၁ ရာ 22:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သူ့​အတွက် ဘုရားသခင်​ထံ မေးမြန်း​ပေး​သည်​မှာ ဤ​နေ့​မှာ ပထမဆုံး​အကြိမ်​ဖြစ်​သလော​။ အရှင်မင်းကြီး စွပ်စွဲပြောဆို​သော​စကား​များ​သည် အကျွန်ုပ်​နှင့် အကျွန်ုပ်​ဖခင်​၏​အိမ်ထောင်မိသားစု​များ​နှင့် ဝေး​ပါစေသော​။ အရှင့်​အစေအပါး​သည် မည်သည့်​အမှု​ကြီး​ငယ်​ကို​မျှ မ​သိ​ပါ​”​ဟု လျှောက်ဆို​၏​။

Common Language Bible

¹⁵ သူ​၏​အ​တွက်​ထာ​ဝ​ရ​ဘု​ရား​ထံ​တော်​သို့ အ​ကျွန်ုပ်​လျှောက်​ထား​ပေး​သည်​မှာ​မှန်​ပါ​၏။ သို့​ရာ​တွင်​ယ​ခင်​က​လည်း​ဤ​သို့​လျှောက်​ထား ပေး​ခဲ့​ဖူး​ပါ​သည်။ အ​ရှင်​အား​လုပ်​ကြံ​ရန် လျှို့​ဝှက်​ကြံ​စည်​မှု​နှင့်​ပတ်​သက်​၍​မူ​ကား အ​ရှင်​မင်း​ကြီး​သည်​အ​ကျွန်ုပ်​ကို​သော်​လည်း ကောင်း၊ အ​ကျွန်ုပ်​၏​အိမ်​ထောင်​စု​သား​တစ်​ဦး တစ်​ယောက်​ကို​သော်​လည်း​စွပ်​စွဲ​တော်​မ​မူ ပါ​နှင့်။ ဤ​ကိစ္စ​ကို​အ​ကျွန်ုပ်​အလျှင်း​မ​သိ​ပါ'' ဟု​ပြန်​၍​လျှောက်​ထား​၏။

Garrad Bible

¹⁵ သူ့ အ တွက် ဘု ရား သ ခင် ထံ မေး လျှောက် သည် ကား ယ ခု ပင် အ စ ပြု၍ မေး လျှောက် သည် မ ဟုတ် ပါ။ ကျွန် တော် မှ စ၍ ဆွေ မျိုး သား ချင်း တို့ အ ပေါ် မှာ ဘု ရင် မင်း အ ပြစ် တင် တော် မ မူ ပါ လင့်။ ဤ အ မှု နှင့် စပ် လျဉ်း၍ တစ် စုံ တစ် ရာ မျှ ကျွန် တော် မ သိ ပါ ဟု ချေ ပ ရာ တွင်

Judson Bible

¹⁵ ထို​ကာ​လ၌ အ​ကျွန်ုပ်​သည် ဒါ​ဝိဒ်​အ​ဖို့ ဘု​ရား​သ​ခင့်​ထံ​တော်၌ မေး​မြန်း​စ​ပြု​သ​လော။ ထို​အ​မှု ဝေး​ပါ​စေ​သော။ ရှင်​ဘု​ရင်​သည် ကိုယ်​တော်​ကျွန်​နှင့် ကျွန်​တော်၏​အ​ဆွေ​အ​မျိုး တစ်​စုံ​တစ်​ယောက်၌​မျှ အ​ပြစ်​တင်​တော်​မ​မူ​ပါ​နှင့်၊ ကိုယ်​တော်​ကျွန်​သည် ဤ​အ​မှု​ကို အ​ကြီး​အ​ငယ်​အား​ဖြင့်​မျှ မ​သိ​ပါ​ဟု ရှင်​ဘု​ရင်​အား လျှောက်​လေ၏။

၁ ရာ 22:15 Referencias Cruzadas

၂ ရာ 15:11

အဗရှလုံ​နှင့်အတူ လူ​အယောက်​နှစ်ရာ​တို့​သည် ဂျေရုဆလင်​မြို့​မှ ထွက်လာ​ကြ​၏​။ သူ​တို့​သည် အခေါ်​ခံရ​၍​သာ သဘောရိုး​နှင့်​လိုက်လာ​ကြ​၏​။ မည်သည့်​အကြောင်း​တစ်စုံတစ်ရာ​ကို​မျှ မ​သိ​။

၂ ရာ 19:18

သူ​တို့​သည် ရှင်ဘုရင်​နှင့် နန်းတွင်းသူ​နန်းတွင်းသား​တို့​ကို တစ်ဖက်ကမ်း​သို့ ပို့ပေး​ရန်​နှင့် ရှင်ဘုရင်​အလိုရှိ​သည်​ကို လုပ်ဆောင်​ပေး​ရန် ကူးတို့ဆိပ်​မှ ကူးလာ​ကြ​၏​။ ဂျော်ဒန်​မြစ်​ကို ရှင်ဘုရင်​ဖြတ်ကူး​သောအခါ ဂေရ​၏​သား ရှိမိ​သည် ရှင်ဘုရင်​ရှေ့​၌ ပျပ်ဝပ်​လျက်

၂ ရာ 19:19

ရှင်ဘုရင်​အား “​အကျွန်ုပ်​၏​သခင်​၊ အကျွန်ုပ်​ကို အပြစ်​ယူ​တော်​မ​မူ​ပါ​နှင့်​။ အကျွန်ုပ်​၏​သခင် အရှင်မင်းကြီး ဂျေရုဆလင်​မြို့​မှ​ထွက်ခွာ​သွား​ရ​သော​နေ့​က ကျွန်တော်မျိုး​ပြု​မိ​သော​အမှား​များ​ကို အရှင်မင်းကြီး နှလုံး​သွင်း​ပြီး အောက်မေ့​တော်​မ​မူ​ပါ​နှင့်​။

၂ ရာ 5:19

ထိုအခါ ဒါဝိဒ်​မင်းကြီး​က “​ဖိလိတ္တိ​လူမျိုး​တို့​ကို အကျွန်ုပ်​ထွက်တိုက်​ရ​မည်လော​။ သူ​တို့​ကို အကျွန်ုပ်​လက်​သို့ အပ်​တော်မူ​မည်လော​”​ဟု ထာဝရဘုရား​ထံ မေးလျှောက်​လျှင် ထာဝရဘုရား​က ဒါဝိဒ်​မင်းကြီး​အား “ထွက်တိုက်​လော့​။ ဖိလိတ္တိ​လူမျိုး​တို့​ကို သင့်​လက်​သို့ ငါ​အမှန်​အပ်​မည်”​ဟု မိန့်​တော်မူ​၏​။

၂ ရာ 5:23

ဒါဝိဒ်​မင်းကြီး​က​လည်း ထာဝရဘုရား​ထံ​မေးလျှောက်​ပြန်​ရာ ထာဝရဘုရား​က “​မျက်နှာချင်းဆိုင် မ​တက်​နှင့်​။ အနောက်ဘက်​မှ​ပတ်တက်​ပြီး သူ​တို့​ကို ပိုးစာတော​ရှေ့​နားတွင် တိုက်ခိုက်​လော့​။

၂ ကော 1:12

ငါ​တို့​၏​ဝါကြွား​စရာ​အကြောင်းမှာ ဤသို့​ဖြစ်​၏။ ငါ​တို့​သည် လောက​၌၊ အထူးသဖြင့် သင်​တို့​ရှေ့မှောက်​၌ လောကီ​ဉာဏ်ပညာ​ကို​အမှီ​မ​ပြု​ဘဲ ဘုရားသခင်​၏​ကျေးဇူး​တော်​ကို​သာ အမှီပြု​လျက် ဘုရားသခင်​ထံမှ​လာ​သော ရိုးသား​ဖြူစင်​ခြင်း​တို့​ဖြင့် အသက်ရှင်​နေထိုင်​ခဲ့​ကြောင်း ငါ​တို့​၏​အသိစိတ်​သည် သက်သေခံ​၏။

၁ ရာ 22:16

ထိုအခါ ရှင်ဘုရင်​က “​အဟိမလက်​၊ သင်​နှင့်​သင့်​ဖခင်​၏​အိမ်ထောင်မိသားစု​အားလုံး မုချ​သေ​ရ​မည်​”​ဟု ဆို​ပြီး

၁ ရာ 25:36

အဘိဂဲလ​သည် နာဗလ​ထံ​ပြန်ရောက်​သောအခါ နာဗလ​သည် အိမ်​ထဲတွင် ရှင်ဘုရင်​စားသောက်ပွဲ​ကဲ့သို့ စားသောက်ပွဲ​ကျင်းပ​လျက် အလွန်အကြူး​မူးယစ်​ပျော်ပါး​နေ​သည်​ကို တွေ့​ရ​သဖြင့် နံနက်​မိုးလင်း​သည့်​တိုင် မည်သည့်​အမှု​ကြီး​ငယ်​ကို​မျှ သူ့​အား မ​ပြောပြ​ပေ​။