၁ ကော 1:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အကြောင်းမူကား ဗတ္တိဇံ​ပေး​စေရန် ခရစ်တော်​သည် ငါ့​ကို​စေလွှတ်​တော်မူ​သည်​မ​ဟုတ်။ ကောင်းမြတ်​သော​သတင်း​ကို​ဟောပြော​စေရန် စေလွှတ်​တော်မူ​၏။ ထိုသို့​ဟောပြော​ရာ​၌​လည်း ခရစ်တော်​၏​လက်ဝါးကပ်တိုင်​တော်​ကို အချည်းနှီး​မ​ဖြစ်​စေရန် နှုတ်​အတတ်​အားဖြင့်​ဟောပြော​ရန်​မ​ဟုတ်။

Common Language Bible

¹⁷ ခ​ရစ်​တော်​ငါ့​ကို​စေ​လွှတ်​တော်​မူ​သည်​မှာ ဗတ္တိ​ဇံ​ပေး​ရန်​မ​ဟုတ်။ ခ​ရစ်​တော်​လက်​ဝါး​ကပ် တိုင်​တွင်​အ​သေ​ခံ​ခြင်း​တန်​ခိုး​မ​ပျက်​မ​ပြယ် စေ​ရန် လူ​တို့​၏​ဉာဏ်​ပ​ညာ​နှင့်​ယှဉ်​သော​စ​ကား များ​ကို​အ​သုံး​မ​ပြု​ဘဲ​သ​တင်း​ကောင်း​ကို ကြေ​ညာ​ရန်​ဖြစ်​သည်။

Garrad Bible

¹⁷ ခ ရစ် တော် သည် ဗ တ္တိ ဇံ မင်္ဂ လာ ပေး စေ အံ့ သော ငှာ မ ဟုတ်။ ကား တိုင် တော် အ ကျိုး မဲ့ မ ဖြစ် စေ ရန် ဉာဏ် ပ ညာ ယှဉ် သော စ ကား မ သုံး ဘဲ သ တင်း တော် မြတ် ကို ကြား ပြော စေ အံ့ သော ငှာ ငါ့ ကို စေ လွှတ် တော် မူ၏။

Judson Bible

¹⁷ ဗ​တ္တိ​ဇံ​ကို​ပေး​စေ​ခြင်း​ငှာ ခ​ရစ်​တော်​သည် ငါ့​ကို စေ​လွှတ်​တော်​မူ​သည်​မ​ဟုတ်။ ဧ​ဝံ​ဂေ​လိ​တ​ရား​ကို ဟော​စေ​ခြင်း​ငှာ စေ​လွှတ်​တော်​မူ၏။ သို့​သော်​လည်း၊ ခ​ရစ်​တော်၏​လက်​ဝါး​ကပ်​တိုင်​ကို အ​ချည်း​နှီး​မ​ဖြစ်​စေ​ခြင်း​ငှာ၊ နှုတ်​ပ​ညာ​ကို အ​ခွင့်​မ​ပေး​ဘဲ နေ​တော်​မူ၏။

ခေတ်သစ်​မြန်မာ သမ္မာကျမ်း

¹⁷ ခရစ်တော်​သည် ကျွန်ုပ်​ကို စေလွှတ်တော်မူသည်​မှာ နှစ်ခြင်းမင်္ဂလာပေး​ရန်အတွက် မဟုတ်ပါ။ သတင်းကောင်း​ကို ဟောပြော​ရန်အတွက်​ဖြစ်၏။ ဟောပြောရာ​တွင်လည်း နှုတ်အတတ်​ပညာ​ဖြင့် ဟောပြော​ရန်​မဟုတ်ပါ။ ဤ​သည်​မှာ ခရစ်တော်​၏ လက်ဝါးကပ်တိုင်​တန်ခိုး​ကို အချည်းနှီး​မဖြစ်​စေရန်​ဖြစ်၏။

၁ ကော 1:17 Referencias Cruzadas

ရှင်ယောဟန် 4:1

ယေရှု​သည် ယောဟန်​ထက် ပို၍​များ​သော​သူ​တို့​ကို​တပည့်​တော်​ဖြစ်​စေ​၍ ဗတ္တိဇံ​ပေး​နေ​သည်​ဟု ဖာရိရှဲ​တို့​ကြားသိ​ကြောင်း ယေရှု​သိ​တော်မူ​သောအခါ

ရှင်ယောဟန် 4:2

(အမှန်အားဖြင့် ယေရှု​ကိုယ်တိုင်​ဗတ္တိဇံ​ပေး​တော်မူ​သည်​မ​ဟုတ်​ဘဲ တပည့်​တော်​တို့​က​သာ​ပေး​ခြင်း​ဖြစ်​၏။)

တမန်တော်ဝတ္ထု 10:48

ယေရှု​ခရစ်တော်​၏​နာမ​တော်​၌ ဗတ္တိဇံ​ခံ​ကြ​ရန် သူ​တို့​အား ညွှန်ကြား​လေ​၏။ ထို့နောက် သူ​တို့​သည် ပေတရု​အား ရက်​အနည်းငယ်​မျှ ဆက်၍​နေ​ရန် တောင်းပန်​ကြ​၏။

၁ ကော 2:1

ညီအစ်ကို​တို့၊ ငါ​သည် သင်​တို့​ထံသို့​ရောက်လာ​စဉ်​က ထူးမြတ်​သော​စကား​နှင့် ဉာဏ်ပညာ​တို့​အားဖြင့် ဘုရားသခင်​၏​လျှို့ဝှက်​နက်နဲ​သော​အရာ​ကို သင်​တို့​အား ဟောပြော​သည်​မ​ဟုတ်။

၁ ကော 2:13

ဘုရားသခင်​ပေးသနား​တော်မူ​သော​အရာ​တို့​ကို ငါ​တို့​ဟောပြော​သောအခါ လူ့​ဉာဏ်ပညာ​က သင်ကြား​ပေး​သော​စကား​အားဖြင့်​မ​ဟုတ်​ဘဲ ဝိညာဉ်​တော်​က သင်ကြား​ပေး​သော​စကား​အားဖြင့် ဟောပြော​၍ ဝိညာဉ်ရေး​နှင့်ဆိုင်သော​အရာ​တို့​ကို ဝိညာဉ်​သဘော​အားဖြင့် နှိုင်းယှဉ်​သုံးသပ်​ကြ​၏။

၂ ကော 1:12

ငါ​တို့​၏​ဝါကြွား​စရာ​အကြောင်းမှာ ဤသို့​ဖြစ်​၏။ ငါ​တို့​သည် လောက​၌၊ အထူးသဖြင့် သင်​တို့​ရှေ့မှောက်​၌ လောကီ​ဉာဏ်ပညာ​ကို​အမှီ​မ​ပြု​ဘဲ ဘုရားသခင်​၏​ကျေးဇူး​တော်​ကို​သာ အမှီပြု​လျက် ဘုရားသခင်​ထံမှ​လာ​သော ရိုးသား​ဖြူစင်​ခြင်း​တို့​ဖြင့် အသက်ရှင်​နေထိုင်​ခဲ့​ကြောင်း ငါ​တို့​၏​အသိစိတ်​သည် သက်သေခံ​၏။

၂ ကော 10:10

အကြောင်းမူကား “ပေါလု​၏​စာ​များ​သည် လေးနက်​၍ ဩဇာ​ပါ​သော်လည်း လူ​ကိုယ်တိုင်​တွေ့ရ​သောအခါ သူ​သည် အားနည်း​၍ သူ​၏​အဟောအပြော​သည်​လည်း အထင်ကြီး​ဖွယ်​မ​ရှိ”​ဟု ဆို​သော​သူ​ရှိ​၏။

၂ ကော 11:6

ငါ​သည် အဟောအပြော​ပိုင်း​၌ ကျွမ်းကျင်​မှု​မ​ရှိ​လျှင်​ပင် အသိပညာ​ပိုင်း​၌​မူကား ထိုသို့​မ​ဟုတ်​ပေ။ ငါ​တို့​သည် ဤ​အချက်​ကို အရာရာ​၌ နည်း​အမျိုးမျိုး​ဖြင့် သင်​တို့​ထံ ထင်ရှား​စေ​ခဲ့​ပြီ။

၂ ကော 4:2

ငါ​တို့​သည် ကွယ်ဝှက်​ထား​သည့် ရှက်ဖွယ်ရာ​များ​ကို​စွန့်ပယ်​၍ ပရိယာယ်​၌​ကျင်လည်​ခြင်း၊ ဘုရားသခင်​၏​နှုတ်ကပတ်တော်​ကို မလိမ့်တပတ်​လုပ်​ခြင်း​တို့​မ​ရှိ​ဘဲ သမ္မာတရား​ကို အတိအလင်း​ဖော်ပြ​ခြင်း​အားဖြင့် ဘုရားသခင်​၏​ရှေ့​တော်​၌ လူ​အပေါင်း​တို့​၏​အသိစိတ်​တွင် မိမိတို့ကိုယ်ကို​ထင်ရှား​စေ​ကြ​၏။

၂ ပေ 1:16

အကြောင်းမူကား ငါ​တို့​သည် ငါ​တို့​သခင်​ယေရှု​ခရစ်တော်​၏​တန်ခိုး​တော်​နှင့် ကြွလာ​တော်မူ​ခြင်း​တို့​ကို သင်​တို့​အား​ပြောပြ​သောအခါ ပါးနပ်​စွာ​ဖန်တီး​ထား​သော​ဒဏ္ဍာရီ​များ​ကို အသုံးပြု​သည်​မ​ဟုတ်။ ငါ​တို့​သည် ထို​အရှင်​၏​ကြီးမြတ်​သော​တန်ခိုး​တော်​ကို ကိုယ်တိုင်​မြင်တွေ့​ရ​သူ​များ​ဖြစ်​ကြ​၏။