၂ ကော 6:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ မ​ယုံကြည်​သော​သူ​တို့​နှင့် မ​ညီ​သော​ထမ်းပိုး​ကို​မ​ထမ်း​ကြ​နှင့်။ အကြောင်းမူကား ဖြောင့်မတ်​ခြင်း​နှင့်​တရားမဲ့​ခြင်း​တို့​အကြား​၌ မည်သို့သော​ပတ်သက်​မှု​ရှိ​သနည်း။ အလင်း​နှင့်​အမှောင်​တို့​အကြား​၌ မည်သို့သော​မိတ်သဟာယ​ဖွဲ့​ခြင်း​ရှိ​သနည်း။

Common Language Bible

¹⁴ မ​ယုံ​ကြည်​သော​သူ​တို့​နှင့်​တွဲ​ဖက်​၍​မ​လုပ် ဆောင်​ကြ​နှင့်။ တွဲ​ဖက်​၍​လုပ်​ဆောင်​ရန်​မ​ဖြစ် နိုင်။ အ​မှား​သည်​အ​မှန်​နှင့်​မည်​သို့​ဖက်​စပ် နိုင်​အံ့​နည်း။ အ​လင်း​သည်​အ​မှောင်​နှင့်​မည်​သို့ ယှဉ်​တွဲ​နေ​နိုင်​အံ့​နည်း။-

Garrad Bible

¹⁴ မ ယုံ ကြည် သူ တို့ နှင့် ဘက် မ ညီ ဘဲ တမ်း ပိုး တင် မ ခံ ကြ လင့်။ ဖြောင့် မတ် ခြင်း နှင့် မ တ ရား ခြင်း သည် မည် သို့ ဖက် စပ် နိုင် အံ့ နည်း။ အ လင်း နှင့် မှောင် မိုက် သည် မည် သို့ ဆက် ဆံ နိုင် အံ့ နည်း။

Judson Bible

¹⁴ မ​ယုံ​ကြည်​သော​သူ​တို့​နှင့်​တွဲ​ဖက်၍ ဆန့်​ကျင်​ဘက်​ဖြစ်​သော ထမ်း​ပိုး​ကို မ​ထမ်း​ကြ​နှင့်။ တ​ရား​သော​အ​မှု​သည် မ​တ​ရား​သော​အ​မှု​ကို အ​ဘယ်​သို့ လက်​ခံ​နိုင်​မည်​နည်း။ အ​လင်း​သည်​မှောင်​မိုက်​နှင့် အ​ဘယ်​သို့ ဆက်​ဆံ​နိုင်​မည်​နည်း။-

ခေတ်သစ်​မြန်မာ သမ္မာကျမ်း

¹⁴ မယုံကြည်သောသူတို့​နှင့် တွဲဖက်​၍ မလုပ်ဆောင်ကြနှင့်။ ဖြောင့်မတ်သောသူ​နှင့် တရားမဲ့သောသူ​သည် မည်သို့ တွဲဖက်​၍ လုပ်ဆောင်နိုင်မည်နည်း။ အလင်း​နှင့် အမှောင်​သည် မည်သို့ ဆက်စပ်​ယှဉ်တွဲ​၍ နေနိုင်မည်နည်း။

၂ ကော 6:14 Referencias Cruzadas

ကမ္ဘာ​ဦး 24:3

ကောင်းကင်​နှင့်​မြေကြီး​၏​ဘုရားသခင်​ထာဝရဘုရား​ကို​တိုင်တည်​၍ သင်​သည် ငါ​နေထိုင်​လျက်​ရှိ​သော​အရပ်​မှ ခါနာန်​အမျိုးသမီး​များ​ထဲတွင် ငါ့​သား​အတွက် မိန်းမ​ကို​မ​ရှာ​ဘဲ

၃ ရာ 18:21

ဧလိယ​သည် လူ​အပေါင်း​တို့​ထံသို့​သွား​ပြီး “​သင်​တို့​သည် ခံယူချက်​နှစ်​ခု​ကြား မည်မျှ​ကြာ​အောင် ဇဝေဇဝါ​ဖြစ်​နေ​မည်နည်း​။ ထာဝရဘုရား​သည် ဘုရားသခင်​မှန်​လျှင် ထာဝရဘုရား​နောက်သို့​လိုက်​လော့​။ ဗာလ​သည် ဘုရားသခင်​မှန်​လျှင် သူ့​နောက်​လိုက်​လော့​”​ဟု ဆို​၏။ လူ​တို့​သည် တစ်ခွန်းမျှ မ​တုံ့ပြန်​ကြ​။

၂ ရာ​ချုပ် 19:2

ထိုအခါ ဟာနနိ​၏​သား ဗျာဒိတ်ရသူ​ယေဟု​သည် ယောရှဖတ်​မင်းကြီး​ထံ​အခစားဝင်​၍ “​ဆိုးယုတ်​သော​သူ​ကို ကူညီ​သင့်​သလော​။ ထာဝရဘုရား မုန်း​တော်မူ​သော​သူ​ကို သင်​ချစ်​သောကြောင့် ထာဝရဘုရား​ထံ​မှ အမျက်​တော်​သည် သင့်​အပေါ် ကျရောက်​လေ​ပြီ​။

ဧ​ဇ​ရ 10:19

သူ​တို့​က​လည်း မိမိ​တို့​မယား​များ​ကို ကွာ​မည်​ဟု ဝန်ခံ​ကြ​ပြီး ကိုယ့်​အပြစ်​အတွက် သိုးအုပ်​ထဲမှ​သိုးထီး​တစ်​ကောင်​ကို ယဇ်ပူဇော်​ကြ​၏​။

ဆာ​လံ 106:35

လူမျိုးခြား​တို့​နှင့် ရောနှော​ဆက်ဆံ​၍ ထို​သူ​တို့​၏​ဓလေ့ထုံးစံ​များ​ကို သင်ယူ​ကြ​၏​။

ဆာ​လံ 119:63

အကျွန်ုပ်​သည် ကိုယ်တော်​ကို ကြောက်ရွံ့​သော​သူ​တို့​နှင့် ကိုယ်တော်​၏​ဥပဒေသ​တို့​ကို စောင့်ထိန်း​သော​သူ​ရှိသမျှ​တို့​၏ အပေါင်းအဖော်​ဖြစ်​ပါ​၏​။

ဆာ​လံ 16:3

ကမ္ဘာမြေကြီး​ပေါ်​ရှိ သန့်ရှင်း​သော​သူ​တို့​နှင့်​ပတ်သက်၍​မူကား သူ​တို့​သည် ကြီးမြတ်​သော​သူ​ဖြစ်​ကြ​၏​။ ငါ​သည် သူ​တို့​ကို အလွန်​နှစ်သက်​၏​။

ထွက်​မြောက် 34:16

သင်​သည် သူ​တို့​၏​သမီး​များ​ကို သင့်​သား​တို့​နှင့်​စုံဖက်​စေ​သဖြင့် သူ​တို့​၏​သမီး​များ​သည် မိမိ​တို့​၏​ဘုရား​များ​နောက်​သို့​လိုက်​၍ ဖောက်ပြန်မှားယွင်း​သောအခါ သင့်​သား​တို့​ကို​လည်း ထို​ဘုရား​များ​နောက်​သို့​လိုက်​၍ ဖောက်ပြန်မှားယွင်း​စေ​ကြ​လိမ့်မည်​။

သုတ္တံကျမ်း။ 22:24

စိတ်တို​သော​သူ​နှင့် မ​ပေါင်းဖော်​နှင့်​။ ဒေါသကြီး​သော​သူ​နှင့်အတူ မ​လိုက်​နှင့်​။

သုတ္တံကျမ်း။ 29:27

ဖြောင့်မတ်​သော​သူ​သည် မတရား​သော​သူ​ကို စက်ဆုပ်ရွံရှာ​တတ်​၏​။ ဆိုးယုတ်​သော​သူ​မူကား ဖြောင့်မှန်​စွာ​ပြုမူကျင့်ကြံ​သော​သူ​ကို စက်ဆုပ်ရွံရှာ​တတ်​၏​။

ဝတ်​ပြု 19:19

သင်​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ အမျိုးမတူ​သော​တိရစ္ဆာန်​ကို မိတ်​မ​လိုက်​စေ​ရ​။ သင်​၏​လယ်​ထဲ၌ အမျိုးမတူ​သော​မျိုးစေ့​ကို ရော​မ​ကြဲ​ရ​။ အမျိုးမတူ​သော​ချည်​ဖြင့် ရက်​ထား​သော​အဝတ်​ကို မ​ဝတ်​ရ​။

မာ​လ​ခိ 2:11

ယုဒ​အမျိုး​သည် သစ္စာမရှိ​။ အစ္စရေး​ပြည်​တွင်​လည်းကောင်း​၊ ဂျေရုဆလင်​မြို့​တွင်​လည်းကောင်း စက်ဆုပ်ရွံရှာဖွယ်​အမှု​ကို​ပြု​ကြ​လေ​ပြီ​။ အကယ်စင်စစ် ယုဒ​အမျိုး​သည် တိုင်းတစ်ပါး​ဘုရား​ကို​ကိုးကွယ်​သော​သမီးပျို​တို့​နှင့် စုံဖက်​ခြင်း​ဖြင့် ထာဝရဘုရား​မြတ်နိုး​တော်မူ​သော​သန့်ရှင်းစင်ကြယ်​ခြင်း​ကို ညစ်ညူး​စေ​လေ​ပြီ​။

မာ​လ​ခိ 2:15

သူ​တို့​၌ ဝိညာဉ်​တော်​တစ်စိတ်တစ်ပိုင်း​ပါ​လျက် တစ်သားတစ်ကိုယ်တည်း ဖြစ်စေ​တော်မူ​သည် မ​ဟုတ်​လော​။ ဘုရားသခင်​ကို ရိုသေကိုင်းရှိုင်း​သော​အမျိုးအနွယ်​ကို အလိုရှိ​သည်​ဖြစ်၍ တစ်သားတစ်ကိုယ်တည်း ဖြစ်စေ​တော်မူ​သည် မ​ဟုတ်​လော​။ ထို့ကြောင့် ကိုယ့်​စိတ်​ကို ထိန်း​၍ ငယ်စဉ်​က ပေါင်းဖော်​ခဲ့​သော​မယား​ကို သစ္စာ​မ​ဖောက်​နှင့်​။

ရှင်ယောဟန် 7:7

လောကီသား​တို့​သည် သင်​တို့​ကို​မ​မုန်း​နိုင်။ ငါ့​ကို​မူကား မုန်း​ကြ​၏။ အဘယ်ကြောင့်​ဆိုသော် ငါ​သည် သူ​တို့​ပြု​သော​အမှု​များ​မကောင်း​ကြောင်း​ကို ထောက်ပြ​သောကြောင့်​ဖြစ်​၏။

တမန်တော်ဝတ္ထု 4:23

တမန်တော်​တို့​သည် လွတ်​လာ​ကြ​သောအခါ မိမိ​တို့​အပေါင်းအဖော်​များ​ရှိ​ရာ​သို့ ပြန်လာ​၍ ယဇ်ပုရောဟိတ်​အကြီးအကဲ​များ​နှင့် သက်ကြီးဝါကြီး​များ​က မိမိ​တို့​အား​ပြော​သမျှ​တို့​ကို ပြန်ပြောပြ​ကြ​၏။

၁ ကော 10:21

သင်​တို့​သည် သခင်​ဘုရား​၏​ခွက်​ကို​သောက်​လျှင် နတ်ဆိုး​တို့​၏​ခွက်​ကို သောက်​၍​မ​ရ​နိုင်။ သခင်​ဘုရား​၏​စားပွဲ​ကို မျှဝေ​ခံယူ​လျှင် နတ်ဆိုး​တို့​၏​စားပွဲ​ကို မျှဝေ​ခံယူ​၍​မ​ရ​နိုင်။

၁ ကော 15:33

အယူ​မ​လွဲ​ကြ​နှင့်။ မကောင်း​သော​အပေါင်းအဖော်​တို့​သည် ကောင်း​သော​အကျင့်​စာရိတ္တ​ကို ပျက်စီး​စေ​ကြ​၏။

၁ ကော 5:9

သင်​တို့​ထံ​ပေး​ပို့​သော ငါ​၏​စာ​၌ တရားနှင့်မညီ​မေထုန်ပြု​သူ​များ​နှင့် အပေါင်းအဖော်​မ​ပြု​ကြ​ရန် ငါ​ရေးသား​မှာကြား​ခဲ့​၏။

၁ ကော 6:6

ယခု​မူကား ညီအစ်ကို​အချင်းချင်း​တရားတွေ့​ကြ​သည်​သာမက ထို​အမှု​ကို မ​ယုံကြည်​သော​သူ​တို့​ရှေ့တွင်​ပြု​ကြ​၏။

၁ ကော 7:39

မယား​သည် မိမိ​လင်​ယောက်ျား​အသက်ရှင်​နေ​သရွေ့​ကာလ​ပတ်လုံး အနှောင်အဖွဲ့​ရှိ​၏။ လင်​ယောက်ျား​သေဆုံး​ခဲ့​လျှင်​မူကား မိမိ​နှစ်သက်​သော​သူ​နှင့် သခင်​ဘုရား​၌​သာ အိမ်ထောင်ပြု​ခွင့်​ရှိ​၏။

ဖိ​လိပ္ပိ 2:15

ဤသည်ကား ကောက်ကျစ်​၍​ဖောက်ပြန်​လမ်းလွဲ​သော​မျိုးဆက်​၏​အလယ်​တွင် သင်​တို့​သည် ရိုးသား​ဖြူစင်​လျက် အပြစ်တင်​စရာ​မ​ရှိ​သော​သူ​များ၊ အပြစ်​အနာအဆာ​ကင်း​သော ဘုရားသခင်​၏​သားသမီး​များ​ဖြစ်​ကြ​ပြီး အသက်​နှင့်ဆိုင်သော​နှုတ်ကပတ်တော်​ကို​စွဲကိုင်​ထား​လျက် ဤ​လောက​၌​ရှိ​သော​အလင်းရောင်​များ​ကဲ့သို့ သူ​တို့​အထဲ​တွင် ထွန်းလင်း​ကြ​မည့်​အကြောင်း​တည်း။

ယာ​ကုပ် 4:4

ဖောက်ပြန်​သော​သူ​တို့၊ လောက​နှင့်​မိတ်ဖွဲ့​ခြင်း​သည် ဘုရားသခင်​ကို​ရန်ဘက်​ပြု​ခြင်း​ဖြစ်​ကြောင်း သင်​တို့​မ​သိ​ကြ​သလော။ ထို့ကြောင့် လောက​၏​မိတ်ဆွေ​ဖြစ်​လို​သော​သူ​သည် ဘုရားသခင်​၏​ရန်သူ​ဖြစ်​၏။