၁ ရာ​ချုပ် 17:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ကိုယ်တော့်​အစေအပါး​၏​အမျိုးအနွယ်​သည် ရှေ့​တော်​တွင် အစဉ်အမြဲ​တည်နေ​မည့်​အကြောင်း အလို​တော်​ရှိ​၍ ကောင်းချီးပေး​တော်မူ​ပြီ​။ အို ထာဝရဘုရား​၊ ကိုယ်တော်​ကောင်းချီးပေး​တော်မူ​သဖြင့် အစဉ်အမြဲ​ကောင်းချီးခံစား​ရ​ပါ​လိမ့်မည်”​ဟု တောင်းလျှောက်​လေ​၏​။

Common Language Bible

²⁷ ကျွန်​တော်​မျိုး​၏​သား​မြေး​တို့​သည်​ကိုယ်​တော် ရှင်​၏​ရှေ့​တော်​၌​ဆက်​လက်​၍​မျက်​နှာ​ရ​ကြ စေ​ရန် သူ​တို့​အား​ကောင်း​ချီး​ပေး​တော်​မူ​ပါ ဟု​ပန်​ကြား​လျှောက်​ထား​ပါ​၏။ အို ထာ​ဝ​ရ ဘု​ရား၊ ကိုယ်​တော်​ရှင်​သည်​သူ​တို့​အား​ကောင်း ချီး​ပေး​တော်​မူ​ပါ​ပြီ။ သူ​တို့​သည်​ကိုယ်​တော် ရှင်​၏​ကောင်း​ချီး​မင်္ဂ​လာ​ကို​အ​စဉ်​အ​မြဲ ခံ​စား​ရ​ကြ​ပါ​စေ​သော'' ဟု​ဆု​တောင်း သ​တည်း။

Garrad Bible

²⁷ အို ထာ ဝ ရ ဘု ရား၊ ကျွန် တော် မျိုး၏ အိမ် ထောင် သည် စဉ် ဆက် မ ပြတ် ရှေ့ တော် တွင် တည် ခွင့် ရ စေ ရန် ယ ခု ကောင်း ကြီး ပေး သ နား တော် မူ ပါ ပြီ။ ကောင်း ကြီး ပေး တော် မူ သည် ဖြစ်၍ စဉ် ဆက် မ ပြတ် မင်္ဂ လာ တည် ရှိ ပါ လိမ့် မည် ဟု တောင်း လျှောက် သ တည်း။

Judson Bible

²⁷ သို့​ဖြစ်၍ ကိုယ်​တော်​ကျွန်၏​အ​မျိုး​အ​နွယ်​သည် ရှေ့​တော်၌ အ​စဉ်​အ​မြဲ​တည်​ပါ​မည်​အ​ကြောင်း ကောင်း​ချီး​ပေး​ခြင်း​ငှာ နူး​ညွတ်​သော​စိတ် ရှိ​တော်​မူ​ပါ။ အို​ထာ​ဝ​ရ​ဘု​ရား ကိုယ်​တော်​သည် ကောင်း​ချီး​ပေး​တော်​မူ​လျှင်၊ ကောင်း​ချီး​မင်္ဂ​လာ​ကို အ​စဉ်​အ​မြဲ ခံ​ရ​ပါ​လိမ့်​မည်​ဟု ဆု​တောင်း​သ​တည်း။

၁ ရာ​ချုပ် 17:27 Referencias Cruzadas

ကမ္ဘာ​ဦး 27:33

ထိုအခါ ဣဇက်​သည် အလွန်​ထိတ်လန့်​တုန်လှုပ်​လျက် “​သို့ဖြစ်လျှင် တောကောင်​လိုက်ဖမ်း​၍ ငါ့​ထံသို့​ယူလာ​ခဲ့​သော​သူ​သည် မည်သူ​နည်း​။ သင်​ရောက်​မ​လာ​မီ ငါ​သည် အကုန်​စား​ပြီး သူ့​ကို​ကောင်းချီးပေး​လေ​ပြီ​။ အကယ်စင်စစ် သူ​သည် ကောင်းချီးမင်္ဂလာ​ကို​ခံရ​လိမ့်မည်​”​ဟု ဆို​၏​။

၃ ရာ 2:33

လူ​သတ်​ခဲ့​သော​အပြစ်​သည် ယွာဘ​၏​ခေါင်း​ပေါ်​၊ သူ့​သားစဉ်မြေးဆက်​တို့​၏​ခေါင်း​ပေါ်သို့ အစဉ်အမြဲ​ကျရောက်​ပါစေ​။ ဒါဝိဒ်​မင်းကြီး​နှင့် သူ​၏​သားစဉ်မြေးဆက်​များ​၊ သူ​၏​ထီးနန်း​နှင့်​ရာဇပလ္လင်​တို့​မူကား ထာဝရဘုရား​ထံ​တော်​မှ​ငြိမ်သက်​ခြင်း​ကို အစဉ်အမြဲ​ခံစား​ရ​ပါစေ​”​ဟု မိန့်ဆို​၏​။

၃ ရာ 2:45

သို့သော် ငါ​ရှောလမုန်​မင်းကြီး​သည် ကောင်းချီးခံစား​ရ​လိမ့်မည်​။ ဒါဝိဒ်​မင်းကြီး​၏​ရာဇပလ္လင်​သည်​လည်း ထာဝရဘုရား​ရှေ့​တော်​၌ အစဉ်အမြဲ​တည်​လိမ့်မည်​”​ဟု မိန့်ဆို​၏​။

၁ ရာ​ချုပ် 17:26

အို ထာဝရဘုရား​၊ ကိုယ်တော်​သည် ဘုရားသခင် ဖြစ်​တော်မူ​ပါ​၏​။ ဤ​ကောင်းကျိုးချမ်းသာ​ကို ကိုယ်တော့်​အစေအပါး​အား ပေးသနား​မည်​ဟု ကတိထား​တော်မူ​ပါ​ပြီ​။

၁ ရာ​ချုပ် 18:1

ထို့နောက်တွင် ဒါဝိဒ်​မင်းကြီး​သည် ဖိလိတ္တိ​လူမျိုး​တို့​ကို တိုက်ခိုက်​နှိမ်နင်း​ပြီး ဖိလိတ္တိ​လူမျိုး​တို့​လက်​မှ ဂါသ​မြို့​နှင့်​ဝန်းကျင်​ရှိ​ရွာ​များ​ကို သိမ်းယူ​လိုက်​၏​။

၁ ရာ​ချုပ် 28:4

အစ္စရေး​လူမျိုး​တို့​ကို​အစဉ်အမြဲ​အုပ်ချုပ်​ရန်​အတွက် အစ္စရေး​လူမျိုး​၏​ဘုရားသခင်​ထာဝရဘုရား​သည် ငါ့​ဖခင်​၏​မိသားစုဝင်​တစ်စုလုံး​တွင် ငါ့​ကို ရွေးချယ်​တော်မူ​၏​။ ယုဒ​အမျိုး​ကို ခေါင်းဆောင်​အဖြစ် ရွေးချယ်​တော်မူ​၏​။ ယုဒ​အမျိုးအနွယ်​ထဲမှ ငါ့​ဖခင်​၏​မိသားစု​ကို ရွေးချယ်​တော်မူ​၏​။ ငါ့​ဖခင်​၏​သား​များ​ထဲမှ ငါ့​ကို ရွေးချယ်​တော်မူ​၍ အစ္စရေး​လူမျိုး​တစ်မျိုးလုံး​ကို အုပ်ချုပ်​သော​ဘုရင် ဖြစ်​စေ​တော်မူ​၏​။

ဆာ​လံ 21:6

ကိုယ်တော်​သည် သူ့​အား ကောင်းချီးမင်္ဂလာ​များ​ကို ထာဝစဉ်​ချပေး​၍ ရှေ့​တော်​မှ​ဝမ်းမြောက်​ခြင်း​ဖြင့် သူ့​ကို​ဝမ်းသာအားရ​ဖြစ်​စေ​တော်မူ​၏​။

ဆာ​လံ 72:17

သူ​၏​နာမ​သည် အစဉ်အမြဲ​တည်​ပါစေသော​။ နေ​သည်​တည်​နေ​သရွေ့ သူ​၏​နာမ​သည် ဆက်၍​တည်​ပါစေသော​။ လူ​တို့​သည် သူ့​အားဖြင့် ကောင်းချီးမင်္ဂလာ​ခံစား​ရ​၍ လူမျိုး​အပေါင်း​တို့​သည် သူ့​ကို​မင်္ဂလာ​ရှိ​သူ​ဟု ခေါ်​ကြ​ပါစေသော​။

တော​လည် 23:20

ကောင်းချီးပေး​မည့်​အကြောင်း အမိန့်​တော်​ကို ငါ​ခံရ​ပြီ​။ ကိုယ်တော်​သည် ကောင်းချီးပေး​တော်မူ​သည်​ဖြစ်၍ ထို​ကောင်းချီး​ကို ငါ​မ​ပြောင်းလဲ​နိုင်​။

ရော​မ 11:29

အကြောင်းမူကား ဘုရားသခင်​၏​ဆု​ကျေးဇူး​များ​နှင့်​ခေါ်ယူ​တော်မူ​ခြင်း​သည် ပြောင်းလဲ​ခြင်း​မ​ရှိ။

ဧ​ဖက် 1:3

အထက်​ကောင်းကင်​အရပ်​တွင်​ရှိ​သော ဝိညာဉ်ရေး​ဆိုင်ရာ​ကောင်းချီး​မင်္ဂလာ​အပေါင်း​တို့​ဖြင့် ငါ​တို့​ကို ခရစ်တော်​၌ ကောင်းချီး​ပေး​တော်မူ​သည့် ငါ​တို့​သခင်​ယေရှု​ခရစ်တော်​၏​ခမည်းတော်​ဖြစ်​တော်မူ​သော ဘုရားသခင်​သည် မင်္ဂလာရှိ​ပါစေသော။

တ​ရား​ဟော 15:6

သင်​၏​ဘုရားသခင်​ထာဝရဘုရား​သည် သင့်​အား ကတိထား​တော်မူ​သည့်​အတိုင်း သင့်​ကို ကောင်းချီးပေး​တော်မူ​မည်​ဖြစ်၍ သင်​သည် လူမျိုး​များစွာ​တို့​အား ချေးငှား​ရ​လိမ့်မည်​။ ချေးယူ​ရ​မည်​မ​ဟုတ်​။ သင်​သည် လူမျိုး​များစွာ​တို့​ကို အုပ်စိုး​ရ​လိမ့်မည်​။ သူ​တို့​သည် သင့်​ကို အုပ်စိုး​ရ​မည်​မ​ဟုတ်​။