၁ ရာ 2:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ကြွယ်ဝ​သော​သူ​တို့​သည် စားသောက်​ရ​ဖို့ သူရင်းငှား လုပ်​ရ​လေ​ပြီ​။ ဆာလောင်မွတ်သိပ်​သော​သူ​တို့​မူကား ဝလင်​ကြ​ပြီ​။ မြုံ​သော​မိန်းမ​သည် ခုနစ်​ကြိမ်​တိုင်အောင် သားဖွား​ခွင့်​ရ​ပြီ​။ သား​များစွာ​ဖွား​ခဲ့​သော​မိန်းမ​မူကား အားယုတ်​လေ​ပြီ​။

Common Language Bible

⁵ အ​ခါ​တစ်​ပါး​က​ဝ​စွာ​စား​ရ​သူ​တို့​သည် ယ​ခု​အ​ခါ စား​ရ​ဖို့​အ​တွက်​သူ​ရင်း​ငှား​လုပ်​ရ​ကြ လေ​ပြီ။ သို့​ရာ​တွင်​အ​စာ​ငတ်​မွတ်​သူ​တို့​မူ​ကား​ဝ​စွာ စား​ရ​ကြ​ပြီ။ မြုံ​သော​မိန်း​မ​သည်​သား​သ​မီး​ခု​နစ်​ယောက် မျှ​ပင်​ရ​ရှိ​၍ သား​များ​သော​မိ​ခင်​၌​မူ​ကား​တစ်​ယောက်​မျှ မ​ကျန်​မ​ရှိ​တော့​ပါ။

Garrad Bible

⁵ ပြည့် ဝ သူ တို့ သည် သူ ရင်း ခ စား ရ၍၊ မွတ် သိပ် သူ တို့ ကား ချင် ရဲ ပြေ ကြ ပါ ပြီ။ မြုံ သော မိန်း မ သည် သား ခု နစ် ယောက် ဖွား မြင်၍ သား များ သော မိန်းမ ကား ယုတ် လျော့ ပါ ပြီ။

Judson Bible

⁵ ဝ​စွာ​စား​သော​သူ​တို့​သည် စား​စ​ရာ​ကို​ရ​ခြင်း​ငှာ၊ သူ​ငှား​လုပ်​ရ​ကြ​ပြီ။ ငတ်​မွတ်​သော သူ​တို့​မူ​ကား၊ တစ်​ဖန်​ဝ​ကြ​ပြီ။ မြုံ​သော​သူ​သည် ခု​နစ်​ကြိမ်​တိုင်​အောင် ဖွား​မြင်​ပြီ။ သား​များ​သော​သူ​မူ​ကား၊ တစ်​ဖန်​အား​လျော့​ပြီ။

၁ ရာ 2:5 Referencias Cruzadas

ဆာ​လံ 113:9

ကိုယ်တော်​သည် မြုံ​သော​မိန်းမ​အား မိသားစု​ကို​ပေး​၍ သားသမီး​ရှိ​သဖြင့် ဝမ်းမြောက်​သော​မိခင်​ဖြစ်စေ​တော်မူ​၏​။ ဟာလေလုယ​။

ဆာ​လံ 34:10

ခြင်္သေ့ပျို​တို့​သည် အစာ​ချို့တဲ့​၍ ဆာလောင်မွတ်သိပ်​တတ်​ကြ​၏​။ ထာဝရဘုရား​ကို​ရှာ​သော​သူ​တို့​မူကား ကောင်း​သော​အရာ​တစ်စုံတစ်ခု​မျှ ချို့တဲ့​လိမ့်မည်​မ​ဟုတ်​။

ဟေ​ရှာ​ယ 33:9

တိုင်းပြည်​သည် ငိုကြွေးမြည်တမ်း​၍ အားလျော့​လေ​ပြီ​။ လက်ဘနွန်​တောင်​သည် အရှက်ရ​၍ ညှိုးနွမ်း​လေ​ပြီ​။ ရှာရုန်​အရပ်​သည် အရာဗ​လွင်ပြင်​နှင့်​တူ​လေ​ပြီ​။ ဗာရှန်​တောင်​၊ ကရမေလ​တောင်​သည် မိမိ​တို့​အရွက်​များ​ကို​ခါချ​ပြီ​။

ဟေ​ရှာ​ယ 54:1

ထာဝရဘုရား​က “​သား​မ​ဖွား​ဖူး​သော​အမြုံမ​၊ ရွှင်လန်း​စွာ​သီချင်းဆို​လော့​။ ကလေး​မ​မွေး​ဖူး​သော​မိန်းမ​၊ သီချင်း​ဟစ်ကြော်​သီဆို​လော့​။ ကြွေးကြော်​လော့​။ အကြောင်းမူကား စွန့်ပစ်​ခံရ​သော​မိန်းမ​၏​သားသမီး​သည် ယောက်ျားရှိ​သော​မိန်းမ​၏​သားသမီး​ထက် သာ၍​များ​၏​”​ဟု မိန့်​တော်မူ​၏​။

ယေ​ရ​မိ 15:9

“​သား​ခုနစ်​ယောက်​မိခင်​သည် အားလျော့​၍ အသက်ငင်​လေ​ပြီ​။ နေ့​အချိန်​၌ပင် သူ့​ဘဝ​နေဝင်ချိန်​ရောက်​လေ​ပြီ​။ သူ​သည် အရှက်ကွဲ​သော​သူ​၊ မျက်နှာပျက်​သော​သူ ဖြစ်​ရ​လေ​ပြီ​။ သူ​တို့​ထဲမှ​ကြွင်းကျန်​သော​သူ​တို့​ကို​လည်း သူ​တို့​ရန်သူ​တို့​၏​ဓား​ဖြင့် ဆုံး​စေ​မည်​”​ဟု ထာဝရဘုရား​မိန့်​တော်မူ​၏​။

လုကာ 1:53

ဆာလောင်​သော​သူ​တို့​ကို ကောင်း​သော​အရာ​များ​ဖြင့်​ပြည့်ဝ​စေ​၍ ကြွယ်ဝ​သော​သူ​တို့​ကို လက်ချည်း​သက်သက်​ပြန်လွှတ်​တော်မူ​၏။

လုကာ 16:25

သို့သော် အာဗြဟံ​က ‘ငါ့​သား၊ သင်​သည်​အသက်ရှင်​စဉ်အခါ မိမိ​အတွက် ကောင်း​သော​အရာ​များ​ကို​ရရှိ​ခဲ့​၍ လာဇရု​သည် မကောင်း​သော​အရာ​များ​ကို​ရရှိ​ခဲ့​ကြောင်း သတိရ​လော့။ ယခု​မူကား သူ​သည်​ဤ​နေရာ​တွင် နှစ်သိမ့်​ခြင်း​ကို​ခံစားရ​၍ သင်​သည် ဝေဒနာ​ပြင်းစွာ​ခံစား​နေ​ရ​၏။

ဂ​လာ​တိ 4:27

အကြောင်းမူကား “သား​မ​ဖွား​ဖူး​သော​အမြုံမ၊ ပျော်ရွှင်​လော့။ သားဖွား​ခြင်း​ဝေဒနာ​ကို​မ​ခံစား​ဖူး​သော​မိန်းမ၊ အသံကုန်​လွှင့်​၍ ဟစ်ကြော်​လော့။ အဘယ်ကြောင့်​ဆိုသော် စွန့်ပစ်​ခံရ​သော​မိန်းမ​၏​သားသမီး​တို့​သည် ယောက်ျား​ရှိ​သော​မိန်းမ​၏​သားသမီး​တို့​ထက် များ​ကြ​၏”​ဟု ရေး​ထား​၏။

ရု​သ 4:15

သင့်​ကို ချစ်​၍ သင့်​အဖို့ သား​ခုနစ်​ယောက်​ထက်​သာ၍​ကောင်း​သော သင့်​ချွေးမ​သည် ထို​သူငယ်​ကို မွေးဖွား​လေ​ပြီ​။ ထို​သူငယ်​သည် သင့်​စိတ်​ကို​ပြန်လည်​လန်းဆန်း​စေ​သူ​၊ သင်​အိုမင်းရင့်ရော်​သောအခါ သင့်​ကို ကြည့်ရှုစောင့်ရှောက်​သူ ဖြစ်​ပါစေ​”​ဟု ဆို​ကြ​၏​။

၁ ရာ 1:20

အချိန်တန်​သောအခါ ဟန္န​သည် ကိုယ်ဝန်ဆောင်​၍ သားယောက်ျား​ကို မွေးဖွား​လေ​၏​။ ဟန္န​က​လည်း “ဤ​သား​သည် ထာဝရဘုရား​ထံ ဆုတောင်း​၍ ရ​သော​သား​ဖြစ်​၏”​ဟု ဆို​ပြီး သူ​၏​အမည်​ကို ရှမွေလ ဟု​မှည့်ခေါ်​လေ​၏​။

၁ ရာ 1:6

ထိုသို့ ထာဝရဘုရား​သည် ဟန္န​အား သန္ဓေတည်​ခွင့်​ပေး​တော်​မ​မူ​သောကြောင့် သူ​၏​ပြိုင်ဖက်​သည် ဟန္န​စိတ်ဆိုး​အောင် ဒေါသစိတ်​ကို ဆွ​လေ့​ရှိ​၏​။