၁ ရာ 25:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ရှမွေလ ကွယ်လွန်​သောအခါ အစ္စရေး​လူမျိုး​အားလုံး စုရုံး​၍ သူ့​အတွက် ငိုကြွေးမြည်တမ်း​ကြ​၏​။ ထို့နောက် ရာမ​မြို့​ရှိ သူ့​အိမ်​တွင် သင်္ဂြိုဟ်​ကြ​၏​။ ဒါဝိဒ်​သည်​လည်း ထ​၍ ပါရန်​တောကန္တာရ​သို့ ဆင်းသွား​၏​။

Common Language Bible

¹ ရှ​မွေ​လ​ကွယ်​လွန်​သွား​သ​ဖြင့် ဣ​သ​ရေ​လ အ​မျိုး​သား​အ​ပေါင်း​တို့​သည်​လာ​ရောက်​စု ဝေး​လျက်​ငို​ကြွေး​မြည်​တမ်း​ကြ​၏။ ထို​နောက် သူ့​အား​ရာ​မ​မြို့​နေ​အိမ်​တွင်​သင်္ဂြိုဟ်​လိုက် ကြ​၏။ ယင်း​သို့​သင်္ဂြိုဟ်​ပြီး​သော​အ​ခါ​ဒါ​ဝိဒ်​သည် ပါ​ရန်​တော​ကန္တာ​ရ​သို့​ထွက်​ခွာ​သွား​လေ သည်။-

Garrad Bible

¹ ရှ မွေ လ ကွယ် လွန် သော အ ခါ ဣ သ ရေ လ တစ် မျိုး လုံး စု ရုံး၍ ငို ကြွေး မြည် တမ်း မှု ကို ပြု ပြီး လျှင် ရာ မ မြို့၊ သူ့ ကျောင်း တွင်း ၌ ပင် သင်္ဂြိုဟ် ကြ ကုန်၏။ ဒါ ဝိဒ် လည်း ပါ ရန် တော သို့ ဆင်း သွား လေ၏။

Judson Bible

¹ ထို​နောက် ရှ​မွေ​လ​သေ​သော​အ​ခါ၊ ဣ​သ​ရေ​လ အ​မျိုး​သား​အ​ပေါင်း​တို့​သည် စည်း​ဝေး၍ ငို​ကြွေး​မြည်​တမ်း​ခြင်း​ကို ပြု​သ​ဖြင့်၊ ရာ​မ​မြို့​တွင် သူ၏​အိမ်၌ သင်္ဂြိုဟ်​ကြ၏။ ဒါ​ဝိဒ်​သည် ထ၍ ပါ​ရန်​တော​သို့ သွား​လေ၏။

၁ ရာ 25:1 Referencias Cruzadas

ကမ္ဘာ​ဦး 14:6

စိရ​တောင်​ပေါ်၌ ဟောရိ​လူမျိုး​တို့​ကို​လည်းကောင်း တိုက်ခိုက်​ရာ တောကန္တာရ​အနီး​ရှိ ဧလပါရန်​အရပ်​တိုင်အောင်​ရောက်​လေ​၏​။

ကမ္ဘာ​ဦး 21:21

ဤသို့ဖြင့် သူ​သည် ပါရန်​တောကန္တာရ​၌​နေထိုင်​လေ​၏​။ သူ​၏​မိခင်​သည် အီဂျစ်​ပြည်​မှ မိန်းမ​တစ်​ယောက်​နှင့် သူ့​ကို​စုံဖက်​ပေး​၏​။

ကမ္ဘာ​ဦး 23:2

စာရာ​သည် ခါနာန်​ပြည်​ရှိ ဟေဗြုန် ခေါ် ကိရယအာဘ​မြို့​၌ သေဆုံး​၏​။ အာဗြဟံ​သည် စာရာ​အတွက် ငိုကြွေး​မြည်တမ်း​ရန် လာ​လေ​၏​။

ကမ္ဘာ​ဦး 50:11

ထိုသို့ အာတဒ်​ကောက်နယ်တလင်း​၌ ငိုကြွေးမြည်တမ်း​နေ​ကြ​သည်​ကို ထို​ပြည်​၌​နေထိုင်​သော​ခါနာန်​လူမျိုး​တို့​မြင်​ကြ​သောအခါ သူ​တို့​က “​အီဂျစ်​လူမျိုး​တို့ အော်ဟစ်​ငိုကြွေးမြည်တမ်း​ကြ​ပါ​သည်​တကား​”​ဟု ဆို​ကြ​၏​။ ထို့ကြောင့် ဂျော်ဒန်​မြစ်​တစ်ဖက်​၌​ရှိ​သော​ထို​အရပ်​ကို အဗေလမိဇရိမ် ဟု​အမည်​မှည့်ခေါ်​ကြ​၏​။

၃ ရာ 2:34

ဤသို့ဖြင့် ယောယဒ​၏​သား​ဗေနာယ​သည် သွား​၍ ယွာဘ​ကို​ကွပ်မျက်​သဖြင့် သူ​သေ​လေ​၏​။ ယွာဘ​အား တောကန္တာရ​ရှိ သူ​၏​အိမ်​နားတွင် သင်္ဂြိုဟ်​လေ​၏​။

၄ ရာ 21:18

မနာရှေ​မင်းကြီး​သည် ဘိုးဘေး​တို့​နှင့်အတူ အိပ်ပျော်​၍ ဩဇ​ဥယျာဉ်​ဟု​ခေါ်​သော နန်းတော်​ဥယျာဉ်​တွင် သူ့​ကို သင်္ဂြိုဟ်​ကြ​၏​။ သူ​၏​သား​တော်​အာမုန်​သည် သူ့​အရိုက်အရာ​ကို ဆက်ခံ​၏​။

၂ ရာ​ချုပ် 33:20

မနာရှေ​မင်းကြီး​သည် ဘိုးဘေး​တို့​နှင့်အတူ​အိပ်ပျော်​၍ သူ့​ကို သူ့​နန်းတော်​တွင် သင်္ဂြိုဟ်​ကြ​၏​။ သူ​၏​သား​တော်​အာမုန်​သည် သူ့​အရိုက်အရာ​ကို ဆက်ခံ​၏​။

ဆာ​လံ 120:5

ငါ​သည် မေရှက်​ပြည်​၌​တည်းခို​ပြီး ကေဒါ​အမျိုးသား​တို့​၏​တဲ​များ​တွင်​နေ​ရ​သောကြောင့် အမင်္ဂလာ​ရှိ​၏​။

ဟေ​ရှာ​ယ 14:18

တိုင်းနိုင်ငံ​တို့​၏​ရှင်ဘုရင်​အပေါင်း​တို့​သည် မိမိ​တို့​၏​ဂူဗိမာန်​အသီးသီး​၌ ဘုန်းအသရေ​ရှိရှိ​လဲလျောင်း​ကြ​ရ​၏​။

ဇာ​ခ​ရိ 1:5

သင်​တို့​၏​ဘိုးဘေး​တို့​ကား အဘယ်မှာ​နည်း​။ ပရောဖက်​တို့​လည်း အစဉ်အမြဲ​အသက်ရှင်​နိုင်​သလော​။

တော​လည် 10:12

အစ္စရေး​အမျိုးသား​တို့​သည် သိနာ​တောကန္တာရ​မှ ခရီး​ထွက်ခွာ​လာ​ကြ​၏​။ မိုးတိမ်​သည် ပါရန်​တောကန္တာရ​၌ ရပ်တန့်​လေ​၏​။

တော​လည် 12:16

ထို့နောက်မှ လူ​တို့​သည် ဟာဇရုတ်​အရပ်​မှ ခရီးပြု​၍ ပါရန်​တောကန္တာရ​တွင် စခန်းချ​ကြ​၏​။

တော​လည် 13:26

သူ​တို့​ပြန်လာ​ကြ​၍ ကာဒေရှ​အရပ်​၊ ပါရန်​တောကန္တာရ​ရှိ မောရှေ​၊ အာရုန်​နှင့် အစ္စရေး​အမျိုးသား​လူထု​အပေါင်း​တို့​ထံသို့ ရောက်​ကြ​သောအခါ မောရှေ​၊ အာရုန်​နှင့် လူထု​အပေါင်း​တို့​ထံ အစီရင်ခံ​၍ ထို​ပြည်​မှ​ယူလာ​သော​အသီး​ကို​ပြ​ကြ​၏​။

တော​လည် 13:3

ထာဝရဘုရား​မိန့်​တော်မူ​သည့်​အတိုင်း မောရှေ​သည် အစ္စရေး​အမျိုးသား​တို့​၏​အကြီးအမှူး​များ​ကို ပါရန်​တောကန္တာရ​မှ စေလွှတ်​၏​။

တော​လည် 20:29

လူထု​အပေါင်း​တို့​သည် အာရုန်​သေ​ကြောင်း​ကို သိမြင်​သော် အစ္စရေး​အမျိုးအနွယ်​အပေါင်း​တို့​သည် အာရုန်​အတွက် ရက်​ပေါင်း​သုံးဆယ်​ငိုကြွေး​ကြ​၏​။

တမန်တော်ဝတ္ထု 8:2

ဘုရား​တရား​ကြည်ညို​သော​သူ​တို့​သည် သတေဖန်​ကို​သင်္ဂြိုဟ်​၍ သူ့​အတွက် ရင်ဘတ်စည်တီး​လျက် ပြင်းစွာ​ငိုကြွေး​ကြ​၏။

တ​ရား​ဟော 34:8

အစ္စရေး​အမျိုးသား​တို့​သည် မောဘ​လွင်ပြင်​၌ မောရှေ​အတွက် ရက်​ပေါင်း​သုံးဆယ်​ငိုကြွေး​ကြ​၏​။ ဤသို့ဖြင့် မောရှေ​အတွက် ငိုကြွေး​မြည်တမ်း​သော​နေ့ရက်​များ​ပြီးဆုံး​လေ​၏​။

၁ ရာ 1:19

သူ​တို့​သည် နံနက်​စောစောထ​၍ ထာဝရဘုရား​အား ရှိခိုးကိုးကွယ်​ပြီးလျှင် မိမိ​တို့​အိမ်​ရှိ​ရာ ရာမ​မြို့​သို့ ပြန်​လာ​ကြ​၏​။ ထို့နောက်တွင် ဧလကာန​သည် မိမိ​၏​မယား​ဟန္န​နှင့်​ဆက်ဆံ​၏​။ ထာဝရဘုရား​သည်​လည်း ဟန္န​ကို အောက်မေ့​တော်မူ​သဖြင့်

၁ ရာ 28:3

ရှမွေလ အနိစ္စ​ရောက်သွား​သဖြင့် အစ္စရေး​တစ်မျိုးသားလုံး ငိုကြွေးမြည်တမ်း​ကြ​ပြီး သူ့​ဇာတိမြို့​ဖြစ်​သော​ရာမ​မြို့​၌ပင် သင်္ဂြိုဟ်​ပြီး​ဖြစ်​၏​။ ရှောလု​မင်းကြီး​လည်း တစ်ပြည်လုံး​ရှိ နတ်ဝင်သည်​များ​၊ နတ်ထိန်းသည်​များ​ကို ဖယ်ရှား​ပြီး​ဖြစ်​၏​။

၁ ရာ 7:17

ထို့နောက် မိမိ​အိမ်​ရှိ​ရာ ရာမ​မြို့​သို့​ပြန်လာ​ပြီး ထို​မြို့​ရှိ အစ္စရေး​လူမျိုး​တို့​ကို စီရင်အုပ်ချုပ်​လေ​၏​။ ထို​မြို့​တွင် ထာဝရဘုရား​အဖို့ ယဇ်ပလ္လင်​ကို​လည်း တည်​ထား​လေ​၏​။