၁ ရာ​ချုပ် 5:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သူ​တို့​သည် ဘုရားသခင်​ကို ယုံကြည်ကိုးစား​သဖြင့် စစ်တိုက်​သောအခါ ဘုရားသခင်​ထံ​အော်ဟစ်​ဆုတောင်း​လေ့​ရှိ​၏​။ ဘုရားသခင်​သည်​လည်း သူ​တို့​အသံ​ကို နားညောင်း​တော်မူ​၍ ဟာဂရိ​လူမျိုး​နှင့်​အပေါင်းပါ​အားလုံး​ကို သူ​တို့​လက်​သို့​အပ်​တော်မူ​၏​။

Common Language Bible

²⁰ ထို​အ​ခါ​သူ​တို့​သည်​ဘု​ရား​သ​ခင်​အား ယုံ​ကြည်​ကိုး​စား​လျက် ကူ​မ​တော်​မူ​ရန် ဆု​တောင်း​ပတ္ထ​နာ​ပြု​ကြ​၏။ ဘု​ရား​သ​ခင် သည်​လည်း​နား​ညောင်း​တော်​မူ​သ​ဖြင့် သူ​တို့ သည်​ဟာ​ဂ​ရ​အ​မျိုး​သား​နှင့်​၎င်း​၏​မ​ဟာ မိတ်​တို့​ကို​အ​နိုင်​ရ​ကြ​၏။-

Garrad Bible

²⁰ တိုက် ခိုက် ရာ၌ ဘု ရား သ ခင် အား ကိုး စား ဟစ် ခေါ် သော ကြောင့် ဘု ရား သ ခင် နား ညောင်း ၍ မ စ တော် မူ သ ဖြင့် ဟာ ဂ ရ လူ မျိုး မှ စ သော ဘက် ပါ အ ပေါင်း တို့ ကို ရ သည့် ပြင်၊

Judson Bible

²⁰ စစ်​တိုက်​သော​အ​ခါ ဘု​ရား​သ​ခင်​ကို​ကိုး​စား၍ ဆု​တောင်း​သော​ကြောင့်၊ ဘု​ရား​သ​ခင် မ​စ​တော်​မူ​ခြင်း​ကျေး​ဇူး​အား​ဖြင့်၊ ဟာ​ဂ​ရ​လူ​တို့​နှင့် သူ​တို့​ဥ​စ္စာ​ရှိ​သ​မျှ​ကို​ရ​ကြ၏။

၁ ရာ​ချုပ် 5:20 Referencias Cruzadas

ကမ္ဘာ​ဦး 25:21

ဣဇက်​သည် မိမိ​မယား​မြုံ​သောကြောင့် သူ့​အတွက် ထာဝရဘုရား​ထံ​ဆုတောင်း​၏​။ ထာဝရဘုရား​သည် သူ​၏​ဆုတောင်း​သံ​ကို​နားညောင်း​တော်မူ​၍ သူ​၏​မယား​ရေဗက္ကာ​သည် ကိုယ်ဝန်ဆောင်​လေ​၏​။

ကမ္ဘာ​ဦး 49:19

ဂဒ်​မူကား စစ်သူရဲ​တို့​သည် သူ့​ကို​ဖိနှိပ်တိုက်ခိုက်​လာ​သော်လည်း သူ​သည် သူ​တို့​၏​ဖနောင့်​ကို ပြန်​၍​ဖိနှိပ်တိုက်ခိုက်​လိမ့်မည်​။

၃ ရာ 22:32

စစ်ရထားမှူး​တို့​က ယောရှဖတ်​မင်းကြီး​ကို​မြင်​လျှင် “​ဤ​သူ​သည် အစ္စရေး​ဘုရင်​ပင်​ဖြစ်​ရ​မည်​”​ဟု​ဆို​လျက် သူ့​ကို​တိုက်ခိုက်​ရန် လှည့်လာ​ကြ​၏​။ ထိုအခါ ယောရှဖတ်​မင်းကြီး အော်ဟစ်​လေ​၏​။

၁ ရာ​ချုပ် 5:21

ထို့ကြောင့် ထို​သူ​တို့​၏​ကုလားအုတ် အကောင်​ငါးသောင်း​၊ သိုး​အကောင်​နှစ်သိန်း​ငါးသောင်း​၊ မြည်း​အကောင်​နှစ်ထောင် စသည့်​တိရစ္ဆာန်​များ​နှင့် လူ​အယောက်​တစ်သိန်း​ကို အရှင်​ဖမ်းဆီးခေါ်ဆောင်​သွား​လေ​၏​။

၁ ရာ​ချုပ် 5:22

ဘုရားသခင်​အခွင့်​နှင့်​စစ်တိုက်​သောကြောင့် ရန်သူ​အများအပြား​ကျဆုံး​ကြ​၏​။ ထို့ကြောင့် အစ္စရေး​လူမျိုး​တို့​သည် ဖမ်းခေါ်​သွား​ခြင်း​မ​ခံရ​မီ​အချိန်​ထိ ထို​သူ​တို့​ပြည်​တွင် နေထိုင်​ကြ​၏​။

၂ ရာ​ချုပ် 13:18

ထိုစဉ်က အစ္စရေး​အမျိုးသား​တို့​သည် ရှုံးနိမ့်​ကြ​ပြီး ယုဒ​အမျိုးသား​တို့​မူကား ဘိုးဘေး​တို့​၏​ဘုရားသခင်​ထာဝရဘုရား​ကို ကိုးစား​ကြ​သောကြောင့် အောင်နိုင်​လေ​၏​။

၂ ရာ​ချုပ် 18:31

စစ်ရထားမှူး​တို့​က ယောရှဖတ်​မင်းကြီး​ကို​မြင်​လျှင် “​ဤ​သူ​သည် အစ္စရေး​ဘုရင်​ပင် ဖြစ်​ရ​မည်​”​ဟု ဆို​လျက် သူ့​ကို​တိုက်ခိုက်​ရန် လှည့်လာ​ကြ​၏​။ ထိုအခါ ယောရှဖတ်​မင်းကြီး​က​လည်း အော်ဟစ်​အကူအညီ​တောင်း​သဖြင့် ထာဝရဘုရား​သည် သူ့​ကို ကူမ​တော်မူ​၏​။ ဘုရားသခင်​သည် ရန်သူ​တို့​ကို ယောရှဖတ်​မင်းကြီး​ထံမှ လမ်းလွဲ​စေ​တော်မူ​၏​။

၂ ရာ​ချုပ် 20:12

အို အကျွန်ုပ်​တို့​၏​ဘုရားသခင်​၊ ကိုယ်တော်​သည် သူ​တို့​ကို စီရင်​တော်မူ​မည်​မ​ဟုတ်​လော​။ အကျွန်ုပ်​တို့​ကို တိုက်ခိုက်​လာ​သော​ဤ​စစ်တပ်ကြီး​ကို ရင်ဆိုင်​ဖို့ အကျွန်ုပ်​တို့​၌ အင်အား​မ​ရှိ​ပါ​။ အကျွန်ုပ်​တို့ မည်သို့​ပြု​ရ​မည်​ကို မ​သိ​သောကြောင့် ကိုယ်တော်​ကို​သာ မျှော်ကြည့်​နေ​ကြ​ပါ​၏​”​ဟု ဆုတောင်း​လေ​၏​။

၂ ရာ​ချုပ် 26:7

သူ​သည် ဖိလိတ္တိ​လူမျိုး​၊ ဂုရဗာလ​အရပ်​တွင်​နေထိုင်​သော​အာရပ်​လူမျိုး​များ​နှင့် မဟုနိမ်​လူမျိုး​တို့​ကို တိုက်ခိုက်​သောအခါ ဘုရားသခင်​သည် သူ့​ကို ကူညီမစ​တော်မူ​၏​။

၂ ရာ​ချုပ် 33:13

သူ​ဆုတောင်း​သောအခါ ကိုယ်တော်​သည် သူ့​ကို​ထူး​တော်မူ​၏​။ သူ​အသနားခံ​သည်​ကို နားညောင်း​ပြီး သူ့​ကို သူ​၏​တိုင်းနိုင်ငံ​၊ ဂျေရုဆလင်​မြို့​သို့ ပြန်လာ​စေ​တော်မူ​၏​။ ထိုအခါ ထာဝရဘုရား​သည် ဘုရားသခင်​ဖြစ်​တော်မူ​ကြောင်း​ကို မနာရှေ​မင်းကြီး​သိမြင်​လေ​၏​။

ဧ​ဇ​ရ 8:23

ထို့ကြောင့် လမ်းခရီး​အတွက် ငါ​တို့​သည် ဘုရားသခင်​ထံ အစာရှောင်​ဆုတောင်း​ကြ​၏​။ ကိုယ်တော်​သည် ငါ​တို့​ဆုတောင်းသံ​ကို နားညောင်း​တော်မူ​၏​။

ဆာ​လံ 37:39

ဖြောင့်မတ်​သော​သူ​ကို​ကယ်တင်​ခြင်း​အကြောင်း​သည် ထာဝရဘုရား​ထံ​တော်​မှ​လာ​၏​။ ဆင်းရဲဒုက္ခ​ရောက်​သော​အချိန်​တွင် ကိုယ်တော်​သည် သူ​တို့​၏​မှီခို​ရာ​ဖြစ်​တော်မူ​၏​။

ဆာ​လံ 37:40

ထာဝရဘုရား​သည် သူ​တို့​ကို​ကူညီမစ​၍ ကယ်တင်​တော်မူ​၏​။ သူ​တို့​သည် ကိုယ်တော်​၌​ခိုလှုံ​ကြ​သောကြောင့် ကိုယ်တော်​သည် သူ​တို့​ကို ဆိုးယုတ်​သော​သူ​တို့​၏​လက်​မှ လွတ်မြောက်​စေ​တော်မူ​၏​။ ကယ်တင်​တော်မူ​၏​။

ဆာ​လံ 46:1

ဘုရားသခင်​သည် ငါ​တို့​၏​ခိုလှုံ​ရာ​နှင့် အစွမ်းသတ္တိ​ဖြစ်​တော်မူ​၏​။ ဆင်းရဲဒုက္ခ​ရောက်​သောအခါ အမှန်တကယ်​တွေ့​ရ​သည့် ကူညီမစ​သော​အရှင်​ဖြစ်​တော်မူ​၏​။

ဆာ​လံ 9:10

ကိုယ်တော်​၏​နာမ​တော်​ကို​သိ​သော​သူ​တို့​သည် ကိုယ်တော်​ကို​ယုံကြည်ကိုးစား​ကြ​ပါ​လိမ့်မည်​။ အကြောင်းမူကား အို ထာဝရဘုရား​၊ ကိုယ်တော်​သည် ကိုယ်တော်​ကို​ရှာ​သော​သူ​တို့​အား စွန့်ပစ်​တော်​မ​မူ​ပါ​။

ထွက်​မြောက် 17:11

မောရှေ​သည် သူ​၏​လက်​ကို​မြှောက်​သောအခါ အစ္စရေး​လူမျိုး​တို့​နိုင်​၍ သူ​၏​လက်​ကို​ချ​သောအခါ အာမလက်​လူမျိုး​တို့​နိုင်​လေ​၏​။

သုတ္တံကျမ်း။ 29:25

လူ​ကို​ကြောက်ရွံ့​ခြင်း​သည် ထောင်ချောက်​ဖြစ်​၏​။ ထာဝရဘုရား​ကို​ယုံကြည်ကိုးစား​သော​သူ​မူကား လုံခြုံ​စွာ​နေ​ရ​၏​။

ယေ​ရ​မိ 39:18

သင်​သည် ငါ့​ကို ယုံကြည်ကိုးစား​သောကြောင့် အကယ်စင်စစ် သင့်​ကို ငါ​လွတ်မြောက်​စေ​မည်​။ သင်​သည် ဓားဘေး​ဖြင့် မ​ကျဆုံး​ရ​။ သင့်​အသက်​ကို တိုက်ယူ​သော​ပစ္စည်း​ကဲ့သို့​ဖြစ်​စေ​မည်​ဟု မိန့်​တော်မူ​၏’​ဟူ၍ ဆင့်ဆို​လော့”​ဟု မိန့်ဆို​၏​။

ဒံ​ယေ​လ 6:23

ထိုအခါ ရှင်ဘုရင်​သည် ဝမ်းသာအားရ​ဖြစ်​လျက် ဒံယေလ​ကို တွင်း​ထဲမှ​ထုတ်ယူ​ရန်​အမိန့်ပေး​သဖြင့် ဒံယေလ​ကို တွင်း​ထဲမှ ထုတ်ယူ​ကြ​၏​။ ဒံယေလ​သည် ဘုရားသခင်​ကို ယုံကြည်ကိုးစား​သောကြောင့် သူ​၌ ထိခိုက်ဒဏ်ရာ​တစ်စုံတစ်ရာ​မျှ မ​တွေ့​ရ​ပေ​။

နာ​ဟုံ 1:7

ထာဝရဘုရား​သည် ကောင်းမြတ်​တော်မူ​၏​။ ဆင်းရဲဒုက္ခ​ရောက်​ချိန်​၌ မှီခို​ရာ​ဖြစ်​တော်မူ​၏​။ ကိုယ်တော်​၌ ခိုလှုံ​သော​သူ​တို့​ကို စောင်မ​တော်မူ​၏​။

ဧ​ဖက် 1:12

ဤသည်ကား ခရစ်တော်​၌ ဦးစွာ​မျှော်လင့်​ထား​သော​ငါ​တို့​သည် ဘုရားသခင်​၏​ဘုန်း​တော်​ကို ချီးမွမ်း​ကြ​မည့်​အကြောင်း​တည်း။

ယော​ရှု 10:14

ထာဝရဘုရား​သည် ထို​နေ့​ကဲ့သို့ လူ​၏​စကား​ကို နားညောင်း​သော​အဖြစ်​မျိုး ယခင်က မ​ဖြစ်​ဖူး​၊ နောင်​လည်း ဖြစ်​မည်​မ​ဟုတ်​။ စင်စစ် ထာဝရဘုရား​သည် အစ္စရေး​လူမျိုး​တို့​အတွက် စစ်တိုက်​တော်မူ​ခဲ့​၏​။

ယော​ရှု 10:42

အစ္စရေး​လူမျိုး​၏​ဘုရားသခင်​ထာဝရဘုရား​သည် အစ္စရေး​လူမျိုး​အတွက် စစ်တိုက်​တော်မူ​သောကြောင့် ယောရှု​သည် ရှင်ဘုရင်​တို့​နှင့်တကွ သူ​တို့​၏​တိုင်းပြည်​များ​ကို တစ်ချီတည်း​သိမ်းပိုက်​အောင်မြင်​ခဲ့​လေ​၏​။

ယော​ရှု 23:10

သင်​တို့​ကို ကတိပြု​တော်မူ​ခဲ့​သည့်​အတိုင်း သင်​တို့​၏​ဘုရားသခင်​ထာဝရဘုရား​သည် သင်​တို့​အဖို့​စစ်တိုက်​တော်မူ​သည်​ဖြစ်၍ သင်​တို့​တွင်​တစ်​ယောက်​သည် အယောက်​တစ်ထောင်​ကို​လိုက်​လိမ့်မည်​။

၁ ရာ 19:15

သို့သော် ရှောလု​မင်းကြီး​က “သူ့​ကို​အိပ်ရာ​နှင့်တကွ ငါ့​ထံသို့ ခေါ်လာ​ခဲ့​ပါ​။ သူ့​ကို ငါ​သတ်​မည်​”​ဟု ဆို​ပြီး ဒါဝိဒ်​ကို သွားကြည့်​ရန် တမန်​တို့​ကို စေလွှတ်​ပြန်​၏​။

၁ ရာ 7:12

ထို့နောက် ရှမွေလ​သည် ကျောက်တုံး​တစ်​တုံး​ကို​ယူ​၍ မိဇပါ​မြို့​နှင့် ရှင်​မြို့​ကြား​တွင် ထား​ပြီး “​ထာဝရဘုရား​သည် ယခု​တိုင်အောင် ငါ​တို့​ကို​ကူညီမစ​တော်မူ​၏​”​ဟု ဆို​လျက် ထို​ကျောက်တုံး​၏​အမည်​ကို ဧဗနေဇာ​ဟု​ခေါ်​လေ​၏​။