၁ ကော 11:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ အမှန်စင်စစ် သင်​တို့​ထဲ၌ ယုံကြည်​စိတ်ချ​ရ​သူ​များ သိသာ​ထင်ရှား​လာ​မည့်​အကြောင်း သင်​တို့​တွင် ဂိုဏ်းကွဲ​ခြင်း​ရှိ​ရန်​လိုအပ်​ပေ​၏။

Common Language Bible

¹⁹ (သင်​တို့​တွင်​စိတ်​ဝမ်း​ကွဲ​ပြား​မှု​ကား​ရှိ​ရ သည်​မှန်​၏။ သို့​ရှိ​မှ​သာ​လျှင်​အ​မှန်​ဘက်​တွင် ရှိ​သော​သူ​များ​ကို​ပေါ်​လွင်​ထင်​ရှား​စေ​မည်။-)

Garrad Bible

¹⁹ စံ မှီ သူ တို့ ထင် ရှား စေ ရန် သင် တို့ အ နက် အ ယူ ကွဲ ပြား ခြင်း ရှိ ရ သည် မှန်၏။

Judson Bible

¹⁹ ကြား​ရ​သည်​အ​တိုင်း မှန်​ကောင်း​မှန်​လိမ့်​မည်။ အ​ကြောင်း​မူ​ကား၊ သင်​တို့​တွင် ကောင်း​မွန်​သော သူ​တို့​ကို ထင်​ရှား​စိမ့်​သော​ငှာ သင်း​ခွဲ​ခြင်း​ရှိ​ရ​မည်။-

ခေတ်သစ်​မြန်မာ သမ္မာကျမ်း

¹⁹ သင်တို့​ထဲ၌ ဂိုဏ်းကွဲမှုမျိုး ရှိရသည်​မှာ ကျိုးကြောင်း​ဆီလျော်၏။ သို့မှသာလျှင် စစ်မှန်သောသူများ​သည် ပေါ်လွင်​ထင်ရှားမည်​ဖြစ်၏။

၁ ကော 11:19 Referencias Cruzadas

မဿဲ 18:7

ဤ​လောက​သည် မှားယွင်း​စေ​သော​အရာ​များ​ကြောင့် အမင်္ဂလာရှိ​၏။ မှားယွင်း​စေ​သော​အရာ​များ​သက်ရောက်​မည်ကို လွှဲရှောင်​၍​မ​ရ​နိုင်။ သို့သော် မှားယွင်း​စေ​သော​အရာ​ကို သက်ရောက်​စေ​သော​သူ​သည် အမင်္ဂလာရှိ​၏။

လုကာ 17:1

ထို့နောက် ကိုယ်တော်​သည် တပည့်​တော်​တို့​အား“မှားယွင်း​စေ​သော​အရာ​များ​သည် ဧကန်မုချ​သက်ရောက်​မည်​ဖြစ်​၏။ သို့သော် ထို​အရာ​များ​ကို သက်ရောက်​စေ​သော​သူ​သည် အမင်္ဂလာရှိ​၏။

လုကာ 2:35

ဤသည်ကား များစွာ​သော​သူ​တို့​၏​စိတ်နှလုံး​တွေးတော​ကြံစည်​မှု​များ​သည် ထင်ရှား​လာ​မည့်​အကြောင်း​တည်း။ သင်​၏​နှလုံး​ကို​လည်း သန်လျက်​သည်​ထိုးဖောက်​လိမ့်မည်”​ဟု ဆို​လေ​၏။

တမန်တော်ဝတ္ထု 15:5

သို့သော် ဖာရိရှဲ​ဂိုဏ်း​ထဲမှ ယုံကြည်​သူ​အချို့​တို့​သည်​ထ​၍ “လူမျိုးခြား​တို့​ကို အရေဖျား​လှီး​ခြင်း​ပေး​ကြ​ရန်​နှင့် မောရှေ​၏​ပညတ်​တရား​ကို စောင့်ထိန်း​ကြ​ရန် ညွှန်ကြား​ရ​မည်”​ဟု ဆို​ကြ​၏။

တမန်တော်ဝတ္ထု 20:30

သင်​တို့​အထဲမှ​လည်း တပည့်​တော်​များ​ကို မိမိ​တို့​ဘက်​သို့​ဆွယ်​ရန် ဖောက်ပြန်​လမ်းလွဲ​သော​အရာ​များ​ကို ပြောဆို​သော​သူ​အချို့​တို့ ပေါ်လာ​ကြ​လိမ့်မည်။

တမန်တော်ဝတ္ထု 24:14

သို့သော် အကျွန်ုပ်​သည် ဂိုဏ်းကွဲ​ဟု သူ​တို့​ခေါ်ဝေါ်​သော တရား​လမ်း​အတိုင်း ဘိုးဘေး​တို့​၏​ဘုရားသခင်​ကို ဝတ်ပြု​နေ​ကြောင်း အရှင့်​ရှေ့၌​ဝန်ခံ​ပါ​သည်။ အကျွန်ုပ်​သည် ပညတ်​တရား​နှင့်ညီသော​အရာ​များ​နှင့် ပရောဖက်​ကျမ်း​များ​တွင် ရေး​ထား​သော​အရာ​ရှိသမျှ​တို့​ကို ယုံကြည်​လျက်

တမန်တော်ဝတ္ထု 24:5

ပြဿနာ​ကို​သာ​ဖန်တီး​လေ့​ရှိ​သော​ဤ​သူ​သည် ကမ္ဘာ​အရပ်ရပ်​ရှိ ဂျူး​လူမျိုး​အပေါင်း​တို့​၌ ဆူပူ​အုံကြွ​မှု​များ​ဖြစ်ပေါ်​အောင် လှုံ့ဆော်​နေ​သူ​ဖြစ်​ပြီး နာဇရက်​ဂိုဏ်းကွဲ​၏​ခေါင်းဆောင်​တစ်​ဦး​လည်း​ဖြစ်ကြောင်း တွေ့ရှိ​ရ​ပါ​သည်။

တမန်တော်ဝတ္ထု 26:5

သူ​တို့​သည် အကျွန်ုပ်​ကို ယခင်ကတည်းက သိ​ထား​ကြ​သည်​ဖြစ်၍ အကျွန်ုပ်​သည် အကျွန်ုပ်​တို့​ဘာသာ​တွင် စည်းမျဉ်း​အတင်းကျပ်​ဆုံး​သော​ဂိုဏ်း​ဖြစ်​သည့် ဖာရိရှဲ​ဂိုဏ်း​ဝင်​တစ်​ဦး​အဖြစ် အသက်ရှင်​ခဲ့​ကြောင်း သူ​တို့​သက်သေခံ​လို​လျှင် သက်သေခံ​နိုင်​ပါ​သည်။

တမန်တော်ဝတ္ထု 28:22

သို့သော် ဤ​ဂိုဏ်း​နှင့်​ပတ်သက်၍ အရပ်ရပ်​တို့​၌ ဆန့်ကျင်​ပြောဆို​နေ​ကြောင်း ငါ​တို့​သိ​ထား​သည်​ဖြစ်၍ သင်​မည်သို့​စိတ်သဘော​ရှိ​သည်​ကို သင့်​ထံမှ ငါ​တို့​ကြား​လို​သည်”​ဟု ဆို​ကြ​၏။

တမန်တော်ဝတ္ထု 5:17

ထိုအခါ ယဇ်ပုရောဟိတ်​မင်း​မှစ၍ သူ​၏​အပေါင်းအဖော်​များ​ဖြစ်​ကြ​သော ဇဒ္ဒုကဲ​ဂိုဏ်း​ဝင်​သူ​အားလုံး​တို့​သည် မနာလို​စိတ်​နှင့်​ပြည့်​ကြ​၍ ထ​လျက်

၁ ကော 11:20

သို့ဖြစ်၍ သင်​တို့​သည် အတူတကွ​စုဝေး​ကြ​သောအခါ သခင်​ဘုရား​၏​ပွဲတော်​ကို​စားသောက်​ရန် စုဝေး​ကြ​သည်​မ​ဟုတ်။

၂ ကော 12:20

ငါ​ရောက်လာ​သောအခါ အကြောင်း​တစ်စုံတစ်ခု​ကြောင့် သင်​တို့​ကို ငါ​တွေ့မြင်​လို​သည့်​အတိုင်း မ​တွေ့မြင်​ရ​သကဲ့သို့ ငါ့​ကို​လည်း သင်​တို့​တွေ့မြင်​လို​သည့်​အတိုင်း မ​တွေ့မြင်​ရ​မည်​ကို​လည်းကောင်း၊ ပဋိပက္ခ​ဖြစ်​ခြင်း၊ မနာလို​ခြင်း၊ ဒေါသ​ကြီး​ခြင်း၊ တစ်ကိုယ်ကောင်းဆန်​ခြင်း၊ ပုတ်ခတ်​ပြောဆို​ခြင်း၊ အတင်းအဖျင်း​ပြောဆို​ခြင်း၊ မာန​ထောင်လွှား​ခြင်း​နှင့် ရုန်းရင်းဆန်ခတ်​ဖြစ်​ခြင်း​များ ရှိ​မည်​ကို​လည်းကောင်း ငါ​စိုးရိမ်​၏။

ဂ​လာ​တိ 5:20

ရုပ်တု​ကိုးကွယ်​ခြင်း၊ ပြုစား​ခြင်း၊ ရန်ငြိုး​ဖွဲ့​ခြင်း၊ ပဋိပက္ခ​ဖြစ်​ခြင်း၊ မနာလို​ခြင်း၊ ဒေါသ​ကြီး​ခြင်း၊ တစ်ကိုယ်ကောင်းဆန်​ခြင်း၊ စိတ်ဝမ်းကွဲ​ခြင်း၊ ဂိုဏ်းကွဲ​ခြင်း၊

တ​ရား​ဟော 13:3

ထို​ပရောဖက်​ဖြစ်စေ​၊ အိပ်မက်အနက်​ဖတ်​တတ်​သူ​ဖြစ်စေ သူ​၏​စကား​တို့​ကို နား​မ​ထောင်​နှင့်​။ အကြောင်းမှာ သင်​တို့​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ ချစ်​သည်​၊ မ​ချစ်​သည်​ကို​သိရှိ​တော်မူ​ရန် သင်​တို့​၏​ဘုရားသခင်​ထာဝရဘုရား​သည် သင်​တို့​ကို စမ်းသပ်​တော်မူ​၏​။

တိ​တု 3:10

ကွဲပြား​မှု​ကို​ဖြစ်​စေ​သော​သူ​အား တစ်​ကြိမ်၊ နှစ်​ကြိမ် သတိပေး​ပြီးလျှင် ပယ်ရှား​လော့။

၁ ယော 2:19

ထို​သူ​တို့​သည် ငါ​တို့​ထံမှ ထွက်သွား​ကြ​၏။ သို့သော် သူ​တို့​သည် ငါ​တို့​နှင့်​စပ်ဆိုင်​သူ​မ​ဟုတ်။ ငါ​တို့​နှင့်​စပ်ဆိုင်​သူ​မှန်လျှင် ငါ​တို့​နှင့်အတူ​နေ​ခဲ့​ကြ​ပေ​လိမ့်မည်။ သို့ရာတွင် သူ​တို့​ထွက်သွား​ကြ​သည်မှာ သူ​တို့​အားလုံး ငါ​တို့​နှင့်​စပ်ဆိုင်​သူ​မ​ဟုတ်​ကြောင်း ပေါ်လွင်​ထင်ရှား​စေရန်​ဖြစ်​၏။