၁ ရာ 26:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ တစ်ဖန် ဒါဝိဒ်​က “ထာဝရဘုရား အသက်ရှင်​တော်မူ​သည်​နှင့်အညီ ထာဝရဘုရား​သည် သူ့​ကို အမှန်ပင် ဒဏ်ခတ်​တော်မူ​လိမ့်မည်​။ သို့မဟုတ် သူ​သေ​ရ​မည့်​နေ့ ရောက်​လျှင်​လည်း ရောက်လာ​လိမ့်မည်​။ စစ်သွားတိုက်​၍ သူ​ကျဆုံး​လျှင်​လည်း ကျဆုံး​လိမ့်မည်​။

Common Language Bible

¹⁰ ထာ​ဝ​ရ​ဘု​ရား​ကိုယ်​တော်​တိုင်​ပင်​လျှင်​ရှော​လု အား ဋ္ဌမ္မ​တာ​အ​လျောက်​သေ​ချိန်​ရောက်​သည့်​အ​ခါ ၌​ဖြစ်​စေ၊ စစ်​ပွဲ​တွင်​ကျ​ဆုံး​သော​အ​ခါ​၌​ဖြစ် စေ​ဒဏ်​စီ​ရင်​တော်​မူ​မည်​ဖြစ်​ကြောင်း အ​သက် ရှင်​တော်​မူ​သော​ထာ​ဝ​ရ​ဘု​ရား​အား​ဖြင့် ငါ​သိ​၏။-

Garrad Bible

¹⁰ ထာ ဝ ရ ဘု ရား အ သက် ရှင် တော် မူ သည့် အ တိုင်း စု တေ့ ချိန် ရောက်၍ ဖြစ် စေ၊ စစ် ပွဲ၌ ကျ၍ ဖြစ် စေ၊ ထာ ဝ ရ ဘု ရား ဒဏ် စီ ရင် တော် မူ လိမ့် မည်။

Judson Bible

¹⁰ တစ်​ဖန် ဒါ​ဝိဒ်​က၊ ထာ​ဝ​ရ​ဘု​ရား အ​သက်​ရှင်​တော်​မူ​သည်​အ​တိုင်း၊ ဒဏ်​ခတ်​တော်​မူ​မည်။ သို့​မ​ဟုတ် သူ​သေ​ချိန်​ရောက်​လိမ့်​မည်။ သို့​မ​ဟုတ် စစ်​တိုက်​ရာ၌ အ​သက်​ဆုံး​လိမ့်​မည်။

၁ ရာ 26:10 Referencias Cruzadas

ကမ္ဘာ​ဦး 47:29

အစ္စရေး​သည် သေ​ရ​မည့်​နေ့ရက်​နီး​သောအခါ မိမိ​သား​ယောသပ်​အား​ခေါ်​၍ “​ယခု ငါ​သည် သင့်​ရှေ့​၌​မျက်နှာရ​လျှင် သင်​၏​လက်​ကို ငါ့​ပေါင်​အောက်​၌​ထား​ပြီး ငါ့​အား​မေတ္တာကရုဏာ​ပြ​၍ သစ္စာ​ပြု​ပါ​။ အီဂျစ်​ပြည်​၌ ငါ့​ကို​မ​သင်္ဂြိုဟ်​ပါ​နှင့်​။

ယောဘဝတ္တု။ 14:14

လူ​သည် သေ​ပြီးလျှင် ပြန်ရှင်​နိုင်​ပါ​ဦး​မည်လော​။ ပင်ပန်း​ခြင်း​ဝန်​ကို​ထမ်း​နေ​ရ​သော​ကာလ​ပတ်လုံး သက်သာ​ရာ​ရ​မည့်​အချိန်​ကို အကျွန်ုပ်​စောင့်ဆိုင်း​လျက်​နေ​ပါ​မည်​။

ယောဘဝတ္တု။ 14:5

လူ့​သက်တမ်း​သည် သတ်မှတ်​ထား​ပြီးသား​ဖြစ်​၏​။ သူ​အသက်ရှင်​ရ​မည့်​လ​များ​သည် ကိုယ်တော့်​ထံ၌ ရှိ​၏​။ သူ​မ​ကျော်လွန်​နိုင်​သော​အသက်​အပိုင်းအခြား​ကို ကိုယ်တော်​သတ်မှတ်​ထား​ပြီး​ဖြစ်​၏​။

ယောဘဝတ္တု။ 7:1

လူ​သည် မြေကြီး​ပေါ်တွင် ခက်ခဲပင်ပန်း​စွာ လုပ်ကိုင်​ကြ​ရ​ပါ​သည်​တကား​။ လူ​အသက်ရှင်​သော​နေ့ရက်​တို့​သည် သူရင်းငှား​၏​နေ့ရက်​ကဲ့သို့ ဖြစ်​ပါ​သည်​တကား​။

ဆာ​လံ 37:10

ခဏမျှကြာ​လျှင် ဆိုးယုတ်​သော​သူ​သည် ရှိ​တော့​မည်​မ​ဟုတ်​။ သင်​သည် သူ​၏​နေရာ​ကို​စေ့စေ့ရှာ​လျှင်လည်း သူ​သည်​ရှိ​တော့​မည်​မ​ဟုတ်​။

ဆာ​လံ 37:13

သို့သော် သူ​၏​နေ့ရက်​ရောက်လာ​တော့​မည်​ကို ဘုရားရှင်​သည် သိမြင်​တော်မူ​၍ သူ့​ကို​ရယ်မော​တော်မူ​၏​။

ဆာ​လံ 94:23

ကိုယ်တော်​သည် သူ​တို့​၏​အပြစ်ဒုစရိုက်​အတွက် သူ​တို့​ကို​လက်တုံ့ပြန်​၍ သူ​တို့​၏​မကောင်းမှု​အတွက် သူ​တို့​ကို​ဖယ်ရှားသုတ်သင်​တော်မူ​လိမ့်မည်​။ ငါ​တို့​၏​ဘုရားသခင် ထာဝရဘုရား​သည် သူ​တို့​ကို ဖယ်ရှားသုတ်သင်​တော်မူ​လိမ့်မည်​။

ဒေသနာကျမ်း။ 3:2

မွေးဖွား​ရ​သော​အချိန်​နှင့် သေဆုံး​ရ​သော​အချိန်​ရှိ​၏​။ စိုက်ပျိုး​ရ​သော​အချိန်​နှင့် စိုက်ပျိုး​ထား​သော​အရာ​ကို မြေလှန်​ဖျက်ဆီး​ရ​သော​အချိန်​ရှိ​၏​။

လုကာ 18:7

ဘုရားသခင်​သည်​လည်း မိမိ​ထံ နေ့​ည​မပြတ်​အော်ဟစ်​တောင်းလျှောက်​နေ​သည့် မိမိ​ရွေးကောက်​တော်မူ​သော​သူ​တို့​အတွက် တရားသဖြင့်​မ​စီရင်​ဘဲ ကြာရှည်​စွာ​ဆိုင်း​ထား​တော်မူ​လိမ့်မည်​လော။

ရော​မ 12:19

ချစ်​ရ​သော​သူ​တို့၊ ကိုယ်တိုင်​လက်တုံ့​မ​ပြန်​ဘဲ အမျက်​တော်​လက်​သို့ အပ်နှံ​ထား​ကြ​လော့။ အကြောင်းမူကား “ထာဝရ​ဘုရား​မိန့်​တော်မူ​သည်​မှာ လက်တုံ့ပြန်​ခြင်း​သည် ငါ​နှင့်ဆိုင်​၏။ ငါ​ကိုယ်တိုင်​တုံ့ပြန်​မည်”​ဟု ကျမ်းစာ​၌​ရေး​ထား​၏။

တ​ရား​ဟော 31:14

ထို့နောက် ထာဝရဘုရား​က မောရှေ​အား “​ကြည့်ရှု​လော့​။ သင်​သေ​ရ​မည့်​အချိန်​နီး​ပြီ​။ ယောရှု​အား ငါ​တာဝန်ပေးအပ်​မည်​ဖြစ်၍ သူ့​ကို​ခေါ်​ပြီး တွေ့ဆုံစည်းဝေးရာ​တဲ​တော်​၌ ရပ်​နေ​ကြ​လော့​”​ဟု မိန့်​တော်မူ​၏​။ ထို့ကြောင့် မောရှေ​နှင့်​ယောရှု​တို့​သွား​၍ တွေ့ဆုံစည်းဝေးရာ​တဲ​တော်​၌​ရပ်​နေ​ကြ​၏​။

တ​ရား​ဟော 32:35

လက်စားချေ​ခြင်း​၊ လက်တုံ့ပြန်​ခြင်း​သည် ငါ​နှင့်​ဆိုင်​၏​။ သူ​တို့​သည် အချိန်တန်​လျှင် ခြေ​ချော်​လိမ့်မည်​။ သူ​တို့​၏​ဘေးဒုက္ခ​နေ့ရက်​သည်​နီး​ပြီ​။ သူ​တို့​ကြုံ​ရ​မည့်​အမှု​သည် အလျင်အမြန်​ရောက်လာ​လိမ့်မည်​။

ဟေ​ဗြဲ 10:30

အကြောင်းမူကား “လက်တုံ့ပြန်​ခြင်း​သည် ငါ​နှင့်ဆိုင်​၏။ ငါ​ကိုယ်တိုင်​တုံ့ပြန်​မည်”​ဟူ၍​လည်းကောင်း၊ “ထာဝရ​ဘုရား​သည် မိမိ​လူမျိုး​တို့​ကို တရား​စီရင်​တော်မူ​မည်”​ဟူ၍​လည်းကောင်း မိန့်​တော်မူ​သော​အရှင်​ကို ငါ​တို့​သိ​ကြ​၏။

ဟေ​ဗြဲ 9:27

လူ​တို့​သည် တစ်ကြိမ်တည်း​သေ​၍ သေ​ပြီး​သည့်​နောက် တရား​စီရင်​ခြင်း​ကို​ခံရ​သကဲ့သို့

ဗျာ​ဒိတ် 18:8

ထို့ကြောင့် သူ​ခံရ​မည့်​ဘေးဒဏ်​များ​ဖြစ်​သော သေ​ခြင်း၊ ဝမ်းနည်း​ကြေကွဲ​ခြင်း​နှင့် ငတ်မွတ်​ခေါင်းပါး​ခြင်း​တို့​သည် တစ်​ရက်​အတွင်း သူ့​အပေါ်​ကျရောက်​ပြီး သူ​သည် မီး​ဖြင့်​လောင်ကျွမ်း​ခြင်း​ခံရ​လိမ့်မည်။ အကြောင်းမူကား သူ့​ကို​စီရင်​တော်မူ​သော ထာဝရ​အရှင်​ဘုရားသခင်​သည် ခွန်အား​နှင့်​ပြည့်စုံ​တော်မူ​၏။

၁ ရာ 24:12

ထာဝရဘုရား​သည် အရှင်မင်းကြီး​နှင့် အကျွန်ုပ်​ကြား​တွင် စီရင်​တော်မူ​ပါစေသော​။ ထာဝရဘုရား​သည် အကျွန်ုပ်​အဖို့ အရှင်မင်းကြီး​ကို လက်တုံ့ပြန်​ပေး​တော်မူ​ပါစေသော​။ အကျွန်ုပ်​မူကား အရှင်မင်းကြီး​ကို ဆန့်ကျင်​တိုက်ခိုက်​မည်​မ​ဟုတ်​ပါ​။

၁ ရာ 24:15

ယခုမှာ ထာဝရဘုရား​သည် အရှင်မင်းကြီး​နှင့် အကျွန်ုပ်​ကြား​တွင် တရားသူကြီး​အဖြစ် တရားစီရင်​တော်မူ​ပါစေသော​။ ကိုယ်တော်​သည် ကြည့်ရှု​၍ အကျွန်ုပ်​၏​အမှု​ကို ဖြေရှင်းပေး​တော်မူ​ပါစေသော​။ အရှင်မင်းကြီး​လက်​မှ​လည်း အကျွန်ုပ်​ကို ကယ်လွှတ်​တော်မူ​ပါစေသော​”​ဟု ဆို​လေ​၏​။

၁ ရာ 25:26

ယခုမှာ အကျွန်ုပ်​၏​သခင်​၊ ထာဝရဘုရား​အသက်ရှင်​တော်မူ​သည်​နှင့်အညီ​၊ သခင်​လည်း အသက်ရှင်​သည်​နှင့်အညီ ထာဝရဘုရား​သည် သခင့်​လက်​ကို လူသတ်​ခြင်း​ဘေး​၊ သခင်​ကိုယ်တိုင် လက်စားချေ​ခြင်း​ဘေး​မှ ဆီးတား​တော်မူ​ပြီ​။ သခင့်​ရန်သူ​၊ သခင့်​ကို အန္တရာယ်​ပြု​ရန် ကြံစည်​သော​သူ​တို့​သည် နာဗလ​ကဲ့သို့ ဖြစ်​ကြ​ပါစေသော​။

၁ ရာ 25:38

နောက် ဆယ်​ရက်​ခန့်​ကြာ​သော် ထာဝရဘုရား​ဒဏ်ခတ်​တော်မူ​သဖြင့် နာဗလ သေ​လေ​၏​။

၁ ရာ 25:39

နာဗလ သေ​ကြောင်း ဒါဝိဒ်​ကြား​သောအခါ “​နာဗလ​ကြောင့် ခံရ​သော​စော်ကား​ခြင်း​အမှု​မှ ကာကွယ်​ပေး​၍ ကိုယ်တော်​၏​အစေအပါး​ကို အပြစ်​မ​ပြု​မိ​စေရန် ဆီးတား​ပေး​တော်မူ​သော ထာဝရဘုရား​ကို ချီးမွမ်း​ပါ​၏​။ ထာဝရဘုရား​သည် နာဗလ​ပြု​ခဲ့​သော​မကောင်းမှု​ကို သူ့​ခေါင်း​ပေါ်သို့ ပြန်ရောက်​စေ​ပြီ​”​ဟု ဆို​၏​။ ထို့နောက် ဒါဝိဒ်​သည် အဘိဂဲလ​ကို မယား​အဖြစ်​ယူ​ရန် လူ​လွှတ်​၍ တောင်းဆို​စေ​၏​။

၁ ရာ 31:4

ထိုအခါ ရှောလု​မင်းကြီး​က သူ​၏​လက်နက်ကိုင်​လုလင်​အား “​သင့်​ဓား​ကို ထုတ်​ပြီး ငါ့​ကို ထိုးသတ်​လိုက်​ပါ​။ သို့မဟုတ်လျှင် အရေဖျားလှီး​ခြင်း​ကို​မ​ခံ​သော​ထို​သူ​တို့​သည် လာ​၍ ငါ့​ကို ထိုးသတ်​ပြီး ညှဉ်းဆဲ​ကြ​လိမ့်မည်​”​ဟု ဆို​၏​။ သို့သော် လက်နက်ကိုင်​လုလင်​က အလွန်​ကြောက်ရွံ့​၍ မ​ထိုးရဲ​ဘဲ​နေ​၏​။ ထို့ကြောင့် ရှောလု​မင်းကြီး​သည် ဓား​ကို​ယူ​ပြီးလျှင် ထို​ဓား​ပေါ်တွင် လှဲချ​လိုက်​လေ​၏​။

၁ ရာ 31:6

ဤသို့ဖြင့် ရှောလု​မင်းကြီး​နှင့် သူ့​သား​သုံး​ယောက်​၊ လက်နက်ကိုင်​လုလင်​နှင့် သူ့​နောက်လိုက်​အပေါင်း​တို့​သည် ထို​နေ့​တစ်နေ့ချင်း​တွင် အတူ​သေ​ကြ​ရ​လေ​၏​။