၁ ရာ 2:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ လူလူချင်း​ပြစ်မှား​မိ​လျှင် ဘုရားသခင်​သည် ထို​သူ​အတွက် ကြားဝင်​ဖြေရှင်း​ပေး​နိုင်​၏​။ သို့သော် လူ​သည် ထာဝရဘုရား​ကို​ပြစ်မှား​မိ​လျှင် မည်သူ​သည် သူ့​အတွက် ကြားဝင်​ဖြေရှင်း​ပေး​နိုင်​မည်နည်း​”​ဟု ဆိုဆုံးမ​သော်လည်း ဖခင်​၏​စကား​ကို နား​မ​ထောင်​ကြ​။ အကြောင်းမူကား ထာဝရဘုရား​သည် သူ​တို့​ကို​ကွပ်မျက်​ရန်​အလိုရှိ​တော်မူ​၏​။

Common Language Bible

²⁵ လူ​အ​ချင်း​ချင်း​ပြစ်​မှား​သူ​တို့​ကို​ထာ​ဝ​ရ ဘု​ရား​သည်​ကာ​ကွယ်​စောင့်​ရှောက်​နိုင်​သော်​လည်း ထာ​ဝ​ရ​ဘု​ရား​အား​ပြစ်​မှား​သော​သူ​ကို​မူ ကား​အ​ဘယ်​သူ​ကာ​ကွယ်​စောင့်​ရှောက်​နိုင်​ပါ မည်​နည်း'' ဟု​သား​တို့​အား​ပြော​၏။ သို့​ရာ​တွင်​သူ​တို့​သည်​ဖ​ခင်​၏​စ​ကား​ကို နား​မ​ထောင်​ကြ။ အ​ဘယ်​ကြောင့်​ဆို​သော် ထာ​ဝ​ရ​ဘု​ရား​သည် သူ​တို့​အား​ကွပ်​မျက် ရန်​ဆုံး​ဖြတ်​ထား​ပြီး​ဖြစ်​သော​ကြောင့်​တည်း။

Garrad Bible

²⁵ လူ တစ် ဦး က တစ် ဦး ကို ပြစ် မှား လျှင် ထာ ဝ ရ ဘု ရား သည် စုံ ရာ သ မာ ဓိ ဖြစ် တော် မူ၏။ ထာ ဝ ဘု ရား ကို ပြစ် မှား မူ မည် သူ ဖြန် ဖြေ နိုင် သ နည်း ဟု ဆို သော် လည်း ထာ ဝ ရ ဘု ရား သည် အ ဆုံး စီ ရင် တော် မူ လို သည့် အ လျောက် အ ဘ စ ကား ကို မ လိုက် မ နာ ကြ လေ။

Judson Bible

²⁵ လူ​ချင်း တစ်​ယောက်​ကို​တစ်​ယောက် ပြစ်​မှား​လျှင်၊ တ​ရား​သူ​ကြီး စစ်​ကြော​စီ​ရင်​ရ၏။ လူ​သည် ထာ​ဝ​ရ​ဘု​ရား​ကို ပြစ်​မှား​လျှင်၊ သူ့​အ​တွက် အ​ဘယ်​သူ တောင်း​ပန်​လိမ့်​မည်​နည်း​ဟု ဆုံး​မ​သော်​လည်း၊ သူ​တို့​သည် အ​ဘ၏​စ​ကား​ကို နား​မ​ထောင်​ကြ။ အ​ကြောင်း​မူ​ကား၊ ထာ​ဝ​ရ​ဘု​ရား​သည် ကွပ်​မျက်​ခြင်း​ငှာ အ​လို​ရှိ​တော်​မူ၏။

၁ ရာ 2:25 Referencias Cruzadas

ကမ္ဘာ​ဦး 38:10

သူ​ပြု​သော​အမှု​သည် ထာဝရဘုရား​မျက်မှောက်​တော်​၌ ဆိုး​သော​အမှု​ဖြစ်​၏​။ ထို့ကြောင့် ထာဝရဘုရား​သည် သူ့​ကို​လည်း ကွပ်မျက်​တော်မူ​၏​။

ကမ္ဘာ​ဦး 38:7

ယုဒ​၏​သားဦး​ဧရ​သည် ထာဝရဘုရား​မျက်မှောက်​တော်​၌​ဆိုး​သော​သူ​ဖြစ်​၏​။ ထို့ကြောင့် ထာဝရဘုရား​သည် သူ့​ကို​ကွပ်မျက်​တော်မူ​၏​။

၃ ရာ 8:31

တစ်စုံတစ်ဦး​သည် မိမိ​အိမ်နီးချင်း​ကို ပြစ်မှား​မိ​သဖြင့် ကျိန်ဆိုစရာ​အကြောင်း​ရှိ​၍ ဤ​အိမ်​တော်​ရှိ ကိုယ်တော်​၏​ယဇ်ပလ္လင်​ရှေ့​တွင် လာရောက်​ကျိန်ဆို​လျှင်

၃ ရာ 8:32

ကိုယ်တော်​သည် ကောင်းကင်ဘုံ​မှ နားညောင်း​တော်မူ​၍ ကိုယ်တော်​၏​အစေအပါး​တို့​အား အရေးယူ​စီရင်​တော်မူ​ပါ​။ အပြစ်ရှိ​သူ​ကို သူ​ပြု​ခဲ့​သည့်​အပြစ်​အတိုင်း ပြန်ခံရ​စေရန် စီရင်​တော်မူ​ပါ​။ ဖြောင့်မတ်​မှန်ကန်​သူ​ကို​မူ သူ​ဖြောင့်မတ်​သည့်​အတိုင်း အကျိုး​ကို​ခံစား​ရ​စေရန် စီရင်​တော်မူ​ပါ​။

၂ ရာ​ချုပ် 10:15

ဤသို့ဖြင့် ရှင်ဘုရင်​သည် လူ​တို့​၏​စကား​ကို နား​မ​ထောင်​ဘဲ​နေ​၏​။ အကြောင်းမှာ ရှိလော​မြို့သား​အဟိယ​မှတစ်ဆင့် နေဗတ်​၏​သား​ယေရောဗောင်​အား ထာဝရဘုရား​မိန့်မှာ​ထား​သော​စကား​များ အမှန်​ဖြစ်လာ​ရန် ဘုရားသခင် ဤသို့​ဖြစ်ပျက်​စေ​ခြင်း​ဖြစ်​၏​။

၂ ရာ​ချုပ် 25:16

ထိုသို့ ပရောဖက်​ပြောဆို​နေ​သည်​ကို အာမဇိ​မင်းကြီး​က “​သင့်​ကို ရှင်ဘုရင်​၏​အတိုင်ပင်ခံ​အဖြစ် ခန့်ထား​သလော​။ တိတ်တိတ်နေ​လော့​။ အဘယ်ကြောင့် ကိုယ့်ကိုယ်ကိုယ် အသတ်​ခံရ​အောင်​လုပ်​သနည်း​”​ဟု ပြန်ပြော​ရာ ပရောဖက်​က “​ငါ​ပေး​သော​အကြံ​ကို သင်​နား​မ​ထောင်​၊ ဤ​အမှု​ကို သင်​ပြု​သောကြောင့် ဘုရားသခင်​သည် သင့်​ကို​ဖျက်ဆီး​ပစ်​ရန် ကြံရွယ်​ထား​သည်​ကို ငါ​သိ​၏​”​ဟု ဆို​လေ​၏​။

ယောဘဝတ္တု။ 9:33

ငါ​တို့​နှစ်​ဦး​စပ်ကြား​တွင် ကြားဝင်​စီရင်ဆုံးဖြတ်​ပေး​မည့်​သူ တစ်ယောက်​မျှ​မ​ရှိ​။

ဆာ​လံ 51:16

အကြောင်းမူကား ကိုယ်တော်​သည် ယဇ်ပူဇော်​ခြင်း​ကို အလိုရှိ​တော်​မ​မူ​ပါ​။ အလိုရှိ​တော်မူ​လျှင် အကျွန်ုပ်​ပူဇော်​ခဲ့​ပါ​လိမ့်မည်​။ မီးရှို့ရာယဇ်​ကို​လည်း နှစ်သက်​တော်​မ​မူ​ပါ​။

ဆာ​လံ 51:4

အကျွန်ုပ်​သည် ကိုယ်တော့်​ကို​၊ ကိုယ်တော့်​ကို​သာ ပြစ်မှား​၍ ကိုယ်တော်​၏​မျက်မှောက်​တော်​၌ မကောင်း​သော​အမှု​ကို ပြု​မိ​ပါ​ပြီ​။ သို့ဖြစ်၍ ကိုယ်တော်​အမိန့်​ရှိ​တော်မူ​သောအခါ ဖြောင့်မတ်​ပါ​၏​။ ကိုယ်တော်​တရားစီရင်​တော်မူ​သောအခါ သန့်ရှင်းစင်ကြယ်​ပါ​၏​။

သုတ္တံကျမ်း။ 13:1

ပညာရှိ​သော​သား​သည် ဖခင်​၏​ဆုံးမပဲ့ပြင်​ခြင်း​ကို နားထောင်​တတ်​၏​။ ပြက်ရယ်​ပြု​သော​သား​မူကား ဆုံးမ​စကား​ကို နား​မ​ထောင်​တတ်​။

သုတ္တံကျမ်း။ 15:10

လမ်း​မှန်​ကို​စွန့်ပယ်​သော​သူ​အတွက် ပြင်းထန်​သော​ဆုံးမပဲ့ပြင်​ခြင်း​ရှိ​၏​။ ဆိုဆုံးမစကား​ကို​မုန်း​သော​သူ​သည် သေ​ရ​လိမ့်မည်​။

သုတ္တံကျမ်း။ 29:1

ဆိုဆုံးမ​ခြင်း​ကို​အကြိမ်ကြိမ်​ခံရ​သော်လည်း ခေါင်းမာ​လျက်​နေ​သော​သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

ဒေသနာကျမ်း။ 3:3

သတ်​ရ​သော​အချိန်​နှင့် ကျန်းမာ​စေ​ရ​သော​အချိန်​ရှိ​၏​။ ဖြိုဖျက်​ရ​သော​အချိန်​နှင့် တည်ဆောက်​ရ​သော​အချိန်​ရှိ​၏​။

တော​လည် 15:30

အမျိုးသားချင်း​ဖြစ်စေ​၊ တိုင်းတစ်ပါးသား​ဖြစ်စေ အပြစ်​ကို​တမင်တကာ​ပြု​သော​သူ​သည် ထာဝရဘုရား​ကို​စော်ကား​သော​သူ​ဖြစ်၍ ထို​သူ​သည် မိမိ​လူမျိုး​မှ ပယ်ဖျက်​ခြင်း​ခံရ​မည်​။

တ​ရား​ဟော 1:17

သင်​တို့​သည် တရားစီရင်​သောအခါ မျက်နှာကြီး​၊ မျက်နှာငယ် ဟူ၍​မျက်နှာ​မ​လိုက်​ဘဲ ကြားနာ​စစ်ဆေး​ရ​မည်​။ တရားစီရင်​ခြင်း​ကို ဘုရားသခင်​ပိုင်​တော်မူ​သောကြောင့် မည်သူ့​ကို​မျှ မ​ကြောက်​နှင့်​။ ခက်ခဲ​သော​အမှု​ကို ငါ့​ထံ တင်ပြ​လော့​။ ငါ ကြားနာ​စစ်ဆေး​ပေး​မည်​’​ဟု ငါ​ပြော​ခဲ့​၏​။

တ​ရား​ဟော 2:30

သင်​တို့​၏​ဘုရားသခင်​ထာဝရဘုရား​သည် ဟေရှဘုန်​ဘုရင်​ရှိဟုန်​မင်းကြီး​၏​စိတ်​ကို မာကျော​စေ​တော်မူ​သောကြောင့် ငါ​တို့​ကို သူ့​ပြည်​ထဲမှ ဖြတ်သွား​ခွင့်​မ​ပြု​။ ထိုသို့ သူ​၏​စိတ်နှလုံး​ကို မာကျော​စေ​ခြင်း​သည် ယနေ့​မြင်​ရ​သည့်​အတိုင်း သူ့​ကို သင်​တို့​၏​လက်​သို့​အပ်​တော်မူ​ရန်​အတွက်​ဖြစ်​၏​။

၁ တိ 2:5

အကြောင်းမူကား ဘုရားသခင်​တစ်ဆူတည်း​ရှိ​တော်မူ​၍ ဘုရားသခင်​နှင့်​လူ​တို့​စပ်ကြား​တွင် ကြားဝင်​စေ့စပ်​သူ​လည်း တစ်ပါးတည်း​ရှိ​တော်မူ​၏။ ထို​အရှင်​ကား လူ​ဖြစ်​သော​ခရစ်တော်​ယေရှု​ပေတည်း။

ဟေ​ဗြဲ 10:26

အကြောင်းမူကား ငါ​တို့​သည် သမ္မာတရား​နှင့်ဆိုင်သည့် စစ်မှန်​သော​အသိပညာ​ကို​ရရှိ​ပြီးမှ တမင်တကာ ဆက်၍​အပြစ်​ပြု​ကြ​လျှင် အပြစ်​ဖြေ​ရာ​ယဇ်​ဟူ၍ မ​ရှိ​တော့​ဘဲ

ဟေ​ဗြဲ 10:27

တရား​စီရင်​ခြင်း​ကို​လည်းကောင်း၊ ဆန့်ကျင်​သော​သူ​တို့​ကို​ဝါးမျို​မည့် အမျက်​တော်​မီး​ကို​လည်းကောင်း ကြောက်ရွံ့​လျက် စောင့်​နေ​ကြ​ရန်​သာ​ရှိ​တော့​၏။

ဟေ​ဗြဲ 7:25

ထို့ကြောင့် ကိုယ်တော်​သည် မိမိ​အားဖြင့် ဘုရားသခင်​ထံ​တော်​သို့​ချဉ်းကပ်​သော​သူ​တို့​ကို အပြည့်အဝ​ကယ်တင်​နိုင်​တော်မူ​၏။ အဘယ်ကြောင့်​ဆိုသော် ကိုယ်တော်​သည် သူ​တို့​အတွက် အသနားခံ​ပေး​ရန် အစဉ်အမြဲ​အသက်ရှင်​လျက်​ရှိ​တော်မူ​၏။

ယော​ရှု 11:20

အစ္စရေး​လူမျိုး​တို့​နှင့် စစ်တိုက်​ရန် သူ​တို့​ကို ထာဝရဘုရား​စိတ်ခိုင်မာ​စေ​၏​။ ဤသို့​ဖြစ်​ခြင်း​မှာ သူ​တို့​ကို သုတ်သင်ပယ်ရှင်း​မည်​ဟု မောရှေ​အား ထာဝရဘုရား​မိန့်​တော်မူ​ခဲ့​သည့်​အတိုင်း သူ​တို့​ကို မ​သနား​မ​ညှာတာ​ဘဲ တစ်​ယောက်​မ​ကျန်​ကွပ်မျက်​တော်မူ​ရန်​ဖြစ်​၏​။

၁ ရာ 3:14

ထို့ကြောင့် ဧလိ​၏​အိမ်သူအိမ်သား​တို့​ကို ငါ​ကျိန်​ထား​ခဲ့​ပြီ​။ ဧလိ​အိမ်သူအိမ်သား​တို့​၏​ဒုစရိုက်အပြစ်​သည် ယဇ်ပူဇော်​ခြင်း​၊ ဘောဇဉ်ပူဇော်သက္ကာ​ပူဇော်​ခြင်း​အားဖြင့် မည်သည့်​အခါ​မျှ​အပြစ်လွတ်​မည်​မ​ဟုတ်​”​ဟု မိန့်​တော်မူ​၏​။