၂ ကော 2:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သင်​တို့​ကို​ဝမ်းနည်း​စေရန်​မ​ဟုတ်​ဘဲ သင်​တို့​အပေါ် ငါ​ထားရှိ​သော ကြွယ်ဝ​သည့်​ချစ်​ခြင်း​မေတ္တာ​ကို သင်​တို့​သိ​စေရန် ငါ​သည် ကြီးစွာ​သော​စိတ်​ဆင်းရဲ​ခြင်း​နှင့် ပူဆွေး​ခြင်း​ထဲမှ မျက်ရည်​များစွာ​ဖြင့် သင်​တို့​ထံသို့​ရေး​လိုက်​ခြင်း​ဖြစ်​၏။

Common Language Bible

⁴ ငါ​သည်​အ​လွန်​ပူ​ပန်​သော​က​ရောက်​၍​မျက် ရည်​များ​စွာ​ကျ​လျက်​ထို​စာ​ကို​ရေး​လိုက်​ခြင်း ဖြစ်​၏။ သို့​သော်​သင်​တို့​အား​ဝမ်း​နည်း​စေ​လို​၍ မ​ဟုတ်​ဘဲ သင်​တို့​အား​ငါ​မည်​မျှ​ချစ်​ကြောင်း ကို​သိ​စေ​လို​၍​ရေး​လိုက်​ခြင်း​ဖြစ်​သည်။

Garrad Bible

⁴ သင် တို့ ကို ပူ ပန် စေ ရန် မ ဟုတ်။ လွန် ကဲ သော မေ တ္တာ ရှိ ကြောင်း သိ စေ ရန် ကြီး စွာ သော စိတ် ဒု က္ခ နှင့် အ ပူ အ ဆွေး ခံ လျက် မျက် ရည် များ စွာ ကျ လျက် ရေး လိုက် ရ ၏။

Judson Bible

⁴ အ​လွန်​ညှိုး​ငယ်​ပူ​ပန်​သော​စိတ်​နှင့် မျက်​ရည်​အ​များ​ကျ​လျက်၊ သင်​တို့​အား ငါ​ရေး၍ ပေး​လိုက်၏။ သင်​တို့​ကို စိတ်​နာ​စေ​ခြင်း​ငှာ ငါ​ရေး​သည်​မ​ဟုတ်။ ငါ​သည် သင်​တို့​အား အ​လွန်​ချစ်​သော​မေ​တ္တာ​စိတ်​ကို သင်​တို့ သိ​စေ​ခြင်း​ငှာ ငါ​ရေး၏။

ခေတ်သစ်​မြန်မာ သမ္မာကျမ်း

⁴ ကျွန်ုပ်​သည် အလွန်​စိတ်ဆင်းရဲခြင်း​နှင့် ပူဆွေးခြင်း​ထဲမှ မျက်ရည်များ​ဖြင့် ထို​စာ​ကို​ရေးခဲ့၏။ သင်တို့​ကို ဝမ်းနည်း​စေလို​သောကြောင့် မဟုတ်ဘဲ သင်တို့​ကို ကျွန်ုပ် မည်မျှ​ချစ်ကြောင်း​ကို သိစေလို​သောကြောင့် ရေးခဲ့ခြင်း​ဖြစ်၏။

၂ ကော 2:4 Referencias Cruzadas

ဆာ​လံ 119:136

လူ​တို့​သည် ကိုယ်တော်​၏​တရားတော်​ကို မ​စောင့်ထိန်း​ကြ​သောကြောင့် အကျွန်ုပ်​၏​မျက်စိ​တို့​မှ မျက်ရည်​ချောင်း​များ​စီးဆင်း​ပါ​၏​။

၂ ကော 11:2

ဤသို့​ဆို​ရ​ခြင်း​မှာ ငါ​သည် ဘုရားသခင်​၏​သဝန်တို​စိတ်​မျိုး​ဖြင့် သင်​တို့​ကို သဝန်တို​၏။ အကြောင်းမူကား ငါ​သည် သင်​တို့​ကို ဖြူစင်​သန့်ရှင်း​သော​အပျို​ကညာ​အဖြစ် ခရစ်တော်​အား​ဆက်သ​လျက် ထို​တစ်ဦးတည်း​သော​ခင်ပွန်း​နှင့်​စေ့စပ်​ကြောင်းလမ်း​ထား​ပြီ​ဖြစ်​၏။

၂ ကော 12:15

ငါ​သည် သင်​တို့​၏​စိတ်​ဝိညာဉ်​အတွက် ဝမ်းမြောက်​စွာ ငါ့​ဥစ္စာ​ကို​အသုံးပြု​၍ ငါ့​ကိုယ်​ကို​လည်း အကုန်အစင်​အသုံးပြု​မည်။ သင်​တို့​အပေါ် ငါ​၏​ချစ်​ခြင်း​မေတ္တာ​တိုးပွား​လာ​လျှင် ငါ့​အပေါ် သင်​တို့​၏​ချစ်​ခြင်း​မေတ္တာ​လျော့ပါး​သွား​မည်​လော။

၂ ကော 2:9

သင်​တို့​သည် အရာရာ​၌ နာခံ​မှု​ရှိ​၊ မ​ရှိ ငါ​သိရှိ​နိုင်​ရန်​အတွက် သင်​တို့​ကို​စမ်းသပ်​သည့်​အနေဖြင့် ထို​စာ​ကို​ငါ​ရေးသား​ခဲ့​ခြင်း​ဖြစ်​၏။

၂ ကော 7:12

သို့ဖြစ်၍ ငါ​သည် သင်​တို့​ထံသို့​ရေးသား​ခဲ့​ခြင်း​မှာ ပြစ်မှား​သော​သူ​အတွက်​ကြောင့်​မ​ဟုတ်။ ပြစ်မှား​ခြင်း​ခံရ​သော​သူ​အတွက်​ကြောင့်​လည်း​မ​ဟုတ်။ ငါ​တို့​အပေါ်​ထားရှိ​သော သင်​တို့​၏​စိတ်အား​ထက်သန်​မှု​ကို ဘုရားသခင်​ရှေ့​တော်​၌ သင်​တို့​ကိုယ်တိုင်​တွေ့မြင်​ကြ​စေရန်​အတွက်​သာ​ဖြစ်​၏။

ဖိ​လိပ္ပိ 3:18

အကြောင်းမူကား သင်​တို့​အား မကြာခဏ ငါ​ပြော​ခဲ့​ပြီး ယခု​တစ်ဖန် မျက်ရည်​ကျ​လျက်​ပြော​သည်​မှာ များစွာ​သော​သူ​တို့​သည် ခရစ်တော်​၏​လက်ဝါးကပ်တိုင်​ကို​ရန်ဘက်​ပြု​လျက် အသက်ရှင်​လျှောက်လှမ်း​နေ​ကြ​၏။