၁ ရာ 2:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ ငါ​ကိန်းဝပ်​ရာ​အရပ်​၌ ပူဇော်​ရန် ငါ​မိန့်မှာ​ထား​သော​ယဇ်​နှင့် ပူဇော်သက္ကာ​ကို အဘယ်ကြောင့် မထီမဲ့မြင်ပြု​ကြ​သနည်း​။ ငါ့​လူမျိုး​တော်​အစ္စရေး​တို့​ပူဇော်​သမျှ​တို့​ထဲမှ အကောင်းဆုံး​ကို​ယူ​၍ သင်တို့ကိုယ်​ကို​ဝလင်​စေ​ခြင်း​ဖြင့် သင်​သည် သင့်​သား​တို့​ကို ငါ့​ထက်​ပို၍ အဘယ်ကြောင့်​ဂုဏ်ပြုချီးမြှောက်​သနည်း’​ဟု မိန့်ဆို​၏​။

Common Language Bible

²⁹ သို့​ဖြစ်​၍​သင်​သည်​ငါ​၏​အ​မိန့်​အ​ရ​ဆက်​သ သည့်​ယဇ်​နှင့်​ပူ​ဇော်​သ​ကာ​များ​ကို အ​ဘယ် ကြောင့်​လော​ဘ​စိတ်​နှင့်​ကြည့်​ဘိ​သ​နည်း။ ဧ​လိ၊ သင်​သည်​ငါ​၏​လူ​မျိုး​တော်​တင်​လှူ​သည့်​ယဇ် ကောင်​ရှိ​သ​မျှ​မှ​အ​ကောင်း​ဆုံး​အ​ပိုင်း​တို့ ကို အ​ဘယ်​ကြောင့်​သင်​၏​သား​တို့​အား​ဝ​စွာ စား​ခွင့်​ပြု​ပါ​သ​နည်း။ အ​ဘယ်​ကြောင့်​သူ တို့​အား​ငါ့​ထက်​ပင်​ပို​၍​ဂုဏ်​ပြု​ချီး​မြှင့် ပါ​သ​နည်း။-

Garrad Bible

²⁹ ငါ ကိန်း ဝပ် သော ဌာ န၌ စီ မံ သော ယဇ် နှင့် ပူ ဇော် သ က္ကာ များ ကို ကန် ကျောက် သည့် ပြင် ငါ့ ထက် သင့် သား တို့ ကို မြတ် နိုး ၍ ဣ သ ရေ လ လူ မျိုး တော်၏ ပူ ဇော် သ က္ကာ အ ထွဋ် အ မြတ် အား ဖြင့် ဆူ ဖြိုး ကြ သည် မှာ အ ဘယ် ကြောင့် နည်း။

Judson Bible

²⁹ ငါ့​အိမ်၌ ငါ​စီ​ရင်​သော​ယဇ်၊ ငါ့​ပူ​ဇော်​သ​ကာ​ကို အ​ဘယ်​ကြောင့် ခြေ​နှင့်​ကန်​သ​နည်း။ ငါ၏​လူ ဣ​သ​ရေ​လ​အ​မျိုး​သား တင်​လှူ​သော ပူ​ဇော်​သ​ကာ​ရှိ​သ​မျှ​တို့​တွင်၊ အ​မြတ်​ဆုံး​သော​အ​ရာ​ကို ဝ​စွာ​စား​စေ၍၊ သင်၏​သား​တို့​ကို ငါ့​အ​ပေါ်​မှာ အ​ဘယ်​ကြောင့် ချီး​မြှောက်​သ​နည်း။

၁ ရာ 2:29 Referencias Cruzadas

၄ ရာ 12:6

သို့သော် ယဇ်ပုရောဟိတ်​တို့​သည် ယဟောရှ​မင်းကြီး​နန်းစံ နှစ်ဆယ့်​သုံး​နှစ်​တိုင်အောင် အိမ်​တော်​အပျက်အစီး​များ​ကို မ​ပြုပြင်​ကြ​။

ဆာ​လံ 26:8

အို ထာဝရဘုရား​၊ ကိုယ်တော်​ကိန်းဝပ်​ရာ​အိမ်​တော်​နှင့် ကိုယ်တော်​၏​ဘုန်းအသရေ​တည်ရှိ​ရာ​အရပ်​တို့​ကို အကျွန်ုပ်​မြတ်နိုး​ပါ​၏​။

ယေ​ဇ​ကျေ​လ 13:19

သင်​တို့​သည် မုယောဆန်​လက်တစ်ဆုပ်စာ​၊ မုန့်​တစ်လုတ်စာ​ရရှိ​ရန် ငါ့​လူမျိုး​တော်​အလယ်​တွင် ငါ့​ကို​ရှုတ်ချ​ကြ​ပြီ​။ အလိမ်အညာ​စကား​ကို​ယုံလွယ်​သော ငါ့​လူမျိုး​တော်​တို့​ကို လိမ်ညာ​ပြီး မသေသင့်​သူ​ကို သေ​အောင်​၊ သေသင့်​သူ​ကို မသေ​အောင် လုပ်​ကြ​ပြီ​တကား​ဟု မိန့်​တော်မူ​၏​။

ယေ​ဇ​ကျေ​လ 34:10

ဘုရားရှင်​ထာဝရဘုရား​က ‘ကြည့်ရှု​လော့​။ ငါ​သည် သိုးထိန်း​တို့​ကို​ဆန့်ကျင်​၍ သူ​တို့​ထံမှ ငါ့​သိုး​တို့​ကို ပြန်တောင်း​မည်​။ သူ​တို့​ကို သိုးထိန်း​အဖြစ်​မှ နုတ်ပယ်​ပစ်​မည်​။ သိုးထိန်း​တို့​သည် သူတို့ကိုယ်​ကို ကျွေးမွေး​နိုင်​တော့​မည်​မ​ဟုတ်​။ ငါ့​သိုး​များ​ကို သူ​တို့​နှုတ်​မှ​ကယ်နုတ်​မည်​၊ သူ​တို့​အစာ မ​ဖြစ်​စေ​ရ’​ဟု မိန့်​တော်မူ​၏​။

ယေ​ဇ​ကျေ​လ 34:2

“​အချင်း​လူသား​၊ အစ္စရေး​သိုးထိန်း​တို့​ကို ဆန့်ကျင်​၍ ပရောဖက်ပြု​ဟောပြော​လော့​။ ဘုရားရှင်​ထာဝရဘုရား​က သိုးထိန်း​တို့​အား ‘မိမိကိုယ်ကို​သာ ကျွေးမွေး​စောင့်ရှောက်​သော အစ္စရေး​သိုးထိန်း​တို့​၊ သင်​တို့​သည် အမင်္ဂလာ​ရှိ​၏​။ သိုးထိန်း​တို့​မည်သည် သိုး​တို့​ကို ကျွေးမွေး​ရ​မည်​မ​ဟုတ်​လော​။

ဟော​ရှေ 4:8

ငါ့​လူမျိုး​တော်​၏​အပြစ်ဖြေရာယဇ်ကောင်​ကို စား​ရ​သောကြောင့် လူ​တို့​အပြစ်​ပြု​သည်​ကို သူ​တို့​နှစ်သက်​သဘောကျ​ကြ​၏​။

ဝတ်​ပြု 19:15

တရားစီရင်​ရာ​တွင် မတရားသဖြင့် မ​စီရင်​ရ​။ ဆင်းရဲ​သော​သူ​ကို ဘက်​မ​လိုက်​ရ​။ ချမ်းသာ​သော​သူ​ကို​လည်း မ​လိုက်လျော​ရ​။ သင်​၏​အိမ်နီးချင်း​ကို ဖြောင့်မတ်​စွာ​တရားစီရင်​ရ​မည်​။

မိက္ခာ 3:5

အကျွန်ုပ်​၏​လူမျိုး​ကို​လမ်းလွဲ​စေ​သော ပရောဖက်​တို့​နှင့်​ပတ်သက်၍ ထာဝရဘုရား ဤသို့​မိန့်​တော်မူ​၏​။ သူ​တို့​၏​သွား​များ​အစာဝါးစား​ရ​သောအခါ “ငြိမ်းချမ်း​ပါစေ”​ဟု ဆို​တတ်​ပြီး သူ​တို့​၏​ပါးစပ် အစာ​မ​စား​ရ​သောအခါ တိုက်ခိုက်​ရန်​အသင့်ပြင်ဆင်​တတ်​ကြ​၏​။

မဿဲ 10:37

ငါ့​ထက် ဖခင်​ကို​ဖြစ်စေ၊ မိခင်​ကို​ဖြစ်စေ ပို၍​ချစ်​သော​သူ​သည် ငါ​နှင့်​မ​ထိုက်တန်။ ငါ့​ထက် သား​ကို​ဖြစ်စေ၊ သမီး​ကို​ဖြစ်စေ ပို၍​ချစ်​သော​သူ​သည်​လည်း ငါ​နှင့်​မ​ထိုက်တန်။

မဿဲ 22:16

ထို့နောက် သူ​တို့​၏​တပည့်​များ​ကို ဟေရုဒ်​၏​လူ​များ​နှင့်အတူ အထံ​တော်​သို့​စေလွှတ်​ကာ “ဆရာ၊ ဆရာ​သည် ဖြောင့်မှန်​သော​သူ​ဖြစ်​ပြီး ဘုရားသခင်​၏​တရား​လမ်း​ကို သမ္မာတရား​နှင့်အညီ သွန်သင်​ကြောင်း​ကို​လည်းကောင်း၊ လူ့​မျက်နှာ​ကို​မ​ထောက်​သောကြောင့် မည်သူ့​ကို​မျှ အား​မ​နာ​ကြောင်း​ကို​လည်းကောင်း အကျွန်ုပ်​တို့​သိ​ကြ​ပါ​၏။

လုကာ 14:26

“တစ်စုံတစ်ဦး​သည် ငါ့​ထံသို့​လာ​၍ မိမိ​၏​ဖခင်၊ မိခင်၊ သား​မယား​နှင့် ညီအစ်ကို​မောင်နှမ​တို့​ကို​သာမက မိမိ​အသက်​ကို​ပင် မ​မုန်း​လျှင် ထို​သူ​သည် ငါ​၏​တပည့်​မ​ဖြစ်​နိုင်။

ရော​မ 16:18

အကြောင်းမူကား ထိုသို့​သော​သူ​တို့​သည် ငါ​တို့​၏​သခင်​ခရစ်တော်​ကို အစေ​မ​ခံ​ဘဲ မိမိ​တို့​၏​ဝမ်းဗိုက်​ကို​သာ အစေခံ​၍ ချိုသာ​သော​စကား​နှင့် မြှောက်ပင့်​သော​စကား​တို့​ဖြင့် ရိုးစင်း​သော​သူ​တို့​၏​စိတ်နှလုံး​ကို လှည့်ဖြား​တတ်​ကြ​၏။

၂ ကော 5:16

ထို့ကြောင့် ယခု​မှစ၍ ငါ​တို့​သည် မည်သူ့​ကို​မျှ သွေးသား​ဇာတိ​သဘော​ဖြင့် မ​သိမှတ်​တော့​ပေ။ ငါ​တို့​သည် ခရစ်တော်​ကို သွေးသား​ဇာတိ​သဘော​ဖြင့် သိမှတ်​ခဲ့​လျှင်​လည်း ယခု​တွင် ထိုသို့​မ​သိမှတ်​တော့​ပေ။

တ​ရား​ဟော 32:15

အို ယေရှုရုန်​၊ သင်​သည် ဝဖြိုး​လာ​သဖြင့် ခြေစုံကန်​လေ​ပြီ​။ ဝဖြိုး​တုတ်ခဲ​ပြီး ဖောင်းကား​လာ​သောအခါ မိမိ​ကို​ဖန်ဆင်း​တော်မူ​သော​ဘုရားသခင်​ကို ပစ်ပယ်​လေ​ပြီ​။ မိမိ​၏​ကယ်တင်​ရာ​ကျောက်ဆောင်​ကို မထီမဲ့မြင်ပြု​လေ​ပြီ​။

တ​ရား​ဟော 33:9

သူ​တို့​သည် ကိုယ်တော်​၏​စကား​တော်​ကို​လိုက်နာ​၍ ကိုယ်တော်​၏​ပဋိညာဉ်​ကို​စောင့်ထိန်း​သောကြောင့် ကိုယ့်​မိဘ​ကို​ပင်လျှင် ‘သူ​တို့​ကို ငါ​ဂရု​မ​စိုက်’​ဟု ဆို​၏​။ မိမိ​ညီအစ်ကို​ကို​လည်း အသိအမှတ်​မ​ပြု​၊ မိမိ​သားသမီး​တို့​ကို​လည်း မသိကျိုးကျွန်​ပြု​၏​။

ယာ​ကုပ် 3:17

သို့သော် အထက်​အရပ်​မှ​လာ​သော​ဉာဏ်ပညာ​သည် ပထမ​ဦးစွာ သန့်ရှင်း​စင်ကြယ်​၏။ ထို့နောက် ငြိမ်းချမ်း​သော​သဘော၊ ညင်သာ​သော​သဘော​နှင့် ပျော့ပျောင်း​သော​သဘော​ရှိ​၍ ကရုဏာ​နှင့်​ကောင်းမြတ်​သော​အသီးအပွင့်​တို့​ဖြင့်​ပြည့်စုံ​ကာ မျက်နှာလိုက်​ခြင်း၊ ဟန်ဆောင်​ခြင်း​တို့​နှင့် ကင်းစင်​၏။

ယော​ရှု 18:1

ထို​ပြည်​ကို အောင်​နိုင်​ပြီးနောက် အစ္စရေး​လူထု​တစ်ရပ်လုံး ရှိလော​အရပ်​၌ စုရုံး​၍ တွေ့ဆုံစည်းဝေးရာ​တဲ​တော်​ကို တည်​ကြ​၏​။

၁ ရာ 3:13

သူ့​သား​တို့​သည် ကိုယ့်ကိုယ်ကိုယ်​ကျိန်ဆဲစရာ​ဖြစ်​သည့်​တိုင်အောင် အပြစ်​ပြု​သည်​ကို သူ​သိ​သော်လည်း သူ​သည် သား​တို့​ကို​မ​ဆုံးမ​သောကြောင့် ထို​ဒုစရိုက်အပြစ်​အတွက် ငါ​သည် သူ့​အိမ်သူအိမ်သား​တို့​ကို အစဉ်​ဒဏ်ခတ်​မည်​ဖြစ်ကြောင်း သူ့​ကို​ငါ​ပြော​ထား​ပြီး​ဖြစ်​၏​။