၁ ကော 7:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ညီအစ်ကို​တို့၊ လူ​အသီးသီး​သည် မိမိ​ခေါ်ယူ​တော်မူ​ခြင်း​ခံရ​သည့်​အခြေအနေ​၌ ဘုရားသခင်​နှင့်အတူ​ဆက်၍​တည်​နေ​ပါစေ။

Common Language Bible

²⁴ ညီ​အစ်​ကို​တို့၊ သင်​တို့​သည်​ရွေး​ကောက်​တော်​မူ ခြင်း​ခံ​ရ​စဉ်​အ​ခါ​က​ရှိ​ခဲ့​သည့်​အ​ခြေ​အ​နေ ၌​ပင် ဘု​ရား​သ​ခင်​နှင့်​မိတ်​သ​ဟာ​ယ​ဖွဲ့​လျက် ဆက်​လက်​နေ​ထိုင်​ရ​ကြ​၏။

Garrad Bible

²⁴ ညီ အစ် ကို တို့၊ အ သီး အ သီး သည် ခေါ် ထား တော် မူ ရင်း အ ဖြစ် အ နေ၌ ဘု ရား သ ခင့် အ ပါး တော် တွင် တည် နေ စေ။

Judson Bible

²⁴ ညီ​အစ်​ကို​တို့၊ ခေါ်​တော်​မူ​ခြင်း​ကျေး​ဇူး​ကို ခံ​ရ​သော​သူ​သည် အ​ကြင်​အ​မှု​ကို လုပ်​နေ၏။ ထို​သို့ ဘု​ရား​သ​ခင့်​ရှေ့​တော်၌ လူ​တိုင်း​လုပ်​နေ​စေ။

ခေတ်သစ်​မြန်မာ သမ္မာကျမ်း

²⁴ ချစ်သော ညီအစ်ကို​မောင်နှမတို့… သင်တို့​သည် ဘုရားသခင် ရွေးကောက်တော်မူ​စဉ်က ရှိသည့်​အခြေအနေ​မျိုး​၌ ဘုရားသခင်​နှင့်အတူ ဆက်၍ ရှိနေ​သင့်၏။

၁ ကော 7:24 Referencias Cruzadas

ကမ္ဘာ​ဦး 17:1

အာဗြံ​သည် အသက်​ကိုးဆယ့်​ကိုး​နှစ်​ရှိ​သောအခါ ထာဝရဘုရား​သည် အာဗြံ​အား​ကိုယ်ထင်ရှားပြ​၍ “​ငါ​သည် အနန္တတန်ခိုးရှင်​ဘုရားသခင်​ဖြစ်​၏​။ ငါ့​ရှေ့မှောက်​၌ အသက်ရှင်​လျှောက်လှမ်း​လော့​။ အပြစ်တင်စရာမရှိ​အောင်​နေ​လော့​။

မဿဲ 12:45

ထိုအခါ ၎င်း​သည်​သွား​၍ မိမိ​ထက်​ဆိုး​သော​နတ်​ခုနစ်​ကောင်​ကို မိမိ​နှင့်အတူ​ခေါ်ဆောင်​လာ​ပြီး ထို​နေရာ​၌ ဝင်ရောက်​နေထိုင်​သဖြင့် ထို​လူ​၏​နောက်​ဖြစ်အင်​သည် ရှေ့​ဖြစ်အင်​ထက် ဆိုးရွား​လေ​၏။ ဆိုးညစ်​သော​ဤ​မျိုးဆက်​၌​လည်း ထိုနည်းတူ​ဖြစ်​လိမ့်မည်”​ဟု ပြန်​၍​မိန့်​တော်မူ​၏။

၁ ကော 10:31

ထို့ကြောင့် သင်​တို့​သည် စား​သည်​ဖြစ်စေ၊ သောက်​သည်​ဖြစ်စေ၊ မည်သည့်​အမှု​ကို​ပြု​သည်​ဖြစ်စေ ခပ်သိမ်း​သော​အမှု​တို့​ကို ဘုရားသခင်​၏​ဘုန်း​တော်​အတွက် ပြု​ကြ​လော့။

၁ ကော 7:17

လူ​အသီးသီး​တို့​သည် မိမိ​အား သခင်​ဘုရား​သတ်မှတ်​ခွဲဝေ​ပေး​တော်မူ​သည့်​အတိုင်း​နှင့် တစ်ဦးစီ​အား ဘုရားသခင်​ခေါ်ယူ​တော်မူ​သည့်​အခြေအနေ​အတိုင်း အသက်ရှင်​လျှောက်လှမ်း​ပါစေ။ ဤသည်ကား အသင်းတော်​အားလုံး​တို့​ကို ငါ​မှာကြား​သော​အချက်​ဖြစ်​၏။

၁ ကော 7:20

လူ​အသီးသီး​သည် ခေါ်ယူ​တော်မူ​ခြင်း​ခံရ​သည့်​အခြေအနေ​၌ ဆက်၍​တည်​နေ​ပါစေ။

၁ ရာ 14:45

သို့သော် စစ်သည်​တို့​က ရှောလု​မင်းကြီး​အား “​အစ္စရေး​လူမျိုး​တို့​ကို အကြီးအကျယ်​ကယ်တင်​ပေး​ခဲ့​သော​ယောနသန်​သည် သေ​ရ​မည်လော​။ ဤ​အဖြစ်​နှင့်​ဝေး​ပါစေ​၊ ထာဝရဘုရား​အသက်ရှင်​တော်မူ​သည်​နှင့်အညီ သူ့​ဦးခေါင်း​မှ ဆံချည်​တစ်​ပင်​မျှ မြေ​ပေါ်သို့ မ​ကျ​စေ​ရ​။ ယနေ့​ပင် သူ​သည် ဘုရားသခင်​နှင့်အတူ စစ်တိုက်​လေ​ပြီ​”​ဟု ဆို​ကြ​၏​။ ဤသို့ ယောနသန်​ကို​စစ်သည်​တို့​ကယ်တင်​သောကြောင့် ယောနသန်​သည် သေဒဏ်​မ​ခံ​ရ​တော့​ပေ​။