၁ သက် 1:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ပေါလု၊ သိလွာနု​နှင့် တိမောသေ​တို့​သည် ခမည်းတော်​ဘုရားသခင်​နှင့် သခင်​ယေရှု​ခရစ်တော်​၌​တည်​သော သက်သာလောနိတ်​မြို့သား​တို့​၏​အသင်းတော်​ထံသို့ စာ​ရေး​လိုက်​ပါ​၏။ ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​ရှိ​ပါစေသော။

Common Language Bible

¹ ပေါ​လု၊ သိ​လွာ​နု​နှင့်​တိ​မော​သေ​တို့​ထံ​မှ ခ​မည်း​တော် ဘု​ရား​သ​ခင်​နှင့်​သ​ခင်​ယေ​ရှု ခ​ရစ်​၏​လူ​စု​တော်​ဖြစ်​သည့် သက်​သာ​လော နိတ်​အ​သင်း​တော်​ဝင်​တို့​ထံ​သို့​စာ​ရေး​လိုက် ပါ​သည်။ ကျေး​ဇူး​တော်​နှင့်​ငြိမ်​သက်​ခြင်း​ကို သင်​တို့ ခံ​စား​ရ​ကြ​ပါ​စေ​သ​တည်း။

Garrad Bible

¹ ပေါ လု၊ သိ လွာ နု၊ တိ မော သေ တို့ က ခ မည်း တော် ဘု ရား နှင့် အ ရှင် ယေ ရှု ခ ရစ် တော်၌ တည် နေ သော၊ သက် သာ လော နိတ် အ သင်း တော် ထံ ရေး လိုက် သည် မှာ ကျေး ဇူး တော် နှင့် ငြိမ် သက် ခြင်း သည် သင် တို့၌ တည် ရှိ ပါ စေ သော။

Judson Bible

¹ ပေါ​လု၊ သိ​လွာ​နု၊ တိ​မော​သေ​တို့​သည် ခ​မည်း​တော်​ဘု​ရား​နှင့် သ​ခင်​ယေ​ရှု​ခ​ရစ်၌ တည်​ရှိ​သော သက်​သာ​လော​နိတ်​မြို့​သား အ​သင်း​တော်​ကို ကြား​လိုက်​ပါ၏။ သ​ခင်​ယေ​ရှု​ခ​ရစ်​နှင့် ငါ​တို့​အ​ဘ​တည်း​ဟူ​သော ဘု​ရား​သ​ခင့်​အ​ထံ​တော်​က ကျေး​ဇူး​တော်​နှင့် ငြိမ်​သက်​ခြင်း​သည် သင်​တို့၌ ရှိ​ပါ​စေ​သော။

ခေတ်သစ်​မြန်မာ သမ္မာကျမ်း

¹ ကျွန်ုပ်​ပေါလု စာရေးလိုက်ပါ၏။ ဤ​စာ​သည် ကျွန်ုပ်​ပေါလု၊ သိလွာနု​နှင့် တိမောသေ​တို့က အဖ​ဘုရားသခင်​နှင့် သခင်​ယေရှု​ခရစ်တော်​တို့နှင့် တပေါင်းတစည်းတည်း​ဖြစ်သော သက်သာလောနိတ်​အသင်းတော်​ထံသို့ ပို့လိုက်သော စာ​ဖြစ်၏။ ကျွန်ုပ်တို့​၏ အဖ​ဘုရားသခင်​နှင့် သခင်​ယေရှု​ခရစ်တော်​တို့​ထံမှ ကျေးဇူးတော်​နှင့် ငြိမ်းချမ်းခြင်း​သည် သင်တို့​အပေါ် သက်ရောက်ပါစေသော။

၁ သက် 1:1 Referencias Cruzadas

တမန်တော်ဝတ္ထု 15:22

ထိုအခါ တမန်တော်​များ၊ အသင်းတော်​အကြီးအကဲ​များ​နှင့် အသင်းတော်​တစ်ခုလုံး​သည် သူ​တို့​အထဲမှ လူ​ကို​ရွေးကောက်​၍ ပေါလု၊ ဗာနဗ​တို့​နှင့်အတူ အန္တိအုတ်​မြို့​သို့​စေလွှတ်​ရန် ဆုံးဖြတ်​ကြ​ကာ ညီအစ်ကို​တို့​တွင် ဦးဆောင်​သူ​များ​ဖြစ်​ကြ​သော ဗာရှဗ​ခေါ်​ယုဒ​နှင့် သိလ​တို့​ကို ရွေးကောက်​ကြ​၏။

တမန်တော်ဝတ္ထု 15:27

ယုဒ​နှင့်​သိလ​တို့​ကို ငါ​တို့​စေလွှတ်​လိုက်​ပါ​၏။ သူ​တို့​သည် ဤ​အကြောင်းအရာ​တို့​ကို နှုတ်​ဖြင့်​လည်း ပြောပြ​ကြ​ပါ​လိမ့်မည်။

တမန်တော်ဝတ္ထု 15:40

ပေါလု​မူကား သိလ​ကို​ရွေးချယ်​ပြီး ညီအစ်ကို​တို့​အားဖြင့် သခင်​ဘုရား​၏​ကျေးဇူး​တော်​သို့ အပ်နှံ​ခြင်း​ကို​ခံယူ​လျက် ထွက်ခွာ​သွား​လေ​၏။

တမန်တော်ဝတ္ထု 16:19

သို့သော် ထို​မိန်းမ​၏​သခင်​တို့​သည် မိမိ​တို့​အကျိုးစီးပွား​အတွက် မျှော်လင့်​ချက်​မ​ရှိ​တော့​ကြောင်း သိမြင်​သဖြင့် ပေါလု​နှင့်​သိလ​တို့​ကို​ဖမ်းဆီး​၍ အကြီးအကဲ​များ​ရှိ​ရာ ဈေး​အရပ်​သို့ ဆွဲခေါ်​သွား​ကြ​၏။

တမန်တော်ဝတ္ထု 16:25

သန်းခေါင်​အချိန်​ခန့်​တွင် ပေါလု​နှင့်​သိလ​တို့​သည် ဘုရားသခင်​ထံ​ဆုတောင်း​လျက် ချီးမွမ်း​သီချင်း​သီဆို​နေ​ကြ​၏။ အကျဉ်းသား​များ​သည်​လည်း သူ​တို့​ကို​နားထောင်​နေ​ကြ​၏။

တမန်တော်ဝတ္ထု 16:29

ထိုအခါ ထောင်မှူး​သည် မီး​တိုင်​ကို​တောင်း​ယူ​၍ ပြေးဝင်​လာ​ပြီးလျှင် တုန်လှုပ်​လျက် ပေါလု​နှင့်​သိလ​တို့​ရှေ့​တွင် ပျပ်ဝပ်​လေ​၏။

တမန်တော်ဝတ္ထု 17:11

ဗေရိ​မြို့သား​တို့​သည် သက်သာလောနိတ်​မြို့​၌​ရှိ​သော​သူ​တို့​ထက် စိတ်ထား​မြင့်မြတ်​ကြ​၏။ အကြောင်းမှာ သူ​တို့​သည် နှုတ်ကပတ်​တရား​ကို စေတနာ​စိတ်​အပြည့်အဝ​ဖြင့် လက်ခံ​၍ ထို​အတိုင်း​ဟုတ်​၊ မ​ဟုတ် ကျမ်းစာ​ကို နေ့စဉ်​လေ့လာ​ကြ​၏။

တမန်တော်ဝတ္ထု 18:5

သိလ​နှင့်​တိမောသေ​တို့​သည် မာကေဒေါနိ​ပြည်​မှ ဆင်း​လာ​ကြ​သောအခါ ပေါလု​သည် နှုတ်ကပတ်တော်​ဟောပြော​ခြင်း​အမှု​ကို​သာ ဆောင်ရွက်​လျက် ယေရှု​သည် ခရစ်တော်​ဖြစ်​ကြောင်း ဂျူး​လူမျိုး​တို့​အား သက်သေခံ​လေ​၏။

တမန်တော်ဝတ္ထု 19:22

ထို့ကြောင့် သူ​သည် မိမိ​ကို​ကူညီ​ဆောင်ရွက်​ပေး​သူ​များ​ထဲမှ တိမောသေ​နှင့်​ဧရတ္တု​တို့​နှစ်​ဦး​ကို မာကေဒေါနိ​ပြည်​သို့​စေလွှတ်​၍ သူ​ကိုယ်တိုင်​သည် အာရှ​ပြည်​တွင် ခေတ္တ​နေ​ခဲ့​၏။

တမန်တော်ဝတ္ထု 20:4

ပေါလု​နှင့်အတူ​လိုက်ပါ​သော​သူ​တို့​မှာ ဗေရိ​မြို့သား ပုရု​၏​သား​သောပတရု၊ သက်သာလောနိတ်​မြို့သား အာရိတ္တာခု​နှင့်​သေကုန္ဒု၊ ဒေရဗေ​မြို့သား ဂါယု၊ တိမောသေ၊ အာရှ​ပြည်သား တုခိတ်​နှင့်​တရောဖိမ်​တို့​ဖြစ်​ကြ​၏။

ရော​မ 1:7

ထိုသို့ ဘုရားသခင်​ချစ်​တော်မူ​၍ သန့်ရှင်း​သူ​များ​အဖြစ်​ခေါ်ယူ​တော်မူ​သော ရောမ​မြို့သူ​မြို့သား​အပေါင်း​တို့​ထံသို့ ဤ​စာ​ကို ငါ​ရေး​လိုက်​ပါ​၏။ ငါ​တို့​အဖ​ဘုရားသခင်​နှင့် သခင်​ယေရှု​ခရစ်တော်​ထံမှ ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​ရှိ​ပါစေသော။

၁ ကော 1:2

ငါ​တို့​သခင်​ယေရှု​ခရစ်တော်​၏​နာမ​တော်​ကို​ပတ္ထနာ​ပြု​ကြ​သည့် အရပ်ရပ်​တို့​၌​ရှိ​သော​သူ​အပေါင်း​တို့​နှင့်အတူ​သန့်ရှင်း​သူ​အဖြစ်​ခေါ်ယူ​တော်မူ​ခြင်း​ခံရ​၍ ခရစ်တော်​ယေရှု​အားဖြင့် သန့်ရှင်း​စေ​ခြင်း​ခံရ​သော​သူ​များ​တည်းဟူသော ကောရိန္သု​မြို့​၌​ရှိ​သည့် ဘုရားသခင်​၏​အသင်းတော်​ထံသို့ စာ​ရေး​လိုက်​ပါ​၏။ ကိုယ်တော်​သည် ထို​ပတ္ထနာ​ပြု​သော​သူ​အပေါင်း​တို့​နှင့် ငါ​တို့​၏​သခင်​ဖြစ်​တော်မူ​၏။

၂ ကော 1:1

ဘုရားသခင်​၏​အလို​တော်​အားဖြင့် ခရစ်တော်​ယေရှု​၏​တမန်တော်​ဖြစ်​သော ငါ​ပေါလု​နှင့် ငါ့​ညီ​တိမောသေ​တို့​သည် ကောရိန္သု​မြို့​၌​ရှိ​သော ဘုရားသခင်​၏​အသင်းတော်​နှင့် အခါယ​ပြည်​တစ်ဝန်းလုံး​ရှိ သန့်ရှင်း​သူ​အပေါင်း​တို့​ထံသို့ စာ​ရေး​လိုက်​ပါ​၏။

၂ ကော 1:19

အမှန်စင်စစ် ငါ​မှစ၍ သိလွာနု​နှင့် တိမောသေ​တို့​က သင်​တို့​ထဲတွင်​ဟောပြော​ခဲ့​သော ဘုရားသခင်​၏​သား​တော် ယေရှု​ခရစ်တော်​၌ တစ်ချိန်တည်း​တွင် “ဟုတ်​ပါ​၏” နှင့် “မ​ဟုတ်​ပါ”​ဟူ၍​မ​ရှိ​ဘဲ ကိုယ်တော်​၌ “ဟုတ်​ပါ​၏”​ဟူ၍​သာ​ရှိ​၏။

ဂ​လာ​တိ 1:2

ငါ​နှင့်အတူ​ရှိ​သော​ညီအစ်ကို​အပေါင်း​တို့​သည် ဂလာတိ​ပြည်​၌​ရှိ​သည့် အသင်းတော်​များ​ထံသို့ စာ​ရေး​လိုက်​ပါ​၏။

ဂ​လာ​တိ 1:22

သို့ရာတွင် ခရစ်တော်​၌​တည်​သော ယုဒ​ပြည်​ရှိ အသင်းတော်​များ​သည် ငါ​နှင့်​လူ​ချင်း​မ​သိ​ကြ​သေး​ဘဲ

ဧ​ဖက် 1:2

ငါ​တို့​အဖ​ဘုရားသခင်​နှင့် သခင်​ယေရှု​ခရစ်တော်​ထံမှ ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​ရှိ​ပါစေသော။

ဖိ​လိပ္ပိ 1:1

ယေရှု​ခရစ်တော်​၏​အစေအပါး​များ​ဖြစ်​ကြ​သော ငါ​ပေါလု​နှင့်​တိမောသေ​တို့​သည် ဖိလိပ္ပိ​မြို့​၌​နေ​ကြ​သော ကြီးကြပ်​သူ​များ၊ သင်းထောက်​များ​နှင့်တကွ ခရစ်တော်​ယေရှု​၌​ရှိ​သော သန့်ရှင်း​သူ​အပေါင်း​တို့​ထံသို့ စာ​ရေး​လိုက်​ပါ​၏။

ကော​လော​သဲ 1:1

ဘုရားသခင်​၏​အလို​တော်​အားဖြင့် ခရစ်တော်​ယေရှု​၏​တမန်တော်​ဖြစ်​သော ငါ​ပေါလု​နှင့် ငါ့​ညီ​တိမောသေ​တို့​သည်

၂ သက် 1:1

ပေါလု၊ သိလွာနု​နှင့် တိမောသေ​တို့​သည် ငါ​တို့​အဖ​ဘုရားသခင်​နှင့် သခင်​ယေရှု​ခရစ်တော်​၌​တည်​သော သက်သာလောနိတ်​မြို့သား​တို့​၏​အသင်းတော်​ထံသို့ စာ​ရေး​လိုက်​ပါ​၏။

၁ တိ 1:2

ယုံကြည်​ခြင်း​အားဖြင့် ငါ့​သား​စစ်​ဖြစ်​သော​တိမောသေ​ထံသို့ စာ​ရေး​လိုက်​ပါ​၏။ ခမည်းတော်​ဘုရားသခင်​နှင့် ငါ​တို့​၏​သခင်​ခရစ်တော်​ယေရှု​ထံမှ ကျေးဇူး​တော်၊ ကရုဏာ​တော်​နှင့် ငြိမ်သက်​ခြင်း​သည် သင်​၌​ရှိ​ပါ​စေ​သော။

၂ တိ 1:2

ချစ်​သား​တိမောသေ​ထံသို့ စာ​ရေး​လိုက်​ပါ​၏။ ခမည်းတော်​ဘုရားသခင်​နှင့် ငါ​တို့​သခင်​ခရစ်တော်​ယေရှု​ထံမှ ကျေးဇူး​တော်၊ ကရုဏာ​တော်​နှင့် ငြိမ်သက်​ခြင်း​သည် သင်​၌​ရှိ​ပါစေသော။

ဟေ​ဗြဲ 13:23

ငါ​တို့​ညီ​တိမောသေ​သည် လွတ်​လာ​ပြီ​ဖြစ်​ကြောင်း သင်​တို့​အား​သိ​စေ​လို​ပါ​၏။ သူ​သည် အမြန်​ရောက်လာ​လျှင် ငါ​သည် သူ​နှင့်အတူ သင်​တို့​ကို​လာ​တွေ့​မည်။

၁ ပေ 5:12

ငါ​သည် သစ္စာရှိ​သော​ညီအစ်ကို​အဖြစ် ငါ​သတ်မှတ်​သော သိလွာနု​မှတစ်ဆင့် စာ​အနည်းငယ်​ရေး​လိုက်​ခြင်း​အားဖြင့် သင်​တို့​ကို​တိုက်တွန်း​နှိုးဆော်​ကာ ဤ​အရာ​သည် ဘုရားသခင်​၏​စစ်မှန်​သော​ကျေးဇူး​တော်​ဖြစ်​ကြောင်း သက်သေခံ​၏။ သင်​တို့​သည် ဤ​ကျေးဇူး​တော်​၌ ရပ်တည်​ကြ​လော့။

၁ ယော 1:3

ငါ​တို့​မြင်​ရ​ကြား​ရ​သော​အရာ​ကို သင်​တို့​အား​ပြောကြား​ရ​ခြင်း​မှာ သင်​တို့​သည်​လည်း ငါ​တို့​နှင့်​မိတ်သဟာယ​ဖွဲ့​ခြင်း​ရှိ​စေရန်​ဖြစ်​၏။ ငါ​တို့​၏​မိတ်သဟာယ​ဖွဲ့​ခြင်း​သည် ခမည်းတော်​နှင့်​လည်းကောင်း၊ ခမည်းတော်​၏​သား​တော်​ယေရှု​ခရစ်တော်​နှင့်​လည်းကောင်း မိတ်သဟာယ​ဖွဲ့​ခြင်း​ဖြစ်​၏။

ယု​ဒ 1:1

ယေရှု​ခရစ်တော်​၏​အစေအပါး၊ ယာကုပ်​၏​ညီ ငါ​ယုဒ​သည် ခမည်းတော်​ဘုရားသခင်​၏​ချစ်​ခြင်း​မေတ္တာ​ကို​ခံစား​ရ​၍ ယေရှု​ခရစ်တော်​၏​စောင့်ရှောက်​မှု​အောက်​၌​ရှိ​သော ခေါ်ယူ​တော်မူ​ခြင်း​ခံရ​သူ​တို့​ထံသို့ စာ​ရေး​လိုက်​ပါ​၏။