၂ ရာ 17:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ အဗရှလုံ​သည် အာမသ​ကို ဗိုလ်ချုပ်​ယွာဘ​နေရာ​တွင် ခန့်ထား​၏​။ အာမသ​သည် ယွာဘ​၏​မိခင်​၊ ဇေရုယာ​၏​ညီမ​၊ နာဟတ်​၏​သမီး အဘိဂဲလ​နှင့်​ပေါင်းသင်း​သော ယေသာ​အမည်​ရှိ အစ္စရေး​အမျိုးသား​တစ်​ဦး​၏​သား​ဖြစ်​၏​။

Common Language Bible

²⁵ (အ​ဗ​ရှ​လုံ​သည်​အာ​မ​သ​အား​ယွာ​ဘ​၏ နေ​ရာ​တွင်​တပ်​မ​တော်​ဗိုလ်​ချုပ်​အ​ဖြစ်​ခန့် ထား​၏။ အာ​မ​သ​ကား​ဣ​ရှ​မေ​လ​အ​မျိုး သား​ယေ​သာ​၏​သား​ဖြစ်​၏။ သူ​၏​မိ​ခင်​မှာ နာ​ဟတ်​၏​သ​မီး၊ ယွာ​ဘ​၏​မိ​ခင်​ဇေ​ရု​ယာ ၏​ညီ​မ​အ​ဘိ​ဂဲ​လ​ဖြစ်​သ​တည်း။-)

Garrad Bible

²⁵ အ ဗ ရှ လုံ သည် ယွာ ဘ နေ ရာ၌ အာ မ သ ကို ဗိုလ် ချုပ် ခန့် ထား၏။ အာ မ သ ကား နာ ဟတ် သ မီး၊ ယွာ ဘ အ မိ ဇေ ရု ယာ၏ ညီ မ အ ဘိ ဂဲ လ နှင့် သင့် မြတ် သော ဣ သ ရေ အ မျိုး ယေ သာ၏ သား ဖြစ် သ တည်း။

Judson Bible

²⁵ အ​ဗ​ရှ​လုံ​သည် ဗိုလ်​ချုပ်​မင်း​ယွာ​ဘ​အ​ရာ၌ အာ​မ​သ​ကို​ခန့်​ထား၏။ အာ​မ​သ​ကား၊ ယွာ​ဘ​အ​မိ ဇေ​ရု​ယာ၏​ညီ​မ​နာ​ဟတ်​သ​မီး အ​ဘိ​ဂဲ​လ​နှင့် စုံ​ဖက်​သော ဣ​ရှ​မေ​လ​အ​မျိုး​ယေ​သာ၏​သား ဖြစ်​သ​တည်း။

၂ ရာ 17:25 Referencias Cruzadas

၂ ရာ 17:26

အဗရှလုံ​နှင့် အစ္စရေး​လူမျိုး​တို့​သည် ဂိလဒ်​ပြည်​၌ စခန်းချ​ကြ​၏​။

၂ ရာ 19:13

အာမသ​ကို​လည်း ‘​သင်​သည် ငါ့​အရိုး​အသား ဖြစ်​သည်​မ​ဟုတ်​လော​။ ယွာဘ​အစား သင့်​ကို အမြဲတမ်း​စစ်ဗိုလ်ချုပ်​အဖြစ် ခန့်အပ်​ပြီ​။ ထိုသို့​မ​ပြု​လျှင် ဘုရားသခင်​သည် ငါ့​အား ထိုထက်မက​ပြု​တော်မူ​ပါစေသော​’​ဟူ၍ ပြောကြား​လော့​”​ဟု မှာလိုက်​လေ​၏​။

၂ ရာ 19:14

ဤသို့ ရှင်ဘုရင်​သည် ယုဒ​အမျိုးသား​အပေါင်း​တို့​၏​စိတ်နှလုံး​ကို တစ်ပေါင်းတစ်စည်း​တည်း သိမ်းသွင်း​နိုင်​ခဲ့​သဖြင့် သူ​တို့​က​လည်း ရှင်ဘုရင်​ထံ “​အရှင်မင်းကြီး​နှင့်တကွ မင်းမှုထမ်း​အပေါင်း​တို့ ပြန်လာ​ကြ​ပါ​”​ဟု လျှောက်တင်​စေ​ကြ​၏​။

၂ ရာ 20:4

ထို့နောက် ရှင်ဘုရင်​က အာမသ​အား “​သုံး​ရက်​အတွင်း ယုဒ​အမျိုးသား​တို့​ကို ငါ့​ထံ​လာရောက်​စုဝေး​စေ​ပါ​။ သင်​ကိုယ်တိုင်​လည်း ပါ​ရ​မည်​”​ဟု မိန့်ဆို​၏​။

၃ ရာ 2:28

ထို​သတင်း​များ ယွာဘ​ထံသို့​ရောက်လာ​၏​။ ယွာဘ​သည် အဗရှလုံ​ပုန်ကန်​စဉ်က မ​ပါ​ခဲ့​သော်လည်း အဒေါနိယ​ပုန်ကန်​သောအခါ ပါဝင်​ခဲ့​သောကြောင့် ထာဝရဘုရား​၏​တဲ​တော်​သို့ ပြေးသွား​ပြီး ယဇ်ပလ္လင်​ချို​များ​ကို ဆုပ်ကိုင်​ထား​လေ​၏​။

၃ ရာ 2:32

သူ​သည် သူ့​ထက်​ပို၍​ဖြောင့်မတ်​မှန်ကန်​သူ​နှစ်​ဦး​ဖြစ်​သော အစ္စရေး​စစ်သူကြီး နေရ​၏​သား​အာဗနာ​နှင့် ယုဒ​စစ်သူကြီး ယေသာ​၏​သား​အာမသ​တို့​ကို ငါ့​ခမည်းတော်​ဒါဝိဒ်​မင်းကြီး မ​သိ​ဘဲ ဓား​နှင့်​သတ်​ခဲ့​၏​။ ဤသို့ လူ​အသက်သတ်​သော​အပြစ်​ကို ထာဝရဘုရား​သည် သူ့​ခေါင်း​ပေါ်သို့ ရောက်​စေ​တော်မူ​မည်​။

၃ ရာ 2:5

ယခု ဇေရုယာ​၏​သား​ယွာဘ​သည် ငါ့​အား မည်သို့​ပြု​ခဲ့​သည်​ကို​လည်းကောင်း​၊ အစ္စရေး​စစ်သူကြီး​နှစ်​ဦး​ဖြစ်​သော နေရ​၏​သား​အာဗနာ​နှင့် ယေသာ​၏​သား​အာမသ​တို့​အား မည်သို့​ပြု​ခဲ့​သည်​ကို​လည်းကောင်း သင်​သိ​၏​။ သူ​သည် တိုင်းပြည်​အေးချမ်း​ချိန်​တွင်ပင် ထို​သူ​တို့​ကို တိုက်ခိုက်​သတ်ဖြတ်​ပြီး သူ့​ခါး​မှ​ခါးဝတ်တန်ဆာ​၊ သူ့​ခြေ​မှ​ခြေနင်း​တို့​ကို စစ်သွေး​စွန်း​စေ​ခဲ့​၏​။

၁ ရာ​ချုပ် 12:19

ဖိလိတ္တိ​လူမျိုး​တို့​သည် ရှောလု​မင်းကြီး​ကို စစ်တိုက်​သွား​သောအခါ ဒါဝိဒ်​လည်း လိုက်ပါ​ရာ မနာရှေ​အမျိုး​အချို့​တို့​သည် ဒါဝိဒ်​ထံ​ရောက်လာ​ကြ​၏​။ သို့သော် ဖိလိတ္တိ​မင်းကြီး​တို့​က “​သူ​သည် သူ့​သခင်​ရှောလု​မင်းကြီး​နှင့် ပြန်ပေါင်း​ပြီး ငါ​တို့​ခေါင်း​ကို အပ်​ကောင်း​အပ်​လိမ့်မည်​”​ဟု အချင်းချင်း​တိုင်ပင်​ကြ​ပြီး ဒါဝိဒ်​ကို​ပြန်လွှတ်​လိုက်​သဖြင့် ဒါဝိဒ်​သည် သူ​တို့​ကို စစ်ကူ​မ​တိုက်​ဖြစ်​ခဲ့​ဘဲ

၁ ရာ​ချုပ် 2:13

ယေရှဲ​သည် သားဦး ဧလျာဘ​၊ ဒုတိယ​သား အဘိနဒပ်​၊ တတိယ​သား ရှိမာ​၊