၁ ကော 16:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ တိမောသေ​ရောက်လာ​လျှင် သူ​သည် စိုးရိမ်​ခြင်း​မ​ရှိ​ဘဲ သင်​တို့​နှင့်အတူ​နေထိုင်​နိုင်​ရန် ဂရုစိုက်​ကြ​လော့။ အကြောင်းမူကား သူ​သည် ငါ​ကဲ့သို့​ပင် သခင်​ဘုရား​၏​အမှု​တော်​ကို​ဆောင်ရွက်​နေ​၏။

Common Language Bible

¹⁰ အ​ကယ်​၍​သင်​တို့​ထံ​သို့​တိ​မော​သေ​ရောက်​ရှိ​လာ ပါ​လျှင် သူ့​အား​လှိုက်​လှဲ​စွာ​ကြို​ဆို​ဧည့်​ခံ​ကြ​လော့။ သူ​သည်​ငါ​ကဲ့​သို့​ပင်​သ​ခင်​ဘု​ရား​၏​အ​မှု​တော် ဆောင်​ဖြစ်​ပေ​သည်။-

Garrad Bible

^10-11 တိ မော သေ သည် ငါ ကဲ့ သို့ အ ရှင် ဘု ရား အ မှု တော် ကို ဆောင် ရွက် သူ ဖြစ် သော ကြောင့် သင် တို့ ထံ ရောက် လျှင် မည် သူ မျှ မ ထီ လေး စား မ ပြု ဘဲ ကြောက် ရွံ့ ခြင်း ကင်း လျက် နေ စေ ရန် သ တိ မူ ကြ လော့။ အ ခြား ညီ အစ် ကို တို့ နှင့် တ ကွ ငါ တောင့် တ လျက် နေ သည် ဖြစ်၍ စိတ် ချမ်း သာ စွာ ရောက် လာ စေ ရန် ပို့ လိုက် ကြ လော့။

Judson Bible

¹⁰ တိ​မော​သေ​သည် သင်​တို့​ဆီ​သို့ ရောက်​လျှင်၊ သူ​သည် စိုး​ရိမ်​ခြင်း အ​ကြောင်း​မ​ရှိ​ဘဲ၊ သင်​တို့​နှင့်​အ​တူ နေ​စေ​ခြင်း​ငှာ သ​တိ​ပြု​ကြ​လော့။ သူ​သည် ငါ​ကဲ့​သို့​ပင် သ​ခင်​ဘု​ရား၏​အ​မှု​တော်​ကို ဆောင်​ရွက်​သော​သူ ဖြစ်၏။-

ခေတ်သစ်​မြန်မာ သမ္မာကျမ်း

¹⁰ သင်တို့​ထံ တိမောသေ ရောက်လာ​လျှင် သူ့​ကို မစိုးထိတ်စေနှင့်။ သူ​သည် ကျွန်ုပ်​ကဲ့သို့ သခင်ဘုရား​၏ အမှုတော်​ကို ဆောင်ရွက်နေသူ​ဖြစ်၏။

၁ ကော 16:10 Referencias Cruzadas

တမန်တော်ဝတ္ထု 16:1

ထို့နောက် ပေါလု​သည် ဒေရဗေ​မြို့​မှတစ်ဆင့် လုတ္တရ​မြို့​သို့ ရောက်​လာ​၏။ ထို​အရပ်​၌ တိမောသေ​အမည်​ရှိ တပည့်​တော်​တစ်​ဦး​ရှိ​၏။ သူ​သည် ယုံကြည်​သူ​ဂျူး​အမျိုးသမီး​၏​သား​ဖြစ်​သော်လည်း သူ​၏​ဖခင်​မှာ​မူ ဂရိ​အမျိုးသား​ဖြစ်​၏။

တမန်တော်ဝတ္ထု 19:22

ထို့ကြောင့် သူ​သည် မိမိ​ကို​ကူညီ​ဆောင်ရွက်​ပေး​သူ​များ​ထဲမှ တိမောသေ​နှင့်​ဧရတ္တု​တို့​နှစ်​ဦး​ကို မာကေဒေါနိ​ပြည်​သို့​စေလွှတ်​၍ သူ​ကိုယ်တိုင်​သည် အာရှ​ပြည်​တွင် ခေတ္တ​နေ​ခဲ့​၏။

ရော​မ 16:21

ငါ​၏​လုပ်ဖော်ဆောင်ဖက်​တိမောသေ၊ ငါ့​အမျိုးသား​ချင်း လုကိ၊ ယာသုန်​နှင့် သောသိပါတရု​တို့​သည် သင်​တို့​ကို​နှုတ်ဆက်​ကြ​၏။

၁ ကော 15:58

ထို့ကြောင့် ငါ​ချစ်​သော​ညီအစ်ကို​တို့၊ သခင်​ဘုရား​၌ သင်​တို့​၏​ကြိုးပမ်း​အားထုတ်​မှု​သည် အချည်းနှီး​မ​ဖြစ်​ကြောင်း​သိမှတ်​၍ ခိုင်မြဲ​စွာ​ရပ်တည်​လျက် ဖောက်ပြန်​ရွေ့လျော​ခြင်း​မ​ရှိ​ဘဲ သခင်​ဘုရား​၏​အမှု​တော်​ကို အစဉ်အမြဲ စွမ်းစွမ်းတမံ​ဆောင်ရွက်​ကြ​လော့။

၁ ကော 16:11

ထို့ကြောင့် မည်သူ​မျှ သူ့​ကို​မထီမဲ့မြင်​မ​ပြု​စေ​နှင့်။ ငါ​သည် ညီအစ်ကို​များ​နှင့်အတူ သူ​ရောက်လာ​မည်​ကို စောင့်​နေ​သည်​ဖြစ်၍ သူ​သည် ငါ့​ထံသို့​ပြန်လာ​နိုင်​ရန် သူ့​ကို ငြိမ်းချမ်း​စွာ​ပို့ဆောင်​ကြ​လော့။

၁ ကော 4:17

ဤ​အကြောင်း​ကြောင့် သခင်​ဘုရား​၌​သစ္စာရှိ​သော ငါ​၏​ချစ်​သား တိမောသေ​ကို သင်​တို့​ထံသို့ ငါ​စေလွှတ်​၏။ သူ​သည် အရပ်ရပ်​တို့​၌ အသင်းတော်​တိုင်း​တွင် ငါ​သွန်သင်​သည့်​အတိုင်း ခရစ်တော်​ယေရှု​၌ ငါ​လိုက်လျှောက်​သော​လမ်း​တို့​ကို သင်​တို့​အား သတိရ​စေ​လိမ့်မည်။

၂ ကော 1:1

ဘုရားသခင်​၏​အလို​တော်​အားဖြင့် ခရစ်တော်​ယေရှု​၏​တမန်တော်​ဖြစ်​သော ငါ​ပေါလု​နှင့် ငါ့​ညီ​တိမောသေ​တို့​သည် ကောရိန္သု​မြို့​၌​ရှိ​သော ဘုရားသခင်​၏​အသင်းတော်​နှင့် အခါယ​ပြည်​တစ်ဝန်းလုံး​ရှိ သန့်ရှင်း​သူ​အပေါင်း​တို့​ထံသို့ စာ​ရေး​လိုက်​ပါ​၏။

၂ ကော 6:1

ငါ​တို့​သည် ဘုရားသခင်​၏​လုပ်ဖော်ဆောင်ဖက်​များ​ဖြစ်​ကြ​သည်​နှင့်အညီ သင်​တို့​သည် ဘုရားသခင်​၏​ကျေးဇူး​တော်​ကို အချည်းနှီး​မ​ခံယူ​ကြ​နှင့်​ဟု သင်​တို့​အား​တိုက်တွန်း​နှိုးဆော်​ပါ​၏။

၁ သက် 3:2

ခရစ်တော်​၏​ကောင်းမြတ်​သော​သတင်း​၌ ဘုရားသခင်​၏​လုပ်ဖော်ဆောင်ဖက်​ဖြစ်​သော ငါ​တို့​၏​ညီ တိမောသေ​ကို စေလွှတ်​လိုက်​၏။ သူ့​ကို​စေလွှတ်​ခြင်း​မှာ သင်​တို့​၏​ယုံကြည်​ခြင်း​နှင့်ပတ်သက်၍ သင်​တို့​ကို တိုက်တွန်း​နှိုးဆော်​၍ ခိုင်ခံ့​မြဲမြံ​စေရန်​နှင့်

၁ သက် 4:12

ဤသည်ကား သင်​တို့​သည် ပြင်ပ​လူ​တို့​ရှေ့၌ တင့်တယ်​လျောက်ပတ်​စွာ​အသက်ရှင်​လျှောက်လှမ်း​၍ သင်​တို့​၌ မည်သည့်​လိုအပ်​ချက်​မျှ​မ​ရှိ​စေရန်​အတွက်​ဖြစ်​၏။