၁ ကော 14:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ သူ​၏​စိတ်နှလုံး​ထဲမှ ကွယ်ဝှက်​ထား​သော​အရာ​တို့​သည် ထင်ရှား​လာ​သဖြင့် “ဘုရားသခင်​သည် သင်​တို့​အလယ်၌ အမှန်​ရှိ​တော်မူ​၏”​ဟု ဝန်ခံ​လျက် ဘုရားသခင်​ကို ပျပ်ဝပ်​ရှိခိုး​လိမ့်မည်။

Common Language Bible

²⁵ သူ​၏​စိတ်​နှ​လုံး​စစ်​ကြော​စီ​ရင်​ခြင်း​ကို​ခံ​ရ လျက်​သူ​၏​လျှို့​ဝှက်​သော​အ​ကြံ​အ​စည်​များ သည်​ပေါ်​လွင်​သ​ဖြင့် ``သင်​တို့​နှင့်​အ​တူ​ဧ​ကန် အ​မှန်​ဤ​အ​ရပ်​တွင်​ဘု​ရား​သ​ခင်​ရှိ​တော်​မူ ပါ​သည်​တ​ကား'' ဟု​ထုတ်​ဖော်​ဝန်​ခံ​ကာ​ဘု​ရား သ​ခင်​ကို​ပျပ်​ဝပ်​ရှိ​ခိုး​လိမ့်​မည်။

Garrad Bible

²⁵ ဝှက် ထား သော စိတ် အ ကြံ အ စည် များ ထင် ရှား သ ဖြင့် သင် တို့ တွင် ဘု ရား သ ခင် မု ချ တည် တော် မူ သည် ဟု ဝန် ခံ လျက် ဘု ရား သ ခင် အား ပျပ် ဝပ် ရှိ ခိုး လိမ့် မည်။

Judson Bible

²⁵ ထို​သို့​သူ၏ စိတ်​နှ​လုံး၌ မ​ထင်​ရှား​သော​အ​ရာ​တို့​သည် ထင်​ရှား​ပြန်၍ သူ​သည် ပျပ်​ဝပ်​လျက်၊ ဘု​ရား​သ​ခင်​ကို ကိုး​ကွယ်​လိမ့်​မည်။ ဘု​ရား​သ​ခင်​သည် သင်​တို့​တွင် အ​မှန်​ရှိ​တော်​မူ​သည်​ဟု သက်​သေ​ခံ​လိမ့်​မည်။

ခေတ်သစ်​မြန်မာ သမ္မာကျမ်း

²⁵ သူတို့​၏ စိတ်နှလုံး​ထဲမှ လျှို့ဝှက်သော​အတွေးအခေါ်များ​သည် ပေါ်လွင်​လာ​သဖြင့် သူတို့​သည် ဝပ်တွားခယ​ကာ “ဘုရားသခင်​သည် သင်တို့​နှင့်အတူ အမှန်တကယ်​ရှိတော်မူ၏” ဟု ကြွေးကြော်​လျက် ဘုရားသခင်​ကို ကိုးကွယ်ကြ​လိမ့်မည်။

၁ ကော 14:25 Referencias Cruzadas

ကမ္ဘာ​ဦး 44:14

ယုဒ​နှင့်​သူ​၏​ညီအစ်ကို​တို့​သည် ယောသပ်​၏​အိမ်​သို့​ပြန်ရောက်​သောအခါ ယောသပ်​သည် အိမ်​၌​ပင်​ရှိ​နေ​သေး​၍ သူ​တို့​သည် ယောသပ်​ရှေ့​၌ ညွတ်တွား​ပျပ်ဝပ်​ကြ​၏​။

ဆာ​လံ 72:11

ထိုမျှမက ဘုရင်​အပေါင်း​တို့​သည် သူ​၏​ရှေ့​၌​ပျပ်ဝပ်​ကြ​ပါစေသော​။ လူမျိုး​အပေါင်း​တို့​သည်​လည်း သူ့​ကို​အစေခံ​ကြ​ပါစေသော​။

ဟေ​ရှာ​ယ 45:14

ထာဝရဘုရား​က “​အီဂျစ်​ပြည်​၏ စည်းစိမ်ဥစ္စာ​၊ အီသီယိုးပီးယား​ပြည်သား​နှင့် အရပ်​မြင့်​သော​သေဘ​အမျိုးသား​တို့​၏ ကုန်ပစ္စည်း​တို့​သည် သင့်​ထံသို့​ရောက်​၍ သင်​ပိုင်ဆိုင်​ရ​လိမ့်မည်​။ သူ​တို့​သည် သင့်​နောက်သို့​လိုက်​ကြ​လိမ့်မည်​။ သံခြေချင်း​ဖြင့်​သွားလာ​ရ​၍ သင့်​ရှေ့​၌ ပျပ်ဝပ်​ကြ​လိမ့်မည်​။ ‘​အကယ်စင်စစ် သင်​နှင့်အတူ ဘုရားသခင်​ရှိ​တော်မူ​၏​။ ထို​ဘုရား​မှတစ်ပါး အခြား​ဘုရား​မ​ရှိ​’​ဟူ၍ သင့်​ကို​လျှောက်ထား​ကြ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 60:14

သင့်​ကို​နှိပ်စက်​ခဲ့​သော​သူ​၏​သား​တို့​သည် သင့်​ထံသို့​လာ​၍ ဦးညွှတ်​ကြ​လိမ့်မည်​။ သင့်​ကို​မထီလေးစား​ပြု​သော​သူ​အပေါင်း​တို့​သည် သင်​၏​ခြေရင်း​၌​ပျပ်ဝပ်​ကြ​လိမ့်မည်​။ သူ​တို့​သည် သင့်​ကို​ထာဝရဘုရား​၏​မြို့​၊ အစ္စရေး​လူမျိုး​တို့​၏​သန့်ရှင်း​သော​အရှင်​၏​ဇိအုန်​မြို့​ဟု ခေါ်ဝေါ်​ကြ​လိမ့်မည်​။

ဒံ​ယေ​လ 2:47

ထို့ပြင် ရှင်ဘုရင်​က ဒံယေလ​အား “​စင်စစ် သင်​၏​ဘုရားသခင်​သည် ဘုရား​တကာ​တို့​၏​ဘုရား​၊ ဘုရင်​တကာ​တို့​၏​အရှင်သခင်​၊ နက်နဲသောအရာ​ကို ဖွင့်ပြ​နိုင်​သော​အရှင် ဖြစ်​တော်မူ​၏​။ ထို့ကြောင့် သင်​သည်​လည်း ဤ​နက်နဲသောအရာ​ကို ဖွင့်ပြ​နိုင်​ခြင်း ဖြစ်​၏​”​ဟု မိန့်ဆို​၏​။

ဇာ​ခ​ရိ 8:23

ကောင်းကင်​ဗိုလ်ခြေ​အရှင်​ထာဝရဘုရား​က “ထို​ကာလ​၌ ဘာသာစကား​အမျိုးမျိုး​ပြောဆို​သော​လူမျိုးခြား​ဆယ်​ဦး​သည် ဂျူး​လူမျိုး​တစ်​ဦး​၏​အဝတ်စွန်း​ကို​ဖမ်းဆွဲ​လျက် ‘သင်​တို့​နှင့်အတူ ဘုရားသခင်​ရှိ​သည်​ဟု ကြားသိ​ရ​သောကြောင့် ငါ​တို့​လည်း သင်​တို့​နှင့်အတူ​လိုက်​မည်’​ဟူ၍ ဆို​ကြ​လိမ့်မည်”​ဟု မိန့်​တော်မူ​၏​။

လုကာ 17:16

ကိုယ်တော်​၏​ခြေ​တော်​ရင်း​၌​ပျပ်ဝပ်​၍ ကိုယ်တော်​ကို​ကျေးဇူးတင်​၏။ ထို​သူ​သည် ရှမာရိ​နယ်သား​ဖြစ်​၏။

လုကာ 5:8

ရှိမုန်​ပေတရု​သည် ထို​အခြင်းအရာ​ကို​မြင်​လျှင် ယေရှု​၏​ခြေ​တော်​ရင်း​၌ ပျပ်ဝပ်​လျက် “သခင်၊ အကျွန်ုပ်​သည် အပြစ်​များ​သော​သူ​ဖြစ်၍ အကျွန်ုပ်​ထံမှ ကြွသွား​တော်မူ​ပါ”​ဟု လျှောက်​လေ​၏။

လုကာ 8:28

သူ​သည် ယေရှု​ကို​မြင်​လျှင် အော်ဟစ်​လျက် ရှေ့​တော်​၌​ပျပ်ဝပ်​ကာ “အမြင့်ဆုံး​သော​ဘုရားသခင်​၏​သား​တော်​ယေရှု၊ ကိုယ်တော်​နှင့်​အကျွန်ုပ် မည်သို့​ဆိုင်​သနည်း။ အကျွန်ုပ်​ကို​မ​ညှဉ်းဆဲ​ပါ​ရန် ကိုယ်တော်​ကို အကျွန်ုပ်​တောင်းပန်​ပါ​၏”​ဟု ကျယ်လောင်​သော​အသံ​ဖြင့် လျှောက်ထား​လေ​၏။

ရှင်ယောဟန် 4:19

ထို​အမျိုးသမီး​က​လည်း “အရှင်၊ အရှင်​သည် ပရောဖက်​ဖြစ်​သည်​ကို ကျွန်မ​ရိပ်မိ​ပါ​၏။

တမန်တော်ဝတ္ထု 4:13

ထို​သူ​တို့​သည် ပေတရု​နှင့်​ယောဟန်​တို့​၏​ရဲရင့်​ခြင်း​ကို​မြင်​၍ သူ​တို့​နှစ်​ဦး​သည် ပညာ​မ​တတ်​သော သာမန်​လူ​များ​ဖြစ်​ကြောင်း​သတိထား​မိ​သဖြင့် အံ့သြ​ကြ​လေ​၏။ သူ​တို့​နှစ်​ဦး​သည် ယေရှု​နှင့်အတူ​ရှိ​ခဲ့​ကြ​ကြောင်း​ကို​လည်း မှတ်မိ​ကြ​၏။

တ​ရား​ဟော 9:18

ထာဝရဘုရား​အမျက်ထွက်​စေရန် မျက်မှောက်​တော်​၌ မကောင်းမှု​ကို​ပြု​ခြင်း​ဖြင့် သင်​တို့​ကျူးလွန်​သည့်​အပြစ်​ရှိသမျှ​တို့​ကြောင့် ငါ​သည် အစာ​မ​စား​၊ ရေ​လည်း​မ​သောက်​ဘဲ ယခင်​ကဲ့သို့ အရက်​လေးဆယ်​ပတ်လုံး ထာဝရဘုရား​ရှေ့မှောက်​၌​ပျပ်ဝပ်​လျက်​နေ​၏​။

ဗျာ​ဒိတ် 19:4

သက်ကြီးဝါကြီး​နှစ်ဆယ့်​လေး​ပါး​နှင့် သတ္တဝါ​လေး​ပါး​တို့​သည်​လည်း ပျပ်ဝပ်​လျက် ပလ္လင်​ပေါ်တွင်​ထိုင်​တော်မူ​သော​ဘုရားသခင်​ကို​ရှိခိုး​ကာ “အာမင်။ ဟာလေလုယာ”​ဟု ဆို​ကြ​၏။

ဗျာ​ဒိတ် 5:8

ထိုသို့ စာလိပ်​ကို​ယူ​လိုက်​သောအခါ သတ္တဝါ​လေး​ပါး​တို့​နှင့် သက်ကြီးဝါကြီး​နှစ်ဆယ့်​လေး​ပါး​တို့​သည် စောင်း​များ​ကို​လည်းကောင်း၊ သန့်ရှင်း​သူ​တို့​၏​ဆုတောင်း​ချက်​များ​ဖြစ်​ကြ​သော နံ့သာပေါင်း​နှင့်​ပြည့်​နေ​သည့် ရွှေ​ဖလား​များ​ကို​လည်းကောင်း အသီးသီး​ကိုင်ဆောင်​လျက် သိုးသငယ်​တော်​ရှေ့​၌ ပျပ်ဝပ်​ကြ​၏။

၁ ရာ 9:19

ရှမွေလ​က​လည်း ရှောလု​အား “​စိတ်အာရုံရသူ​မှာ ငါ​ပင်​ဖြစ်​၏​။ အထွတ်အမြတ်​ထား​ရာ​ကုန်းမြင့်​သို့ ငါ့​ရှေ့​မှ​တက်သွား​လော့​။ ယနေ့​တွင် သင်​တို့​သည် ငါ​နှင့်အတူ စားသောက်​ရ​မည်​။ မနက်ဖြန်​မှ ပြန်​ကြ​ပါ​။ သင့်​စိတ်​ထဲ၌ သိလို​သော​အရာ​အားလုံး​ကို​လည်း ငါ​ပြောပြ​မည်​။