၁ ရာ 4:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ထိုသို့ ဘုရားသခင်​၏​သေတ္တာ​တော်​အကြောင်း​ကို ကြားလိုက်​ရ​သောအခါ ဧလိ​သည် မြို့​တံခါး​နား သူ​ထိုင်​နေ​သော​ထိုင်ခုံ​ပေါ်​မှ အနောက်​သို့​လန်ကျ​ရာ အသက်​လည်း​ကြီး လူ​လည်း​ဝ​သဖြင့် ဇက်​ကျိုး​ကာ သေ​လေ​၏​။ သူ​သည် အစ္စရေး​လူမျိုး​တို့​ကို အနှစ်​လေးဆယ် စီရင်အုပ်ချုပ်​ခဲ့​၏​။

Common Language Bible

¹⁸ ဧ​လိ​သည်​ပ​ဋိ​ညာဉ်​သေတ္တာ​တော်​အ​ကြောင်း​ကို ကြား​သော​အ​ခါ တံ​ခါး​အ​နီး​ရှိ​ထိုင်​ခုံ​ပေါ်​မှ နောက်​ပြန်​လဲ​ကျ​သွား​တော့​၏။ သူ​သည်​လွန်​စွာ အို​မင်း​၍​ဝ​လွန်း​သော​ကြောင့် ယင်း​သို့​လဲ​ကျ​ရာ ၌​လည်​ကုတ်​ကျိုး​၍​သေ​လေ​၏။ သူ​သည်​အ​နှစ် လေး​ဆယ်​တိုင်​တိုင်​ဣ​သ​ရေ​လ​အ​မျိုး​သား တို့​အား ဦး​စီး​ခေါင်း​ဆောင်​လုပ်​ခဲ့​သူ​ဖြစ် သ​တည်း။

Garrad Bible

¹⁸ ဘု ရား သ ခင့် သေ တ္တာ တော် အ ကြောင်း ကြား သိ လျှင် ဧ လိ သည် တံ ခါး အ နီး ဖ တိုင် ပေါ် က နောက် ပြန် လဲ သ ဖြင့် လေး လံ သော သူ အို ဖြစ် သည့် အ တိုင်း လည် ဆစ် ကျိုး၍ သေ လေ၏။ ထို သူ သည် ဣ သ ရေ လ လူ မျိုး ကို နှစ် ပေါင်း လေး ဆယ် အုပ် စိုး စီ ရင် သည် ဖြစ် ၏။

Judson Bible

¹⁸ ဘု​ရား​သ​ခင်၏ သေ​တ္တာ​တော် သ​တင်း​ကို​ကြား​သော​အ​ခါ၊ ဧ​လိ​သည် တံ​ခါး​နား​မှာ​ထိုင်​သော ခုံ​ပေါ်​က နောက်​သို့​လန်​ကျ​သ​ဖြင့်၊ လည်​ပင်း​ကျိုး၍ သေ​လေ၏။ အ​သက်​ကြီး၍ ကိုယ်​လေး​သော​သူ ဖြစ်၏။ ထို​သူ​သည် ဣ​သ​ရေ​လ​အ​မျိုး​ကို အ​နှစ်​လေး​ဆယ် အုပ်​စိုး​သ​တည်း။

၁ ရာ 4:18 Referencias Cruzadas

ဆာ​လံ 26:8

အို ထာဝရဘုရား​၊ ကိုယ်တော်​ကိန်းဝပ်​ရာ​အိမ်​တော်​နှင့် ကိုယ်တော်​၏​ဘုန်းအသရေ​တည်ရှိ​ရာ​အရပ်​တို့​ကို အကျွန်ုပ်​မြတ်နိုး​ပါ​၏​။

ဆာ​လံ 42:10

ငါ​၏​ရန်သူ​တို့​က “​သင်​၏​ဘုရားသခင်​သည် အဘယ်မှာ​ရှိ​သနည်း​”​ဟု ငါ့​ကို​တစ်နေ့လုံး ပြောဆို​လျက် ငါ​၏​အရိုး​ကွဲ​လုမတတ် ငါ့​ကို​ကဲ့ရဲ့ပြစ်တင်​ကြ​၏​။

ဆာ​လံ 42:3

လူ​တို့​က “​သင်​၏​ဘုရားသခင်​သည် အဘယ်မှာ​ရှိ​သနည်း​”​ဟု ငါ့​ကို တစ်နေ့လုံး​ပြောဆို​ကြ​သောအခါ ငါ​၏​မျက်ရည်​သည် နေ့​ည​မပြတ် ငါ့​အတွက်​စားစရာ​ဖြစ်​ရ​၏​။

ဆာ​လံ 69:9

အကြောင်းမူကား ကိုယ်တော်​၏​အိမ်​တော်​အတွက် ထက်သန်​သော​စိတ်​သည် အကျွန်ုပ်​ကို​လွှမ်းမိုး​လျက်​ရှိ​ပါ​၏​။ ကိုယ်တော်​ကို​ကဲ့ရဲ့ပြစ်တင်​သော​သူ​တို့​၏ ကဲ့ရဲ့ပြစ်တင်​သော​စကား​သည် အကျွန်ုပ်​အပေါ်​သို့​ကျရောက်​ပါ​၏​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

သူ​ကြီး 15:20

ဖိလိတ္တိ​လူမျိုး​တို့​လက်ထက်​၌ ရှံဆုန်​သည် အစ္စရေး​လူမျိုး​တို့​ကို အနှစ်​နှစ်ဆယ် စီရင်အုပ်ချုပ်​လေ​၏​။

၁ ရာ 4:13

ထို​သူ​ရောက်လာ​သော​အချိန်​တွင် ဧလိ​သည် ဘုရားသခင်​၏​သေတ္တာ​တော်​အတွက် စိတ်ပူပန်​သဖြင့် လမ်း​ဘေး​ထိုင်ခုံ​ပေါ်၌ ထိုင်​လျက်​စောင့်​နေ​၏​။ ထို​သူ​သည် မြို့​ထဲသို့​ရောက်လာ​ပြီး စစ်သတင်း​ကို ပြောကြား​သောအခါ တစ်မြို့လုံး​အော်ဟစ်​ငိုကြွေး​ကြ​၏​။

၁ ရာ 4:17

စစ်သတင်းကြားပြော​သူ​က​လည်း “​အစ္စရေး​လူမျိုး​တို့​သည် ဖိလိတ္တိ​လူမျိုး​တို့​ထံ​မှ ထွက်ပြေး​ရ​ပါ​၏​။ လူ​အမြောက်အမြား ကျဆုံး​ပါ​၏​။ သခင်​၏​သား​နှစ်​ဦး​ဖြစ်​သော ဟောဖနိ​နှင့်​ဖိနဟတ်​တို့​လည်း ကျဆုံး​ပါ​ပြီ​။ ဘုရားသခင်​၏​သေတ္တာ​တော်​လည်း ရန်သူ့​လက်​သို့ ပါသွား​ပါ​ပြီ​”​ဟု ကြားပြော​လေ​၏​။

၁ ရာ 4:19

သူ​၏​ချွေးမ​ဖြစ်​သူ ဖိနဟတ်​၏​မယား​သည်​လည်း သားဖွား​ခါနီး​ကိုယ်ဝန်​အရင့်အမာ​နှင့် ဖြစ်​နေ​၍ ဘုရားသခင်​၏​သေတ္တာ​တော် ရန်သူ့​လက်​သို့​ပါသွား​ကြောင်း​၊ ယောက္ခမ​နှင့်​ခင်ပွန်း​သေဆုံး​ကြောင်း သတင်း​များ​ကြား​ရ​သောအခါ ချက်ချင်းပင် သားဖွား​ခြင်း​ဝေဒနာ​အလူးအလိမ့်​ခံစား​လာ​ရ​၍ သားဖွား​လေ​၏​။