​အဖို့ ယဇ်ပလ္လင်​ကို​တည်​၍ “​ငြိမ်သက်​ခြင်း​အရှင် ထာဝရဘုရား​”​ဟု မှည့်ခေါ်​လေ​၏​။ ထို​ယဇ်ပလ္လင်​သည် အဗျေဇာ​အမျိုးသား​တို့​နေထိုင်​ရာ ဩဖရ​မြို့​တွင် ယနေ့​တိုင်အောင် ရှိ​၏​။

၁ ရာ 13:9

ထို့ကြောင့် ရှောလု​မင်းကြီး​က “​မီးရှို့ရာယဇ်​၊ မိတ်သဟာယယဇ်​တို့​ကို ငါ့​ထံသို့ ယူဆောင်​လာ​ကြ​လော့​”​ဟု ဆို​ပြီးလျှင် မီးရှို့ရာယဇ်​ကို​ပူဇော်​လေ​၏​။

၁ ရာ 14:35

ရှောလု​မင်းကြီး​သည် ထို​နေရာ​တွင် ထာဝရဘုရား​အဖို့ ယဇ်ပလ္လင်​ကို တည်​လေ​၏​။ ထို​ယဇ်ပလ္လင်​သည် ထာဝရဘုရား​အဖို့ ရှောလု​မင်းကြီး​ပထမဦးဆုံး​တည်​သော​ယဇ်ပလ္လင်​ဖြစ်​၏​။

၁ ရာ 7:17

ထို့နောက် မိမိ​အိမ်​ရှိ​ရာ ရာမ​မြို့​သို့​ပြန်လာ​ပြီး ထို​မြို့​ရှိ အစ္စရေး​လူမျိုး​တို့​ကို စီရင်အုပ်ချုပ်​လေ​၏​။ ထို​မြို့​တွင် ထာဝရဘုရား​အဖို့ ယဇ်ပလ္လင်​ကို​လည်း တည်​ထား​လေ​၏​။

၁ ရာ 7:9

ထိုအခါ ရှမွေလ​က နို့မပြတ်​သေး​သော​သိုးသငယ်​တစ်​ကောင်​ကို ယူ​၍ တစ်ကောင်လုံး​ရှို့​ရ​သော​မီးရှို့ရာယဇ်​အဖြစ် ထာဝရဘုရား​ထံ ပူဇော်​ပြီး အစ္စရေး​လူမျိုး​တို့​အတွက် ထာဝရဘုရား​ထံ အော်ဟစ်​ဆုတောင်း​သောအခါ ထာဝရဘုရား နားညောင်း​တော်မူ​၏​။