၁ ရာ 10:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ရှမွေလ​က လူ​အပေါင်း​တို့​အား “​ထာဝရဘုရား​ရွေးကောက်​တော်မူ​သော​သူ​ကို ကြည့်​ကြ​ပါ​လော့​။ လူ​အပေါင်း​တို့​တွင် သူ​နှင့်တူသော​သူ​တစ်ယောက်မျှ​မ​ရှိ​”​ဟု ဆို​လျှင် လူ​အပေါင်း​တို့​က “​အရှင်မင်းကြီး သက်တော်ရှည်​ပါစေ​”​ဟု ကြွေးကြော်​ကြ​လေ​၏​။

Common Language Bible

²⁴ ရှ​မွေ​လ​က​လူ​တို့​အား``ထာ​ဝ​ရ​ဘု​ရား ရွေး​ချယ်​တော်​မူ​သော​သူ​ကား​ဤ​သူ​တည်း။ ငါ​တို့​တွင်​သူ​နှင့်​တူ​သူ​တစ်​ယောက်​မျှ မ​ရှိ'' ဟု​ဆို​၏။ လူ​အ​ပေါင်း​တို့​သည်​လည်း``အ​ရှင်​မင်း​ကြီး သက်​တော်​ရှည်​ပါ​စေ​သော'' ဟု​ကြွေး​ကြော် ကြ​၏။

Garrad Bible

²⁴ ရှ မွေ လ က လည်း၊ ထာ ဝ ရ ဘု ရား ရွေး ချယ် တော် မူ သူ့ ကို ကြည့် ကြ လော့။ တစ် မျိုး လုံး တွင် တူ မျှ သူ မ ရှိ ဟု ပ ရိ သတ် အား ပြော ဆို လျှင် ဘု ရင် မင်း မြတ် သက် တော် ရှည် ပါ စေ သော ဟူ၍ လူအ ပေါင်း တို့ ကြွေး ကြော် ကြ ကုန် ၏။

Judson Bible

²⁴ ရှ​မွေ​လ​က​လည်း၊ ထာ​ဝ​ရ​ဘု​ရား ရွေး​ချယ်​တော်​မူ​သော​သူ​ကို ကြည့်​ကြ​လော့။ လူ​ခပ်​သိမ်း​တို့​တွင် သူ​နှင့်​တူ​သော​သူ တစ်​စုံ​တစ်​ယောက်​မျှ​မ​ရှိ​ဟု လူ​အ​ပေါင်း​တို့​အား ပြော​ဆို​လျှင်၊ လူ​အ​ပေါင်း​တို့​က၊ ရှင်​ဘု​ရင်​အ​သက်​တော်​မြဲ​ပါ​စေ​ဟု ကြွေး​ကြော်​ကြ၏။

၁ ရာ 10:24 Referencias Cruzadas

၂ ရာ 16:16

ဒါဝိဒ်​မင်းကြီး​၏​မိတ်ဆွေ အာခိ​လူမျိုး ဟုရှဲ​သည်​လည်း အဗရှလုံ​ထံ​ရောက်လာ​ပြီး အဗရှလုံ​အား “​အရှင်မင်းကြီး သက်တော်ရှည်​ပါစေ​၊ အရှင်မင်းကြီး သက်တော်ရှည်​ပါစေ​”​ဟု ဩဘာပေး​၏​။

၂ ရာ 21:6

ထို့ကြောင့် သူ့​သား​ခုနစ်​ယောက်​ကို အကျွန်ုပ်​တို့​လက်​သို့ အပ်​တော်မူ​ပါ​။ ထာဝရဘုရား ရွေးကောက်​ခံရ​သူ​ရှောလု​၏​ဇာတိ​မြို့​ဖြစ်​သော ဂိဗာ​မြို့​၌ သူ​တို့​ကို ထာဝရဘုရား​ရှေ့​တော်​တွင် ကြိုးဒဏ်​ပေး​ပါ​မည်​”​ဟု လျှောက်တင်​ကြ​လျှင် ရှင်ဘုရင်​က “​ငါ​အပ်ပေး​မည်​”​ဟု မိန့်ဆို​၏​။

၃ ရာ 1:21

သို့မဟုတ်လျှင် အကျွန်ုပ်​၏​သခင်​အရှင်မင်းကြီး​သည် ဘိုးဘေး​တို့​နှင့်အတူ​အိပ်ပျော်​ပြီးနောက်​တွင် အကျွန်ုပ်​နှင့် အကျွန်ုပ်​၏​သား​ရှောလမုန်​သည် ရာဇဝတ်သား​များ ဖြစ်​ရ​ပါ​လိမ့်မည်​”​ဟု လျှောက်တင်​လေ​၏​။

၃ ရာ 1:25

ယနေ့ သူ​သည် သိုး​၊ နွား​မှစ၍ ဆူဖြိုး​သော​အကောင်​အမြောက်အမြား​ကို သွား​၍​ယဇ်ပူဇော်​ပါ​ပြီ​။ ဘုရင့်​သား​တော်​အပေါင်း​တို့​အပါအဝင် စစ်မှုထမ်း​အကြီးအကဲ​များ​နှင့် ယဇ်ပုရောဟိတ်​အဗျာသာ​တို့​ကို ဖိတ်ခေါ်​ပြီး စား​သောက်​ကြ​လျက် ‘​အဒေါနိယ​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ပါ​ပြီ​။

၃ ရာ 1:34

ထို​မြို့​တွင် ယဇ်ပုရောဟိတ်​ဇာဒုတ်​နှင့် ပရောဖက်​နာသန်​တို့​သည် သူ့​ကို အစ္စရေး​လူမျိုး​၏​ဘုရင်​အဖြစ် ဘိသိက်ပေး​ရ​မည်​။ ပြီးမှ တံပိုး​မှုတ်​လျက် ‘​ရှောလမုန်​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ရ​မည်​။

၃ ရာ 1:39

ထို့နောက် ယဇ်ပုရောဟိတ်​ဇာဒုတ်​သည် ဆီ​ထည့်​ထား​သော​ချို​ကို တဲ​တော်​ထဲမှ​ယူ​၍ ရှောလမုန်​ကို ဘိသိက်ပေး​၏​။ ထို့နောက် သူ​တို့​သည် တံပိုး​ကို​မှုတ်​လျှင် လူ​အပေါင်း​တို့​က “​ရှောလမုန်​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

၄ ရာ 11:12

ထို့နောက် ယဇ်ပုရောဟိတ်​သည် ဘုရင့်​သား​တော်​ကို ထုတ်ဆောင်​လာ​၍ သရဖူ​နှင့်တကွ ကတိဝန်ခံလွှာ​ကို အပ်နှင်း​၏​။ လူ​တို့​သည်​လည်း သူ့​အား ဘိသိက်ပေး​မင်းမြှောက်​လိုက်​ကြ​၏​။ သူ​တို့​သည် လက်ခုပ်ဩဘာ​ပေး​လျက် “​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

၂ ရာ​ချုပ် 23:11

ထို့နောက် ယဇ်ပုရောဟိတ်​သည် ဘုရင့်​သား​တော်​ကို ထုတ်ဆောင်​လာ​၍ သရဖူ​နှင့်တကွ ကတိဝန်ခံလွှာ​ကို အပ်နှင်း​၏​။ ယောယဒ​နှင့်​သူ​၏​သား​တို့​သည်​လည်း သူ့​ကို ဘိသိက်ပေး​မင်းမြှောက်​ကာ “​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

မဿဲ 21:9

ကိုယ်တော်​၏​ရှေ့​မှ​သွား​သော​လူထု​ပရိသတ်​များ​နှင့် နောက်​မှ​လိုက်​သော​လူထု​ပရိသတ်​များ​သည် “ဒါဝိဒ်​၏​သား​တော်​အား ဟောရှဏ္ဏ​ဖြစ်​စေ​သတည်း။ ထာဝရ​ဘုရား​၏​နာမ​တော်​၌ ကြွလာ​တော်မူ​သော​အရှင်​သည် မင်္ဂလာရှိ​စေ​သတည်း။ အမြင့်ဆုံး​သော​အရပ်​၌ ဟောရှဏ္ဏ​ဖြစ်​စေ​သတည်း”​ဟု ကြွေးကြော်​ကြ​၏။

တ​ရား​ဟော 17:15

သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​သူ​ကို​သာ သင့်​ကို​အုပ်စိုး​မည့်​ဘုရင်​အဖြစ် တင်မြှောက်​ရ​မည်​။ ဘုရင်​အဖြစ် သင်​တင်မြှောက်​သော​သူ​သည် သင်​၏​အမျိုးသားချင်း​ထဲ​မှ​ဖြစ်​ရ​မည်​။ သင်​၏​အမျိုးသားချင်း​မ​ဟုတ်​သော တစ်ပါးအမျိုးသား​ကို တင်မြှောက်​ခွင့်​မ​ရှိ​။

၁ ရာ 11:15

လူ​အပေါင်း​တို့​သည် ဂိလဂါလ​မြို့​သို့​လိုက်သွား​ကြ​၏​။ သူ​တို့​သည် ဂိလဂါလ​မြို့​တွင် ထာဝရဘုရား​ရှေ့​တော်​၌ ရှောလု​ကို မင်းမြှောက်​ကြ​ပြီး ထာဝရဘုရား​ထံ မိတ်သဟာယယဇ်​ကို ပူဇော်​ကြ​၏​။ ရှောလု​နှင့် အစ္စရေး​အမျိုးသား​အပေါင်း​တို့​သည် အလွန်​ဝမ်းမြောက်​ပျော်ရွှင်​ကြ​၏​။

၁ ရာ 12:1

ထိုအခါ ရှမွေလ​က အစ္စရေး​လူမျိုး​အပေါင်း​တို့​အား “​ကြည့်ရှု​လော့​။ သင်​တို့​စကား​၊ သင်​တို့​ပြော​သမျှ​ကို ငါ​နားထောင်​ပြီး သင်​တို့​ကို အုပ်စိုး​မည့် ရှင်ဘုရင်​ကို ငါ​တင်မြှောက်​ပေး​ခဲ့​ပြီ​။

၁ ရာ 12:13

ထို့ကြောင့် ယခု ကြည့်ရှု​လော့​။ သင်​တို့​ရွေးချယ်​သော​ရှင်ဘုရင်​၊ သင်​တို့​တောင်းဆို​သော​ရှင်ဘုရင်​သည် ဤ​သူ​ပင်တည်း​။ သင်​တို့​ကို အုပ်စိုး​မည့် ရှင်ဘုရင်​ကို ထာဝရဘုရား ခန့်ထား​တော်မူ​ပြီ​။

၁ ရာ 9:2

ထို​သူ​၌ ရှောလု ဟု​ခေါ်​သော သား​တစ်​ယောက်​ရှိ​၏​။ ရှောလု​သည် ငယ်ရွယ်နုပျို​၍ ရုပ်ရည်ခန့်ညား​သော​သူ​ဖြစ်​၏​။ အစ္စရေး​အမျိုးသား​တို့​ထဲတွင် သူ့​ထက်​ပို၍​ရုပ်ရည်ခန့်ညား​သော​သူ တစ်ယောက်​မျှ​မ​ရှိ​။ အခြား​သူ​များ​ထက်​လည်း ခေါင်းတစ်လုံးစာ အရပ်​ပို​မြင့်​၏​။