၁ ပေ 5:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို့ကြောင့် အချိန်တန်​သောအခါ သင်​တို့​ကို ချီးမြှောက်​တော်မူ​မည့်​အကြောင်း ဘုရားသခင်​၏​တန်ခိုး​ကြီး​သော​လက်​တော်​အောက်၌ မိမိ​ကိုယ်​ကို​နှိမ့်ချ​ကြ​လော့။

Common Language Bible

⁶ သို့​ဖြစ်​၍​ဘု​ရား​သ​ခင်​သည်​အ​ချိန်​တန်​သော အ​ခါ​သင်​တို့​အား​ချီး​မြှင့်​တော်​မူ​နိုင်​ရန် သင်​တို့​သည်​ကိုယ်​တော်​၏​တန်​ခိုး​ကြီး​သော လက်​တော်​အောက်​၌​မိ​မိ​တို့​ကိုယ်​ကို​နှိမ့်​ချ ကြ​လော့။-

Garrad Bible

⁶ သို့ နှင့် အ ညီ အ ချိန် တန် သော် ဘု ရား သ ခင် သည် သင် တို့ ကို ချီး မြှောက် တော် မူ စေ ရန် တန် ခိုး ကြီး သော လက် တော့် အောက် ကိုယ် ကို နှိမ့် ချ လျက်၊

Judson Bible

⁶ ထို​ကြောင့် ကာ​လ​အ​ချိန်​တန်​လျှင်၊ ဘု​ရား​သ​ခင်​သည် သင်​တို့​ကို ချီး​မြှောက်​တော်​မူ​မည်​အ​ကြောင်း၊ တန်​ခိုး​ကြီး​သော လက်​တော်​အောက်၌ ကိုယ်​ကို​ကိုယ် နှိမ့်​ချ​ကြ​လော့။-

ခေတ်သစ်​မြန်မာ သမ္မာကျမ်း

⁶ ထို့ကြောင့် အချိန်တန်​သောအခါ ဘုရားသခင်​သည် သင်တို့​အား ချီးမြှောက်တော်မူ​နိုင်ရန် တန်ခိုးကြီးသော​လက်တော်​အောက်​၌ မိမိကိုယ်ကိုယ်​နှိမ့်ချကြလော့။

၁ ပေ 5:6 Referencias Cruzadas

၃ ရာ 21:29

“​အာဟပ်​မင်းကြီး​သည် ငါ့​ရှေ့​တော်​တွင် ကိုယ်​ကို​အလွန်​နှိမ့်ချ​သည်​ကို သင်​မြင်​သလော​။ ထိုသို့ ငါ့​ရှေ့​တော်​တွင် ကိုယ်​ကို​နှိမ့်ချ​သောကြောင့် သူ့​လက်ထက်​တွင် ထို​ဘေးဆိုး​နှင့်​မ​ကြုံတွေ့​စေ​ရ​။ သူ့​သား​လက်ထက်​မှ သူ့​အမျိုးအနွယ်​ကို ထို​ဘေးဆိုး​နှင့်​ကြုံတွေ့​စေ​မည်​”​ဟု မိန့်ဆို​၏​။

၄ ရာ 22:19

ဤ​မြို့​နှင့်​မြို့သား​တို့​ကို ထိတ်လန့်စရာ​၊ ကျိန်ဆဲစရာ​ဖြစ်​စေ​မည်​ဟု ငါ​ဆို​သည်​ကို သင်​ကြား​ရ​သောအခါ သင်​သည် နှလုံးကြေကွဲ​လျက်​၊ ကိုယ်ကို​နှိမ့်ချ​လျက်​၊ ကိုယ့်​အဝတ်​ကို ဆုတ်​လျက် ငါ​ထာဝရဘုရား​ရှေ့​တော်​တွင် ငိုကြွေး​သည်​ကို ငါ​ကြား​ပြီ​။

၂ ရာ​ချုပ် 12:12

ရောဗောင်​မင်းကြီး​သည် မိမိကိုယ်ကို​နှိမ့်ချ​သောကြောင့် ထာဝရဘုရား​၏​အမျက်​တော်​သည် သူ့​ထံမှ​လွှဲသွား​လေ​၏​။ အကုန်အစင်​ဖျက်ဆီး​ခြင်း​ကို မ​ခံရ​။ ထို့ကြောင့် ယုဒ​ပြည်​အေးချမ်းသာယာ​သွား​လေ​၏​။

၂ ရာ​ချုပ် 30:11

သို့သော် အာရှာ​နယ်​၊ မနာရှေ​နယ်​နှင့်​ဇာဗုလုန်​နယ်​မှ လူ​အချို့​တို့​သည် မိမိကိုယ်ကို​နှိမ့်ချ​၍ ဂျေရုဆလင်​မြို့​သို့​ရောက်လာ​ကြ​၏​။

၂ ရာ​ချုပ် 32:26

သို့သော် ဟေဇကိ​မင်းကြီး​နှင့် ဂျေရုဆလင်​မြို့သား​တို့​သည် ဘဝင်မြင့်​ရာ​မှ မိမိကိုယ်ကို​နှိမ့်ချ​ကြ​သဖြင့် ဟေဇကိ​မင်းကြီး​လက်ထက်​တွင် သူ​တို့​အပေါ် ထာဝရဘုရား​၏​အမျက်​တော် မ​ကျရောက်​ခဲ့​ပေ​။

၂ ရာ​ချုပ် 33:12

ထိုသို့ ဒုက္ခရောက်​သောအခါ မနာရှေ​မင်းကြီး​သည် သူ​၏​ဘုရားသခင်​ထာဝရဘုရား​၏​မျက်နှာ​တော်​ကို ရှာ​လျက် ဘိုးဘေး​တို့​၏​ဘုရားသခင်​ရှေ့​တော်​တွင် မိမိကိုယ်ကို​အလွန်​နှိမ့်ချ​လေ​၏​။

၂ ရာ​ချုပ် 33:19

သူ​၏​ဆုတောင်းချက်​၊ သူ့​ကို​ဘုရားသခင်​နားညောင်း​တော်မူ​ခြင်း​၊ မိမိကိုယ်ကို မ​နှိမ့်ချ​မီ သူ​သစ္စာမဲ့​၍​ပြု​မိ​ခဲ့​သော​အပြစ်​အားလုံး​၊ အထွတ်အမြတ်​ထား​ရာ​နေရာ​များ​တည်​ခြင်း​၊ အာရှရ​နတ်ဘုရားမ​တံခွန်တိုင်​နှင့် ရုပ်တု​များ​စိုက်ထူ​ခြင်း စသည်​တို့​ကို ဟောဇဲ​၏​မှတ်တမ်း​တွင် ရေးမှတ်​ထား​လျက်​ရှိ​၏​။

၂ ရာ​ချုပ် 33:23

ခမည်းတော်​မနာရှေ​မင်းကြီး​သည် မိမိကိုယ်ကို​နှိမ့်ချ​ခဲ့​သော်လည်း အာမုန်​မင်းကြီး​မူကား ထာဝရဘုရား​ရှေ့​တော်​တွင် မိမိကိုယ်ကို​မ​နှိမ့်ချ​ခဲ့​သည်​သာမက ပို၍ပင်​အပြစ်ပြု​သေး​၏​။

၂ ရာ​ချုပ် 36:12

သူ​သည် သူ​၏​ဘုရားသခင်​ထာဝရဘုရား​ရှေ့​တော်​တွင် မကောင်းမှု​ကို​ပြု​၏​။ ထာဝရဘုရား​၏​နှုတ်ကပတ်တော်​ကို ဆင့်ဆို​သော​ပရောဖက်​ယေရမိ​ရှေ့​တွင် မိမိကိုယ်ကို​နှိမ့်ချ​ခြင်း​မ​ရှိ​။

ယောဘဝတ္တု။ 36:22

ကြည့်ရှု​လော့​။ ဘုရားသခင်​သည် တန်ခိုး​တော်​ကြောင့် ချီးမြှောက်​ခြင်း​ခံရ​၏​။ ထိုသို့ ကိုယ်တော်​နှင့်​တူ​သော​ဆရာ မည်သူ​ရှိ​သနည်း​။

ဆာ​လံ 75:10

“​ဆိုးယုတ်​သော​သူ​တို့​၏​ဦးချို​ရှိသမျှ​တို့​ကို ငါ​ပိုင်းဖြတ်​မည်​။ ဖြောင့်မတ်​သော​သူ​တို့​၏​ဦးချို​သည် ချီးမြှောက်​ခြင်း​ခံရ​လိမ့်မည်​။​”

ဆာ​လံ 89:13

ကိုယ်တော်​၌ အစွမ်းတန်ခိုး​နှင့်​ပြည့်စုံ​သော​လက်ရုံး​တော်​ရှိ​ပါ​၏​။ ကိုယ်တော်​၏​လက်​တော်​သည် တန်ခိုးကြီး​၍ ကိုယ်တော်​၏​လက်ယာ​လက်​တော်​သည် ချီးမြှောက်​ခြင်း​ရှိ​ပါ​၏​။

ထွက်​မြောက် 10:3

မောရှေ​နှင့်​အာရုန်​တို့​သည်​လည်း ဖာရော​မင်းကြီး​ထံသို့​ဝင်​၍ “​ဟေဗြဲ​လူမျိုး​တို့​၏​ဘုရားသခင်​ထာဝရဘုရား​က ‘​သင်​သည် ငါ့​ရှေ့​၌ ကိုယ့်ကိုယ်ကိုယ် မ​နှိမ့်ချ​ဘဲ မည်မျှ​ကြာ​အောင်​တင်းခံ​နေ​မည်နည်း​။ ငါ​၏​လူမျိုး​တော်​သည် ငါ့​ကို​ဝတ်ပြု​ရန် သူ​တို့​ကို​လွှတ်​လော့​။

ထွက်​မြောက် 3:19

သို့သော် အီဂျစ်​ဘုရင်​သည် အားကြီး​သော​လက်​တော်​ကြောင့်​မ​ဟုတ်​လျှင် သင်​တို့​အား သွား​ခွင့်ပြု​မည်​မ​ဟုတ်​ကြောင်း ငါ​သိ​၏​။

ထွက်​မြောက် 32:11

ထိုအခါ မောရှေ​က မိမိ​၏​ဘုရားသခင် ထာဝရဘုရား​အား “​အို ထာဝရဘုရား​၊ ကိုယ်တော်​သည် ကြီးမား​သော​တန်ခိုး​၊ အားကြီး​သော​လက်​တော်​ဖြင့် အီဂျစ်​ပြည်​မှ​ထုတ်ဆောင်​တော်မူ​ခဲ့​သော ကိုယ်တော်​၏​လူမျိုး​တော်​ကို အဘယ်ကြောင့် အမျက်ထွက်​တော်မူ​ပါ​သနည်း​။

သုတ္တံကျမ်း။ 29:23

လူ​၏​မာန်မာန​သည် သူ့​ကို​နိမ့်ကျ​စေ​တတ်​၏​။ စိတ်နှိမ့်ချ​သော​သူ​မူကား ဂုဏ်သရေ​ကို​ရ​လိမ့်မည်​။

ဟေ​ရှာ​ယ 2:11

ထို​နေ့ရက်​တွင် မျက်နှာ​မောက်မာ​သော​သူ​သည် မာန်စွယ်ကျိုး​သွား​ရ​မည်​။ ထောင်လွှား​သော​သူ​သည် ဦးကျိုး​သွား​ရ​မည်​။ ထာဝရဘုရား​တစ်ပါးတည်း​သာ ချီးမြှောက်​ခြင်း​ခံရ​မည်​။

ဟေ​ရှာ​ယ 40:4

ချိုင့်ဝှမ်း​ရှိသမျှ​ကို ဖို့​၍ တောင်ကြီး​တောင်ငယ်​ရှိသမျှ​ကို ဖြို​ရ​မည်​။ မညီညာ​သော​မြေ​သည် ချောမွေ့​၍ ကြမ်းတမ်း​သော​နေရာ​တို့​သည် လွင်ပြင်​ဖြစ်သွား​မည်​။

ဟေ​ရှာ​ယ 57:15

မြင့်မြတ်​၍​ချီးမြှောက်​ခြင်း​ခံ​တော်မူ​သော​၊ ထာဝရ​အသက်ရှင်​တော်မူ​သော​၊ သန့်ရှင်း​ခြင်း​ဟု နာမ​ရှိ​တော်မူ​သော​အရှင်​က “​ငါ​သည် စိတ်နှလုံး​ကျိုးပဲ့ကြေမွ​သော​သူ​၊ စိတ်နှိမ့်ချ​သော​သူ​တို့​နှင့်အတူ အထွတ်အမြတ်​ထား​ရာ​အရပ်​၊ သန့်ရှင်း​သော​အရပ်​၌ ကိန်းဝပ်​၏​။ စိတ်အားငယ်​သော​သူ​၊ စိတ်နှလုံး​ကျိုးပဲ့ကြေမွ​သော​သူ​တို့​ကို အားဖြည့်ပေး​ရန် သူ​တို့​တွင် ငါ​ကိန်းဝပ်​၏​။

ယေ​ရ​မိ 13:18

ရှင်ဘုရင်​နှင့်​မယ်တော်​အား “​သင်​တို့​၏​ဘုန်း​သရဖူ​သည် သင်​တို့​၏​ခေါင်း​မှ ပြုတ်ကျ​ပြီ​ဖြစ်၍ နိမ့်ကျ​သော​နေရာ​၌ ထိုင်​လော့​”​ဟု ပြော​လော့​။

ယေ​ရ​မိ 44:10

ယနေ့​တိုင်အောင် သူ​တို့​သည် နှိမ့်ချ​သော​စိတ်​၊ ကြောက်ရွံ့​သော​စိတ် မ​ရှိ​ကြ​။ သင်​တို့​နှင့်​သင်​တို့​၏​ဘိုးဘေး​တို့​အား ငါ​ချမှတ်​ပေး​ထား​သော​ပညတ်တရား​နှင့် ပြဋ္ဌာန်းချက်​များ​ကို သူ​တို့​မ​လိုက်လျှောက်​ကြ’​ဟု မိန့်​တော်မူ​၏​။

ယေ​ဇ​ကျေ​လ 17:21

ထွက်ပြေး​သော​စစ်သည်​အပေါင်း​တို့​သည် ဓား​ဖြင့်​သေ​ကြ​ရ​လိမ့်မည်​။ ကြွင်းကျန်​သော​သူ​တို့​သည်​လည်း လေနှင်ရာ​အရပ်ရပ်​သို့ ကွဲလွင့်​ကြ​ရ​လိမ့်မည်​။ ထိုသို့ ငါ​ထာဝရဘုရား​မိန့်ဆို​ခဲ့​ကြောင်း သင်​တို့​သိ​ကြ​ရ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 21:6

သို့ဖြစ်၍ အချင်း​လူသား​၊ ညည်းတွား​လော့​။ သူ​တို့​ရှေ့​တွင် နှလုံးကြေကွဲ​စွာ​၊ ခါးသီး​စွာ ညည်းတွား​လော့​။

ဒံ​ယေ​လ 5:22

သို့သော် သူ​၏​သား​တော်​ဖြစ်​သူ အရှင်​ဗေလရှာဇာ​၊ သင်​သည် ထို​အမှု​အလုံးစုံ​ကို သိ​လျက်ပင် စိတ်နှလုံး​မ​နှိမ့်ချ​ဘဲ

ဝတ်​ပြု 26:41

ငါ​သည်​လည်း သူ​တို့​ကို​ပြန်ဆန့်ကျင်​၍ ရန်သူ​တို့​၏​ပြည်​သို့ နှင်ထုတ်​လိုက်​သောအခါ သူ​တို့​သည် အရေဖျားလှီး​ခြင်း​မ​ခံ​သော​စိတ်နှလုံး​ကို နှိမ့်ချ​ပြီး ကိုယ့်​အပြစ်​အတွက် ပြန်လည်​ပေးဆပ်​မည်​ဆိုလျှင်

မိက္ခာ 6:8

အို အချင်း​လူ​၊ မည်သည့်​အရာ​ကောင်းမြတ်​သည်​ကို သင့်​အား​ပြောပြ​တော်မူ​ပြီ​။ စင်စစ် တရားမျှတ​စွာ​ပြုကျင့်​ခြင်း​၊ မေတ္တာကရုဏာ​ကို မြတ်နိုး​ခြင်း​၊ ဘုရားသခင်​ရှေ့​တော်​၌ စိတ်နှိမ့်ချ​စွာ​အသက်ရှင်​လျှောက်လှမ်း​ခြင်း မှတစ်ပါး သင့်​အား မည်သည့်​အရာ​ကို ထာဝရဘုရား တောင်းဆို​တော်မူ​သနည်း​။

မဿဲ 23:12

မိမိကိုယ်ကို​ချီးမြှောက်​သော​သူ​သည် နှိမ့်ချ​ခြင်း​ကို​ခံရ​၍ မိမိကိုယ်ကို​နှိမ့်ချ​သော​သူ​သည် ချီးမြှောက်​ခြင်း​ကို​ခံရ​လိမ့်မည်။

လုကာ 1:52

ရှင်ဘုရင်​တို့​ကို နန်း​ချ​၍ နှိမ့်ချ​သော​သူ​တို့​ကို ချီးမြှောက်​တော်မူ​၏။

လုကာ 14:11

အကြောင်းမူကား မိမိကိုယ်ကို​ချီးမြှောက်​သော​သူ​တိုင်း​သည် နှိမ့်ချ​ခြင်း​ကို​ခံရ​၍ မိမိကိုယ်ကို​နှိမ့်ချ​သော​သူ​သည် ချီးမြှောက်​ခြင်း​ကို​ခံရ​လိမ့်မည်”​ဟု မိန့်​တော်မူ​၏။

လုကာ 18:14

သင်​တို့​အား ငါ​ဆို​သည်​ကား ဖြောင့်မတ်​သည်​ဟု​အသိအမှတ်ပြု​ခြင်း​ခံရ​လျက် မိမိ​အိမ်​သို့​ပြန်သွား​သော​သူ​မှာ ဤ​အခွန်​ကောက်ခံ​သူ​ဖြစ်​၍ ထို​ဖာရိရှဲ​မ​ဟုတ်။ အကြောင်းမူကား မိမိကိုယ်ကို​ချီးမြှောက်​သော​သူ​တိုင်း​သည် နှိမ့်ချ​ခြင်း​ကို​ခံရ​၍ မိမိကိုယ်ကို​နှိမ့်ချ​သော​သူ​သည် ချီးမြှောက်​ခြင်း​ကို​ခံရ​လိမ့်မည်”​ဟု မိန့်​တော်မူ​၏။

ရော​မ 5:6

ငါ​တို့​အားနည်း​လျက်​ရှိ​နေ​ကြ​စဉ် ခရစ်တော်​သည် အချိန်တန်​သည်​နှင့် ဘုရား​တရား​မဲ့​သော​သူ​များ​အတွက် အသေခံ​တော်မူ​၏။

၁ ကော 10:22

ငါ​တို့​သည် သခင်​ဘုရား​အား သဝန်တို​စေ​ကြ​သလော။ ငါ​တို့​သည် ကိုယ်တော်​ထက် ခွန်အားကြီး​ကြ​သလော။

တ​ရား​ဟော 32:35

လက်စားချေ​ခြင်း​၊ လက်တုံ့ပြန်​ခြင်း​သည် ငါ​နှင့်​ဆိုင်​၏​။ သူ​တို့​သည် အချိန်တန်​လျှင် ခြေ​ချော်​လိမ့်မည်​။ သူ​တို့​၏​ဘေးဒုက္ခ​နေ့ရက်​သည်​နီး​ပြီ​။ သူ​တို့​ကြုံ​ရ​မည့်​အမှု​သည် အလျင်အမြန်​ရောက်လာ​လိမ့်မည်​။

၁ တိ 2:6

ထို​အရှင်​သည် လူ​အပေါင်း​တို့​အတွက် ရွေးနုတ်​စရာ​အဖိုးအခ​အဖြစ် မိမိကိုယ်ကို​ပေးအပ်​တော်မူ​၏။ ဤသည်ကား အချိန်​တန်​သောအခါ ပေး​တော်မူ​သော​သက်သေခံ​ချက်​ဖြစ်​၏။

တိ​တု 1:3

အချိန်တန်​သောအခါ ဟောပြော​ခြင်း​အမှု​အားဖြင့် မိမိ​၏​နှုတ်ကပတ်​တရား​ကို ထင်ရှား​စေ​တော်မူ​၍ ငါ​တို့​၏​ကယ်တင်ရှင်​ဘုရားသခင်​၏​အမိန့်​တော်​အတိုင်း ထို​အမှု​ကို ငါ့​အား​ယုံကြည်​အပ်နှံ​တော်မူ​၏။

ယာ​ကုပ် 4:10

ထာဝရ​ဘုရား​ရှေ့​တော်​၌ မိမိ​ကိုယ်​ကို​နှိမ့်ချ​ကြ​လော့။ သို့ပြုလျှင် ကိုယ်တော်​သည် သင်​တို့​ကို​ချီးမြှောက်​တော်မူ​လိမ့်မည်။

ယာ​ကုပ် 4:7

ထို့ကြောင့် ဘုရားသခင်​ကို​နာခံ​ကြ​လော့။ မာရ်နတ်​ကို​ဆန့်ကျင်​တွန်းလှန်​ကြ​လော့။ သို့ပြုလျှင် သူ​သည် သင်​တို့​ထံမှ ထွက်ပြေး​လိမ့်မည်။

ယာ​ကုပ် 5:10

ညီအစ်ကို​တို့၊ ဆင်းရဲ​ဒုက္ခ​ခံ​ခြင်း​နှင့်​စိတ်ရှည်​ခြင်း​တို့​နှင့်​ပတ်သက်၍ သခင်​ဘုရား​၏​နာမ​တော်​အားဖြင့် ဟောပြော​သော​ပရောဖက်​တို့​ကို စံနမူနာ​ယူ​ကြ​လော့။