၂ ရာ 10:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ဆီးရီးယား​လူမျိုး​တို့​သည် အစ္စရေး​လူမျိုး​တို့​ရှေ့​မှ ထွက်ပြေး​ကြ​ပြန်​၍ ဒါဝိဒ်​မင်းကြီး​သည် ဆီးရီးယား​လူမျိုး​တို့​၏​စစ်ရထားမှူး အယောက်​ခုနစ်​ရာ​၊ မြင်းစီးသူရဲ အယောက်​လေးသောင်း​တို့​ကို ကွပ်မျက်​ပစ်​လေ​၏​။ စစ်သူကြီး​ရှောဗက်​ကို​လည်း ထို​နေရာ​တွင်ပင် အသေသတ်​လိုက်​လေ​၏​။

Common Language Bible

¹⁸ ဣ​သ​ရေ​လ​အမျိုး​သား​တို့​သည်​ရှု​ရိ​ပြည် သား​တို့​အား​တိုက်​ထုတ်​လိုက်​ကြ​၏။ ဒါ​ဝိဒ် ၏​လူ​တို့​က​ရှု​ရိ​စစ်​ရ​ထား​မှူး​ခု​နစ်​ရာ နှင့်​မြင်း​စီး​သူ​ရဲ​လေး​သောင်း​တို့​ကို​သုတ် သင်​ပြီး​လျှင် ရန်​သူ​ဗိုလ်​ချုပ်​ရှော​ဗက်​ကို လည်း​ဒဏ်​ရာ​ရ​စေ​၏။ ထို့​ကြောင့်​သူ​သည် စစ်​မြေ​ပြင်​၌​ပင်​သေ​ဆုံး​လေ​သည်။-

Garrad Bible

¹⁸ ဣ သ ရေ လ တပ် ရှေ့ ဆုတ် ပြေး ရ၍ ဒါ ဝိဒ် မင်း သည် ရှု ရိ ရ ထား စီး သူ ရဲ ခု နစ် ရာ၊ မြင်း စီး သူ ရဲ လေး သောင်း တို့ ကို လုပ် ကြံ သည့် ပြင်၊ ဗိုလ် ချုပ် ရှော ဗက် ကို လည်း စစ် မြေ ပြင်၌ ပင် ကျ ဆုံး စေ ၏။

Judson Bible

¹⁸ ဣ​သ​ရေ​လ အ​မျိုး​သား​ရှေ့​မှာ ပြေး​ကြ၏။ ဒါ​ဝိဒ်​သည်​လည်း ရှု​ရိ​မြင်း​ရ​ထား​စီး​သူ​ရဲ ခု​နစ်​ထောင်၊ ခြေ​သည်​သူ​ရဲ လေး​သောင်း​တို့​ကို​သတ်၍၊ ဗိုလ်​ချုပ်​မင်း​ရှော​ဗက်​ကို​လည်း ထိ​ခိုက်​သ​ဖြင့် သူ​သည် ထို​အ​ရပ်၌​သေ၏။

၂ ရာ 10:18 Referencias Cruzadas

၂ ရာ 10:17

ထို​သတင်း​ကို​ဒါဝိဒ်​မင်းကြီး​ကြား​လျှင် အစ္စရေး​လူမျိုး​အပေါင်း​တို့​ကို​စုဝေး​စေ​ပြီး ဂျော်ဒန်​မြစ်​ကို​ကူး​ကာ ဟေလံ​မြို့​သို့ ချီလာ​၏​။ ဆီးရီးယား​လူမျိုး​တို့​လည်း စစ်ခင်းကျင်း​ပြီး ဒါဝိဒ်​မင်းကြီး​ကို ရင်ဆိုင်​တိုက်ခိုက်​လေ​၏​။

၂ ရာ 8:4

ထို​ဘုရင်​ထံမှ မြင်းစီးသူရဲ​အယောက်​တစ်ထောင့်​ခုနစ်​ရာ​နှင့် ခြေလျင်တပ်သား အယောက်​နှစ်သောင်း​ကို​သိမ်းပိုက်​လိုက်​၏​။ ထို့နောက် ဒါဝိဒ်​မင်းကြီး​သည် မိမိ​အဖို့ စစ်ရထားမြင်း​အကောင်​တစ်ရာ​ကို​ချန်ထား​ပြီး ကျန်​စစ်ရထားမြင်း​အားလုံး​ကို တံကောက်ကြော ဖြတ်ပစ်​လေ​၏​။

၃ ရာ 11:24

ဇောဘ​လူမျိုး​တို့​ကို ဒါဝိဒ်​မင်းကြီး နှိမ်နင်း​ခဲ့​စဉ်က ရေဇုန်​သည် လူ​တို့​ကို​စုရုံး​ပြီး ခေါင်းဆောင်​လုပ်​ကာ ဓားပြ​အုပ်စု​ဖွဲ့​လေ​၏​။ သူ​တို့​သည် ဒမတ်စကပ်​မြို့​သို့​သွားရောက်​နေထိုင်​ပြီး ထို​မြို့​တွင် ဗိုလ်ကျစိုးမိုး​ကြ​၏​။

၁ ရာ​ချုပ် 19:18

ဆီးရီးယား​လူမျိုး​တို့​သည် အစ္စရေး​လူမျိုး​တို့​ရှေ့​မှ ထွက်ပြေး​ကြ​ပြန်​၍ ဒါဝိဒ်​မင်းကြီး​သည် ဆီးရီးယား​လူမျိုး​တို့​၏​စစ်ရထားမှူး​အယောက်​ခုနစ်ထောင်​၊ ခြေလျင်တပ်သား​အယောက်​လေးသောင်း​တို့​ကို သုတ်သင်​ပစ်​လေ​၏​။ စစ်သူကြီး​ရှောဗက်​ကို​လည်း အသေသတ်​လိုက်​လေ​၏​။

ဆာ​လံ 18:38

အကျွန်ုပ်​သည် သူ​တို့​မ​ထ​နိုင်​အောင် ချေမှုန်း​ခဲ့​ပါ​၏​။ သူ​တို့​သည် အကျွန်ုပ်​၏​ခြေ​အောက်​တွင် လဲကျ​ခဲ့​ကြ​ပါ​၏​။

ဆာ​လံ 46:11

ကောင်းကင်​ဗိုလ်ခြေ​အရှင်​ထာဝရဘုရား​သည် ငါ​တို့​နှင့်အတူ​ရှိ​တော်မူ​၏​။ ယာကုပ်​၏​ဘုရားသခင်​သည် ငါ​တို့​၏​ခိုကိုး​ရာ​ဖြစ်​တော်မူ​၏​။(​စေလာ)

ဆာ​လံ 68:2

မီးခိုး​သည် လွင့်သွား​သကဲ့သို့ ကိုယ်တော်​သည် သူ​တို့​ကို​လွင့်သွား​စေ​တော်မူ​လိမ့်မည်​။ ဖယောင်း​သည် မီး​ရှေ့​တွင် အရည်ပျော်​သကဲ့သို့ ဆိုးယုတ်​သော​သူ​တို့​သည် ဘုရားသခင်​၏​ရှေ့​တော်​တွင် ပျက်စီး​ကြ​ရ​လိမ့်မည်​။

သူ​ကြီး 4:2

ထို့ကြောင့် ထာဝရဘုရား​သည် သူ​တို့​ကို ဟာဇော်​မြို့​၌​စိုးစံ​သော ခါနာန်​ဘုရင်​ယာဘိန်​မင်းကြီး​လက်​သို့ ရောင်းလိုက်​လေ​၏​။ ထို​ဘုရင်​၏​စစ်သူကြီး​မှာ ဟာရောရှက်​ဟာဂေါအိမ်​မြို့​၌​နေထိုင်​သော သိသရ​ဖြစ်​၏​။

သူ​ကြီး 4:22

သိသရ​ကို လိုက်ရှာ​နေ​သော ဗာရက်​ရောက်လာ​သောအခါ ယေလ​က သူ့​ကို​ထွက်​ကြို​၍ “​လာ​ပါ​။ အရှင်​ရှာဖွေ​နေ​သော​သူ​ကို အကျွန်ုပ် ပြ​ပါ​မည်​”​ဟု ဆို​သဖြင့် သူ​သည် တဲ​ထဲသို့​လိုက်ဝင်​သွား​ရာ သိသရ​သည် နားထင်​၌​ငုတ်တိုင်​စူးဝင်​၍​လဲ​သေ​နေ​သည်​ကို တွေ့​ရ​လေ​၏​။

သူ​ကြီး 5:26

သူ့​လက်​ဖြင့်​တဲငုတ်တိုင်​ကို ယူ​၏​။ လက်ယာ​လက်​၌​ကိုင်​ထား​သော လက်သမား​တူ​ဖြင့် သိသရ​ခေါင်း​ကို ထု​ရိုက်​၏​။ နားထင်​ကို ထိုး​ဖောက်​၏​။