၂ ကော 7:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

Common Language Bible

¹ ချစ်​မိတ်​ဆွေ​တို့၊ ဤ​က​တိ​တော်​များ​ကား​ငါ တို့​၏​အ​တွက်​ဖြစ်​၏။ သို့​ဖြစ်​၍​ငါ​တို့​သည်​မိ​မိ တို့​ကိုယ်​ကို​ကာ​ယ​အ​ညစ်​အ​ကြေး​နှင့်​ဝိ​ညာဉ် အ​ညစ်​အ​ကြေး​ရှိ​သ​မျှ​နှင့်​ကင်း​စင်​စေ​၍ ဘု​ရား​သ​ခင်​ကို​ကြောက်​ရွံ့​ရို​သေ​ခြင်း​အား ဖြင့် မိ​မိ​တို့​ကိုယ်​ကို​လုံး​ဝ​ဖြူ​စင်​သန့်​ရှင်း​စေ ကြ​ကုန်​အံ့။

Garrad Bible

¹ အို ချစ် သူ တို့၊ ထို ဂ တိ တော် များ ကို ငါ တို့ ခံ ရ ကြ သည့် အ လျောက် ရုပ် ခ န္ဓာ နှင့် နာမ် ခ န္ဓာ အ ညစ် အ ကြေး အ မျိုး မျိုး မှ စင် ကြယ် စေ သ ဖြင့် ဘု ရား သ ခင့် အား ခန့် ညား လျက် စုံ လင် သော သန့် ရှင်း ခြင်း သို့ ရောက် ကြ ကုန် အံ့။

Judson Bible

¹ ထို​ကြောင့် ချစ်​သူ​တို့၊ ထို​က​တိ​တော်​များ​နှင့် ငါ​တို့​သည် ဆိုင်​ကြ​သည်​ဖြစ်၍၊ ကိုယ်​ခ​န္ဓာ၏ အ​ညစ်​အ​ကြေး၊ စိတ်​ဝိ​ညာဉ်၏ အ​ညစ်​အ​ကြေး​ရှိ​သ​မျှ​တို့​နှင့် ကိုယ်​ကို​ကိုယ်​ကင်း​စင်​စေ​လျက်၊ ဘု​ရား​သ​ခင်​ကို ကြောက်​ရွံ့၍ သန့်​ရှင်း​ခြင်း​ပါ​ရ​မီ​နှင့် ပြည့်​စုံ​ကြ​ကုန်​အံ့။

ခေတ်သစ်​မြန်မာ သမ္မာကျမ်း

¹ ချစ်ရသော​သူတို့… ကျွန်ုပ်တို့​၌ ဘုရားသခင်​ပေးတော်မူသော အထက်ပါ​ကတိတော်များ​ရှိ​သောကြောင့် ကိုယ်ခန္ဓာ​နှင့် စိတ်ဝိညာဉ်​ကို ညစ်ညမ်းစေသော​အရာတို့​မှ မိမိကိုယ်ကိုယ် စင်ကြယ်စေ​၍ ဘုရားသခင်​ကို ရိုသေသော​အားဖြင့် လုံးဝ​သန့်ရှင်းစေကြစို့။

၂ ကော 7:1 Referencias Cruzadas

၂ ရာ​ချုပ် 19:9

ထို့ပြင် သူ​တို့​အား “​ထာဝရဘုရား​ကို​ကြောက်ရွံ့ရိုသေ​၍ သစ္စာစောင့်​လျက် စိတ်ဆန္ဒ​အပြည့်အဝ​ဖြင့် လုပ်ဆောင်​ကြ​လော့​။

ဆာ​လံ 119:9

လူငယ်​သည် မိမိ​၏​ဘဝလမ်း​ကို မည်ကဲ့သို့ သန့်ရှင်းစင်ကြယ်​စေ​နိုင်​ပါ​မည်နည်း​ဟူမူကား ကိုယ်တော်​၏​နှုတ်ကပတ်တော်​အတိုင်း စောင့်ထိန်း​ရ​မည်​ဖြစ်​၏​။

ဆာ​လံ 19:9

ထာဝရဘုရား​ကို​ကြောက်ရွံ့​ခြင်း​သည် စင်ကြယ်​၍ ထာဝရ​တည်​၏​။ ထာဝရဘုရား​၏​စီရင်ထုံးဖွဲ့ချက်​တို့​သည် မှန်ကန်​၍ တညီတညွတ်တည်း​ဖြောင့်မတ်​ကြ​၏​။

ဆာ​လံ 51:10

အို ဘုရားသခင်​၊ အကျွန်ုပ်​အထဲ​၌ စင်ကြယ်​သော​စိတ်နှလုံး​ကို ဖန်ဆင်း​တော်မူ​ပါ​။ အကျွန်ုပ်​အတွင်း​ထဲ၌ တည်ကြည်​သော စိတ်သဘော​ကို အသစ်​ပြုပြင်​တော်မူ​ပါ​။

သုတ္တံကျမ်း။ 16:6

မေတ္တာကရုဏာ​နှင့်​သမ္မာတရား​အားဖြင့် အပြစ်​ဖြေလွှတ်​ခြင်း​ခံရ​၍ ထာဝရဘုရား​ကို​ကြောက်ရွံ့​ခြင်း​အားဖြင့် မကောင်းမှု​မှ​ဖယ်ခွာ​နိုင်​၏​။

သုတ္တံကျမ်း။ 20:9

“​ငါ​သည် ငါ​၏​စိတ်နှလုံး​ကို သန့်ရှင်းစင်ကြယ်​စေ​ပြီ​၊ ငါ​သည် အပြစ်​မှ​စင်ကြယ်​ပြီ​”​ဟု မည်သူ​ပြောဆို​နိုင်​သနည်း​။

သုတ္တံကျမ်း။ 30:12

မိမိ​၏​အညစ်အကြေး​ကို မ​ဆေးကြော​ဘဲ ကိုယ့်ကိုယ်ကိုယ်​စင်ကြယ်​သည်​ဟု ထင်မြင်​သော​သူ​များ​ရှိ​၏​။

သုတ္တံကျမ်း။ 8:13

ထာဝရဘုရား​ကို​ကြောက်ရွံ့​ခြင်း​သည် မကောင်းမှု​ကို​မုန်းတီး​ခြင်း​ဖြစ်​၏​။ မောက်မာထောင်လွှား​ခြင်း​နှင့် မာနကြီး​ခြင်း​၊ မကောင်း​သော​လမ်း​နှင့် ဖောက်ပြန်လွဲမှား​သော​စကား​ကို ငါ​မုန်း​၏​။

ဒေသနာကျမ်း။ 11:10

သို့ဖြစ်၍ ပူဆွေး​ခြင်း​ကို သင်​၏​စိတ်နှလုံး​ထဲမှ​ဖယ်ရှား​လော့​။ ဒုက္ခ​ကို​လည်း သင်​၏​ကိုယ်ခန္ဓာ​မှ​ပယ်ထုတ်​လော့​။ အကြောင်းမူကား ပျိုရွယ်​ခြင်း​နှင့် အရွယ်ကောင်း​ခြင်း​တို့​သည် အချည်းနှီး​ဖြစ်​ကြ​၏​။

ဟေ​ရှာ​ယ 1:16

ကိုယ့်ကိုယ်ကိုယ် သန့်ရှင်းစင်ကြယ်​အောင်​ဆေးကြော​ကြ​လော့​။ သင်​တို့​၏​ဆိုးညစ်​သော​လုပ်ရပ်​တို့​ကို ငါ့​မျက်မှောက်​မှ ဖယ်ရှား​ကြ​လော့​။ ဆိုးညစ်​သော​အမှု​ပြု​ခြင်း​ကို ရပ်တန့်​ကြ​လော့​။

ဟေ​ရှာ​ယ 55:7

ဆိုးယုတ်​သော​သူ​သည် မိမိ​လမ်း​ကို​လည်းကောင်း​၊ အပြစ်ဒုစရိုက်​ပြု​သော​သူ​သည် မိမိ​အကြံအစည်​တို့​ကို​လည်းကောင်း စွန့်ပစ်​၍ ထာဝရဘုရား​ထံ​တော်​သို့ ပြန်လှည့်​လာ​ပါစေ​။ သို့ပြုလျှင် ကိုယ်တော်​သည် သူ့​ကို သနား​တော်မူ​မည်​။ ငါ​တို့​၏​ဘုရားသခင်​ထံ​တော်​သို့ ပြန်လှည့်​လာ​ပါစေ​။ အကြွင်းမဲ့​ခွင့်လွှတ်​တော်မူ​မည်​။

ယေ​ရ​မိ 13:27

သင်​ဖောက်ပြန်​ခြင်း​၊ ဟီသံပေး​ခြင်း​၊ ညစ်ညမ်း​သော​ပြည့်တန်ဆာအလုပ်လုပ်​ခြင်း စသည့် ရွံရှာဖွယ်​ရာ​တို့​ကို ကွင်းပြင်​၊ တောင်ကုန်း​ပေါ်၌​ပြု​နေ​သည်​ကို ငါ​မြင်​၏​။ အို ဂျေရုဆလင်​၊ သင်​၌​အမင်္ဂလာ​ရှိ​၏​။ မည်မျှ​ကြာ​အောင် ညစ်ညူး​နေ​မည်နည်း​”​ဟု မိန့်​တော်မူ​၏​။

ယေ​ရ​မိ 4:14

အို ဂျေရုဆလင်​မြို့​၊ ကယ်တင်​ခြင်း​ခံရ​ရန် ဆိုးညစ်​သော​သင်​၏​စိတ်နှလုံး​ကို သန့်ရှင်းစင်ကြယ်​စေ​လော့​။ ယုတ်ညံ့​သော​အကြံအစည်​များ​ကို သင့်​စိတ်​ထဲ​၌ မည်မျှ​ကြာ​အောင် ရှိ​နေ​စေ​မည်နည်း​။

ဝတ်​ပြု 13:58

လျှော်​ပြီး​သော အဝတ်​၊ တိုင်ချည်​၊ ဖောက်ချည်​၊ သားရေ​အသုံးအဆောင်​တစ်ခုခု​စသည်​တို့​၌ အနာ​ပျောက်သွား​လျှင် နောက်တစ်ခါ လျှော်​ရ​မည်​။ ထို့နောက်မှ စင်ကြယ်​လိမ့်မည်​။

မဿဲ 12:33

အပင်​ကို အသီး​အားဖြင့် သိ​ရ​သည်​ဖြစ်၍ အသီး​ကောင်း​လျှင် အပင်​ကောင်း​သည်​ဟု​မှတ်ယူ​ကြ​လော့။ သို့မဟုတ် အသီး​မကောင်း​လျှင် အပင်​မကောင်း​ဟု မှတ်ယူ​ကြ​လော့။

မဿဲ 5:48

သို့ဖြစ်၍ ကောင်းကင်ဘုံ​ရှင်​သင်​တို့​အဖ​သည် စုံလင်​တော်မူ​သည့်​နည်းတူ သင်​တို့​သည်​လည်း စုံလင်​ခြင်း​ရှိ​ကြ​ရ​မည်။

မဿဲ 5:8

စိတ်နှလုံး​ဖြူစင်​သော​သူ​တို့​သည် မင်္ဂလာရှိ​ကြ​၏။ အကြောင်းမူကား သူ​တို့​သည် ဘုရားသခင်​ကို​မြင်​ရ​ကြ​လိမ့်မည်။

တမန်တော်ဝတ္ထု 9:31

ဤသို့ဖြင့် ယုဒ​နယ်၊ ဂါလိလဲ​နယ်​နှင့် ရှမာရိ​နယ်​တစ်လျှောက်လုံး​၌ အသင်းတော်​သည် ငြိမ်းချမ်း​မှု​ကို​ရရှိ​၍ တည်ဆောက်​မြှင့်တင်​ခြင်း​ခံရ​ကာ သခင်​ဘုရား​ကို​ကြောက်ရွံ့​ခြင်း​၌​လည်းကောင်း၊ သန့်ရှင်း​သော​ဝိညာဉ်​တော်​၏​တိုက်တွန်း​အားပေး​ခြင်း​၌​လည်းကောင်း လျှောက်လှမ်း​လျက် တိုးပွား​လေ​၏။

ရော​မ 5:20

ပညတ်​တရား​မူကား ကျူးလွန်​သော​အပြစ်​ကို များပြား​စေရန်​ဝင်ရောက်​ခဲ့​၏။ သို့သော် အပြစ်​များပြား​လာ​သည့်​နေရာ​၌ ကျေးဇူး​တော်​သည် ပို၍​ပြည့်စုံ​ကြွယ်ဝ​လေ​၏။

၁ ကော 6:20

သင်​တို့​ကို အဖိုးအခ​ပေး​၍ ဝယ်ယူ​ထား​တော်မူ​၏။ ထို့ကြောင့် သင်​တို့​၏​ကိုယ်ခန္ဓာ​အားဖြင့် ဘုရားသခင်​၏​ဘုန်း​တော်​ကို ထင်ရှား​စေ​ကြ​လော့။

၂ ကော 1:20

အကြောင်းမူကား ဘုရားသခင်​၏​ကတိ​တော်​ရှိသမျှ​တို့​သည် ကိုယ်တော်​၌ “ဟုတ်​ပါ​၏”​ဟူ၍ ဖြစ်​ကြ​၏။ ထို့ကြောင့် ငါ​တို့​အားဖြင့် ဘုရားသခင်​၏​ဘုန်း​အသရေ​တော်​ထင်ရှား​မည့်​အကြောင်း ငါ​တို့​သည် “အာမင်”​ဟု ကိုယ်တော်​အားဖြင့်​ဆို​ကြ​၏။

ဧ​ဖက် 2:3

ငါ​တို့​အားလုံး​သည်​လည်း တစ်ချိန်က ထို​သူ​တို့​ထဲတွင်​ပါ​လျက် မိမိ​တို့​သွေးသား​ဇာတိ​၏​တပ်မက်​ခြင်း​များ​ထဲ၌ အသက်ရှင်​နေထိုင်​ခဲ့​ပြီး ကိုယ်ကာယ​နှင့်​စိတ်နှလုံး​တို့​၏​အလို​အတိုင်း​ပြု​၍ အခြား​သော​သူ​တို့​ကဲ့သို့​ပင် သဘာဝ​အလျောက် အမျက်​တော်​ခံ​ထိုက်​သော​သူ​များ​ဖြစ်​ကြ​၏။

၁ သက် 3:13

ထို့ပြင် ငါ​တို့​၏​သခင်​ယေရှု​သည် မိမိ​၏​သန့်ရှင်း​သူ​အပေါင်း​တို့​နှင့်အတူ ကြွလာ​တော်မူ​သောအခါ ငါ​တို့​အဖ​ဖြစ်​တော်မူ​သော​ဘုရားသခင်​ရှေ့​တော်​တွင် သင်​တို့​၏​စိတ်နှလုံး​ကို မြင့်မြတ်​သန့်ရှင်း​ခြင်း​အရာ​၌ အပြစ်တင်​စရာ​မ​ရှိ​ရ​လေ​အောင် ခိုင်ခံ့​မြဲမြံ​စေ​တော်မူ​ပါစေသော။ အာမင်။

၁ သက် 4:7

အဘယ်ကြောင့်​ဆိုသော် ဘုရားသခင်​သည် ငါ​တို့​ကို ညစ်ညူး​ခြင်း​ထဲသို့ ခေါ်​တော်မူ​သည်​မ​ဟုတ်​ဘဲ သန့်ရှင်း​ခြင်း​ထဲသို့ ခေါ်​တော်မူ​၏။

၁ သက် 5:23

ငြိမ်သက်​ခြင်း​၏​အရှင် ဘုရားသခင်​ကိုယ်တော်​တိုင် သင်​တို့​ကို အကုန်အစင်​သန့်ရှင်း​စေ​တော်မူ​ပါစေသော။ ငါ​တို့​၏​သခင်​ယေရှု​ခရစ်တော်​ကြွလာ​တော်မူ​သောအခါ သင်​တို့​၏​ဝိညာဉ်၊ စိတ်နှလုံး၊ ကိုယ်ခန္ဓာ​ကို အပြစ်တင်​စရာ​မ​ရှိ​စေရန် စောင့်ရှောက်​တော်မူ​ပါစေသော။

ဟေ​ဗြဲ 12:23

ကောင်းကင်​ဘုံ​စာရင်း​ဝင်​သော သားဦး​တို့​၏​အသင်းတော်​သို့​လည်းကောင်း၊ လူ​အပေါင်း​တို့​ကို​တရား​စီရင်​တော်မူ​သော ဘုရားသခင်​ထံသို့​လည်းကောင်း၊ စုံလင်​ခြင်း​သို့​ရောက်​သည့် ဖြောင့်မတ်​သော​သူ​တို့​၏​ဝိညာဉ်​များ​ထံသို့​လည်းကောင်း၊

ဟေ​ဗြဲ 12:28

ထို့ကြောင့် ငါ​တို့​သည် မ​တုန်လှုပ်​နိုင်​သော​နိုင်ငံ​တော်​ကို​ရရှိ​သည်​ဖြစ်၍ ကျေးဇူး​တော်​ကို​ချီးမွမ်း​ကြ​စို့။ ထိုသို့ ကျေးဇူး​တော်​ချီးမွမ်း​လျက် ကြည်ညို​ခြင်း​နှင့်​ရိုသေ​ခန့်ညား​ခြင်း​တို့​ဖြင့် ဘုရားသခင်​နှစ်သက်​တော်မူ​သည့်​အတိုင်း ဝတ်ပြု​ကြ​ကုန်​စို့။

ဟေ​ဗြဲ 4:1

ထို့ကြောင့် ဘုရားသခင်​၏​ငြိမ်ဝပ်​ရာ​ချမ်းသာ​ထဲသို့ ဝင်​ရ​မည့်​ကတိ​တော်​ရှိ​နေ​သေး​လျက်​နှင့် သင်​တို့​ထဲမှ မ​ဝင်​လိုက်​ရ​ဘဲ​နေ​မည့်​သူ​တစ်စုံတစ်ဦး​မျှ​မ​ရှိ​စေရန် သတိထား​ကြ​ကုန်စို့။

ဟေ​ဗြဲ 6:9

ချစ်​ရ​သော​သူ​တို့၊ ငါ​တို့​သည် ဤသို့​ပြောဆို​ကြ​သော်လည်း သင်​တို့​အတွက်​မူကား ကယ်တင်​ခြင်း​နှင့်​ယှဉ်တွဲ​သည့် ပို၍​ကောင်း​သော​အရာ​များ​ရှိ​သည်​ဟု ငါ​တို့​ယုံကြည်​စိတ်ချ​ကြ​၏။

ယာ​ကုပ် 4:8

ဘုရားသခင်​ထံ​တော်​သို့ ချဉ်းကပ်​ကြ​လော့။ သို့ပြုလျှင် ကိုယ်တော်​သည် သင်​တို့​ထံ ချဉ်းကပ်​တော်မူ​လိမ့်မည်။ အပြစ်သား​တို့၊ သင်​တို့​လက်​ကို စင်ကြယ်​စေ​ကြ​လော့။ စိတ်နှစ်ခွ​ရှိ​သော​သူ​တို့၊ သင်​တို့​စိတ်နှလုံး​ကို သန့်ရှင်း​စင်ကြယ်​စေ​ကြ​လော့။

၁ ပေ 1:15

သင်​တို့​ကို​ခေါ်ယူ​တော်မူ​သော​အရှင်​သည် သန့်ရှင်း​တော်မူ​သည့်​နည်းတူ သင်​တို့​ကိုယ်တိုင်​လည်း အသက်ရှင်​နေထိုင်​မှု​ရှိသမျှ​တို့​၌ သန့်ရှင်း​ခြင်း​ရှိ​ကြ​လော့။

၁ ပေ 1:17

သင်​တို့​သည် လူ​တို့​အား မျက်နှာလိုက်​ခြင်း​မ​ရှိ​ဘဲ တစ်ဦးစီ​တို့​ပြု​သော​အမှု​အတိုင်း တရား​စီရင်​တော်မူ​သော​အရှင်​ကို အဖ​ဟု​ခေါ်​ကြ​လျှင် ဤ​လောက​တွင် ဧည့်သည်​အဖြစ်​နေထိုင်​စဉ်​ကာလ​တစ်လျှောက်လုံး ကြောက်ရွံ့​ရိုသေ​သော​စိတ်​ဖြင့် အသက်ရှင်​နေထိုင်​ကြ​လော့။

၁ ပေ 1:22

သင်​တို့​သည် သမ္မာတရား​ကို​နာခံ​ခြင်း​အားဖြင့် သင်​တို့​၏​စိတ်​ဝိညာဉ်​များ​ကို သန့်ရှင်း​စင်ကြယ်​စေ​ပြီး ဟန်ဆောင်​မှု​ကင်း​သည့် ညီအစ်ကို​ချင်း​ချစ်​သော​မေတ္တာ​ကို​ရရှိ​ကြ​သည်​ဖြစ်၍ ဖြူစင်​သော​စိတ်နှလုံး​ဖြင့် အချင်းချင်း​ခိုင်မြဲ​စွာ​ချစ်​ကြ​လော့။

၁ ပေ 2:11

ချစ်​ရ​သော​သူ​တို့၊ သင်​တို့​သည် ဧည့်သည်​အာဂန္တု​များ​ဖြစ်​ကြ​သဖြင့် စိတ်​ဝိညာဉ်​ကို​ဆန့်ကျင်​တိုက်ခိုက်​သော ကိုယ်ကာယ​တပ်မက်​ခြင်း​များ​ကို ရှောင်ကြဉ်​ကြ​ရန် ငါ​တိုက်တွန်း​နှိုးဆော်​ပါ​၏။

၁ ပေ 5:10

သင်​တို့​ကို မိမိ​၏​ထာဝရ​ဘုန်း​အသရေ​တော်​ထဲသို့ ခရစ်တော်​ယေရှု​အားဖြင့် ခေါ်ယူ​တော်မူ​သော​အရှင်၊ ကျေးဇူး​တော်​အပေါင်း​နှင့်​ပြည့်စုံ​တော်မူ​သော ဘုရားသခင်​ကိုယ်တော်​တိုင်​သည် ဒုက္ခ​ဝေဒနာ​ခေတ္တ​ခဏ​ခံစား​ပြီး​သော​သင်​တို့​ကို စုံလင်​စေ​၍ ခွန်အား​နှင့်​ပြည့်စုံ​စေ​ကာ တည်ကြည်​ခိုင်ခံ့​မြဲမြံ​စေ​တော်မူ​လိမ့်မည်။

၁ ယော 1:7

သို့သော် ဘုရားသခင်​သည် အလင်း​၌​ရှိ​တော်မူ​သကဲ့သို့ ငါ​တို့​သည်​လည်း အလင်း​၌​အသက်ရှင်​လျှောက်လှမ်း​ကြ​လျှင် ငါ​တို့​အချင်းချင်း​၌ မိတ်သဟာယ​ဖွဲ့​ခြင်း​ရှိ​၍ ဘုရားသခင်​၏​သား​တော်​ယေရှု​၏​သွေး​တော်​သည် ငါ​တို့​ကို အပြစ်​ရှိသမျှ​တို့​မှ စင်ကြယ်​စေ​တော်မူ​၏။

၁ ယော 1:9

ငါ​တို့​သည် ကိုယ့်​အပြစ်​များ​ကို​ဖော်ပြ​ဝန်ခံ​လျှင် ဘုရားသခင်​သည် သစ္စာ​နှင့်​ပြည့်စုံ​၍ ဖြောင့်မတ်​သော​အရှင်​ဖြစ်​တော်မူ​သောကြောင့် ငါ​တို့​၏​အပြစ်​များ​ကို​ခွင့်လွှတ်​ပြီး ငါ​တို့​ကို မတရားမှု​ရှိသမျှ​တို့​မှ စင်ကြယ်​စေ​တော်မူ​၏။

၁ ယော 3:3

ကိုယ်တော်​၌ ဤသို့​မျှော်လင့်​ထား​သော​သူ​တိုင်း​သည် ကိုယ်တော်​သန့်ရှင်း​စင်ကြယ်​တော်မူ​သည့်​နည်းတူ မိမိကိုယ်ကို​သန့်ရှင်း​စင်ကြယ်​စေ​တတ်​၏။