၂ ရာ 16:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ရှောလု​မင်းကြီး​၏​အရိုက်အရာ​ကို လုယူ​၍​နန်းစံ​ပြီး ရှောလု​မင်းကြီး​၏​အိမ်သူအိမ်သား​အား သတ်​သော​အပြစ်​ကို ထာဝရဘုရား​သည် သင့်​အား ပြန်ပေးဆပ်​စေ​ပြီ​။ နိုင်ငံ​တော်​ကို​လည်း သင့်​သား​အဗရှလုံ​လက်​သို့ ထာဝရဘုရား​အပ်​တော်မူ​ပြီ​။ သင်​သည် လူသတ်သမား​ဖြစ်​သောကြောင့် သင်​ပြု​သော​မကောင်းမှု​ကို သင်​ပြန်ခံ​ရ​တော့​မည်​”​ဟု ကျိန်ဆဲ​လေ​၏​။

Common Language Bible

⁸ သင်​သည်​ရှော​လု​၏​နိုင်​ငံ​ကို​သိမ်း​ယူ​ခဲ့​၍ သူ​၏​မိ​သား​စု​တို့​ကို​သတ်​သည့်​အ​တွက် ယ​ခု​ထာ​ဝ​ရ​ဘု​ရား​သည်​သင့်​ကို​ဒဏ် ခတ်​တော်​မူ​ပြီ။ ထာ​ဝ​ရ​ဘု​ရား​သည်​နိုင်​ငံ တော်​ကို​သင်​၏​သား​အ​ဗ​ရှ​လုံ​၏​လက်​သို့ ပေး​အပ်​တော်​မူ​ပြီ။ အ​ချင်း​လူ​သတ်​သ​မား၊ သင်​သည်​အကျိုး​နည်း​ရ​လေ​ပြီ'' ဟု​ကျိန် ဆဲ​လေ​၏။

Judson Bible

⁸ ရှော​လု၏​နိုင်​ငံ​ကို လု​ယူ၍ သူ၏​အ​ဆွေ​အ​မျိုး​ကို သတ်​သော​အ​ပြစ်​အ​လုံး​စုံ​ကို သင့်​ခေါင်း​ပေါ်​မှာ ထာ​ဝ​ရ​သက်​ရောက်​စေ၍၊ နိုင်​ငံ​တော်​ကို သင်၏​သား အ​ဗ​ရှ​လုံ​လက်၌ အပ်​တော်​မူ​ပြီ။ သင်​သည် လူ​အ​သက်​ကို သတ်​သော​သူ​ဖြစ်​သော​ကြောင့် ကြည့်​ပါ။ အ​မှု​ကြီး ရောက်​လေ​ပြီ​ဟု ဆို၏။

၂ ရာ 16:8 Referencias Cruzadas

၂ ရာ 1:16

ဒါဝိဒ်​က​လည်း “ ‘​ထာဝရဘုရား ဘိသိက်ပေး​တော်မူ​သော​ရှင်ဘုရင်​ကို အကျွန်ုပ်​သတ်​လေ​ပြီ​’​ဟု သင့်​နှုတ်​မှ ဝန်ခံ​သောကြောင့် လူသတ်​သော​အပြစ်​ကို သင်​ပြန်​ခံရ​ပြီ​”​ဟု ဆို​၏​။

၂ ရာ 19:19

ရှင်ဘုရင်​အား “​အကျွန်ုပ်​၏​သခင်​၊ အကျွန်ုပ်​ကို အပြစ်​ယူ​တော်​မ​မူ​ပါ​နှင့်​။ အကျွန်ုပ်​၏​သခင် အရှင်မင်းကြီး ဂျေရုဆလင်​မြို့​မှ​ထွက်ခွာ​သွား​ရ​သော​နေ့​က ကျွန်တော်မျိုး​ပြု​မိ​သော​အမှား​များ​ကို အရှင်မင်းကြီး နှလုံး​သွင်း​ပြီး အောက်မေ့​တော်​မ​မူ​ပါ​နှင့်​။

၂ ရာ 19:21

ထိုအခါ ဇေရုယာ​၏​သား အဘိရှဲ​က “​ရှိမိ​သည် ထာဝရဘုရား ဘိသိက်ပေး​တော်မူ​သော​သူ​ကို ကျိန်ဆဲ​ခဲ့​လေ​ပြီ​။ ထို့အတွက်ကြောင့် သူ​အသေသတ်​ခြင်း​ခံရ​မည် မ​ဟုတ်​လော​”​ဟု ဆို​လျှင်

၂ ရာ 21:1

ဒါဝိဒ်​မင်းကြီး​လက်ထက်​တွင် ငတ်မွတ်ခေါင်းပါး​ခြင်း​ဘေး သုံး​နှစ်​ဆက်တိုက်​ဖြစ်​၏​။ ထို့ကြောင့် ဒါဝိဒ်​မင်းကြီး​က ထာဝရဘုရား​ထံ​မေးလျှောက်​လျှင် ထာဝရဘုရား​က “​ရှောလု​သည် ဂိဗောင်​မြို့သား​တို့​ကို သတ်​၍ အမျိုးအနွယ်​ထဲတွင် သွေးစွန်း​စေ​သော​အပြစ်​ကြောင့် ဤသို့​ဖြစ်​ရ​ပြီ​”​ဟု မိန့်​တော်မူ​၏​။

၂ ရာ 21:9

ဂိဗောင်​မြို့သား​တို့​လက်​သို့ အပ်လိုက်​သဖြင့် ဂိဗောင်​မြို့သား​တို့​သည် သူ​တို့​ကို ထာဝရဘုရား​ရှေ့​တော် တောင်​ပေါ်တွင်​ကြိုးဒဏ်​ပေး​၏​။ သူ​တို့​သည် သီးနှံ​ရိတ်သိမ်း​ချိန် မုယောစပါး​စတင်​ရိတ်သိမ်း​သော ပထမ​ရက်​တွင် အသတ်​ခံရ​၍ ခုနစ်​ဦး​စလုံး ပြိုင်တူ​သေ​ကြ​လေ​၏​။

၃ ရာ 2:8

ဗာဟုရိမ်​မြို့သား​၊ ဗင်္ယာမိန်​အမျိုးသား ဂေရ​၏​သား​ရှိမိ​သည် မဟာနိမ်​မြို့​သို့ ငါ​သွား​သော​နေ့​တွင် သူ​သည် ငါ့​ကို ခါးသီး​စွာ​ကျိန်ဆဲ​ခဲ့​၏​။ သို့သော် ငါ​ပြန်လာ​သောအခါ သူ​သည် ငါ့​ကို ဂျော်ဒန်​မြစ်​သို့​ဆင်းကြို​၍ ‘​သင့်​ကို ငါ ဓား​ဖြင့်​မ​သတ်​’​ဟု ထာဝရဘုရား​ကို​တိုင်တည်​၍ ငါ​ကျိန်ဆို​ခဲ့​ပြီ​။

ဆာ​လံ 3:2

များစွာ​သော​သူ​တို့​က “​ဘုရားသခင်​သည် သူ့​ကို​ကယ်တင်​မည်​မ​ဟုတ်​”​ဟု အကျွန်ုပ်​၏​စိတ်ဝိညာဉ်​နှင့်​ပတ်သက်၍ ပြောဆို​ကြ​ပါ​၏​။(​စေလာ)

ဆာ​လံ 4:2

အချင်း​လူသား​တို့​၊ ငါ​၏​ဘုန်းအသရေ​ကို​မည်မျှ​ကြာ​အောင် ရှုတ်ချ​ကြ​မည်နည်း​။ မည်သည့်​အချိန်​အထိ အချည်းနှီး​သော​အရာ​ကို​နှစ်သက်​၍ လိမ်လည်​ခြင်း​ကို​လိုက်ရှာ​ကြ​မည်နည်း​။(​စေလာ)

ဆာ​လံ 55:3

ရန်သူ​၏​အသံ​နှင့် ဆိုးယုတ်​သော​သူ​၏​ဖိစီးမှု​ကြောင့် စိတ်ရှုပ်ထွေး​နေ​ပါ​၏​။ အကြောင်းမူကား သူ​တို့​သည် အကျွန်ုပ်​အပေါ် ဆင်းရဲဒုက္ခ​ကျရောက်​စေ​၍ အကျွန်ုပ်​ကို​အမျက်​ထွက်​လျက် အငြိုးထား​ကြ​ပါ​၏​။

ဆာ​လံ 7:4

အကျွန်ုပ်​နှင့်​သင့်မြတ်​သော​သူ​အပေါ် မကောင်းမှု​ပြု​ခဲ့​၍ အကျွန်ုပ်​ရန်သူ​၏​ဥစ္စာ​ကို အကြောင်းမဲ့​လုယူ​ခဲ့​သည်​ဆို​လျှင်

သုတ္တံကျမ်း။ 26:2

လူးလာပျံဝဲ​သည့် စာငှက်​ကဲ့သို့​လည်းကောင်း​၊ ပျံသန်း​သွားလာ​သည့် ပျံလွှားငှက်​ကဲ့သို့​လည်းကောင်း အကြောင်းမဲ့​ကျိန်ဆဲ​ခြင်း​သည် လာရောက်​ရပ်နား​ခြင်း​မ​ရှိ​တတ်​။

ဗျာ​ဒိတ် 16:6

အကြောင်းမူကား ထို​သူ​တို့​သည် သန့်ရှင်း​သူ​များ​နှင့် ပရောဖက်​များ​၏​သွေး​ကို သွန်း​ခဲ့​ကြ​သည်​ဖြစ်၍ ကိုယ်တော်​သည် ထို​သွေး​တို့​ကို သူ​တို့​အား​သောက်​ရန် ပေး​တော်မူ​ပြီ။ သူ​တို့​သည် ထိုသို့​ခံရ​ရန် ထိုက်တန်​ပေ​၏”​ဟု ဆို​သည်​ကို ငါ​ကြား​ရ​၏။

သူ​ကြီး 9:24

ယေရုဗ္ဗာလ​၏​သား​အယောက်​ခုနစ်ဆယ်​ကို ရက်ရက်စက်စက်​သတ်ဖြတ်​ကြ​သော​အမှု​ကြောင့် ပြန်​ပေးဆပ်​ရ​မည့်​သွေးကြွေး​သည် ညီအစ်ကို​တို့​အား သတ်​သော​အဘိမလက်​နှင့် ထို​ညီအစ်ကို​တို့​အား သတ်​သော​အမှု​၌ ကူညီပေး​သော​ရှေခင်​မြို့သား​တို့​အပေါ်​သို့ ကျရောက်​ခြင်း​ဖြစ်​၏​။