၁ ရာ​ချုပ် 22:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ကြည့်ရှု​လော့​။ သင်​သည် သား​တော်​တစ်ပါး​ကို ရ​လိမ့်မည်​။ သူ​သည် အေးချမ်း​စွာ​နေ​ရ​သော​သူ ဖြစ်​လိမ့်မည်​။ ငါ​သည် သူ့​ဝန်းကျင်​ရှိ​ရန်သူ​အားလုံး​တို့​ကို သူ​နှင့်​သင့်မြတ်​စေ​မည်​။ သူ့​အမည်​ကို ရှောလမုန် ဟု​မှည့်ခေါ်​ရ​မည်​။ သူ့​လက်ထက်​တွင် အစ္စရေး​ပြည်​ကို ငြိမ်းချမ်း​ခြင်း​၊ ငြိမ်ဝပ်​ခြင်း ရှိ​စေ​မည်​။

Common Language Bible

⁹ သို့​သော်​ကိုယ်​တော်​သည်​ငါ့​အား​ကတိ​တော် ကို​ပေး​တော်​မူ​၏။ ကိုယ်​တော်​က`သင်​သည်​တိုင်း နိုင်​ငံ​ကို​ငြိမ်း​ချမ်း​စွာ​အုပ်​စိုး​မည့်​သား​တစ် ဦး​ကို​ရ​လိမ့်​မည်။ သူ​သည်​မိ​မိ​ရန်​သူ​များ နှင့်​ငြိမ်း​ချမ်း​စွာ​နေ​နိုင်​ရေး​ကို​ငါ​ပေး​မည်။ သူ​သည်​မိ​မိ​နန်း​သက်​အ​တွင်း ဣ​သ​ရေ​လ အ​မျိုး​သား​တို့​အား​ငြိမ်း​ချမ်း​လုံ​ခြုံ​စွာ ထား​မည်​ဖြစ်​၍၊ ရှော​လ​မုန် ဟု​နာ​မည်​တွင်​လိမ့်​မည်။-

Garrad Bible

⁹ ရန် ကင်း ငြိမ်း သော သား တစ် ယောက် ကို သင် ရ လိမ့် မည်။ ရှော လ မုန် ဟူ သော အ မည် နှင့် အ ညီ ပတ် ဝန်း ကျင် အ ရပ် ရပ်၌ ရန် ကင်း စေ လျက် သူ့ လက် ထက် ကာ လ ပတ် လုံး ဣ သ ရေ လ လူ မျိုး အား ငြိမ်း ချမ်း သာ ယာ ခွင့် ကို ငါ ပေး မည်။

Judson Bible

⁹ သင်​မြင်​သော သား​တစ်​ယောက်​သည် ငြိမ်​ဝပ်​သော​သူ ဖြစ်​လိမ့်​မည်။ သူ၏​အ​မည်​ကား ရှော​လ​မုန်​ဖြစ်၍၊ သူ့​ပတ်​လည်၌ ရန်​သူ​မ​ရှိ။ ငြိမ်​ဝပ်​သော အ​ခွင့်​ကို​လည်း​ကောင်း၊ သူ၏​လက်​ထက်၌ ဣ​သ​ရေ​လ​အ​မျိုး​သည် စစ်​တိုက်​ခြင်း​မ​ရှိ။ ငြိမ်​ဝပ်​စွာ​နေ​ရ​သော အ​ခွင့်​ကို​လည်း​ကောင်း၊ ငါ​ပေး​မည်။

၁ ရာ​ချုပ် 22:9 Referencias Cruzadas

၃ ရာ 1:13

ဒါဝိဒ်​မင်းကြီး​ထံ အခစား​ဝင်​၍ ‘​အကျွန်ုပ်​၏​သခင်​အရှင်မင်းကြီး​က သခင့်​ကျွန်မ​အား “​သင့်​သား​ရှောလမုန်​သည် ငါ့​နန်းမွေ​ကို ဆက်ခံ​ရ​မည်​။ ငါ​၏​ရာဇပလ္လင်​ပေါ်တွင် စံနေ​ရ​မည်​”​ဟု ကျိန်ဆို​ခဲ့​ပြီ​မ​ဟုတ်​လော​။ ယခုမှာ အဒေါနိယ​သည် အဘယ်ကြောင့် မင်း​ဖြစ်​ရ​ပါ​သနည်း​’​ဟု လျှောက်တင်​လော့​။

၃ ရာ 2:15

ထိုအခါ အဒေါနိယ​က “​အစ္စရေး​လူမျိုး​အပေါင်း​တို့​သည် အကျွန်ုပ်​ကို ရှင်ဘုရင်​အဖြစ်​လက်ခံ​၍ ဤ​နိုင်ငံ​တော်​ကို အကျွန်ုပ်​ပိုင်​ကြောင်း မယ်တော်​သိ​ပါ​၏​။ သို့သော် နိုင်ငံ​တော်​သည် အကျွန်ုပ်​လက်​မှ​လွတ်​၍ ညီ​တော်​ထံ ရောက်သွား​လေ​ပြီ​။ အကယ်စင်စစ် ထာဝရဘုရား​သည် သူ့​ထံသို့ ရောက်​စေ​တော်မူ​ပြီ​။

၃ ရာ 3:7

အကျွန်ုပ်​၏​ဘုရားသခင်​ထာဝရဘုရား​၊ ကိုယ်တော်​သည် ကိုယ်တော့်​အစေအပါး​အား ခမည်းတော်​ဒါဝိဒ်​မင်းကြီး​၏​အရိုက်အရာ​ကို ဆက်ခံ​စေ​ပြီ​။ အကျွန်ုပ်​သည် ငယ်ရွယ်​သေး​သောကြောင့် မည်သို့​သွားလာ​ပြုမူ​ရ​မည်​ကို မ​သိ​သေး​ပါ​။

၃ ရာ 4:20

သမုဒ္ဒရာ​သဲလုံး​နှင့်အမျှ အရေအတွက်​များပြား​လှ​သော ယုဒ​လူမျိုး​၊ အစ္စရေး​လူမျိုး​တို့​သည် ဝမ်းမြောက်​ပျော်ရွှင်​စွာ စား​သောက်​နေထိုင်​ရ​လေ​၏​။

၃ ရာ 4:24

သူ​သည် တိဖသ​မြို့​မှ ဂါဇ​မြို့​အထိ ယူဖရေးတီး​မြစ်​အနောက်ဘက်ကမ်း​တစ်လျှောက်လုံး​ကို ပိုင်​၏​။ ယူဖရေးတီး​မြစ်​အနောက်ဘက်​ကမ်း​ရှိ​ဘုရင်​အားလုံး​တို့​ကို အုပ်စိုး​ရ​ပြီး သူ့​ဝန်းကျင်​တစ်ခွင်​မှာ ငြိမ်းချမ်းသာယာ​ခြင်း​ရှိ​လေ​၏​။

၃ ရာ 4:25

ရှောလမုန်​မင်းကြီး​အုပ်စိုး​စဉ်​ကာလ​ပတ်လုံး ဒန်​မြို့​မှ​ဗေရရှေဘ​မြို့​တိုင်အောင် ယုဒ​လူမျိုး​နှင့်​အစ္စရေး​လူမျိုး​တို့​သည် ကိုယ့်​စပျစ်ပင်​အောက်​၊ ကိုယ့်​သဖန်းပင်​အောက်​တွင် ဘေးကင်းလုံခြုံ​စွာ​နေထိုင်​ရ​လေ​၏​။

၃ ရာ 5:4

ယခုမှာ အကျွန်ုပ်​၏​ဘုရားသခင်​ထာဝရဘုရား​သည် အကျွန်ုပ်​လက်ထက်​တွင် အေးချမ်းသာယာ​စေ​သဖြင့် အကျွန်ုပ်​ပတ်လည်​တွင် ရန်ပြုသူ​မ​ရှိ​၊ ဘေးအန္တရာယ်​လည်း မ​ရှိ​ပါ​။

၃ ရာ 8:56

“​ကတိ​တော်​အလုံးစုံ​နှင့်အညီ မိမိ​လူမျိုး​တော်​အစ္စရေး​တို့​အား အေးချမ်းသာယာမှု​ကို ပေးသနား​တော်မူ​သော ထာဝရဘုရား​သည် မင်္ဂလာ​ရှိ​ပါစေသော​။ ကိုယ်တော်​၏​အစေအပါး​မောရှေ​အား မိန့်မှာ​ထား​ခဲ့​သည့် ကောင်းမြတ်​သော​ကတိ​တော်​များ တစ်စုံတစ်ခု​မျှ​မ​ပျက်ယွင်း​ပါ​။

၁ ရာ​ချုပ် 17:11

သင်​သည် သက်တမ်း​စေ့​နေ​ပြီးမှ ဘိုးဘေး​တို့​ရှိ​ရာ​သို့​ရောက်သွား​လျှင် သင့်​ရင်သွေး​ဖြစ်​သော သင့်​သား​တစ်​ဦး​ကို ငါ​ချီးမြှောက်​မည်​။ သူ့​နိုင်ငံ​ကို​လည်း ငါ​တည်မြဲ​စေ​မည်​။

၁ ရာ​ချုပ် 22:18

“​သင်​တို့​၏​ဘုရားသခင်​ထာဝရဘုရား​သည် သင်​တို့​နှင့်အတူ​ရှိ​တော်မူ​သည်​မ​ဟုတ်​လော​။ သင့်​ဝန်းကျင်​ကို​လည်း ငြိမ်းချမ်း​စေ​သည်​မ​ဟုတ်​လော​။ ထာဝရဘုရား​ရှေ့​၊ လူမျိုး​တော်​တို့​ရှေ့​တွင် ဤ​ပြည်​ကို နှိမ်နင်း​အောင်​နိုင်​၍ ပြည်သူပြည်သား​အပေါင်း​တို့​ကို ငါ့​လက်​သို့ အပ်​တော်မူ​ပြီ​။

၂ ရာ​ချုပ် 6:15

ကိုယ်တော်​၏​အစေအပါး အကျွန်ုပ်​၏​ခမည်းတော်​ဒါဝိဒ်​မင်းကြီး​၌ ထား​ခဲ့​သော​ကတိ​တော်​များ​ကို တည်​စေ​တော်မူ​ပြီ​။ နှုတ်​တော်​ဖြင့် ကတိထား​တော်မူ​ခဲ့​သည်​ကို ယနေ့ လက်တွေ့​ပြည့်စုံ​စေ​ပါ​ပြီ​။

ယောဘဝတ္တု။ 34:29

ကိုယ်တော်​နှုတ်ဆိတ်​နေ​လျှင် မည်သူ​အပြစ်တင်​ဝံ့​မည်နည်း​။ ကိုယ်တော်​မျက်နှာလွှဲ​တော်မူ​လျှင် လူမျိုး​တစ်​မျိုး​ဖြစ်စေ​၊ လူ​တစ်ဦးချင်း​ဖြစ်စေ မည်သူ​မြင်​နိုင်​မည်နည်း​။

ဆာ​လံ 72:1

အို ဘုရားသခင်​၊ ကိုယ်တော်​၏​စီရင်ထုံးဖွဲ့ချက်​တို့​ကို ရှင်ဘုရင်​အား​လည်းကောင်း​၊ ကိုယ်တော်​၏​ဖြောင့်မတ်​ခြင်း​ကို ရှင်ဘုရင်​၏​သား​တော်​အား​လည်းကောင်း ပေး​တော်မူ​ပါ​။

ဆာ​လံ 72:7

သူ​၏​လက်ထက်​၌ ဖြောင့်မတ်​သော​သူ​သည် ကြီးပွား​၍ လ​ကွယ်ပျောက်​သွား​သည်​အထိ ငြိမ်းချမ်းမှု​အပြည့်​ရှိ​ပါစေသော​။

ဟေ​ရှာ​ယ 26:12

အို ထာဝရဘုရား​၊ ကိုယ်တော်​သည် အကျွန်ုပ်​တို့​အား ငြိမ်သက်​ခြင်း​ကို ပေး​တော်မူ​ပါ​ပြီ​။ အကယ်စင်စစ် အကျွန်ုပ်​တို့​၏​အမှု​ရှိသမျှ​တို့​ကို အကျွန်ုပ်​တို့​အတွက် ကိုယ်တော်​ပြု​တော်မူ​ပါ​ပြီ​။

ဟေ​ရှာ​ယ 45:7

ငါ​သည် အလင်း​ကို​ပုံဖော်ဖန်ဆင်း​၏​၊ အမှောင်​ကို​လည်း​ဖန်ဆင်း​၏​။ ငြိမ်းချမ်းမှု​ကို​ဖြစ်စေ​၏​၊ ဘေးအန္တရာယ်​ကို​လည်း ဖြစ်ပေါ်​စေ​၏​။ ဤ​အရာ​အားလုံး​တို့​ကို ငါ​ထာဝရဘုရား စီရင်​၏​။

ဟေ​ရှာ​ယ 57:19

နှုတ်ခမ်း​အသီး​ကို ငါ​ဖန်ဆင်း​၏​။ ဝေး​သော​သူ​၊ နီး​သော​သူ​တို့​၌ ငြိမ်သက်​ခြင်း ရှိ​စေ​သော​။ ငါ​သည် သူ့​ကို ကုသ​ပေး​မည်​”​ဟု ထာဝရဘုရား​မိန့်​တော်မူ​၏​။

ဟေ​ရှာ​ယ 66:12

ထာဝရဘုရား​က “​ကြည့်ရှု​လော့​။ ငါ​သည် ငြိမ်းချမ်းမှု​ကို မြစ်ရေ​ကဲ့သို့​လည်းကောင်း​၊ လူမျိုးတကာ​တို့​၏​ဘုန်းအသရေ​ကို စီးဆင်း​သော​စမ်းချောင်း​ကဲ့သို့​လည်းကောင်း ဂျေရုဆလင်​မြို့​ထဲသို့ စီးဆင်း​စေ​မည်​။ သင်​တို့​ကို နို့တိုက်​မည်​၊ ခါးစောင်း​၌ ချီထား​မည်​၊ ကလေး​ကဲ့သို့ ဒူး​ပေါ်တွင်​မြှူ​မည်​။

ဟ္ဂဲ 2:9

‘ဤ​အိမ်​တော်​၏​ဘုန်းအသရေ​သည် ယခင်​အိမ်​တော်​ထက် သာ၍​ကြီးမြတ်​လိမ့်မည်’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ​။ ‘ဤ​အရပ်​၌​လည်း ငြိမ်သက်​ခြင်း​ကို ငါ​ပေး​မည်’​ဟူ၍ ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ”​ဟု မိန့်ဆို​၏​။

သူ​ကြီး 6:24

ဂိဒေါင်​သည် ထို​အရပ်​၌ ထာဝရဘုရား​အဖို့ ယဇ်ပလ္လင်​ကို​တည်​၍ “​ငြိမ်သက်​ခြင်း​အရှင် ထာဝရဘုရား​”​ဟု မှည့်ခေါ်​လေ​၏​။ ထို​ယဇ်ပလ္လင်​သည် အဗျေဇာ​အမျိုးသား​တို့​နေထိုင်​ရာ ဩဖရ​မြို့​တွင် ယနေ့​တိုင်အောင် ရှိ​၏​။