၁ ပေ 2:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ အဘယ်ကြောင့်​ဆိုသော် ကောင်း​သော​အမှု​ကို​ပြု​ခြင်း​အားဖြင့် မိုက်မဲ​သော​သူ​တို့​၏​အသိဉာဏ်​ကင်းမဲ့​မှု​ကို တိတ်ဆိတ်​စေ​ခြင်း​သည် ဘုရားသခင်​၏​အလို​တော်​ဖြစ်​၏။

Common Language Bible

¹⁵ သင်​တို့​သည်​မိ​မိ​တို့​၏​အ​ကျင့်​ကောင်း​အား​ဖြင့် အ​သိ​ဉာဏ်​ကင်း​မဲ့​သည့်​လူ​မိုက်​တို့​၏​နှုတ်​ကို ပိတ်​ရန်​ဘု​ရား​သ​ခင်​အ​လို​တော်​ရှိ​တော်​မူ​၏။-

Garrad Bible

^15-16 ဘု ရား သ ခင့် အ လို တော် မှာ လူ လွတ် ဖြစ် သော သင် တို့ သည် လွတ် ခြင်း အ ခွင့် ကို အ ဆိုး ကွယ် ဝှက် ရန် မ သုံး ဘဲ ဘု ရား သ ခင့် ကျွန် အ ဖြစ် အ ကောင်း ပြု ကျင့် ခြင်း အား ဖြင့် ဉာဏ် ကင်း သူ တို့၏ မိုက် မဲ ရာ ကို တိတ် ဆိတ် ကြ စေ ရန် ထို သို့ ဝန် ခံ ခြင်း တည်း။

Judson Bible

¹⁵ အ​ကြောင်း​မူ​ကား၊ သင်​တို့​သည် ကောင်း​သော​အ​ကျင့်​ကို ကျင့်​သော​အား​ဖြင့် လူ​မိုက်​တို့၏ မိုက်​မဲ​သော​စ​ကား​ကို ချေ​စေ​ခြင်း​ငှာ၊ ဘု​ရား​သ​ခင်​သည် ထို​သို့​သော အ​လို​တော်​ရှိ၏။-

ခေတ်သစ်​မြန်မာ သမ္မာကျမ်း

¹⁵ အဘယ်ကြောင့်ဆိုသော် သင်တို့​၏​ကောင်းမှု​ပြုခြင်း​ဖြင့် မိုက်မဲသော​သူတို့​၏ အသိဉာဏ်​မဲ့သော​စကား​ကို တိတ်ဆိတ်​စေရန် ဘုရားသခင်​အလိုရှိတော်မူ​သောကြောင့်​ဖြစ်၏။

၁ ပေ 2:15 Referencias Cruzadas

ယောဘဝတ္တု။ 2:10

ယောဘ​က သူ့​ဇနီး​အား “​သင်​သည် မိန်းမမိုက်​တစ်​ယောက် ပြော​တတ်​သကဲ့သို့ ပြော​ပါ​သည်​တကား​။ ဘုရားသခင်​ထံမှ အကောင်း​ကို​လက်ခံ​၍ အဆိုး​ကို လက်​မ​ခံ​ဘဲ​နေ​ရ​မည်လော​”​ဟု ပြန်ပြော​၏​။ ယောဘ​သည် ဤသို့​ကြုံတွေ့​ရ​သော်လည်း မိမိ​နှုတ်​ဖြင့်​မျှ မ​ပြစ်မှား​ဘဲ​နေ​၏​။

ယောဘဝတ္တု။ 5:16

ထို့ကြောင့် ဆင်းရဲ​သော​သူ​၌ မျှော်လင့်​ခြင်း​ရှိ​၍ မတရား​သော​သူ​ကား နှုတ်ဆိတ်​နေ​ရ​၏​။

ဆာ​လံ 107:42

ဖြောင့်မှန်​သော​သူ​တို့​သည် ထို​အမှုအရာ​ကို​မြင်​၍ ဝမ်းမြောက်​ကြ​၏​။ မတရားမှု​ရှိသမျှ​တို့​မူကား နှုတ်ဆိတ်​နေ​ကြ​ရ​၏​။

ဆာ​လံ 5:5

ဝါကြွား​သော​သူ​တို့​သည် ကိုယ်တော်​၏​မျက်မှောက်​တော်​၌ ရပ်​နိုင်​ကြ​မည်​မ​ဟုတ်​ပါ​။ ကိုယ်တော်​သည် အပြစ်ဒုစရိုက်​ပြု​သော​သူ​အပေါင်း​တို့​ကို မုန်း​တော်မူ​၏​။

သုတ္တံကျမ်း။ 9:6

အသိဉာဏ်​နည်းပါး​ခြင်း​ကို​စွန့်ပယ်​၍ အသက်ရှင်​လော့​။ အသိဉာဏ်​လမ်း​ကို​လိုက်​လော့​”​ဟု ဆို​၏​။

ယေ​ရ​မိ 4:22

“ငါ့​လူမျိုး​တော်​တို့​သည် ဆိုးမိုက်​သော​သူ​များ​ဖြစ်​ကြ​၏​။ ငါ့​ကို​မ​သိ​ကြ​။ မိုက်မဲ​သော​သားသမီး​များ​ဖြစ်​ကြ​၏​။ အသိဉာဏ်​မ​ရှိ​ကြ​။ ဆိုးညစ်​သော​အမှု​ကို​ပြု​ရာ​၌ ကျွမ်းကျင်​၍ ကောင်း​သော​အမှု​ကို​မ​ပြု​ကြ​။”

မဿဲ 25:2

ထို​သူ​တို့​ထဲမှ ငါး​ယောက်​သည် မိုက်မဲ​သော​သူ​ဖြစ်​ကြ​ပြီး ငါး​ယောက်​သည် ပညာ​သတိ​ရှိ​သော​သူ​ဖြစ်​ကြ​၏။

မဿဲ 7:26

ငါ​ဟောပြော​သော ဤ​တရား​စကား​တို့​ကို​ကြား​၍ မ​ကျင့်သုံး​သော​သူ​တိုင်း​သည် သဲ​ပေါ်၌ မိမိ​အိမ်​ကို​ဆောက်​သည့် မိုက်မဲ​သော​သူ​နှင့်​တူ​၏။

ရော​မ 1:21

အကြောင်းမူကား သူ​တို့​သည် ဘုရားသခင်​ကို​သိ​လျက်​နှင့်​ပင် ဘုရား​အဖြစ်​ဘုန်း​တော်​ကို​မ​ချီးမွမ်း၊ ကျေးဇူး​လည်း​မ​တင်​ကြ​ပေ။ သူ​တို့​၏​တွေးတော​ကြံစည်​မှု​များ​သည် အချည်းနှီး​ဖြစ်​သွား​၍ သူ​တို့​၏​အသိတရား​ကင်းမဲ့​သော​စိတ်နှလုံး​ကို​လည်း အမှောင်​ဖုံးလွှမ်း​လေ​၏။

ဂ​လာ​တိ 3:1

အို မိုက်မဲ​သော​ဂလာတိ​ပြည်သား​တို့၊ လက်ဝါးကပ်တိုင်​ပေါ်၌​တင်​ခြင်း​ခံရ​သော ယေရှု​ခရစ်တော်​သည် သင်​တို့​မျက်စိ​ရှေ့၌ ထင်ရှား​စွာ​ဖော်ပြ​ခြင်း​ခံရ​လျက်​နှင့် မည်သူ​က သင်​တို့​ကို​ပြုစား​လိုက်​သနည်း။

တ​ရား​ဟော 32:6

အို မိုက်မဲ​သော​လူမျိုး​၊ ပညာမဲ့​သော​လူမျိုး​၊ ဤနည်းဖြင့် ထာဝရဘုရား​ကို ကျေးဇူးဆပ်​ရ​သလော​။ ကိုယ်တော်​သည် သင်​၏​ဖခင်​၊ သင့်​ကို​ဖန်ဆင်း​သော​အရှင် ဖြစ်​တော်မူ​သည်​မ​ဟုတ်​လော​။ ကိုယ်တော်​သည် သင့်​ကို​ဖန်ဆင်း​၍ ပုံဖော်​ဖြစ်တည်​စေ​တော်မူ​သည်​မ​ဟုတ်​လော​။

၁ သက် 4:3

ဘုရားသခင်​၏​အလို​တော်​ကား သင်​တို့​သန့်ရှင်း​ခြင်း​ရှိ​ရန်​ဖြစ်​၏။ တစ်နည်း​အားဖြင့် သင်​တို့​သည် တရားနှင့်မညီ​မေထုန်ပြု​ခြင်း​ကို ရှောင်ကြဉ်​လျက်

၁ သက် 5:18

အရာရာ​၌ ကျေးဇူး​တော်​ချီးမွမ်း​ကြ​လော့​။ အကြောင်းမူကား သင်​တို့​သည် ထိုသို့​ပြု​ကြ​ရန် ခရစ်တော်​ယေရှု​၌ ဘုရားသခင်​အလို​ရှိ​တော်မူ​၏​။

၁ တိ 1:13

ငါ​သည် ယခင်​က စော်ကား​ပြောဆို​သော​သူ၊ ညှဉ်းဆဲ​သော​သူ၊ မိုက်ရိုင်း​သော​သူ​ဖြစ်​ခဲ့​သော်လည်း ယုံကြည်​ခြင်း​မ​ရှိ​စဉ် မ​သိ​နား​မ​လည်​ဘဲ ထိုသို့​ပြု​ခဲ့​သည်​ဖြစ်၍ ကရုဏာ​တော်​ကို​ခံစား​ရ​၏။

တိ​တု 2:8

အပြစ်တင်​စရာ​ကင်း​သော မှန်ကန်​ပြည့်စုံ​သည့်​စကား​ကို ပြောဆို​လော့။ သို့ပြုလျှင် ဆန့်ကျင်ဘက်​ပြု​သော​သူ​သည် ငါ​တို့​နှင့်​ပတ်သက်၍ မကောင်း​သော​အရာ​တစ်စုံတစ်ခု​ကို​မျှ မ​ပြောဆို​နိုင်​ဘဲ အရှက်ရ​လိမ့်မည်။

တိ​တု 3:3

အကြောင်းမူကား တစ်ချိန်က ငါ​တို့​သည်​လည်း မိုက်မဲ​သော​သူ၊ နာခံ​ခြင်း​မ​ရှိ​သော​သူ၊ လမ်းလွဲ​သော​သူ​များ​ဖြစ်​ကြ​ပြီး အမျိုးမျိုး​သော တပ်မက်​ခြင်း​နှင့်​ကာမဂုဏ်​ခံစား​ခြင်း​တို့​၌​ကျွန်ခံ​၍ မကောင်းမှု​နှင့်​မလိုမုန်းထား​ခြင်း​တို့​၌​ကျင်လည်​ကြ​ကာ မုန်းတီး​ခြင်း​ခံရ​လျက် အချင်းချင်း​ကို​လည်း​မုန်းတီး​လျက်​နေ​ကြ​၏။

၁ ပေ 2:12

လူမျိုးခြား​တို့​အလယ်​တွင် ကောင်း​စွာ​အသက်ရှင်​နေထိုင်​ကြ​လော့။ သို့ပြုလျှင် သူ​တို့​သည် သင်​တို့​ကို ဒုစရိုက်​ပြု​သူ​များ​အဖြစ် ပုတ်ခတ်​ပြောဆို​ကြ​သော်လည်း သင်​တို့​၏​ကောင်း​သော​အမှု​တို့​ကို​မြင်​၍ အကြည့်အရှု​ကြွလာ​တော်မူ​သော​နေ့ရက်​၌ ဘုရားသခင်​၏​ဘုန်း​တော်​ကို​ချီးမွမ်း​ကြ​လိမ့်မည်။

၁ ပေ 3:16

သို့သော် နူးညံ့​သိမ်မွေ့​သော​စိတ်၊ ကြောက်ရွံ့​ရိုသေ​သော​စိတ်​နှင့် ကြည်လင်​သော​အသိစိတ်​တို့​ဖြင့် ဖြေရှင်း​ပြောဆို​ကြ​လော့။ သို့ပြုလျှင် ခရစ်တော်​၌​ရှိ​သည့် သင်​တို့​၏​ကောင်း​သော​အသက်ရှင်​နေထိုင်​မှု​ကို ကဲ့ရဲ့​ရှုတ်ချ​သော​သူ​တို့​သည် သင်​တို့​ကို ပုတ်ခတ်​ပြောဆို​သည့်​အတွက် အရှက်ရ​ကြ​လိမ့်မည်။

၁ ပေ 3:17

အကြောင်းမူကား ဘုရားသခင်​အလို​တော်​ရှိ​လျှင် မကောင်း​သော​အမှု​ကို​ပြု​၍ ဒုက္ခ​ဝေဒနာ​ခံစား​ရ​ခြင်း​ထက် ကောင်း​သော​အမှု​ကို​ပြု​၍ ဒုက္ခ​ဝေဒနာ​ခံစား​ရ​ခြင်း​သည် သာ၍​ကောင်း​၏။

၁ ပေ 4:2

ဤသည်ကား ကိုယ်ကာယ​၌​အသက်ရှင်​ရ​မည့် ကျန်​ရှိ​သေး​သော​အချိန်​ကာလ​ကို လူ​တို့​၏​တပ်မက်​ခြင်း​အားဖြင့် မ​ဟုတ်​တော့​ဘဲ ဘုရားသခင်​၏​အလို​တော်​အားဖြင့် အသက်ရှင်​နိုင်​ရန်​ဖြစ်​၏။

၂ ပေ 2:12

သို့သော် သူ​တို့​သည် ဖမ်းဆီး​ခြင်း​နှင့်​ဖျက်ဆီး​ခြင်း​ခံရ​ရန်​အတွက် ပေါက်ဖွား​လာ​သည့် ဘာသာဘာဝ​ဆင်ခြင်​ဉာဏ်​မ​ရှိ​သော တိရစ္ဆာန်​များ​ကဲ့သို့​ဖြစ်​ကြ​ပြီး မိမိ​တို့​နား​မ​လည်​သည့်​အရာ​များ​ကို စော်ကား​ပြောဆို​တတ်​ကြ​၏။ သူ​တို့​သည် ထို​တိရစ္ဆာန်​များ​ပျက်စီး​သကဲ့သို့ ပျက်စီး​သွား​၍

ယု​ဒ 1:10

သူ​တို့​မူကား မိမိ​တို့​မ​သိ​သော​အရာ​များ​ကို စော်ကား​ပြောဆို​ကြ​လျက် ဆင်ခြင်​ဉာဏ်​မ​ရှိ​သော တိရစ္ဆာန်​များ​ကဲ့သို့ ပင်ကို​သဘာဝ​အရ​သိ​ထား​သည့်​အရာ​များ​၌​ပင် ပျက်စီး​ခြင်း​သို့​ရောက်​တတ်​ကြ​၏။